اسطورة اصلاح الفلاش ميموري --كلام نهائي--نسخه منقحة و مختصرة

تصليح الفلاش ميموري ـ كلام نهائي





الفلاشة بعد التشريح بتكون عاملة كده

كل فلاش عليه برنامج بيحدد ماركته و سعته و قابليه الكتابه و كل شئ خاص بالفلاش أيوه مظبوط اسمه firmwareو بيبقي موجود علي حاجه اسمها شيب control chip دا في المثال بتاعي يقابل الويندوز ـ رقم واحد في الصورة 1



و في جزء من الفلاش اسمه الروم او الذاكرة memory chip دا اللي انت بتخزن الملفات عليه و دا ممكن نسيمه في المثال بقيت الهارد و القلق اللي عليه ـ رقم 2 في الصورة


كل الحلول السابقه بتلعب علي الذاكرة يعني مثلا انت عاوز تفرمت الفلاشه الامر تنفيذه بيتم علي الروم بس لازم الfirmware هو اللي ينفذ طيب امتي تنفع الحلول دي لو الفيرم وير كويس و المشكلة في الروم طيب ايه اللي يحصل لو الفيرم نفسه هو اللي باظ او ببيبوظ طبعا انسي مش هتعرف تطبق امر واحد علي الروم

الفرق بين الحل ده و اخواته ان الحل ده ببساطه بيتعامل ابتداء مع الشيب هنفرمت الشيب—يعني هنشيل الويندوز—و بعد ما نزل شيب جديد نقوله فرمت و بس
أتمني تكون الفكرة وصلت بالسلامة

و أنا أهم شئ عندي توصيل فكرة الموضوع لان العملية سهلة خالص و تطبيقها سهل جدا
و كان ممكن مثلا بدل كل الكلام ده ــ اللي فات و اللي جاي ـ أقولك هات بيانات الفلاشة و انا اديك برنامج يفرمت و خلاص بس لا و ألف لا الحكمة بتقول " لا تعطيني سمكة و علمني الصيد " و ان شاء الله الكل لازم يتعلم الصيد بالاضافة الي اني لو كنت عملت كده كان الموضوع هيكون مخالف لانه ممنوع فتح موضوع تلقي الطلبات هههههههههه
بعد فكرة الموضوع النظرية نشوف التطبيق العملي بس في كلمتين كده الاول و لا أقولك نخليها جزئية

III-نصائح هامة جدا قبل تطبيق الموضوع



1-يجب التأكد من أن العيب بالفلاشة و ليس شئ آخر ـ يعني مثلا أحيانا الفلاشة بتكون محمية نتيجة فيرس غير اعدادات في الويندوز ريجستري فالحل هنا يكون بتصليح الويندوز
أحيانا اخري بيكون العيب من المنفذ المستعمل او استعمال كابل تطويل ردئ فيجب التأكد من مثل هذه العوامل


2-إذا تأكدت أن العيب من الفلاشة ـ و كانت مثلا محمية ضد الكتابة ـ هناك حلول أخري ـ
و ماأكثرها هنا في المنتدي ـ يعني يفضل ان تجعل تجديد الفيرم وير آخر الحلول


3- (دا انت مصمم بقي علي طريقة الموضوع)
إذا كانت الفلاشة في فترة الضمان أو الكفالة لا تجرب طريقة الموضوع لان مجرد تغيير الفيرم وير كافي باخراجها خارج الضمان بالإضافة ان طالما في الضمان يبقي نستبدلها و نريح نفسنا
و الفلاشات لها ضمان كاي قطعة اخري بمعني لا تجعل البائع يوهمك ان الفلاشات تباع بلا ضمان سيبك منه و اشتري من غيره


4- إذا كانت الفلاشة من ماركة معروفة مثلا Imation أو A-data أو Transcend او غيرهم
يفضل تبدا الحلول بالبرامج الرسمية التي توفرها مواقع هذه الشركات و لو الفلاشة حتي في فترة الضمان لا إشكال لانه برنامج رسمي و دي خطوة ناس كتيييييير بتهملها



Chip Genius



احنا قولنا قبل كده ان طريقة الموضوع ده بتعتمد علي ال firmware الموجود في ال control chip
وطبعا عقلا مش معقول كل الفلاشات باختلاف ماركتها و موديلاتها ليها شيب واحد كل فلاشه ليها اللي يخصها و خلي بالك مش كل ماركة نظام شيباتها واحد كل فلاشه علي حده

فالمطلوب دلوقتي نحدد نوع الشيب و رقمه
عندنا كذا طريقة


1- حضرتك فاكر صورة الفلاشة المتشرحة فوق دي؟ أفضل طريقة و بدون استعمال برامج هي فتح الفلاشة و قراءة الكنترول بالعين المجردة طبعا مع انه حل ممتاز و هامش الخطأ به

0 % و لكن غير محبوب ـ مش عارف ليه ــ فالخيار ده هيكون الثالث و الأخير معانا في معرفة الكنترول شيب بس انا بدات بيه لانه الادق
و ركز معايا انا قولت اننا هنجعله الخيار الثالث ـ هنحتاج السطر ده بعدين




2- ثاني طريقة و أول خيار هي استعمال البرنامج العبقري ـ حسب اسمهو فعلا _


Chip genius

برنامج اكثر من ممتاز لمعرفة الكنترول شيب و حجمه صغير فقط 132 كيلو بايت
تفضل رابط البرنامج مباشر علي جوجل




وهذا البرنامج لمعرفة تفاصيل الفلاش واسم الشركة المصنعة
وصورة البرنامج الرئيسة بعد تشغيله






رقم 1 في الصورة

- يقوم البرنامج أوتوماتيكيا بتحدد الفلاشة و كما في الصورة انتقل السطر المظلل الي الفلاش ذو الحرف j
أحيانا عند توصيل قارئ كروت و فلاشة يخطي البرنامج و يعطي بيانات الريدر و ليس الفلاشة
فتاكد دائما ان البرنامج محدد السطر الخاص بالفلاشة و يمكن معرفة ذلك بسهولة عن طريق حرف البارتشين أو حل آخر افصل الريدر من الجهاز دلوقتي

أيضا أحيانا عند توصيل الفلاشة و الماوس مثلا او الفلاشة و اي شئ اخر علي هب او كابل مشترك حصلت مرة ان البرنامج دمج بيانات الاتنين في صورة كانت عجيبه

و أفضل شئ طبعا الفلاشة تكون في منفذ البوردة مباشرة


رقم 2 ـ برضه في الصورة ـ

الجزء مطلوب في بيانات الفلاشة ـ هو ده ـ
كما نري سطرين أول سطر
chip vendor :alcor
دا اسم الشركة صاحبة الكنترول و دا الاسم اللي هنبدا بيه عملية تنزيل الفيرم وير من الموقع
chip part-number
دا رقم الكنترول و دا أهم سطر في البرنامج لان أول حرفين بيكونوا اختصار لاسم الشركة و الباقي رقم الكنترول يعني السطر ده يغنيك عن السطر السابق ـ إذا كنت تعلم الاختصارات
ففي المثال هنا عرفنا ان الشيب من انتاج شركة alcor و رقم الشيب au6981-3

رقم 3- ( فين ؟؟)
حاجه اسمها ال بيد و ال فيد حاليا ملهاش اي لزمة في حالتنا هذه و لا يعتمد عليها في معرفة الكنترول و لكن أحيانا بتنفع








V - موقع



دلوقتي المطلوب هو موقع لتنزيل البرنامج المنشود
أفضل المواقع من وجهة نظري هو الموقع الروسي
www.flashboot.ru



كيفية التنزيل من الموقع flashboot.ru

نتكلم في المشاركة دي عن كيفية تنزيل برنامج الشيب المناسب من الموقع الروسي
مع ان الموقع سهل في التعامل بس لازم نتكلم




طبعا الموقع انتم عارفينه كويس


http://www.flashboot.ru/index.php?name=Files

و نسخة مترجمة منه عن طريق جوجل من هنا

Google . flashBoot


صور الشرح علي الموقع المترجم


















شركة Ameco هي هي شركة Micov
لان الشيب جينيس بيكتب micov وقد اعتقد البعض ان الشيب غير موجود في الموقع

مثلا في هذا الشرح سوف اختار الشيب alcor لتنزيل برنامج خاص به
ضغطت علي كلمة alcor كما هو موضح بالصورة

يلاحظ وجود عدة اصدارات مختلفة لرقم الشيب الواحد لا إشكال

"" عادة بنبدأ بأحدث إصدار و إذا لم يقرا الفلاشة نجرب اصدار اقدم و هكذا
و لا يشترط ان طالما الاصدار الاحدث لم يقرا الفلاشة يبقي الباقي لن يقراها
بالعكس حالات كثيرة جدا جدا الاصدار الأقدم هو الحل ""

و أيضا غالبا يوجد عدة صفحات للشيب الواحد كما هو مبين في آخر الصورة

اخترت مثلا أول برنامج موجود في القائمة

تعليقات و تجارب الاعضاء مفيدة
و أحيانا بيكون حل مشاكل كتير في الكلام الجميل ده

ضغطت download لتنزيل البرنامج

أكتر حاجه بتلخبطني شخصيا و أنا بكتب الكود ان لغة الكيبورد بتكون عربي
اتاكد ان لغة الكيبورد انجليزي
و الموقع كان حلو في الأول من غير أكواد خالص بس الظاهر المشاغبين عاملين ضغط
أدخلت الكود و ضغطت انتر او اضغط علي المربع اسفل خانة كتابة الكود

و بس يا معلم هتلاقي ال علي طول

و بكده يكون جزء التنزيل انتهي

البحث عن الكنترول بالبيد و الفيد




كما سبق برنامج الشيب الجنيس ممتاز لمعرفة الكنترول شيب و هو الخيار الأول و لكن أحيانا لا يستطيع البرنامج تحديد الكنترول كما في الصورة فما العمل إذن ؟؟؟





كما نري البرنامج قرا بيانات الفلاشة و لكن لم يحدد الكنترول
هناك حل وسط بين الشيب جنيس و فتح الفلاشة و هو البحث عن الكترول بالبيد و الفيد
وكما سبق هنجعل دي جزيئة منفصلة حبتين و الوصول ليها من هنا

البحث عن الكنترول بالبيد و الفيد




كما ذكرت سابقا ـ و دور انت بقي و شوف ذكرت فين ــ ان البيد و الفيد لا يعتمد عليه في معرفة الكنترول شيب و لكن أحيانا بينفع
الvid بيدل عل الشركة المصنعه وال pidعلي المنتج v vendor و الp product
طبعا هنلجا للبحث بالطريقة دي إذا برنامج الشيب جينيس أعطي مثل هذه النتيجة

طبعا في الحالة دي المفضل و بشدة هو فتح الفلاشة و قراءة الكنترول
و لكن قبل الخطوة دي نجرب البحث بالبيد و الفيد يمكن
ندخل علي قاعدة بيانات الموقع الروسي من هنا

http://www.flashboot.ru/iflash.html

تلاقي زي كده





طبعا الموضوع مش محتاج عبقرية
انت معاك رقمين بيد و فيد و عندك مربع للبحث اكتب اي رقم منهم
مثلا في الحالة دي انا كتبت 5136 الفيد ,وانتر و النتيجة

وتبحث عن الرقم الاخر وسط النتائج 4678

نلاحظ ايه ؟؟

ان كل نتائج البحث لشيب واحد و هو ameco و معظم النتائج لرقم الشيب 6208e


طبعا مش كل مرة النتيجة هتكون درامية كده ـ حلوة درامية دي

أحيانا بتكون النتيجة لنوعين مختلفين من الشيب ـ و دي مقبوله نوعا ما
و ساعات النتيجة لثلاث انواع و أحيانا كل الانواع

فيبقي الحل الأمثل و هو فتح الفلاشة

و لكنها خطوة قبل الفتح لمن أراد

وبكده تكون الجزئية دي خلصت

و نقفل الجزئية دي علي كده




خاتمة


1-شئ طبيعي يكون هناك خاتمة طالما في مقدمة

2- موضوع الفيرم وير ليس لمجرد فرمته الفلاشة إنما بيفتح المجال لخيارات اخري مثل وضع حماية علي الفلاشة أو تقسيم الفلاشة الي جزئين و غيره
و إن شاء الله نستعرض الحكاية دي أثناء شروحات البرامج

3-أحيانا بعد فرمته الفلاشة بطريقة الموضوع نكتشف ان الفلاشة كانت مزورة و ان الحجم الفعلي للفلاشة أقل من المفروض !! إزاي

والان ابغى الكل يستفيد من الموضوع الاسطوري
والي هو بالاصل منقول من عند حبيبي

mahmoud_abdou

عضو مبدع
وعلشان لا يزعل بس احنا نبغى الفايدة للجميع وادعوا لي و لة ولوالدينا ولجميع المسلمين

وحبيت احط الموضوع لانها اول تجربة لي مع برامج اصلاح الفلاش وفلحت %100 وابغاكم تجربوا

والله فلاشتي رجعت 8gb
وكانت 0gb

في النهاية ما كان من صواب فهو فضل من الله و ما كان من خطأ فمن نفسي و من الشيطان


تم بحمد الله تعالى

وارجوا تثبيت الموضوع لانه اسطوري من جد
ولاني قعدت ثلاث ساعات احضر وارتب فية
:1 (97):
انا مبتدئ
واسف على اي تقصير

شكراااااااااااااااااااااااااااا
على الموضوع
المميز
والشرح الكامل

اقول ايه ولا اعيد ايه بس
الله عليك بجد
الفلاش اللى مرميه بقالها سنه وفقدت الامل فيها
اتصلحت بالخطوات دى وطلعت micov mw 6208e
بس طبعا بعد ما حولتنى عشان اشوفها خط لا يرى بالعين المجرده
ما علينا الحمد لله
والف شكر ليك مرة اخرى على الشرح والمساعده

~~ تســــــــــــــــــــــــــــــــــــ البرنامج رائع ــــــــــــــــــــــــــــــــــــــــلم ~~

!!! رائع جدا !!!

مشكور يا غالى

السلام عيكم ورحمة الله وبركاته

يا إخوان هي أول مشاكة وأول طلب لإلي بهل المنتدى الرائع يلي بيحوي هيك موضوع رائع ومذهل أنا قراتو بس أخونا الكريم حاطط انو يلي فلاشتو Adata يشوف الموقع بس شو بدي اعمل بالموقع والله فهمت ممكن الشرح الكافي مثل هل الشرح وشكرا سلفا.