قل لنا أنطباعك | a Hunters The Movies

السلام عليكم ..~






بعد عودتي لمشاهده الافلام حبيت ابلش بافلام فرنسي , لاني شوفت كبل هالمره افلام وعجبتني كتير , وغير انه ما لكيت فلم اجبني امريكي محرز وبجوده مرتبه اشوفه ..~

فلم اليوم هو ..~



سنه 2012 , تصنيف دراما رومنسي ..~

وبعطيه تقيم 8\10

||

الممثلين (ماريون) و ( ماثياس ) شوفتهم بافلام امركانيه قبل هالمره , اما المخرج (جاك اوديار ) اللي هو نفسه الكاتب بعد هالفلم الا ما اشوفله كمان افلام لانو مبدع بكصه وباخراج ..~




||

مش عارفه كيف ابلش كصه الفلم , بس المأساه وين مكان ملاحكه ابطالنا , احكي الفلم ببلش في (علي) المشرّد مع ابنه بالشوارع , اللي بسرق ليطعم ابنه , وبكون برحله سفر ليوصل عند اخته , لا بعرف اشي عن ابنه ولا بعرف كيف يدير باله عليه , كان بالاصل بشتغل ملاكم بس لانو مدّربه مات هو وكّف الملاكمه , ببلش يساعد جيران اخته بتصليح السيارات , وبعدها بتوظف كَ حارس لملهى , وهون بتبلش الكصص الحلوه اكتر ..~

||


بصدف وهو بوظيفته بتلاكى مع ستيفاني , لما يفك طوشه صايره بالملهى, ولما يشوف حالها مش عبعضه بعرض عليها انه يوصلها البيت , وبعطيها رقم بلفونه , اللي بتحكي لحالك انو هدول الاتتنين اللي عكس بعض بكل شي مستحيل يتلاكوا بعد هالمره ..~





||

ستيفاني وظيفتها انها مدربه دلافين .. وبتكون بقمه سعادتها .. عم يظهر الكاتب النقله النوعيه اللي بتصير معاها , الصبيه اللي ملفته للانتباه بجمالها , ومبدعه بوظيفتها ..~





||

بتخطبها مأساه , بتخلي كلشي حلو فيها ومعاها يتحلل بالمي , لحظه وقوعها بالمي , من اجمل اللقظات , كأنه نستعد لاشي يصعقنا ..~





||

وبيجي الاشي البصعقنا , وبتوصل لمرحله كلنا بنوصل الها , اليأس .. فش اشي بهمنا , هي باضعف فتره بحياتها ..~





||

هي شخص كتير ضعيف هلكيت , بس ليش (علي) هو اللي بيخطر عبالها وبتتصل عليه , وبتبلش كصه بينهم , كمان مره الكاتب بخدعنا , انو (علي) شخص كتير قوي , وانو (ستيفاني) ضعيف وهي ولا اشي بدونه , ببلش بطلنا يساعدها ويكون صاحب وصديق (ومتاح) بشغلات تانيه , الفلم فيه وساخه , اكيد مهو فرنسي , بس مع هيك ....~



||

وبتطلع (ستيفاني) من اليأس تبعها وبتعمل لقطه ما راح تنتسى بين كل الافلام , الوداع بينها وبين الدولفين , بينها وبين حياتها القديمه .~







||

وهلكيت وقت بطلنا (علي) , بطلنا بتعرّف على حد بساعده يشارك بالملاكمه غير شرعيه وهي احلى مصارعه بالدنيا, بانو راح تموت اول عن اخر فيها , فش قوانين , بس قوتك , طبعا علي بكل برودته بالفلم , ما بتتخليوا شو كاين الاشي اللي يخليه يضحك وسعيد ,, الملاكمه ..وستيفاني لاحظت هدا الاشي ..~







||

باللحظات اللي تحس فيها انو علي اقوى واحد , بس بتكون كتيير غلطان , بانو بتطلع ستيفاني هي القويه مش علي , بتطلع هو اللي بده مساعدتها ..~





||

وعلي بتصيبه كمان مأساه ..~





||

المقطع اللي كان علي فيه ضعيف ضعيف ,, للاسف ما لقيته .. بس علي بوصل لمرحله عظامه بتتكسر ..~

||

هدا من الافلام اللي بنسهاش , واللي اتعلمت منها انو دايما راح تنخدع بين القوي والضعيف , وبين انو شخصيات مستحيل تيجي عبعض غير انها فاهمه ع بعضه كانها مرايه , ولا بيخطر ببالك انو علي يطلب مساعده بس بيطلب ..~

الممثلين ابدعوا ابدعوا , وانا اشوف بالفلم ما حست بالمره اني عم اشوف فلم , بالعكس حسيت ناس بعرفهم قدامي وبيتصرفوا ع طبيعتهم وقت المصايب ووقت الفرحه , عنجد مكانش في اي تكلفه بالتمثيل .. الميلوديدراما اللي بالفلم واقعيه بحت ..بنشوف لقطات ما شوفتها بافلام تانيه ..~ روايه حلوه واستمتعت كتير بالفلم ..~