كيف تهرب من المذاكرة؟

السلام عليكم ورحمة الله وبركاته


عزيزي الطالب المظلوم
طبعا نحن منذ فترة ليست بطويلة كنا في معمعة الامتحانات سواء ثانوية او جامعية وسنعود اليها لا محالة فاليك بعد النصائح الثمينة للهرب من المذاكرة

الوضع طبعا في البيت في قمة النكد لا تلفزيون لا كمبيوتر لا خروج لا حياة اصلا قال يعني لما تذاكر وتنجح هتعمل اللي محدش عمله قبلك
عايز تعرف كيف تهرب من المذاكرة في اصعب اوقات الامتحانات بطريقة علمية معملية مدروسة لتضيع الوقت في اي شئ اخر غير المذاكرة دون ان يلاحظ احد انك بتهرب؟اقولك يا مان:

*كل نصف ساعة ادخل الحمام وهكذا تضيع خمس دقايق مفيش مانع انك تلقي نظرة عالتلفزيون وانت داخل ووانت خارج من وراء الستارة
*كل ساعتين اعمل كوباية شاي عشان تصحصح ويضيع فيها ربع ساعة وبرضه بص عالتلفزيون
*كل اربع ساعات اعمل ساندوتش بحجة ان المذاكرة بتجوع اوي وضيع عالاقل نصف ساعة
*كل ست ساعات نام ساعة حتى تثبت المعلومة التي ذاكرتها في عقلك بالنوم
*كل يوم صباحا وبعد الظهر وليلا استحم قال يعني النضافة خلاص قطعت بعضها بحجة ان الدنيا حر جدا ويضيع فيها ساعتين كمان
*كل وجبة استمتع بها ببطء وعلى اقل من مهلك لانك محتاج طاقة للمذاكرة خصوصا ان الوالدة هتكون متوصية بيك اوي ايام الامتحانات
*ماتشات كاس العالم التي لا يحلوا لهم لعبها الا ايام الامتحانات لابد ان تكون ضابط موبايلك على مواعيدها حتى تتابعها وتتابع التحليل ايضا مش هتعرف تركز وهي شغالة ومش ذنبك انها بتتلعب وانت بتمتحن
*امسك الموبايل داخل الكتاب وادخل عالنت او الفيس بوك دون ان يشعر بك احد وعيش مع نفسك ما انت لازم تعرف اخبار الشلة ايه(اللي المفروض انها بتذاكر هي كمان)
*واخيرا لو لم يكن كل هذا كافيا ووجدت الحصار شديد جدا عليك فليس امامك سوى ان تضع عينيك في الكتاب وتفكر في اي شئ اخر

******************
وبالتوفيق