مدونة دون (ضحك حتى الثماله)

آإإآإآإآإآإمممم ,,, سلام عليكم


تصدقون مرة ابي اتعرف على بنت بالسوق قلت سلام عليكم , العادة يقولون هاي ,, في مجال شي <<<< يا ساتر هذه اولها على كذا بنشات من مدير القسم هههههههههههه



الموووهييييييييم :- اخباركم طيبين حلوين بنحبكم <<< اخلص علينا


يقوم السيد القوي ( mr .doon) بفتح مدونته الخاصة للتحشيش والضحك حتى الثماله

ضحك - صرقعة - مغامرات - فله - pla pla pla pla pla


طبعا هذه مدونه بسيطه عني وعن حياتي وعن كل ما يحدث في حياتي

امممم سبب الاسم دون ,, طبعا كلمة دون هي من كلمات التعظيم وباللغه البرتغاليه وتعني امبراطور <<< خف علينا بس

قلت لكم بجيب العيد اليوم ماافيها كلام

المهم ياحلوين

من هذا المنطلق التحشيشي سوف احكي لكم وش يصير معاي كل يوم بيومه

ابلغ من العمر 22 سنه , وانا طالب في جامعة الملك سعود قسم الكيمياء

<<< كنت بتهور وانزل رقم جوالي بس تعوذت من الشيطاان


طبعا في شي اخير ,, مدري هل هو ممنوع او لا بس اذا ما كان ممنوع يشرفني انكم تتفاعلون معاي بالردود

احب السوالف واحب الفرفشه واحب الضحك صحييح احزن كثير واتألم كثير مثل اي انسان لكن ما يمنع ان يكون الحزن لحظه والضحك لحظات

طبعا ما ابي اقول لكم كل شي عني باول مشاركه <<<< موبي موبي والله لو تفحطون ههههههههههه

نخليها مع الايام وتعرف عني اكثر واكثر


3..2...1 .... GO

>>> رابط شريط احمر ومعاه مقص ومشغل مقطع ناس تصفق هههههههههههههههههههه


تحشيش نمبر ون


انووووووووووووووووو ,, ايييييييتو

عاد انا كالعاده جالس فوق هالنت طقطقه وانتقل من صفحة لصفحة <<< موسوس

ياخي تدرون وش المشكله اني انسان كسلان ,,, يعني بيني وبينكم زووول <<< حبايب قلبي اهل السوداان على راسي والله


اخاف يجيني احد يطقني ولا شي مشكله وربي


عاد اقول لكم سالفه بس خلني اروح اصلي واجيكم ^_^

برب يا قمرات

باكات يا باشواتا وباشيات


ايوة وين كنا .. السالفه


<<< يتربع


طبعا قبل السالفه خلني اقول لكم شي مسويه قبل كم يوم مرتبطه بهالسالفه

الي مسويه اني تعرفت لي على دكتور بأحد المقاهي المهم كنت اسولف معاه وضحك ووناسه

تبادلنا الايميلات والارقام والدكتور كان من الجنسيه المصريه لبى قلبه جدا محترم

بعدها بكم يوم تقابلت معاه بنفس الكوفي وكالعاده ناخذ اخبار بعض هالدكتور عمره قرابة 38 ان ماخاب الظن واعزب

المهم :- فتحنا موضوع تضليل السيارات ونشكي الحال لبعض وكذا فقال لي فكره جهنميه الصراحه

قال شووف , وش رايك اخترع لك مرض وتاخذ تقرير عليه , قلت له طيب عادي رجل المرور ما يقول شي
قال ياباشا دا الشبااب كدا الي عازو يضلل ياخد تقرير ومش حيؤفك حد سدئني
والله الفكره لعبت براسي يا شبااب هههههههههه
قلت من وين لي تقرير قال عندي بس تعال لي بكره بالمسشتفى على انك مريض
ومن حظي طلع هالمستشفى حكومي يعني ماافيه اكع فلوس بالعربي هههههههههههه
رحت له وضبط وضعي واخذت تقرير نصه ,, ينصح بعدم تعرض المريض للشمس اطلاقا
وانا اخذ التقرير من هنا واظلل السياره كلها من الجهه الثانيه
بس باقي فيني تخووف من الموضوع
المهم نجي لسالفتنا

صحيت اليوم الصباح افطرت وصليت كالعاده لكن قبل ما ارجع شقتي قلت خلني اجرب فعالية هالتقرير هههههه
والله ويجيك ابو حميد يفر التحليه بالرياض على هالصباح يدور عسكري عشان يتحرش فيه <<< فضاوه وتحشيش
واخذ التحليه مره مرتين وثلاث لين وقفني عسكري هههههههههههههه

كالعاده والاسئله معروفه ,, اثباتك ,, من وين ,, وين ساكن ,, وش عندك ,,, انا طبعا انتظره يقول ليش مظلل هههههه

وصل للسوال الجوهري الحين ,,, ليش مظلل ,,, قلت له عندي حاله مرضيه ,,, على طول قال عندك تقرير
وتجيني ابتساامه تشق خدي شق ,,, وحسيت نفسي اني شخصيه مهمه ,,,, قلت له اكيييييييييييييييييد

واعطيته التقرير ههههههههههه ,,, يناظر فيني العسكري يناظر بالتقرير , يناظر فيني ,,, يقول لي ياخي احسك خراط هههههههههههه ,,, قلت له كيف يعني ,,, يقول ياخي احس ماافيك شي بس خذيته كذا ,,,,, انا بصرااحه قمطت هههههههههههههههههههه ,,, قاعد اقول بنفسي وشلون اطلع نفسي من هالورطه ,,, قلت له شووف الختم عندك واسم المستشفى عليه وشلون يكون خراط يخوي ,,, ناظر فيه ناظر فيني ,,, قاعد يقوول هيييييييييييه طيب خلاص رووح ,,,, وعطاني اوراقي وانا شوي ابي اضحك ,,, اقول بنفسي ,, اخيرا لقد تغلبت على العسكري ههههههههههه


ومن بعد هالسالفه عرفت ان التقرير مفعوووله بطل , ,,, انصحكم فيه ياا شبااب ترااها فكره قوية

نداء الى الساده الكرام


باقي على مباراة السعودية والارجنتين 8 ايام ,,,

من الحين اقول لكم تراني باكستاني ,, فاااااااااااااااهمين ,,, ب ا ك س ت ا ن ي


السالفه فيها ميسي يبوووي هههههههههههههههههههههه

المحظوظون اثنان

من بر والديه قبل ان يفارقوه
ومن ارضى الله قبل ان يلاقيه

لا تشيل الهم والدنيا متاع ,,
ابتسم وعيش الليالي في سرور ,,
الظنون وان خابت اسباب الوداع ,,,
الحياه بكبرها سكة عبور ,,,,

^_^

في حبة الفراولة 200 حبه سوده وما زادتها الا لذه وجاذبيه
فخلي ركب بناتنا السوود تمنحنا الثقه والتألق


هذه لعيون البنات <<< عشان لاتقولون هذا ماش وما يستحي وكل شي عالبنات هههههههههههههههه

هاااااااااااااايو مساااائوووو اخباااركووو طيبووووو



احمممم احممممم


اول شي باركو لي وصلت 29 مدري 30 مشاركه

وليش اقول باركو لي ؟؟ ,,, عشان اقدر فتحت لي ميزة الصور اقدر انزل روابط وحركات وزي كذا


اخباركم اليوم وش مسوين ؟؟ كلووو تماام في السلييم ميه ميتين 3 ميه 4 ميه هيهيهيهي

<<< احس شي طااير 5 مليون بيصفق راسي مدري ليش

المهم يا حلوين


بما ان ميزة الصور فتحت راح انزل لي اول صورة بهالمكان .. ما عليك موب صورتي <<< تراني حلو على فكره

طيب قاابلني انت ويااه ههههههههههههههه



الصوره هذه راح تكون فيها شوية تعليقاات حلوة راح اخذها ونشووف المتوحشين وش علقووا علي

طبعا نشووف التعليقات , وتحفظا على النكاات مسحتها عشان لا تقولون هذا فضحنا يا معوود هذا مدري شنو

لا السريه عنوااننا ,, بس بلغت عليكم عند الشرطه ههههههههههههههههههه




المهم نمسك اول تعليق


الاول يقول لي دوم المرض ,,, بعدين يوم اعطيته نظره قال صحتك ,,, طلعت له ضحكه شيطاانيه هع هع هع

وانا اتمنى لك دوام الصحه ياا جميل ^_^



الثاني طبعا يقوول يبارك لي ببفتاح المدونه وكذا بصراحه انا خجلت ,,, اصلا تدري وانا اخوك كلمني راعي بوفيه قال بفتح مقصف عندك قلت له ,, اصبر افكر وارد لك خبر ههههههههههههههه ,, بس مااعليك اذا فتحت المقصف بكثر حمضيات لعيونك هههههههههههههههههههه


الثالث لبى قلبك ,,, بس حسيت انك رسمي مدري ليش يااخي ,, شووف ياا وحش ,, يقول لك المثل القديم ,, تنفس عشان تعيش <<<< حظي والمثل هههههههههههه الله يبارك بعمرك ويشرفني انك تتابعني وتضحك معااي < وش رايك بالنظره بس هههههههه




بالنسبه للرابع والله خفت من الرد يقول تم طردي وجهي راح مثل هالفيس ههههههههههه
بس ماا عليك راح اضحكك يعني اضحك يا وحش ههههههههههههههه



والاخير الله يسعد قلبه ,, يقول الواحد يعرف بنفسه وكذا ,,, شووف ياا قمر ,,, ياخي لو بسوي مثل كلامك قالوا بس خروف وماااع واحد يرسل لي رساله خااصه ماهو الخروف المفضل وكذا
لكن خل الدعوه تحشيش وضحك والمثل يقوول

صير محشش يحتار عدوك فيك ههههههههههههههههههههههههههههههه



هذه تعليقاات اليوم وتقيميات اليوم الي وصلتني حبيت اشاركم ايااها

ولنا رد ثاني بعد شوي

انتظروني ^_^

بصراحه ياا حلوين اول ماا دخلت المنتدى انقهرت شوي ,, ودي اصفق واحد بالمنتدى


تدرون مييييييييييييين

اقوولكم ولا ماا يحتاااج


طيب خلاص نقوول


صاحب الموقع >>>> مهايطي كبير هههههههههههههههههه


لا والله بس سبب القهر هو موجود بهالصوره

هذا صندووق الوارد حقي ,, كل شوي يقول نقل الموضوع اغلاق الموضوع ,, قفلنا موضوعك

اخاف بيوم من الايام يرسل لي رساله يقوول , يخووك تراك اتعبتنا هههههههههههههه



بس مدري ليش كل ما انزل موضوع يغلقوونه


ممكن تشوفون لي حل بهالموضوع