يوميات صيدلي s2

اڷسڷام عڷيڪم ۈرحمـۃ اڷڷـہ ٺعاڷى ۈبرڪاٺہ

أسعد اڷڷـہ صباحڪم ۈمساڪم بأڷف خير إن شـاء اڷڷـہ.. !!

ۈ اهلا

بجميع اعضاء منتدي العاشق وخاصۃ رواد القسم الادبي


اتمني تڪۈنۈا بأتم اڷصحة ۈاڷعافيۃ إن شاء

اليوم اقدم لكم ان شاء اڷڷـہ ثاني مواضيعي بالقسم الادبي ان شاء الله يعجيكم

وهو عبارة عن قصص ساخره مكونه من عشرة اجزاء بعنوان يوميات صيدلي

وقد قدمت لكم من اسبوع مضي الجزء الاول من هذه السلسه

ولكن البعض منكم طلب مني بعض التوضيح وسؤلوني ما هو هدف القصه

اخبرهم بأن القصهة ليس لهاهدف محدد سوي التخفيف عن كل شخص واضحاكه

فهي قصه ساخرة هدفها الاول اضحاك الناس والتخفيف عن همومهم

ان شاء الله تعجبكم

اقدم لكم اليوم الجزء الثاني

لكن ارجوا ان ينال اعجابكم

لتحميل ملف الword الخاص بالجزء الثاني

l mediafire l gulfupl

تنبية .القصه خياليه ولا تمت للواقع بصله والشخصيات الموجودة بها من واقع الخيال
واي تشابه بينها وبين الواقع فهو اغرب من الخيال
اه نسيت اقولكم هذه القصه لجميع الاعمار
( المصريين فقط يعرفون هذه مقدمه اي )

العاملون علي الموضوع

مؤلف القصه : dr.mahmoud elmakawy صديقي العزيز
فكرة وتنسيق وكتابه الموضوع : lelouch lamperouge
تصميم : Assa550ssino المبدع دائما
تدقيق ومراجعه : khaled2103
البنر

(يوميات صيدلى) .... الحلقه الثانيه

حاله من الملل مسيطره عليا اليومين دول مش عارف ليه ؟! .. هل من قله عدد الزباين اللى

بيخشولى الصيدليه دى ولا عشان قاعد لواحدى بالتمن ساعات خلقتى ف خلقه الدوا لحد ماسلم

الصيدليه للدوك .. دا ايه الفقر اللى انا فيه دا يا ربى ..

انا شايف ان الشغلانه دى ف حد ذاتها ممتعه انك تقف وتعامل مع كل طوائف المجتمع من الصغير

للكبير .. بس فى الصيدليه اللى انا واقف فيها دى مفيش لا صغير ولا كبير بيخشلى :


اما اقوم اعملى فنجان قهوه كده يعدل دماغى على اما زبون يحن عليا بروشته ولا حاجه ..

قمت حطيت القهوه ف الكنكه المعفنه اللى ف الاوضه القذره اللى الدكتور مساميها معمل .. قال

معمل قال .. هو عشان بيعبى فيها الكحول ف ازايز الدوا الفاضيه يبقى اسمه معمل !! ..

ريحت كده (على اما القهوه تغلى) استرجع زكريات زمان .. مش زمان اوى يعنى ..ايام الكليه....

يااااااه .. والله كانت احلى ايام .. وخصوصا اول يوم ادخل فيه الكليه .. فاكره كأنه امبارح ..

فاكر لما الدكتور محمد النجاربتاع الحيوان دخلنا اول محاضره وكان بيخلينا نرسم وراه الفاشيولا..

وكانت الدفعه كلها فى المدرج ومكنش فيه مكان لخرم ابره .. على عكس المحاضرات ف رابعه ..

ف البابلك كان الدكتور رمضان بيكلم نفسه ف المحاضره ..


وفاكر لما كنا بنطخ المشوار من صيدله لعلوم ومن علوم لصيدله عشان خاطر سكاشن الفيزيا اللى

بعتبرها من اهم المواد اللى درستها فى الكليه واكتر ماده فادتنى الصراحه فحياتى المهنيه دلوقتى ..

فارما ايه وكلام فاضى ايه ..

وقعدت افتكرفى زكريات الماضى الجميل لحد ما شميت ريحة القهوه اللى فارت جنبى وانا واقف

مسطول .. يالله بلاها قهوه هو يوم فقرى اصلا من اوله ..

لأ انا لازم اشوف حل للملل اللى انا فيه ده .. انا اقوم الف عالنواقص شويه.... نواقص ايه ؟؟ هو

فيه شغل اصلا لما هيبقى فيه نواقص !!؟ ..

ياااارب زبون واحد بس حتى يعمل حس للصيدليه ولدرج الفلوس اللى ناشف من صباحية ربنا ..

وفجأه ..

حته لانسر سماوى راحت مفرمله قدام الصيدليه .. ونازل منها واد برنس كده بالنضاره الشمس

وماسك ف ايده المفاتيح وعلبة السجاير والموبايل مع بعض..

يااااااه .. بأذن الله هاتفرج .. ان شاء الله هيطلب علبة اوجمنتين واحد جرام .. وهاتزهزه معاك يابو مجدى النهارده ..

- سلامو عليكو ..
-وعليكم السلام ..
- لو سمحت انا بسأل على فيلا(العراقى)
- عراقى ؟؟؟ .. ارحمنى ياااارب
- فيه حاجه ولا ايه يا فندم ؟
- لا مفيش يا باشا (وانا هاموت من الغيظ) .. هو قالك فين ؟؟
- قالى ف شارع البسطويسى اللى فيه صيدليه (الدلوعه)
- اقولك الفيلا فين وتشترى علبة اوجمنتين ؟؟

- بتقول ايه حضرتك ؟؟
- مفيش يا عم .. بعد تانى بيت عاليمين .. وحسبى الله ونعم الوكيل
....

هو اسم الصيدليه ده اللى فاقرها .. وقال ايه مسميهالى صيدلية (الدلوعه) .. دا منظر اسم دا ؟! ..

ناقص يكتبلى تحتها .. يا صباح الدلع .. والله لو كان سماها صيدليه(البغل) كان هايكسب اكتر

^^

واحده تانيه داخلالى تقولى والنبى يابنى عايزه ابدل البامبرزايه ( المفروض انها مفرد البمبرز )

دى بالمقاس الاكبر عشان طلعت ضيقه

على الواد فتحى .. ^^

طب اقولها ايه دى طيب ؟ .. خمس سنين مرمطه فى الكليه عشان خاطر البامبرز طلع ضيق على

فتحى ؟؟!! :S


لنا الله يا صيادله

العصر هيدن يا جدعان والدرج مافيهوش الا 15 جنيه .. والله لو الحكايه كده كل يوم اقول للدكتور

يجيب ضلفها ونفتح مكانهاعصاره احسن عشان انا جبت اخرى خلااااص ..

قعدت احل السدوكو بتاع جرنال الاهرام بتاع الاسبوع اللى فات ..

لقيت واد صغير داخلى ملامحه الخارجيه توحى بأنه متسول وعايز حسنه ..

-يحنن يا حبيبى .. ياله روح العب بعيد يا بابا

ببص ف ايده لقيت اشلاء روشته وبيقولى :

- عمو عمو .. ماما بتقولك هات البورشام اللى مكتوب تحت

على اما عرفت ابص فى الروشته وافك رموز البورشام ده لحد ماعرفت اقراه

- انت يابنى ,البورشام ده ب 45 جنيه معاك فلوس ؟؟

- ايوا معايا اهوت ..

لقيت ف ايده 50جنيه .. حلو اوى كده

دا الواد شكله عايز الدوا بجد بقه .. المهم خد العلاج ومشى وانا بقه مين قدى النهارده .. د انا بعت

ب 45 جنيه لوكشه واحده .. دا الدوك المفروض يدينى مكافئه عالانجاز التاريخى ده ..
^^
حطيت الفلوس ف الدرج وكل شويه افتح الدرج واعدهم واقفله تانى ...

ومفيش خمس دقايق ولقيت الواد راجعلى تانى وبيقولى :

-عمو عمو .. ماما بتقولك لقينا زيه ف البيت وهات الفلوس تانى........

(سكته قلبيه وباركنسونزم مع تتنيحه لمده 5 ثوانى) ..

هى بايظه بايظه من اولها .. انا هاقفل وامشى وخلاص واللى يحصل يحصل ..

وف عز الألم و الحسره اللى انا فيها .. واد صغير تانى جايلى جرى وبيقولى :

- عمو عمو .. عندك فكة متين ( 200 جنيه ) ؟؟

-بره يالااااااااااااااا

^_^

To be continuee .....

الاجزاء السابقة

يوميات صيدلي s1

ها وقد وصلنا الي نهاية الجزء الاول من السلسله

ارجو ان تعجبكم


ملاحظات
شكرا للمبدع خالد


بعض المعانى الصعبة:
الدوك : الدكتور صاحب الصيدلية او اللي هيستلم الصيدليه بعدي
ريحت كده: استريحت على كرسى
بنطخ المشوار: بنروح المشوار
ناشف من صباحية ربنا: فاضى من صباحية ربنا
حته لانسر سماوى راحت مفرمله:ديه سيارة



ها وقد وصلنا الي نهاية الجزء الثاني من السلسله

ارجو ان تعجبكم اسستودعكم المولـى

---

التعديل الأخير تم بواسطة ℓєℓσυcн ; 02-01-2013 الساعة 04:12 PM