تذكرني !
تابعنا على
Bleach 25-26 منتديات العاشق
قديم 09-26-2017, 03:40 AM   #21
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 33
الجنس:
المشـــاركـات: 9,140
نقـــاط الخبـرة: 1579

Icons13 رد: مأساة روح {هالكه} في اوراق تائهه ~

الاحد 17\24\9 اغلبه شغل من النهار لتاني يوم , بس بعتبره شغل منيح ومرتب مع انه مع شركه تاني وبشتغلش معهم الا يوم الاحد .. لهيك فش مجريات فيه لان بتعاملش مع حد الا اللي بشتغل معهم
كان الخبر الحلو انو مرت صاحبي جابت الولد


||

نحكي عن الاتنين 17\25\9

الصبح اول ما مسكت البلفون اجاني مسج من السكرتيره جين وكنت استدعي انه تحكيلي التغى الشفت . بس لأ , طلع بدها اشتغل شفت الليل يوم الاثنين !! شوووو ؟حكتلها (اد بشتغل اليوم الاثنين بشتغلش بكرا الثلاثاء , الي من يوم الخميس بنام برى البيت شفتات ليل اندبحت ) طول الليل بنامش وتعب وصرت اخاف ع صحتي لان بضل مريضه , قله النوم محدش بيفهمها الا المجربها وخاصه تكعدي ايام بدون نوم لا ليل ولا نهار , ويكون عليكي كمان مسؤوليه بيت ,, تعب لابو موزه , ردت عليا بكلمه (fine) فاين يا حماره , فاين تطلع بعينك طب احكيلي بزيدك مصاري , احكيلي بعطيكي عطله ...اخ بس اتنكدت من الصبح , لسا لسا كملوا معي لنشوف , فا جهرت حالي كان عليا شفت نهار بارت تايم , اول ما اطلعت حكيت مع اهلي بالضفه لاني بدي اشوف شو ردت فعل امي ع انو صاحبي طلعت مرته فيها ولد لانه كان كادب عالكل انو معاها بنت وحتى عليا , كعد 6 اشهر مش حاكيلي يمكن لانو بالاصل احنا مكناش نحكي بالست الاشهر الا اد بدي منه مصلحه ومش عشاني عشان اهلي , يعني نكون متحاربين ماشي , بس اهلي بدهم اشي من اهله ويحطونا ببوز المدفع انو نطلب من بعض هاي الكصص , فا اجى يوم حكيت مع امه عالبلفون وحكتلي ( صاحبك بضل عالسطح ودايما مش عبعضه ومن هالكصص , ومرته طلع فيها بنت ) اصحابي اد بضلوا عالسطح معروفه ايش يعني , وانا زعلت لما اعرفت انو مع مرته بنت , روحت اتحركشت فيه وانو ( اسمعت انو مع مرتك بنت يا رب تيجي بصحه وحلوه وما تغلبك ) فا الحيوان حكالي (معاها ولد ) وانا انجنيت لان كيف تكدب عليا ؟ انا بكره للسما الكدب واي حد بكدب عليا بتركه مين ما كان وشو ما كان بينا وهو بعرف هدا الاشي , لان عقلي مبرمج ع انه كل اللي صار كدب وكل اللي يصير كمان كدب وبتعب عكلي ولشو اتعبه , اكطع التعب من اوله واترك الشخص , بس بنفس الوكت انبسطت انو ولد يالله كديش الخبطه هانت عليا لما اعرفت انه ولد , وحكتله ليش وكان جوابه ابصر ,, حكتله( كزاب خبث ) وتركته يمكن اظن كم يوم ,بعدين اتصالحنا ينعن شكله , لهيك لما مرته راحت عالمستشفى وكل كصصها كان يبعت اول باول وحتى صوره الولد , اخ يبي شو بضل اكتب , المهم المهم يا مير انو لما حكيت مع اهلي امي طلعت مش بالبيت , وحكيت مع ابوي .
ابوي : امك عند دار سيدك ستك لسا مريضه, وامك كانت مريضه امبارح بالليل اجينا ناخدها عالمستشقى ارتفع ضغطها كتير لانها بضل تفكر فيكي وبالشغل وبلاه بلاه بلاه
مير : ماشي يابا انا حكتلها معاها هدا الاسبوع اد بضل هيك متعبه حالها عشاني وعشان الشغل , بديش اشتغل .
ابوي : لا يا بايا خلص مهي مراحتش عالمستشفى وخف ضغطها

لعاد يابا لشو رمي هالحكي ؟ يعني بدي اطير من عندي لعندكم ؟ وهاي مش اول مره بحيكها ابوي , وانو شغلك متعب امك وابصر شو !!! طيب حكتلكم خلوني اترك الشغل , بدك اتركه ؟ احكيلي بلاش هدا اللف والدوار والخبث .. اه ابوي عنده خبث واحنا اد فينا خبث فهو منه , انا جد من فتره خلص بديش اشتغل اد بضلوا هاكلين همي , يعمي مشان الله محدش يهكل همي ويشغل باله فيا ,, مشان الله اتركوني انا لحالي بدير بالي عحالي , خليني احمل همي لحالي ,, وانتو ما تزيدوها بانو كمان تمرضوا واحمل همكم وانا بعيده عنكم بكدرش اعمل اشي بكدرش ,, راح ابوي الله يساهل عليه ويعطيه الصحه والعافيه , بشوفش حاله هو لما يزعل امي , بعرف انا بزودها ع اهلي , مهو بالدنيا يا بتكون طيب والناس توجعك يا اما قاسي وتوجع الناس وانا الصنف التاني اظن , روحت عالشغل وخلصته الظهر ولما اطلعت امي عطول اتصلت عليا , اكيد مهي بتعرف موعدي عالاخر , بدها تحكيلي عن صاحبي وزعلت انه خبى عليها , واتكاتلنا انا وامي عشان كصه الجيزه وعشان الشغل وهي والله مهي عارفه ايش بدها , بضل تحلم امي بضل تحلم , انا بكدرش اتحمل الناس اللي بتحلم وهي عارفه انو احلامها خيال وانو كلها ع كلمه لو .. ولو بتعمي الضو , بالهدنيا مع الك الا نصيبك ماشي , هيك بس افتح عينك شوي شوف كيف نصيبك ؟ شوف كيف الاشي اللي بدك تعمله كيف بمشي معك , شوف كيف لما اطك الباب بفتح معك ؟ بس الشغلات البسيطه بحياتك بتمشي بسهوله معك ؟ انا ولا اشي بمشي بسهوله معي , الباب بطكه مليون مره , كل شي بسيط بالدنيا وبدوش تعب معاااي بس معاااي لازم اموت ميت موته ليصير , عندي اد بدي اوصل للكاسه اللي عالطاوله مشان ما توقع وانا بمد ايدي راح توكع , لسا ايدي ما وصلتها , وانا بمشي الحيط الحيط بس الحيط اقسم بالله مهدود عليا وانا بمشي !! لهيك انا من النوع اللي ما اعملش الاشي من اصله ليش ؟ لان عالجهتين ما راح يصير فلشو تعبي النفسي والجسدي وانا عارفه انو مش راح يصير , وانا مش بنت اليوم حتى ما اعرفش كيف الدنيا معي !! فا مشان الله يما بلا احلامك هاي اد انا فيها .. يا رب تعطي امي وابوي الصحه والعافيه وهداه البال يا رب يا رب وتعطييها لكل اهالي الناس اللي عم تقرأ بس والله زمنا متعب , الا الصحه يما دير بالك عحالك وبس .
BeautifuL StrangeR غير متواجد حالياً   رد مع اقتباس
قديم 09-26-2017, 04:13 AM   #22
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 33
الجنس:
المشـــاركـات: 9,140
نقـــاط الخبـرة: 1579

افتراضي رد: مأساة روح {هالكه} في اوراق تائهه ~

بتعرفوا اني انسيت احكي اهم اشي صار معي اليوم ووهو انو حبي طلع من السجن ,مع اني يعني اتعودت ع انه يدخل السجن كل فتره وفتره . بس كل مره حسب الضربه بس هاي اقصر مره , يا رب اخر مره ان شاء الله .
BeautifuL StrangeR غير متواجد حالياً   رد مع اقتباس
قديم 09-27-2017, 09:41 AM   #23
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 33
الجنس:
المشـــاركـات: 9,140
نقـــاط الخبـرة: 1579

Icons13 رد: مأساة روح {هالكه} في اوراق تائهه ~

السلام عليكم ..هيني اجيت مشان احكي عن يومي , بس بالاول نزلت المانعا اللي بتابعها وكعدت اقرأ فيها وعدتها اربع مرات من كتر ما جد بضحكني هالمانغا , وهاي اول مره بتابع هيك مانغا بهدا الصنف الغلط بس يا عمي بضحكني غير شكل . احكي عن امبارح الاثنين بالليل , كان عليا شفت ليل وكانت ليله صعبه كتير , وطول الليله وانا افكر انو خلص اترك الشغل , وبلشت احسب ايش بدي مصروف وشو انا بحاجه ! طيب والتأمين الصحي تبعك والضرايب , طيب الناس بتحلم بالشغل وانتي شايفه حالك عليه ؟ طيب مين راح يدفع مصاريف لاهلك والتكوت , طيب دوا اهلك يا مير دواهم .. كان عقلي كتير يفكر ويجيب واطلعت انو ما اتركه للشغل , وكنت احكي مع صاحبي ابو الولد ومع حبي , حبي دايما بضحكني وبشيل الهم , فا مرات الليالي بتمشي بسرعه وهو كاعد يضحك فيا , وخاصه اد مسكنا حد وكعدنا انم عليه, بس جد بضحكني كتير لما يكون طافي , يالله شو بكعد اضحك عليه , الله يخليه هالشب , مع انه هو عارف وانا عارفه انو احنا مش لبعض وراح يجي اليوم اللي كل واحد بجهه ومع هيك حبيته وحبني !! لحظه هو ولا عمره بفكر اني مش اله , بالعكس بضل يدعي عليا وع اللي بده اتجوزه وبضل يهددني ينعن شكله , واكيد اكيد شوفت فريندز اللي جد جد اكتشفت بانو هالمسلسل انا بزهكوش , وجد بضحكني وكانت حلقه امبارح لما جوي بده يتعلم فرنسي وكان عرس فيبي , يبي فيبي جد شخصيه حلوه ومميزه بالمسلسلات , وكالعاده ما صدقت يطلع الصبح لأجي عالدار عطول , بس كان عندي مشكله وهي مش نعسانه ومش جاي عبالي انام , مرات اد بسهر كتير وبتعب ما بعرف انام , جسمي كأنه بتعود عالسهر وبصير خربشه فيه وبرضاش ينام , لهيك من ال 6 ونص الصبح لل 7 ونص وانا اتقلب بالتخت تا بالاخر اغفيت وكل ساعه اصحى واعاود ارجع انام تا بالاخر ع 10 واشي اصحيت , واول ما فتحت البلفون عطول شوفت مسج من جين , حكيت بعكلي ( ينعن ابوكي بكاع الكتدره بدك تجننيني انتي ؟ ) كال بدها اشتغل الليله ؟ ما انا يا بنت اللزينه حكتلك امبارح اد بشتغل ليله الاثنين مش راح اشتغل ليله الثلاثاء وعالاخر , حكتلها ( الي 5 ليالي ورى بعض شفتات ليل اتعبت, انا بعرفش انام بالنهار لهيك صعب ليل نهار اضل صاحيه) واانتهت الكصه انو الحمد لله فش عليا . وطبعا عشان كان عليا شغل من الظهر للعصر , فا بسرعه حكيت مع الاهل بالضفه ومع الاصحاب ومع خواتي , وبسرعه عملت فطوري وعملت كهوه واخدتها معي عالشغل لان جد بدي كهوه لان بدي اصحصح لازم اشرب كهوه عربي لانها تكيله وكويه فا بتصحصحني عالاخر , لازم الفنجان الاول بنهاري يكون كهوه عربي, التاني والتالت والرابع يكون امركاني او نسكافيه , فا اتسلهت عالشغل وضليت اربع ساعات بالزبط واكفه ع اجريا , وكنت احكي حتى مع اخوي واحد عالسناب واتزاعلت حتى معه بانو بضل يعمل حدود بينا وهو مكانش هيك , بضل يحسب حساب كل كلمه بحكيها معي , خلصت شغلي وارجعت احكي مع اخوي لان بشوفش حالي هاي البنت االلي بتكبّر كصص , بس بحب اقرص الواحد مشان يحسب حساب انو يعملها مره تانيه وبنسى الكصه وبكمل لاني جد جد بعز هالاخو , الحلو انو صدفت وانا بالشارع لكيته عالجهه التانيه من الشارع , حتى هو اللي شافني بالاول ونادى عليا بصوت عالي وكعدنا نحكي مع بعض وهو كل واحد بجهه من الشارع كدام الكل وخاصه انوبنحكي عربي فا يم كان احساس حلو لاني بنت بحب احكي بصوت عالي عالاخر واكاتل كمان بحس كل سمومي بطلعها من جواي وكل كرفي وعصبيتي وهمي لما اصرخ , بحب اعملها دايما مع اختي فيث لما نكون بالسياره واعلّي المسجل تبع السياره واكعد احكي معاها تصريخ وهي بتمد ايديها توطي المسجل وانا بجحرها انو (شيلي ايديك وخليني مستمتعه بالتصريخ ) وبعدها اتعودت عليا انو اد مير معي بالسياره لازم المسجل يهز السياره والشارع وانو لازم مير تصرخ وهي تحكي , لهيك دايما بحمد الله انو الناس بتكدر تتحمل اطباعي , المهم حكيت مع اخوي وحكتله انو رايحه اتحوج , روحت اشتري كم غرض والمهم كان عندي هو الجاج لان كنت جعانه وعارفه فش اكل بالبيت وعارفه انو الحمد لله يا رب فش عليا اليوم شفت ليل , فا نفسي مفتوحه عالاكل , واصلت البيت حوالي سبعه المسا , اكلت واشربت كهوه واتحليت وبلشنا نحسب بخصوص اجار الدار والمصاريف تبعات الشهر ونكسم ع بعض , وكل ما بدي اجي اكتب بلتهي باشي , مع انه كان نفسي الليل احضر فلم , او احط قناع ع وجهي او حتى ارجع احكي مع امي لانو من زمان مش حاكين براحتنا , بكصد عشان شغل الليل عندي بتكون نفسيتي انا مضروبه , مع اني اتصلت عليها من شوي وحكتلي (بدي اشرب كهوه وبرجعلك) عنا عاده وهي تحكيش معي وانا بشرب بالكهوه ههههه , اد مكناش ع نفس الطاوله ما بنحب نحكي مع بعض واحنا بنشرب بالكهوه , اما اد كنا ع نفس الطاوله فا الله شو بنحكي مع بعض , جد اشتكتلها , يعني اليوم لما ارجعت عالبيت وشوفت كل اضواض البيت مطفيه وانو محدش راح يجهزلي الاكل او يسمع شو صار معي اليوم . احزنت !! والاكتر احزنت انو لما اعرفت امي وابوي مفلوزين ومحدش يساعدهم , حكيت يالله يا دنيا .. ما مصدكه اخد ورقي , عشان انزل عالضفه , اخ بس بده ورقيمن سنه لسنتين ,, يالله سنه !! كمان سنه تا يصحلي انزل اشوف الاهل ! الاصحاب ! الحب !! سنه .. اد الله بعيشنا , خليني بالمشاركه التانيه احط صور اليوم !


الثلاثاء 17\26\9
BeautifuL StrangeR غير متواجد حالياً   رد مع اقتباس
قديم 09-27-2017, 09:49 AM   #24
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 33
الجنس:
المشـــاركـات: 9,140
نقـــاط الخبـرة: 1579

Icons20 رد: مأساة روح {هالكه} في اوراق تائهه ~



هدا كان فطوري , وهدا اختي هوبز اشترته الي لان بتعرفني بحب افطر عليه وهدا النوع اول مره بجربه ويالله كديش عجبني , طري عالاخر وبكون بكتات يعني ما ببرّد بضل طعمه فيه , بالعاده خواتي كتير بشترولي اكل وبحطوه بالبيت وبعملولي طبيخ او حتى بحسبوا حسابي بالطبيخ اللي بعملوه بيبتهم





كالعاده بحط عليه حليب اللوز وكبشه مكسرات وعسل , عنجد فطور سريع سهل ومريح لمعدتي




وهدا اكتر عصير بحبه عالصبح لان بحس بعطيني طاكه وكمان مريح لمعدتي وبعطيني نظاره وبفضل دايما نكهه المانغا .
BeautifuL StrangeR غير متواجد حالياً   رد مع اقتباس
قديم 09-27-2017, 09:53 AM   #25
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 33
الجنس:
المشـــاركـات: 9,140
نقـــاط الخبـرة: 1579

Icons20 رد: مأساة روح {هالكه} في اوراق تائهه ~



هون لما اطلعت من الشغل وانا استنى بالباص وحكيت خليني اصورلكم جولدن جيت بردج اللي هو الجسر اللي سانفرانسيسكو مشهوره فيه , بعرف انو الصوره مش واضحه , بس عادي احسبوها زياده عدد , مع انه عندي صور اله عن كريب ما زورته بس بعرفش اد ضلوا مكانهم ,.. لمره ببعبش بجهازي وبشوف وبجيب شو عندي صور من البلد هون .
BeautifuL StrangeR غير متواجد حالياً   رد مع اقتباس
قديم 09-27-2017, 10:15 AM   #26
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 33
الجنس:
المشـــاركـات: 9,140
نقـــاط الخبـرة: 1579

Icons20 رد: مأساة روح {هالكه} في اوراق تائهه ~




انا بنت بحب الكهوه كتير وبحمد الله اني تركت الدخان من زمان وما بيجي عبالي حتى , يمكن لانه وصل انه يوجع معدتي بلاوي او يطلع حب بوجهي , لهيك انبسطت انو الكهوه المفضله عندي اليوم عالتخفيظات , بالعاده بكون سعرها بين 12 -15 $ .. بس اليوم حوالي نص السعر , حتى لو عندي كهوه بدهاش الشغله تفكير فا اشتريت نوع اجربه من كهوتي بيتز , عجبتني بس خفيفه , بمشيش معي الخفيف خاصه اد كنت معصبه , فا اظن راح اكون ازيد من الكميه .



مع انه عندي بالبيت بلاوي تحلايه بس اجى عبالي دونتس اليوم




هون الجاجه اللي اشتريتها وبحاول دايما ادور ع اشي صحي لان جسمي وبشرتي ومعدتي حساسه واد بنتبهش ع اكلي بروح فيها ,, اد بتسألو ليش لهدرحه مريضه اللي اكتشفته انو من الهموم والتفكير صحت الواحد بتخرب , الضغط والشغل بخليك تتوتر وبتتعب غصب عنك خاصه اد كنت شخص بقلق كتبير وبفكر كتير زيي واللي اكتشفته انو وراثي انك تكون من النوع اللي بقلق وبفكر واني طالعه ع امي , لهيك عالاغلب مش دايما بحاول انتبه ع الاكل . لهيك اشتريت النوع اللي فش فيه هرمونات لاني مش ناكصني اصحى الاكي حب ع وجهي .
BeautifuL StrangeR غير متواجد حالياً   رد مع اقتباس
قديم 09-27-2017, 10:26 AM   #27
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 33
الجنس:
المشـــاركـات: 9,140
نقـــاط الخبـرة: 1579

Icons20 رد: مأساة روح {هالكه} في اوراق تائهه ~





عفكره لازم اصغر الصور كمان , ان شاء الله للمره الجاي !!

انا بالعاده بعمل الكهوه الامركاني اد بدي انبسط عليهاع ايدي بالكاسه كبس لان بتحكم بتقلها ومرارتها , مرات بعملها بالمكينه بس عالاغلب بالكبس .. وهون كاسه تطريز فلسطيني اجتني تنتين من اخوي وحبي ومعاهم كاسه جمجمه .. كانت هديه كتير حلوه ,, اتفجأت انهم عرفوا عني بحب شغلات التراث , وكمان الجمجمه يبي شو انبسطت عليها .. اظن لليوم بكفي كتابه ؟ بدي اجرب اتصل ع امي لان فنجان الكهوه اخد ساعه ونص معاها !! والله خايفه انو مالها اشي وبدهوموش يحكولي عشان ما ينشغل بالي , وهلكيت بتنجن لما تشوفني صاحيه , بس عفكره اكم راح اعطي حالي وكت اني اضل مداومه بالمدونه ؟

واشي تاني حرف ق مرات بكتبه ك هاي لهجتي اللي هي اهل زمان وبحبها وامي بتكاتل عليا انو بحكي بدل ق ئ , كعدت مره احكيها بعدين شوفت حالي مش انا .. لهيك امي مسميها حبيبه ئلبي عشان هي بتحب احكي ب ئ
BeautifuL StrangeR غير متواجد حالياً   رد مع اقتباس
قديم 09-28-2017, 06:29 AM   #28
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 33
الجنس:
المشـــاركـات: 9,140
نقـــاط الخبـرة: 1579

افتراضي رد: مأساة روح {هالكه} في اوراق تائهه ~

امبارح نمت ع 4 الصبح واصحيت ع 8 الصبح ، وطول اليوم وانا برى ولما ارجعت عالبيت كان عليا تنظيف وغسيل وحاله وفوك هاد اتكاتلت مع اخوي مكتله اخت شلن لهيك اخدت شاور وبدي ارمي حالي وبلكي انام لان مكهوره ومفكعه معي مليش نفس احكي عن يومي هلكيت..
BeautifuL StrangeR غير متواجد حالياً   رد مع اقتباس
قديم 09-28-2017, 11:48 PM   #29
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 33
الجنس:
المشـــاركـات: 9,140
نقـــاط الخبـرة: 1579

Icons13 رد: مأساة روح {هالكه} في اوراق تائهه ~

السلام عليكم ..~

الاربعا كان يوم معجوك غير شكل 17\27\9

ليلته يعني يوم الثلاثاء اتغلبت بالنوم عالاخر , يمكن عشان كعدت خمس ليالي ورى بعض سهر , بس مع هيك حكيت مع اصحابي واخيرا اعرفت شو كصه سجن حبي وشو مجريات ولاده مرت صاحبي وهالكصص , واللي اعرفته كمان انو خواتي واخوي باكين حاكين معاهم وهم بالمستشفى ومكانش لسا الولد عمره ساعه الله يخليه لاهله , اعرفت كتير كصص كديش انبسطت اني اعرفتها وكديش خلتني اعرف الناس اكتر لان الناس بتنعرف بهيك مواقف , واصحيت كمان بدري معرفتش ارجع انام , وكان عليا مشاوير مع خواتي لانو كان يوم عطلتي , والي فتره بضل اعصب من كلام الناس , يعني اد بحكي مع اهلي بكدرش اتحملهم ومعنديش البال اتحمل كلامهم مع انه مش هالكلام بس المشكله فيا , حنى مكانش نفسي اطلع مع خواتي بس عادوت انجبرت واطلعت , الحلو انو انا مرات بحب احكي شغلات كبيره لاختي هوبز وبشوف شو رأيها لان هاي الاخت بتكون معي صريحه وما بتجامل وبتحكي شو الواقع لهيك سالتهم عن كم كصه بخصوص حبي وشو رايها وبخصوص صاحبي وبخصوص السواكه وسمعتني الحكي اللي لمصلحتي ,وارجعت عالبيت ولان يوم عطلتي نفض البيت بحب اخلي عليا لان مرت اخوي بتعرفش تنظف زي العالم والناس , تنظيفها شلفكه يعني بدل ما اترتب بتحط كل شي بجهه وبنعرفش وينه , حتى العاز ولا بتصيبه , ولا االزباله , المهم هاي الشغلات برميها ورى ظهري لانو دك المي وهي مي معاها وبضل البيت مسؤوليتي وانا بحب اترب الشغله ع كيفي , لهيك نفظت المطبخ من الخزاين والثلاجات وهالكصص وخلصت الغسيل الحمد لله اللي عليا , اجى اخوي واحد واتكاتلت معه , ومش هالاشي اللي يعني اتكاتل معه بس مرات بتتحملي الشخص بالامور الصعبه وبيجي موقف تافه كأنه البرميل طفح , واكتر من مره يحكي اشي مش لازم يحكيه وانا امسك حالي واجحره واشد ع تمي مشان ما يطلع مني كلام اندم عليه , بس بالاخر باخر الطوشه سحبت حالي وحكتله (يا خساره) وانا لما ازعل صدري بصير يوجع وكأنه حد بكعد عليه وكمان قلبي بصير هيك يغز فيا , وبخاف من هاي العز اللي بصيب قلبي لان بخاف يصير فيا اشي وامرض وبعرف محدش راح بتعرف عليا وراح اكهر اهلي , لهيك عطول سحبت حالي وروحت تحت الشاور لان السر عندي بانو اد بكون مخنوكه الشاور بخفف كل التعب والنفسيه , وحطيت حالي بالتخت واغفيت , اجى اخوي تلات من الشغل , وكانت اختي هوبز عامله مفتول واعطتني , فا اخوي جهز الاكل وصحاني , لما اصحيت لكيت اخوي واحد باعت مسج يتحركش فيا , لسا مش رايكه منه فا ما رديت عليه , المهم اكلت وكعدت مع اخوي تلات اسهرنا مع بعض , الا اخوي واحد جاي , عبر رد السلام وانا ما رديتش عليه , اجى فوك راسي بالزبط وحكى ( بدك البروجكتير؟) حكتله (لأ) وروحت ع الغرفه جبته واعطيته اياه , انا كنت عارفه انو حركشه لان كد ما كنت احكيله خد البروجكتر اسهر عليه ما كانش يرضى , ايشمعنا هلكيت جاي بنص الليل يسألني عليه ؟ وبعدين امي بتتصل بهدا الوكت ؟!! حكيت معاها وحكتلي انو (ابو التتن حكى معاها اليوم) , اخوي واحد امي مسميته ابو التتن من كتر ما بدخن هههه , ومسميه حبي ابو سمره او اهل الادرن ههههه عفكره هلكيت اكتشفت اني زي امي باكيه لما اسمي الناس بالقاب ههه , المهم من زمان اخوي مش حاكي معاها , اخوي هو بالاصل انضرب وملخوم يمكن لهيك بطلت اكدر اتحمله لانه اتغير , فا حكيت بعقلي ( الاهبل رايح يحكي مع امي امفكر بدي افسد عليه واحكيلها عن الطوشه ؟ ليش هيك صاير يفكر الاهبل ؟) المهم خلصت حكي مع امي واخوي تلات ما اخد البروجكتير خلاه بالصاله بس طلع حركشه , هل انا اصفيت عليه ؟ لأ. هل انا بنسى اللي صار بينا لأ ؟ .هل انا بعيد الشغله ؟ لأ ولا اي ي بشبه الها !! خلص انتهى هو بالنسبه الي . وروحت حطين راسي ونمت وطبعا كلشي عالتخت حطيته عالارض وهي العرفه بدها ترتيب اخ بس كديش بضل تتنفل !!
الخمس اطلعت ع شغل النهاروانا مروحه اتصلت عليا امي واتكاتلت معاها (مسحت ) وروحت وهيني الدار . وعليا هلكيت 4 شفتات شغل ليل ورى بعض .. الله يعين بس
خليني احط الصور باللي جاي .

التعديل الأخير تم بواسطة BeautifuL StrangeR ; 09-29-2017 الساعة 01:25 AM سبب آخر: بعد ما احكي اللي جواي بمسحه
BeautifuL StrangeR غير متواجد حالياً   رد مع اقتباس
قديم 09-29-2017, 12:11 AM   #30
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 33
الجنس:
المشـــاركـات: 9,140
نقـــاط الخبـرة: 1579

افتراضي رد: مأساة روح {هالكه} في اوراق تائهه ~



تجريب لان موقع رفع الصور خربان ينعن شكله
BeautifuL StrangeR غير متواجد حالياً   رد مع اقتباس
إضافة رد

الكلمات الدلالية (Tags)
اد كاعد تقرأ هدا الكلام يعني عالاغلب انك متابعني بدي احكيلك شكرا(), بتمنى اني ما ازهكك او ازيد من الكأبه اللي بطوف حواليك


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه للموضوع مأساة روح {هالكه} في اوراق تائهه ~:
الموضوع كاتب الموضوع المنتدى مشاركات آخر مشاركة
>>||اوراق مبعثرة ||<< PARASITE➤طفيلي➤ قسم الأرشيف والمواضيع المحذوفة 1 12-22-2013 10:12 PM
اوراق مبعثرة العاشق 2005 قسم الأرشيف والمواضيع المحذوفة 1 07-02-2010 10:34 PM
اوراق مبعثرة العاشق 2005 قسم الأرشيف والمواضيع المحذوفة 1 07-02-2010 10:34 PM
اوراق الحياة العاشق 2005 القسم العام 0 11-02-2008 09:50 AM
اوراق مبعثرة العاشق 2005 قسم الأدب العربي و العالمي 0 10-03-2008 03:50 AM

الساعة الآن 03:16 PM.


Powered by vBulletin® Copyright ©2000 - 2024, Jelsoft Enterprises Ltd.

كُل ما يُكتب أو يُنشر في منتديات العاشق يُمثل وجهة نظر الكاتب والناشر فحسب، ولا يمثل وجهه نظر الإدارة

rel="nofollow" maxseven simplicity and clarity