{تعال وضمني ياتاج قلبي دخيلك لاتخليني..عشاني}

~~{تعال وضمني ياتاج قلبي دخيلك لاتخليني..عشاني}~~

في داخلي شبّاك يشكي غيابك
إيده على خده ..يناديك وينك .؟!


غفيت وجيتني في غفوتي ياحي ذاك الشوف
تمنيت ان سنين العمر مرت بي وانا غافي


كلميـــــني عن حيــــاتكـ .. !
علميـــــني بذكريــــاتكـ .. !
فضفضي لي ..
سولفي لي ..
كبــري فيني / غـــلاتكـ /
قـولي انت احلى الأمانــي .. !
وانت عــوني في زمـــاني ..
قــولي انت / شي ثــــــاني /
أغلى حتـى من حيــــاتكـ .. !
قـولي قـولي ..
ما عشقــتي ..
لا ولا غيــــري سرقتي .. !
قــولي / حبــــكـ / انته احلى ..
ودي اسمــــعها بشفـــاتكـ .. !


قلت أحبك وأنتثر في كل فمي طعم توت
قلت مشتاق وتجمع كل عمري حولها
أكتب اسمك تلبس حروفي غتر بيض وبشوت

أرسمك تنسى الحياهـ اللي قبل قد جولها
وإن بغيت أحكي لـ غيرك مانبت للحكي صوت

وكيف أببعد والليالي ماتشيل رجولها
خاشع ٍ قلبي بـ حبك مثل ما أخشع بـ القنوت
آهـ ياشمس ٍ تسولف والنجوم أصغوالها

كل بسمهـ منك عيد ونظرتك للقلب قوت
وريحهـ أنفاسك مداخن عثورهـ معمولها


اذا لك شف في شوفي تراني
على شوفتك صحيت الأماني

زرعت الشـوق كلهـ بـ انتظارك
و أخذت الانتظار و جيت عاني

تعال و طفّ بـ يدينـك حنينـي
تملكني و أنا أشعل لك حنانـي

تعال و ضمني يـا تـاج قلبـي
دخيلـك لا تخلينـي عشـانـي

انـا شاعـر عيونـك يـا حبيبـي
مع التحريف في بعـض المعانـي

"و مـا نيـل المطالـب بـ التمنـي
و لكن شوفتـك كـل الأمانـي "


أسف إذا كاني غلطت و جيت عكس أرادتك
وأسف اذا كاني خذلتك دون قصد و بـ اختصار

صدقني أنك كل ما مريت روحي نادتك
ما كنها تعرف سوى أسمك من كبار و من صغار

أنت الحنان اللي نزل بـ الكون ساعهـ ولادتك
و انا اليتيم اللي بدونك دون ربع و دون دار

و أنت الفريد بـ صحبتك و بـ طيبتك وعبادتك
و بـ كل شيء و غيبتك معنى حقيقي للدمار

أموت فيك و في غلاك و في دلعك و عادتك
و أرجع و أقول أني غلطت و جيت أبهديك أعتذار


انا هذا الحضور اللي غيابه ماعرف يلقاهـ
وانا ذاك الغياب اللي حضورهـ ماعرف وينه

انا ذاك البعيد اللي يموت ولايعيش اقصاهـ
وانا هذا القريب اللي مبعثر بينه وبينه

انا "صوت السكون "اللي سمع غنج الصدى واغواهـ
بكى / حتى / بكى / حتى / بكى / من حسرته عينه

انـا من معشر الانس الاوادم اولياء الله
واعيـش بـ عالـم "الجـن تعّـوذ مـن شياطينــه"


غريب والله ياحبيبي هوانا
نستعذب الاشواق مانطفي الشوق

شوفي وشوفك هايمفي سمانا
في ناظري حيره وفي ناظرك موق

نطرد سراب في صحاري ضمانا
لافيه ميراد ولا حاصل ذوق

يوم يبعدنا ويوم دنانا
ويوم يلبسنا خيال الهوى طوق

طيف يرغبنا وطيف نهانا
فوق الثرا نمشي وحلم الهوى فوق

خيالنا من كل نبع سقانا
أيامنا تسوق عبراتنا سوق

ميعادنا عند التمنى نسانا
وظروفنا تزرع على دربنا عوق


ياصاحبي ليش الهجر قول وش فيك
أحرقـت قلـبٍ أرتـمـى فــي يديـنـك
طـال الجفـا والـروح عـيـت تجافـيـك
وأشقيـت عيـنً ماهـوت غيـر عينـك


خذاني الشـوق ياخلي على طيف الخيال وجيت
تداعـب حلـم في ليلي برمـش العـيـن غـطـيـتـه

تعال أرجـوك يا خـلي من أشـواقي أنا مـلـيـت
تعال أجلس ولو ساعه نغيض الصبر في بيـتـه

أبي ألمـس دفا كفوفك على كـفـوف لها مـديت
ذبحني البرد رغم إني لهـيـب الوجـد شـبـيـتـه


صدقيني !!
صرت اعيش الشك كله
في يقيني !
وش يهم إن مرّت اللحظة .. بدونك !
وش يهم إن مرّت الليلة ... بدونك
وش يهم إن مرّت ايامي .. بدونك
صدقيني !!
من فقدتك !
ما بقى حاجة مهمّة


يا قسوتك وشلون قلبك يطاوعك
تنسى غرامٍ ساكنٍ في ضلوعك

وشلون تنسى ليلةٍ كنت أنا معك
فيها ظلام الليل غطى شموعك

كنت انت تهمس .. وإتلامع مدامعك !
ويحلي الصوت الطفولي خضوعك

تقول:"أحبك موت" .. وأقول: ما أسمعك
لجل أحرجك ... حلو الخجل في طبوعك

يا علني للموت مانيب بايعك
وشلون أبيعك وإنت قلبي بطوعك !!

وأذكر حبيبي وقتها جيت أودّعك
جفّت على صدري بقايا دموعك !!


يا نصفي انت الوحيد اعجز بتغييـرك
مالي سواك انت لا قاصي ولا دانـي

لو ادري ان الضلوع تشيل احد غيرك
كسرت ضلعي وغزيتـه بشريانـي


تبين أعـلّمـك وش صـار بـغيـابـك ؟ نـويت أنـساك
نـويت أنسـاك فـعـلاً وقـتهـا قفّـلت مـوضـوعـك

لقيتـك سـاكنـه فـينـي ومهمـا ألتـفـت ألـقــاك
أحـسّـك واقـفـه جنبـي واحـس برعشـة ضلـوعك

أشـوفـك فـي وجيـة النـاس مكتـوبة وأقـوم أقـراك
واروح اذاكـرك .. كـود أنجحـك وأحظـى بمجمـوعك

عـرفتـي ليـة أشتـاقك وأفـكّـر دوم فـي فـرقـاك ؟
وأسـأل عـن سبب فـرقـاك وليـة أحتـاج لرجـوعك ؟

بسيطـة .. هـو سبب واحـد سـبب واحـد ومـايخفـاك
نعم حبـك .. ( جـعل بقعـا تصـوع الحب وتصـوعك )


عنتر من الطـنخـه يقول يحب تقبيل السيوف
لأنها تذكّره بـ ثغر "عبله" كـ برق مزونها
وأنا أقبّل طلقة الشباب الأحـمـر فـالقـنــوف
لأنها تذكّرني شفاتك وأستــــــــــــدل بلـونها


نفس الشعور اللي تحسه وتطريه

في داخلي نفس المشاعر والإحساس

الشــــووق فيني لو تعده وتحصيه

تتعب ولا حصلت للشوق مقياس

لو شفت قلبي كيف يرفع لك أيديه

عرفت ( قــــــــــدرك ) غير عن باقي الناس


يـــفداك شـــوق(ن) تــــل كــــل المــعــــاليق
وهـــاك الـــخـــزام إللي تـــفتـح شـــذاهــــــا

كــــل المــشاعــر قررت لجلك تفـــــيق
حـــتى هــــتوني أمــــطرت من ظمــــاهـــا

"و ربي أ حـــــــــــبك" دون كل المخــــاليق
و "عشــقي لـــهـــذي الأرض لأنك تطــــــاهــا


لي مع نظر عينك دروب ومشاوير
ولي مع سناء ضحكتك عهد وتحالف
لاقلتـ آسف.. تقبلـين المعاذيـر
طيب فديتك ياهوى الروح (آسف)


ينومسني إلا منّه سأل في غيبتي انسان
عن غيابي عن احوالي عن اوضاعي وما فيها

رفيع الذات ما ينسى ولو أن القلوب الوان
كذا دنيااي قالت لي .. وقالت لي مآآسيها

بدون اسماء أذكرها .. كفاااني عارف العنوان
إيلا منــّه قرى حرفي .. أقول يعيش قاريها


بديت اغليك واشتاق لحضورك واكره غيابك
بديت احس انا صوبك شعور يهز وجداني

احس انك امل روحي وروحي تسكن اهدابك
احس اني معك بنسى هلي وربعي وخلاني

احس الحب منثورة عباراته على بابك
احس انك بتسعدني وتاخذني من احزاني

تعال وخلني انقش حروف الشوق بثيابك
تعال اعزف على اوتار السعاده اعذب الحاني


انـا كــلّي أســف كاني خْطيـت بـحــقـك واذنــبت
تــرى لـولا الــغــلا مـا صـاح جـرحـي و الـعـذر واهــي

فــتحت اقـصى المـعــاليق ولـقيـتك للـحزن رتـّبــت
معـانـي فـرحة اللـقــيا , وانا مـا سـقـت لك جـــاهي

انا تـدري كـثر مــانـي اعــيش بـحلــمـك ولا تُـبـت
نــسيت امــسح بـك دمـوع ٍ نثـرهـا طـرفك الســاهي

تـعال اشـغلني بك قلبي وهـو يسـأل ولا جــاوبت
اخــاف انـّي اغـــثـّه لا درى بـ إن الــعــتــب راهــي

ومـدامي قلت لك اسف / واقرّيت بخطاي / وتـبت
كــذا خـل الزمـن يمشــي / مدامـه عــنننا لاهــي !!


انا حبيـت من حبه خذاني من جميع الناس
عــطيته من دفى روحي وّهـبني بالغلا طيبه

سموح ٍ مـا يضيق إلا إلى مـنّـه لحقني باس
وأنا من زود ما أحبه يا ناس قمت اهذري به

وفيّ ٍ ما يخون ولو شرب مرّي وفاض الكاس
لانه عارف ٍ طبعي وفي من دون ما احـكي به

تعلاّ فوق من مـاثل سنينه والفعول قيـاس
طهور ٍ ما وطـى درب المذلّـه لو شـق جيبه

يُمنع المنقول بدون اضافة و لو بسيطة من صاحب الموضوع على ما نقل

يُغلق + يُنقل للارشيف