مأساة روح {هالكه} في اوراق تائهه ~

اول تجربه واشوف كيف بزبط او شو ..~

https://c.top4top.net/m_701xztyf1.m4a

اليوم السبت , خلصت شفت الليل الجمعه مع السبت , واجيت ركاض عالدار , وكنت مبسوطه اني فش عليا اليوم شغل لا ليل ولا نهار , مع انه مكسور عليا نوم , بس لشو اكعد اتعذب بالنوم , اجيت لكيت اخوي تلات عم يعمل سفيحه , افطرت وعملت كهوه عربي لاني بدي اصحصح , كعدت مع اخوي كتير لانو الي من زمان مش شايفته وكعدنا نحكي زي العالم والناس , بعدين اجيت افتح البلستيشن وصليت عليها وهي بدها تصير الساعه تلات العصر وازهكت البلستيشن .
بالشفت غفيت يمكن عشر دكايك , واحلمت حلم كهرني كهر , مش راح احكي الحلم ولا عن مين , بس جد حلم بخوف وحزين وحاله زي عوايدي , حتى باحلامي بكون مكهوره ..~

لكيت مغنيه جديده مع انه الالبوم تبعها نازل 2016 بس لسا من حوالي اسبوع نحكي وكع تحت ايدي وحبيت اغانيها مع انه كلامها كتير وسخ , هي من كندا ولجهت الانجليزي تبعتها كتير حلوه ..~

لان فش كتير صور , ولاني بالبيت وبديش احوّش الصور خليني احطهم , ومرات بحب اعمل عالسناب فيديوهات صغيره وعليها كلام بس بتغلّب لما بدي اررفع الفيديوهات وغير انه فش ولا مركز رفع ابدي , كل الشغلات اللي بترفعها بتكعد شوي وبعدين بتنمحى ولشو اتعب حالي ..~



هون متل ما حكتلكم السكين اللي اخوي واحد حافر عليها اسمي .

||



الصوره من اليوم السبت , لاني لما العب بلتهي باللعب وبتكّسل اكوم اشرب , بحب احط التسالي جمبي مشان اضل اشرب واكل , وانا بحب اشرب كتير وكله مع بعض عشان معدتي تتفاجئ


||



هون هدول الصندوقين البيض اللي حكتلكم عنهم , تجميعهم سهل


||

السلام عليكم .. زمان عن المدونه ! حتى انا ضايعه وبدور عحالي ومش لكيتها . عندي تسجيلات صوتيه بس بعرفش اد محرزات انهم ينحطّوا , شايفهم حكي كتير وشغلات مش لازم تنسمع , وعندي كمان ملان صور , بس النفسيه زفت واغلب وكتي شغل ..~
مع هيك فكرت شوي وحكيت خليني اسمع التسجيلات الصوتيه واشوف اد احطهم او لأ , اكيد راح احط الصور بس بدهم تعديل الحجم ..~
ونفس الوكت نفسي اشغّل البلستيشن العب شوي وبعدين برجع للمدونه , لان راسي اله كم يوم عم يوجعني كتير والادفل مش نافع معه ولا الكهوه , يمكن لان بنامش منيح , وبشوف اد بضل اكتب واستخدم اللاب توب بيوجعني اكتر , مع انه بحاول اني ما اهجر المدونه , بس شو بعرفني عن مزاجيتي ونفسيتي ..~
بما انه الليله انا بالبيت الحمد لله , اد ما نمتش اكيد راجعه , بس بدي اروح اشغّل البلستيشن وبشوفكم عخير ..~

اليوم الاربعا 17\13\12

هدول ايش اختي فيث اشترتلي, اليوم شوفتها واعطتني اياهم , مش عارفه شو كصه الكل ما البوت(الحذاء) وخاصه الرياضي وانا مش مغرمه فيهم , بس مع هيك عشانه اسود انبسطت عليه , بس لسا ما البسته مشان اشوف اد مريح او لأ , وكمان بتعرفني بحب الشمع , بس دايما بتغلب لما تعجبني الريحه , واستغربت بانو عجبتني الريحه عالاخر , جد جد رهيبه ..~



||



||



||

عفكره انا حاطط الشمعه ع اللاب توب لما اخدت الصوره , وانا بحب الطُبع لهيك اللاب توب عليه صور شغلات بحبها , ولان امي كانت هان لما اشتريت هدا اللاب توب وحتى ابوي راح معي نشوفه مع بعض وكان مبسوط ع انبساطي وانا حامله اللاب توب . المهم امي هي النوع اللي بحب البلمع والكرستال لهيك في عليه الخرز وهدا اشي مش ذوقي بس من حبي لامي بتخليني احب شغلات هي بتحبها مشان اتزكرها دايما ..~

يوم الثلاثاء روحت نظفت وجهي , الي حوالي اكتر من نص سنه مش رايحه اعمل تنظيف لبشرتي , والسبب اني وجهي صار فيه حب كتير وروحت ع الدكتوره ومنعتني اروح اعمل تنظيف بشره او استخدم كريمات , لان صار عندي عدوا , وكمان كعدت فتره اخد دوا لاني كنت مريضه وكمان الدكتوره حكتلي بانو الدوا بتفاعل مع اي حراره لهيك ممتوع ليزر وهيك كصص , لهيك وكفت كله هالفتره , لهيك تركت اللي كنت اروح اعمل عندهم وجهي , وضليت ادور ع مكان تاني وما يكون اصحابه كورين او من دول اسيا , لان اللي اكشتفته بانهم بيستخدموا لكل انواع البشره نفس الشي , وبفكروا ان الكل متل بشرتهم وانا بعيده كل البعد عن بشرتهم , ولكيت محل اغريقيه ارمانيا , اول تجربه معاها كانت امبارح وبكل صراحه ايديها خفيفه , ولنشوف كيف ! هلكيت ايش عملت ؟ لاني بحطش مكياج وخاصه فانديشن وهيك كصص عالوجه بحب تكون بشرتي نظيفه , ولان مساماتي كبيره دايما بصير عندي زوان وبحبش اشوفه ع وجهي , وغير انه لحد الان في حب حراره بييطلع ع وجهي لهيك عملت حرق ونشوف كيف ويا رب تستر هاي المره , واشتريت كريمه واحد للعيون لان عيوني خلص تحتهم صار اسود وصار حزوز , وكريم لوجهي ما يزيد من الحب ع وجهي ..~



||



||

ايش اجاني من ابسي هدا الشهر

الشنته مش حلوه , ما عجبتني , بس هي هي يعني ما بستخدمهم انا , وملان صار عندي



||



||



اقنعه , لاني كتير بحب الاقنعه وبضل احكيلهم بالتقيمات انو الاقنعه من اهم الشغلات عندي , فصاروا كل ما في اقنعه بالدفعيه تبعت الشهر بحطوني بالقائمه .
فرشاه وانا بستخدمهومش بس اكيد بتتخبى هديه .
قلم ايلانير ما فتحته لاني من فتره مش بعيده فتحت واحد ولما اخلصه بفتح هاد وبشوف كيف .
كريم ايدين بس لان الرسمه وسخه غطيتها بفيس وكمان ما جربته الا لوكت ما اخلص اللي عندي , وخاصه انو عندي ملان كريمات ايدين , والعينات بحب اخليهم لمشاوير بدها كريمات فيها عطر .
وروج احمر وانا بستخدمش الاحمر لاني مش بيضه وسناني غلط فا يم بيطلع عليها ساحره غلط , بتخبى هديه .

لاني صبيه بعشق النظارات , وكانوا ع التخفيظات , ولاني من فتره نفسي اشتري نظاره (راي بان) , فا كانوا معروضين وعطول لا ارداي روحت مديت اديا وطولت النظاره والبستها ووكعت بغرامها , سعرها بلاوي ضعف نظاره (سي) اللي عندي , نظاره (سي) اشتريتها عالتخفيظات ب 100$ , اما هاي بي 200$ عالتحفظيات ومحدش بعرف الا اخوي تلات كم سعرها , لانه اشترى كمان واحده مديل الطيار اله ورهيبه عالاخر , امي اكيد بتزعل لانه تضيع مصاري ومعاها حك , بس انا لاني كرفانه عالاخر بتفشش بصرف المصاري تا بالاخر فلست ,وانا اجرب بالنظاره واشوف سعرها , احكي بعكلي (جربي غيرها لان سعرها عالي ) وبالزبط لفيت عالنظارات وجربت اظن تلات وما شوفت احلى منها عليا , وحبيت اللون البنفسجي لانه حلو عليا ولان لون اله زكريات معي , واخوي اشترى بوت واسترى واحد الي وانا بحبش هدول البوت الرياضيه بس ما حبيت ازعل اخوي , فا اخترت واحد وهو دفع سعره , الله يخليه هالاخو ويخليهم كلهم .



||



||



||

هون الصوره للنظاره من النت لانو النظاره مرايه واد صورتها بدون الفلاش راح تطلع صورتي فيها



||



كان نفسي اشتري نفس لون بوت اخوي وهو كحلي , بس ما لقيت نمرتي , لهيك جيبت الرمادي وجلطني الازرق الفانح فيه , بس يالله مقبول كتير , ولما البسته عنجد جد مريح عالاخر , عجبني بصراحه , بس ما بلبق ع لبسي لهيك صعب الاكي اشي يلبق عليه , بس منيح لشفتات الليل لانه جد مريح .

بحب الشبابيك كتير , وخاصه الكديم متل هيك , اي شي كديم بحبه



||



احدى الجلسات وانا العب بلستيشن

||



مرات السناب بيطلع فلتر رهيب ينعن شكلهم

||



من اول الدراج اللي اكتشفتهم هون ومن بعدها دخلت بعشقي للادراج

||



فتلر رهيب ينعن شكلهم

||



لازم يكون عندي اشي عايش بالغرفه لاني صاحبه الغرفه ميته , لهيك يا ضمم ورد يا شتل ورد يا عنكبوت وبيوته , المهم اشي فيه روحه عايشه وبدها تعيش , لفيت بالمحل تبع الورد وعجبتني هاي واشتريتها

||




كديم , كديم , بيجدبني

||



السما وعجايبها الحلوه

اول مقطع فوق النص ساعه , معندكش بال انسى تسمعوش !


https://b.top4top.net/m_713z11w01.m4a

||

مقطع مش مفهوم !

https://c.top4top.net/m_7138g6d52.m4a

||

ابصر!؟

https://d.top4top.net/m_713xmr443.m4a

في كمان صور وكصص بس خلص اتعبت بدي اتمدد , ان شاء الله بالمشاركات الجايه

السلام عليكم ..~

ما بين كصص البيت والمستأجرين الجداد وما بين شغلي شفتات الليل , وشغلي الزفت مع ناس كنت اشتغل معهم وراح ارجع اشتغل معهم وراح ارجع اكره شغلي من جديد , ووبين صحتي ومرضي , وصحه اهلي , وكصصي مع اهلي وخواتي , وصاحباتي , واصحابي , وحبي , هيني ..~

ما عندي وكت كتير لان لازم كمان شوي اطلع اتسهل ع شفت ليل الله يهونه عليا وبعده كمان راح اواصل ع شفت نهار والله يعيني يا رب ويعوضني ويصبرني ..~

خليني احطلكم كم صوره !