الشعراء

مابقى الا سود الايام تحرمك الرقاد
كيف الاوهام اتجرأ اتسريك مغبون
من متى تجزع من الدمع وتخاف البعاد؟
من متى تقفي بك ظنون وتجيبك ظنون؟

صرت تاخذ كذبتي صدق، ومزاحي وكاد
لو بقول اني بخونك تحسب اني بخون

ماتعرف ان كل شاعر يهيم بكل واد؟
وانهم دايم يقولون مالا يفعلون؟
ابك انا لاقلت ابنساك وانكرت الوداد
والله اني مانسيتك وولاهم يحزنون

من جزع من صفعة الشمس يطمع بالبراد
ومن فقد وجهاته الخمس يلقى بك ركون

اعتبرها هفوة انسان او كبوة جواد
لو بتسمح فانت غالي ولو تجرح تمون

عد صداتك مروة وطعناتك ضماد
خلهن لاراحن طعون ولا ردن طعون

خنجرك يستاهل الطعن ومتوني شداد
ومنك يازين الخناجر ويا بخت المتون

ردلي حنية المزح باحساس الجماد
خلنا واحد يجي صلب والثاني حنون

موت فيني واندفن فيك بثياب الحداد
وان حييت أموت لرضاك واحيا بك بهون

مره ارقد بالكفن وانت ترقد بالمهاد
ومرة ارقد بالمهد وانت ترقد بالكفون

ادري ان شجونك شجون واعنادك عناد
والبلا ان عنادك عناد وشجونك شجون

السلام عليكم
كلمات رااااااااااااااائعة
وهذا ماراه من خلال ابداعك
يشرفني ان ارد على موضعك
يسلمو على الطرح

السلام عليكم ،
ما شاء الله على هذا الشعر الرائع
استمتعت بقراءته شكرا لك
سلامي

يمنع النقل بهذه الصورة

يجب عليك مراجعة القوانين

يغلق