قصص تموت من الضحك

قصص تموت من الضحك

السـ.ـلام عـ.ـليــكم

تـ.ـفضــلو المـ.ـوضوع :

طالب مجتهد جدا في اختبار النحو أعطوه كمجملة قالوا له اعربها الله يطول عمرك ، قال : " تأمروا ، الامر غالي والطلب رخيصماطلبتوا شي ، الله يحييكم ".
وكانت الأسئلة كالتالي:
الســـــؤالالأول :
أعرب جملة ( سور الصين العظيم)
الجــــــواب :

سور : وهو ما ينقزمنفوقه الحرامي لدخول البيت بمعنى آخر ( جدار)
الصين : نوع من أطقمالاوانيالمنزليه يأتي باشكال وانواع متعدده .. يمكن استخدامها " بالفرن أوالميكرويف " وبعضها قابل للكسر ومتوسط سعره 10ريال او ريالين عند محل ابو ريالينالمتوفر حتىبالبر للطقم الكامل
العظ : ويطلق على ما يحدث من إطباق فم حيوان اوانسان على يدانسان اخر
يم : اسم من اسماء البحر .
وتعني جملة ( سور الصينالعظيم ) كاملة :-
ان الحرامي اذا نقز فوق السور يبغي يسرق أطقم الصين .. عظه *** وطاح في البحر

الســــــؤال الثاني :
أعرب جملة ( مرض جنون البقر)
الجـــــــواب :

مر : لا يتذوق اياه
ض : زائده ولا معنى لها في هذهالجملة
جن : وهل يخفى القمر
ون : كلمه انجليزيهتعني 1
الب : أي جبالالالب وهي مرتفعات عاليه تم تصوير افلام كرتون هايدي فيهاويقال ان هذه الجبال علىطول السنه ثلوج
قر : مشتقه من قرنفل وهو نوع من انواعالزهور الرائعه
وتعنيجملة ( مرض جنون البقر) :
ان الجني ( نمبر ون ) هواللي يتسلق جبال الالب ويقطفزهرةالقرنفل

الســــــؤال الثالث :
أعرب جملة ( برج ايفيل)
الجــــــــواب :

بر : هو الصحراء وهو الذييوجد به البدو ورعاة الغنمومنه انواع وهي الطعوس
ج : للتاكيد
إي : حرف E بالانجليزي .. لا محل له منالاعراب
فل : نوع من انواع الزهور
وهناك معنى اخروهو ان اللي يقول فل همالمطخطخين حيث انهم اذا وقفوا عند محطة البترول قالواللهندي اترس فل بيّا .. اماالصاحي فيقول عب 5 ريال والمعنى الثاني هو أرجحبرأئي
وتعني جملة ( برج ايفيل) :
انه على من سيذهب الى البر ان يعبأ البترولفل ( مليء) أو ما راح يوصل .

هههههه

مرة واحد اسمة عزوز راح اشتغل صبى عند ميكانيكى. وفى يوم قال لصاحب الورشة
: انااعرف رئيس الحى.... صاحب الورشة ماصدق.
لكن بعد يومين فعلا مر رئيس الحى قدامالورشة وسلم على عزوز سلام حار جدا...
صاحب الورشة اعجب بعزوز وشغله اسطى فىالورشة .
وبعد يومين عزوز قال لصاحب الورشة انا اعرف الوزير!!
قال له : لاصعبة جدا
وفعلا بعد يومين مر الوزير قدام الورشة وسلم على عزوز ...
صاحبالورشة ا نجن وقال لعزوز يابنى انا بزوجك بنتى وتمسك الورشة مكانى..
وبعد يومينقال عزوز لصاحب الورشة انا اعرف بوش
ولكن صاحب الورشة قال بلاش تفشر على ..عزوزقاله:
تعالى نسافر وانا اعرفك وفعلا سافروا أمريكا ووقفوا امام البيت الابيضوعزوز قال:
شوف الشباك الابيض ..حأطلع بعد شوية انا وبوش ونقول لك هاى
وفعلاعزوز طلع هو وبوش...
بعد خمس دقائق صاحب الورشة اغمى علية وراح المستشفى .. ولمافاق سألة عزوز:
ليه اغمى عليك علشان شفتنى انا وبوش ...
صاحب الورشة قاللا....

انا اغمى علي علشان انت وبوش واقفين فى الشباك عدا من قدامى اثنينامريكان بيسألونى مين اللي واقف جنب عزوز ده؟؟

احد ايام رمضان المبارك كنت ماخذة اجازة من الصيام,و خلصت صلاة الفجر ..وذهبوا افراد العائلة كلٌ إلى مرقده كما أعتقدت
هم راحوا لغرفهم من هينا ..وانا انطلقت للمطبخ من هيناك
أخذت لي فيمتو و شبس و طلعتلغرفة التلفزيون مبتهجة

وبينما أنا في خضم البلع والقحن والكركرة على مسلسلكوميدي كنت اتابعه وداخلة جووو
الا وينفتح الباب واشوف وجه كذا >>>>>>>>>>>

ويطلع أخوي " يونس " -طالب في المرحلة المتوسطة يميل الى الامتلاء يملك عيون عسلية و حواجب كحلية - كان يونس في أشد الدهشة والانبهار والتعجب حتى ظننت انه قد يموت بسكتتنقلبية

يونس : ماصمتييييييييييييي !!!!!!!

أنا وفييدي كأس مليء بالثلج وكيس شبس كبر وجه أخوي يونس : ليه أنت صايم؟؟

يونس : وجع ..من جدك تسألين هالسؤال ؟

أنا بكل ثقة وبجاحة: والله انت بعد سألني نفس السؤال

يونس: والله انتي اللي جالسة تبلعين وتشربين موب انا

مممممممشفت الولد ماعنده نية يفهم ,استوعبت انه يااما انه كان غايب في درس الفقه منهج سادسابتدائي ..يااما ان مدرسهم طمر الدرس , ولا وش ذا الدلاخة

ومافيه مجالأصير ناسيه وأنا مجهزة العدة,كاس ثلج وسترو ومنقيه الشبس اللي أبيه

المهم قلت فينفسي والله لو يموت مااعلمه انا عن ذا العلوم..مو لهالدرجة انا وسيعة صدر
فما كان منيالا اني فجأة قلت له

: اسمع بقولك سربس بذمتك لايدرون امي وابوي ولا احد ,أوعدني ماتعلم احد وانك تحفظ سري هذا لينأموت.. ان مت علم اهلي ,عاد خلاص مايقدرون يسوون لي شي


واللللللللللللللللللللللللللله ماأقول لأحد ..اقسم بايات الله وبالقرانوالكعبة وجعلي اموت اني مااقول لااحد اذا علمتيني< خرجت هذه الكلمات منأخي يونس بحماس مشبع بالسعابيل المتناثرة التي لامست وجهي


:أجل شف بصراحة أنا مسيحية

:لا والله !! قولي قسم بالله


:انا مسيحية ولا أقدر أحلف لان ديني غيركم< عشت الدور على طول
بس بقولك القصة يمكن تخف روعتكشوي
وتقدر تتفهمني و تحتويني وتحتضني (حسيتني بخربالولد)


القصة ومافيها .. أني انايوم كنت صغيرة ,ترى أهلي ماكانوا مهتمين فيني زيك, كانوا بس يخلوني
عندالتلفزيون ويروحون يتمشون..تعرف انا اول طفل لهم وامي وابوي كانوا توهم صغاروطايشين
و طفرانين ببعض وانا حسوني دخيلة بينهم
ماادري ليه جابوني بسرعة اذاهم مايبغوني
فجأة شفت عبرة خنقت يونس ذو القلب الكبير وهو يتابع بصمت وفضول وغباء

طيب ليش أجل تلبسين عبااااااية !! وانتي منتيبزينا < قاطعني أخي يونس بكل دلاخة

رديت بنفس النبرة الكسيرة :حتى الفلبينيات يلبسون عباية..انا كنت البسها زيهم احسبهايونيفورم لسعوديات

ورجع من جديد بسؤال أذكى قليلا من السابق : طيب ماعلموك المدرسة الاسلام ؟!!!

:لاكنت أنام في الحصص وفي الاختبارات أغش

واستطرد في القصة..فلما كبرت وجيتأنت ..حبوك أمي وابوي من كل قلبهم وخافوا من أني انتبه لهالحب أو احسدك عليه فقامأبوي يبي يلهيني بشكل أكبر ..حط لي نت وقال لي هذا لك
اما هذا لنا "مشيرابأصبعه المشعر إليك " وخذوك معاهم ورحتوا تتمشون


يونس >


المهم صرت أحس فيه سر لازم أعرفه وصرت أدور في هالنت وانتشر هنا وهناك واتبعثر واتبخر واتكور الى ان أخذتني رياح الأقدار الى امراءة تدعىالأم تيريزا

وقلت لها قصتيواحتوتني واعطتني الحنان اللي حرموني منه اهلي اللي يكرهوني ويحبونك انت

بعدهاصرت أحبها واسميها ماما ..ومع الوقت علمتني المسيحية وقالت اعتنقيها ياابنتي
واعتنقتهاوأهلي مايدرون وللحينمايدرون


يونس بلم وهو في حيرة وده يرد ولا هوب عارف خاصة انه حسنفسه السبب وتعاطف معاي
صمت لبرهة وبرهات وفجأة قال
: طيبماتفكرين تسلمين ؟


لا أخفيكمسرا ..جتني ضحكة كبيرررررررررررة الا أني بلعتها لدرجه صبت دموعي وسويت نفسيأبكي,قلت له بصوت مخنوق : بس ماأعرفه ..أنا ماأعرف في هالحياة الاأمي تيريزا

داخ راسي من كثرالخرط عليه وجاني النوم ..قمت وعطيته كاسي بعد ماشربته كله وقلت خذ رجعه للمطبخ أناتعبت من الصياح بروح أنام

@#$%#@#$%@#$%@#$%@


جاءيوم غد ..وفجأة أسمع شي يخربش تحت باب غرفتي ..حامت كبدي حسبته صارور ..قمت ابشوفمادريت الا كتيب ديني يندعس تحت الباب

واشوف ..الا عنوانه Islam ???!!

وافتح الباب بسرعة بشوف من اللي حاطه , الا واسمع صوت باب غرفةيونس يتسكر بقوة

ههههههههههههههههههههههههههههههههههياانا ضحكت ضحكة بغت تنكسر شبابيك غرفتي
خلاص معد استحمل ,هالولد تحفة لازمتنحط في متحف اللوفر ,لعنبوا بليسه وش ذا المخ

طيب يوم انك بتدعوني ليهجايب لي كتاب دعوة بالانجليزي ,شايفني شغالة ,على باله يوم صرت مسيحية معد افهمعربي ,ماادري ذا الولد مخه وين


المهم انا عقبهالضحكة نسيت الكذبة ,ولهيت بمشاغل الحياة< مشكلة البزي ومن

ومركم يوم , وصدفت ان يونس مر جنب غرفتي وانا لابسة جلالي وأصلي,وأنا أسجد
مادريتالا بصوت رجول تراكض متجه نحوي ,واجلس من السجود الا ويونس يصيح ويحب راسي

أنا خلااااااص بفطسمن الضحك ,يالله كملت التشهد وسلمت ,الا وياخذني بالاحضان يونس صاحب القلبالكبير

الحمداللللللللله أسلمتي ,الحمداللللللللله أسلمتي

ودموعه تتقاطرعلى كتفي ( ياكثر مايوصخني ذا الولد يابتفال يابدموع ..الله يصبرني )
بس واللهرحمته جاني الصياح صدق ,ماأدري هو أن عشت الدور ولا صياحه صيحني

ويمر أبوي قدامهالمشهد التراجيدي وينهبل
وجععععععع خير انهبلتوا ..وشصاير

ويونس من هولسعادته كب العفش والعشا والقش كله


بنتكأسللللللللللمت أسلللللللمت


وللأسف انجلدتبعدها بس عادي التعب عاديمايجي شي عند هالخرطة الليكبر حمار ومشت على يونس الفتى صاحب القلب الكبير هو و كتيبه الدعوي ببروزه عندي واهدده فيه اذا استبثر علي في المستقبل



وكل رمضان وأنتو صايمين

السلامعليكم ورحمة الله وبركاته
البنتدائماً تفكر بفارس أحلامها

يجيها بطريق الصدفة .. أو بعد موقف

مثلاً : وهي بالبحر وتغرق يجي هو وينقذها

أو وهي تمشي بالشارع يجييصدمها



المهم

في يوم من الأيام كان الناس بشهر رمضان .. طلبتمنها أمها تأخذ صحن ( اللقيمات ) للجيران

وكان الفصل شتاء والجو غائمممطر

فلبست البنت فروة ابوها وشراب شتوي لونين كحلي والفردة الثانية بنيوشال أمها

المهم أنواع العفسة

وطلعت بالصحن .. والا سيارة جاية طايرةلانه بيأذن المغرب وتصدمها

ويطير صحن اللقيمات

ونزل صاحبالسيارة

والا شاب وسيم وطويل

لقاها منكسرة رجلها وخافعليها

أما هي ما حست بشيء

بس تطالع فيه وتتبسم في وجهه لأن حلمهاتحقق

وجاء فارس أحلامها زي ما تبي



المهم

اتصل الشابالوسيم بأخوها وودوها المستشفى يجبسوا رجلها

ومضى رمضان

والبنت تنتظرالفارس ليطرق الباب طالباً يدها

واتى العيد

وبعد أيام

رنالتلفون .. ورد أخوها .. وقال

وعليكم السلام ورحمة الله وبركاته

إينعم .. حياك الله .. بخير ولله الحمد

وطار قلب البنت لما شافتهمبتسم

وسمعته يقول رجلها في تحسن ولله الحمد

جزاك اللهخيراً

مع السلامة



وبعدها

مات أخوها منالضحك

سألته الأم .. من المتصل ؟ .. وليه هالضحك ؟

البنت تنتظرالجواب على أحر من الجمر



قال

هذا اللي صادم أختي وكانيسأل

!! عسى خدامتكم طابت بعد الصدمة !!

بيت يعيش فيه شاب مع والدته التي ما تتجاوز الخمسين من عمرها ،،،،، كان هذا الشابدائما مشغول عنها بالجلوس امام الانترنت ....
وكان يعطي الانترنت اغلب وقتهونادر ما يجلس وسولف مع امه ويتبادل معها السوالف ،، وكانت امه من حسن حظها انهاتكتب وتقرأ ,,,,,,,,,,,,,,,,,

وفي يوم كان ولدها يجول ويصول في هالمواقع !!!!!!!!!!!!!
إذ دخلت الأم عليه وصرخت في وجهه يا ولدي انا ملانة وانت تقعدعند جهازك هذا وتنساني !!!

رد ابنها مازحاً : ابشري يمه راح اشتريلك جهازمثله واشترك لك بالانترنت بعد ،،،، وصدقيني ما بتملين عقبها ،،،،

ردت امه : بس انا ما اعرفله .... يا ولدي !!!!!!

رد الابن : تعلمي يمه مثل باقيالامهات ،،، ترى يمه أنا دايم اشوف بالشات عجز مثلك ...

الام غاضبه : وشوشاته يا تيس أجرب ،،،،، أمك شات ؟؟؟؟؟؟؟؟؟؟؟؟

الابن ضاحكاً : لا يمه لاتفهميني غلط ،، الشات ذا يعني ناس يدخلون ويسولفون ويستانسون ،،،، تبين تعرفينه يمهإنشالله اجيبلك جهاز .... ابشري ...

الأم : الله يسترنا من هذا الجهاز ... يعني ابتشبب يا ولدي بهذا الجهاز ؟!؟!؟!؟!؟!؟!؟

الابن : لا وبعد أزيدك منالشعر بيت به مواقع تهبل تذكرك بأيام أول ...

الأم : إيه انا توي شابه ماأذكر أيام أول ما لحقت عليهن ....

الابن : هذا يمه وانتي ما دخلت علىالانترنت بديتي تشببين عاد شلون لو دخلتي عليه



ومرت ،،،






ومرت ،،،،





ومرت الايام وأدخلالابن لوالدته الشبكة العنكبوتية ( الانترنت ) وعلمها كيفية الدخول إلى ( الشات ) والتحدث من خلاله ....

وأصبحت والدته من المغرومين بالـ( الشات ) حيث أنهالا تفارقه وبالتالي كلفت على ابنها من حيث المبالغ المالية الطائلة مقابل ( الانترنت ) ....




و




و




و



ومع مرور الزمن ولدها يمارس هوايته المفضلة ( الشات ) وذلك بالتعرف على الجنس اللطيف وبينما هو على هذا الحال بدأ بمراسلة فتاةرمزت لنفسها بـ( الرشيقة ) فأخذها على الخاص وبدأ معها المراسلة فاعجبته وأعجبها،،، حتى عشقا بعض من خلال الكتابة ،،، وكان يتحدث إليها على الخاص يومياً ...
والابن آخر شي ما قدر يصبر اكثر قالها عطيني رقمك ،،،، نحدد موعد بينا ....

كتبتله الرقم ...



وإذا ،،،








وإذا ،،،،








وإذا بالفاجعة ،،،،،


صرخ الشابهذا رقم بيتنا ............. وهذي ،،،، وهذي امي ،،، الله يعيني على هذه المصيبة،،،، ولد يغازل امه ،،،، امه










ما قدريصبر الابن وما قدر يحبس حماقته رد عليها " أقووول يمه ترى ما بيننا إلا جداراطلعيلي " ,,,,,,,




ههههههههههههههههههههههههه هههه

موقف ما راح انساه كنت داخل مسجد وقت المغرب ومتأخر والامام يقرا في سورة بعد ما خلص من الفاتحة وكان الميكرفون متعطل المهم دخلت متحمس وبالحق على الصلاة معهم الا وعلى دخلتي اسمع الامام يقول (ضالين) وانا على دخلتي كبرت وقلت آمين .. الا واللي في الصف الاخير ماتوا من الضحك وقطعوا صلاتهم .. وانا احسب الامام في الفاتحه وهو يقرا سورة ثانية .. وسكت الامام شوي وكأن وده يضحك .. واناما علي قاصر ضحكت معهم المضحك اني كنت متحمس

كله من الثلج

تقول كنا في مكة ايام الحج وكانت خيمتنا في مكان مرتفع بعيد عن سيـارات الماء .. ذهب أخوي يجيب (ثلـج) وجاب قطعة كبيرة شايلها فوق كتفه ثم جت ثنتين من خواتي الصغـار بيساعدونه على إنزال الثلج وكان حريص .. بحيث انه لف قطعة الثلج بإحرامه اللي على كتفه حتى ماتثـلـج (تبرد) يدين خواتي المهم خواتي سحبوا إحرامه (السفلي) بدلا من اللي فوق اللي فيه الثلج .. وبسرعة ... طاح الإحرام وطاح الثلج .. وطاحوا أخواتي من الضحك ..

عسى ما نست

مرة زوجتي غيرت الثوب ونقلت أغراضي من الثوب الأول إلى الثوب الجديد .. رحت أصلي الفجر وركبت السيارة وشغلتها وأنا أسوق تذكرت وقلت : عسى ما نست تحط المفاتيح في جيب الثوب ( والمفاتيح كلها بميدالية وحده طبعاً ) !! وأفتش جيوبي والله المشكلة مافيها مفاتيح .. وشلون إذا رجعت افتح الباب !! وانا محتار و أفكر يوم جيت ارجع إلى البيت وأطالع .. وألقى المفاتيح قدامي مشغل بها السيارة ..( والله الذكاء

معرس بألف شوكة وشوكة
واحد تزوج على زوجته ( ومن الحرة اللي فيها )... جت في ليلة عرسه خذت ثيابه اللي بيلبسها ومسحت عليها قشر" برشوم " والبرشوم فاكهة لها اشواك رهيبة وماتنشاف

<<<<<<<<<<<< زين سوت

الشغالـة

اتصلوا علينا المطار قالوا ترى شغالتكم وصلت .. وعلى شان نفتك من تفويض استلام رحت بنفسي أخذ الشغالة ... المهم وصلت المطار وخذت الشغالة بطبيعة الحال معها شنطه فيها ملابسها .. استلمت الشغاله وطلعنا للسيارة فتحت شنطة السيارة على شان تحط شنطتها .. تفاجأت ... أن الشغاله مدت رجلها بتركب في الشنطه قدام العالم .. وانا ما مسكت نفسي ما قلت لها لا قعدت اضحك وما مسكت نفسي وقمت أشر لها على شان تنزل والعالم تضحك .. المهم في الاخير نزلت من الشنطه .. بس بعد ما كل الموجودين جاهم مسيل الدمووع من الضحك ..


وش اللي صار

فيه وحده من القديم تستحي مرة مرة .. ولما تزوجت كانت تستحي حتى تتكلم مع زوجها .. وكانوا الحريم يلومونها على هالحياء الزايد ويقولون لها لازم تحكين مع زوجك و تمزحين معه تدفينه بيدك مثلاً .. وصممت هالمرأة على كسر هالحاجز من الحياء الزايد ... ومرة من المرات هي وزوجها بالسطح يوم جاء الزوج بينزل مع الدرج ألا وهي تسرع وتدفه (تدفعه) وهي تبسم .. تدحرج المسكين وترن ترن مع هالدرج الى ان وصل آخر درجة وهو بعد ما استوعب وش اللي صــــــار …

<<<<<< لو اني بمكانه طلقتها هههههههههه

مطر مفاجئ

وحده يوم عرسها بعد ما خلصت من التجميل والتسريحة .. يوم جت تطلع على الحريم والرزة على المنصة .. شافت بعض (الحمرة) في يدها دخلت تغسل يدها وفتحت الحنفية .. ومـادرت الا والدش يصب على راسها !!
<<<<< قهررررررررر

تحريك جو

فيه وحده تقول في اول ايام زواجي طلب مني زوجي ان افتح له علبة بيبسي .. وبغيت احرك الجو بشي من الفرفشة .. قمت وفتحت العلبة قدام وجهه و… يا للهول طاااااااش البيبسي على وجه وملابسه والجدار .. وانا مع خوفي جتني حاله هستيرية من الضحك وانا اشوف هالموقف ..

تطبيق واقعي
وفيه وحده بعد تقول في الاسبوع الاول من زواجي حلمت اني العب مع اخواني وقام اخوي الصغير واخذ شي من اغراضي وقمت الحقه حتى مسكته وقمت اضربه واصفقه .. يوم توقظت لقيت اني اضرب زوجي !!

نتيجة اللقااااافه
فتاة قد تعودت هي وأخوتها إذا مـر أحدهم بجانب الثاني مـد رجله ليسقطه على الأرض ،،، فلما تزوجت وفي -الأسبوع الأول - من الزواج وحين نهض الزوج من وجبة الغداء لغسل يديه مــدت الفتاة رجلها - كالعادة - فسقط الزوج وكسرت ذراعــه واما الفتاة من شدة خجلـها من الموقف ذهبت لأهلهـا !!!!!

دايماً تصيــــر
وهذي سالفة أمي قامت تلبس شرشف الصلاة تبي تصلي وفجأه رن التلفون ورفعت السماعه وبدل ماتقول ألو قالت الله أكبر هههههههههه وبصراحه عجزت تتكلم ورمت السماعه وطاحت من الضحك ........
ّّّّ~~~~~~~~~~~~~~~~~~~~~
أتمنى انها أعجبتكم .....

أخووووووو

وكم: $$$المجنوون$$$

• عربي وهندي يهودي/ وكانوا ماشيين تعبانين بالغابة // لقوا بيت دقوا بابه //طلع لهم واحد قالولة : "نحن تعبانين ولو تسمح نبات عندك اليوم.//قال, "ناموت في الزريبه لأن الأهل موجودين في البيت.// وافقوا// الهندي دخل الزريبه,,طلع بسرعه// سألوه ؟ قال ((بقوان)) في داخل انا ما في نوم داخل مع بقر // العربي دخل طلع بسرعه// سألوه ؟قال: في خنزير ومستحيل انام في مكان فيه خنزير.// اليهودي دخل طلعوا البقر والخنزير سادين خشومهم..
• 1) (قصة قصيرة )واحد راح المطعم ، لقى لافته كتب عليها ( إذا اردت ان تعرف سر بـغـبـغ..أشتر همبرغر)// شرى همبرغر لقى داخلها فيها رسالة اذا اردت معرفة سر بغبغ أطلع من المطعم و روح يسار// طلع و راح يسار ولقى لافتة كبيرة مكتوب عليها اذا اردت معرفة سر بغبغ أذهب بيتكم وشغل التلفزيون// شغل التليفزيون وجد أخبار تقول اذا اردت معرفة سر بغبغ اشتري تذكرة سفر//اشترى تذكره لقى مكتوب على التذكرة (اذا اردت معرفة سر بغبغ اذهب الى المطار وسافر ألان) لما راح المطار ركب الطيارة و لبس حزام// عندما ركب و الطياره و وأقلعت الطياره.// شاف لوحة مكتوب عليها اذا اردت معرفة سر بغبغ نط بالبحر// وعندما نط وجد زجاجة فيها رسالة!!!!!:إذا أردت معرفة سر بغبغ أحذف الزجاجة وستسمع صوت!!؟؟ فعندما حذف البطل طلع صوت(بغبغبغبغبغ)!!!!!
• 1) واحد عنده مشكلة في حرف الشين //كل ما يقول كلمة فيها حرف الشين يقعد حوالي ربع ساعة// مرة اراد يشتري شاورما // لكنه قعد يفكر ما العمل // لانة لو راح المطعم ، ربع ساعة لن تكفيه حتى يقول شاورما و الناس تزهق // فكر في حل ، اول ما يركب التكسي يحاول يقول شـــاورما لما يوصل للمطعم ويكون عند نهايتها //راح وهو يقول شششششششششششششششششششششششششششششششششششش // وصل المطعم واول ما فتح نافذة زجاجة التاكسي //جاء الجرسون يقول :ايش ؟//صاحبنا ما صدق قالها : شاورما واحد // الجرسون قال :ما بسمع ايش ..مرة ثاني //من العصبية قال له : ينعل ابوك عطيني واحد فلافل .
• 1) دكتور متعين جديد بمستشفى المجانين أخذهم رحلة للحديقة \وقال للنزلاء :كل واحد يجيب لي كائن حي \ واحد جاب مسمار \واحد عصايه\ واحد كرتون \الخير جاب بغبغاء فرح الدكتور وقال له: من وين جبته؟ \ قال المجنون :لقيته على الشجرة تعال اوريك من وين. \ ولما وصلو الى المكان \شاف الدكتور بغبغاء ثاني على نفس الشجرة \فحب انه يختبر ذكاء هذا الشخص /فقاله:ليش ما جبت البغبغاء الثاني؟ \ فقال له المجنون: الي انا جبته احمر واللي على الشجره اخضر بعد
• 1) سيدة أخذت زوجها للدكتور //فحصه الدكتور وقال لها : يا مدام زوجك حالته خطيرة يمكن يموت بعد 3 شهور الا اذا عملت اللي اقول لك عليه //فقالت له : بسرعة قول علشان يعيش!!//فقال ليها : لازم كل يوم الصباح تقعديه الساعة 6 وتاكليه فطور صحي والغدا والعشا نفس الشي ولا تزعجيه وحاولي كل يوم تطلعيه يشم هوا لمدة 6 ساعات واسمعي كلامه ..اهم شي الطباخ//و بعد ماطلعوا من المستشفى سألها الزوج: ها قالك الدكتور ؟؟!!//فقالت له : بتموت بعد 3 شهور!!
• 1) (هذه قصة قصيرة )جحا ذات يوم كان يتسوق //فجاء رجل من الخلف وضربه كفا على خده// فالتفت إليه جحا وأراد أن يتعارك معه // ولكن الرجل اعتذر بشدة قائلا: إني آسف يا سيدي فقد ظننتك فلانا // فلم يقبل جحا هذا العذر وأصر على محاكمته // ولما علا الصياح بينهما اقترح الناس أن يذهبا إلى القاضي ليحكم بينهما ، فذهبا إلى القاضي ، وصادف أن ذلك القاضي يكون قريبا للجاني // ولما سمع القاضي القصة غمز لقريبه بعينه ( يعني لا تقلق فسأخلصك من هذه الورطة ) ثم أصدر القاضي حكمه بأن يدفع الرجل لجحا مبلغ 20 دينارا عقوبة على ضربه // فقال الرجل : ولكن يا سيدي القاضي ليس معي شيئا الآن //فقال القاضي وهو يغمز له أذهب واحضرها حالا وسينتظرك جحا عندي حتى تحضرها ، فذهب الرجل وجلس جحا في مجلس القاضي ينتظر غريمه يحضر المال // ولكن طال الإنتظار ومرت الساعات ولم يحضر الرجل //ففهم جحا الخدعة خصوصا أنه كان يبحث عن تفسيرا لإحدى الغمزات التي وجهها القاضي لغريمه//فماذا فعل جحا؟//قام وتوجه إلى القاضي وصفعه على خده صفعة طارت منها عمامته وقال له : إذا أحضر غريمي الـ20 دينارا فخذها لك حلالا طيبا ، وانصرف جحا

قصة مضحكة وضريفة

نترككم مع قصةالفتاة............!

كنت قاعدة اتفرج عالتلفزيون... متابعة مسلسل... وجامشهد زواج وحدة من الشخص اللي تحبه من زمااااان...

قلبت القناة على قناة Fuziah (لحد يسألني وشي قناة فوزية اسألو الوليتا بس لووول)...

لقيت عرضازياء فساتين عرايس... قلبت لقيت خطوات وضع مكياج العروس... سكرت التلفزيون وجريتالونة
التفت على ابوي اللي نسيت تماما انه كان جنبي. .. قال لي ابوي:

خير ان شاء الله يابنتي؟! وش فيك؟! عسى ماشر؟!


انا تلخبطتساعتها وفتحت له التلفزيون وقعدت ساكتة...



ايه اكيد بسكت وش اقول؟اقول له ودي اعرس؟؟؟

(يعني اتزوج بالعربي)... اقول له ان صاحباتي اغلبهمتزوجو؟؟؟
ولا اقول له اني تمنيت اكون مكان بنت خالي في كوشتها وفي الزفة امس؟يقطع الدراسة وسنينها ياشيخ...

اوف والله غثا يا بخت جداتنا ماتطق الوحدةالعشر سنين الا هي مخطوبة وعلى الثنعش اعرست وان وصلت البنت ثمنطعش ما اعرست قالوعانس!!! هذوليك البنات اللي عايشين صح مب حنا اللي نعجز ونوصل سن اليأس مااعرسنا... أخ يبه الله يفتح عليك وتخليني اعرس... وتفكني من الدراسة...



وبينما انا غارقة في قاع هذي الهواجيس ويرن التلفون ويقطع حبلافكاري... طالع الرقم ابوي وقال رقم غريب... رد بلهجة رسمية:

-وعليكمالسلام..... الله يسلمك..... الحمدلله بخير..... ايه انا ابوفلانة (منيب قايلة احلىنوف عشان محد يعرفني ويضحك علي).... لا منت غلطان انا هو... ماعليك زود اللهيسلمك... من معاي ياخوي ماعرفتك... والنعم.... تفضل وش السالفة اللي تبينيفيها؟.... لا ماني مشغول... لهالدرجة الموضوع مهم؟!... تفضل تكلم شغلتني...


والتفت ابوي علي وعطاني نظرة غريبة


انا ساعتها قرصني قلبيمو من ردود ابوي بس من نظراته الغريبة


رد ابوي على المتصل: وش فيها زودطيب؟

... لا بس مافيها أي ميزات عن الباقي...


رد ابوي علىالمتصل: طيب وبعدين... ايوة....طيب وش اسمك الكامل؟.... وش تشتغل بالضبط؟..... طيبمن دلك علي وعطاك رقمنا؟..... لا الموضوع يا ابني مو بهالبساطة.... العملية مش بيعوشرى وبس... الواحد لازم يسأل كثير ويحرص قبل يقدم على أي خطوة... لا موضوع انك تجيلبيتنا خليها بعدين... لين اسأل عن كل صغيرة وكبيرة... لا لما اكتفي من السؤال واخذالمعلومات اللي تكفي بتصل عليك تجي ونتفاهم ويكون خير ان شاء الله


اناكنت اتابع حركات ابوي وانا متشققة من الفرحة...

اخيرا انخطبت وبتزوج مثليمثلي غيري...

يوووووه أخيرا بلبس فستان ابيض منفووووووش


اخيرابطلع اجهز واتقضى للزواج... بسوي زواج كبير مررررررة وبحط زفة ريميكس وطرحتي مابيهاخليجية وع بخليها مبتكرة... منيرة منيب عازمتها هي وخواتها ماعزموني الاسبوع الليفات على الدي جي اللي سووه... وحصة صديقة امي منيب عازمتها بعد مالي خلقها تحوسنيلو حطيت اورج... وبشتري اغراض واشيل واحط واخطط... بيصدع راسي بس ولو لذيذهالصداع...


يوم قفل الخط ابوي التفت علي وهو مبتسم

ابتسامةتعجب وهو ساكت... قلت:
- هاه يبه؟ متى بيجي يشوفني؟
- منهو
- هذا الليخطبني تو
- وشو؟!
- خطيبي اللي تو
- تموووووونين انتي ووجهك صار خطيبكعلى طول ماعندك وقت

- ايه يبه ترى احذرك هالمرة شف تكرش العريس مثل ماكرشتولد ام مساعد العام للحين تراها حازة في نفسي ترا هالمرة بضرب عن الدراسة... ولاالاكل مقدر اضرب عنه...

والرسول حث على تزويج من ترضون دينه وخلقه... وهذاقايل قلبي انه اجودي ترا مااعرفه بس اتوقع انه كذا... وترا العرس اهم من الدراسةعشان الجنس البشري ماينقرض.... وبعدين من قال لك اني منيب مكملة دراستي والله بكمل

حسيت ان عيون ابوي بتطلع من شدة علامات التعجب

اللي في وجهه بعدينانفجر من الضحك

- هي انتي وين رحتي حدك حدك لا تشطحين!!!

- وشاشطح؟! هذي الحقيقة والحقيقة ماتزعل وانت الله يطول لنا بعمرك علمتنا على الصراحةوحب الحقيقة

- أي عريس واي هم؟؟!!... انتي مصخنة؟؟ ... هذا مندوب شركة يبييجي يوريني المكنسة الكهربائية العجيبة على قولته اللي تغسل وتنفخ وتطبخخخخخخخخ....
قومي نامي يابنيتي ولا تكثرين قعدة قدام التلفزيون... الحين بسعرفت ليه سكرتيه تو...

الله يقطع ام العجلة اللي تعرفونها...

مشكوووووووووووووووووووووووورة

مشكوووووووووووور

هههههههههههه

شكرا على الموضوع الجميل


تحياتي