مأساة روح {هالكه} في اوراق تائهه ~

بما انه من زمان مش حاطه صور فا بحب كل فتره احط وخاصه لما اكون بالبيت , لان بالعاده انا بستخدم المنتدى من البلفون , لهيك بعرفش احط صور , واول ما اشوف عندي الوكت لاحط الصور , بفتح اللاب توب وعطول بحطهم , بعدين بخبركم عن مجريات يومي ..~
عم اسمع في اغنيه عمر دياب يا احلى حاجه , واليوم فش عليا شفت ليل ياااهو واخيرا بدي انام بالبيت .



هدا الرف من اكتر الشغلات اللي بحبها بغرفتي .. لانه كله شغلات بحبها , ابلش من اليمين فوق

المانغا اللي بحبها لنفس الكاتب وصنف رعب والمفضله عندي هي (tomie) هاي شخصيه رهيبه لانها بتوقع الشباب وبتخليهم يقتلوا حالهم عشانها , بتلعب بعقولهم , وبحبوها لدرجه يقتلوها كمان , وبتموتش , يعني بترجع اقوى واحلى ..~
هدول ديك وجاجه صنع يدوي خشب اشتريهم لامي من (مدينه اليابان) وسعرهم بلاوي , بس لانو امي بتحب مناظر الجاج وخاصه الديك اشتريتهم الها وما حكتلها سعرهم الحكيكي احسن ترميهم , وكل مره بتيجي هان وبنسى اعطيها اياهم تاخدهم عالضفه معاها , ولان بزكروني فيها خليتهم بوجهي ..~
وراهم هدا فيل اشتراه ابوي الي احطه بالغرفه , وبكون جواه ورد ناشف معطّر , ريحته حلوه ..~
هدول دفاتر مزكراتي او معلومات خاصه عن الناس او شغلات للزمن , فيهم شغلات مش لازم تنقرأ او تنشاف , بس لاني الحمد لله في بيت ما بيدّخلوا شو بتعملي لهيك بخليهم بوجهي , في منهم منتهيات بمعنى فش فراغ , ومنهم فاضيات وبدهم تكمله ..~
هون الكتب , الطنطوريه الرهيبه وعزازيل , وقاموس اجاني هديه اول ما اجيت ع امريكا وكت مكانش معي بلفون يترجم لهيك كنت كتير استخدمه , هلكيت نيجي لهاي الروايه اللي كل مره بحكي بدي ابلش وبخاف , اشتريتها مره واحده ودوستويفسكي كاتبي المفضل , وفد عم تجمعلي كتب الي بالضفه , عندي الجريمه والعقاب بجزئيه هون , وطلبت تشتريلي الابله لاني بعشقها , مش راح تشوفوا الجريمه والعقاب معاهم لانهم بضلوا جمب راسي كل ما بدي اتزكر اشي بقرأ فيهم ..~
الرف التحت ..~
هاي الكاسه عباره عن بقره لاسباب اشتريتها من فتره مش بعيده ..~
وراها راح تشوفو كل المصاري اللي بحوشهم ..~
هاي الصغيره هي جاجه منفوخه من الكزاز من نفس المكان ولامي كمان..~
صندوق الموسيقي اليدوي و الكميرا اللي مرات بستخدمها , ومشكلتها انو الافلام غاليه ومش دايما الصور واضحه ..~
كلهم محطوطين ع صندوق الالعاب اللي اجاني هديه خشب بلوط حقيقي , وفيه شطرنج وهيك كصص كنت مرات العب مع ابوي وهو هان .~
والديفيدهات اللي عندي ..~

مش حكتلكم انو حد من اصحابي حكالي عن نوع عصير بخليني انام لاني بنت بعرفش انام , خاصه انو اغلب شغلي شفتات ليل , وبعرفش انام بالنهار , ولاني بنت بتشتريش علبه ولاني بحب انواع العصاير اللي تكون طاقه وهيك كصص , فا اشتريت الصندوق وفيه تلات انواع ..~
نوع للنوم اللي جربته واعطاني كسل لابو موزه , خلاني اتخدر بالتخت لا عارفه انام ولا عارفه اكوم .
نوع طاقه ما جربته بس خليت اخوي واحد يجربه وسألت عن النتيجه , حكالي انو صحّاه ساعه وبعدها اتعبه وكسّله عالاخر .
ونوع للضغط اللي لسا محدش جربه .
بس اجربهم كلهم اشوف كيف بخبركم ان شاء الله , بس عندي فش بعد الريدبول مع تلج يا سلام .

هون وانا بشارع (LOMBARD ) بحب لما اكون مخنوكه اطلع ازور هيك اماكن وخاصه بالليل , بكون جواي مشاعر ملخبطه خوف من الناس بالليل , ولامبالاه من الكهر اللي جواي . راح تشوفوا ع اليمين جسر (BAY BRIDGE) وعالشمال برج (CIOT) رهيب هالبرج بس ملان عالم بانك بتاخد طول النهار تستنى ع الدور وكمان بتدفع كتير مصاري عشان بس تكشف المدينه , حلو تروح عليه مره اما ترجعله لأ ..~

هدا مطعم اللي بحبه اللي في البسيفكا , روحنا عليه يوم الجمعه واسمه (FISH & CHIPS )

الاوضاع النفسه تبعتي محطمه ع كد ما انا بحاول التهي واظهر العكس , في كصه لحد الان بحياتي مش محلوله وبضل كل شوي يطلع امل ويطلع مطب ومش عارفه كيف انتهي من الكصه , وشفتات الليل دبحتني , وبكون ايام فش عليا ومبسوطه انو فش عليا , الا شوي بجيني تلفون وانو لازم اشتغل , امي مكهوره عليا عشان شغلي تا بالاخر حكتلها ليش كل هالشغل وهو سناني , وبدل ما ترتاح لأ انجنت اكتر , لسا امبارح روحت ع اول جلسه مع دكتور السنان ودفعت 640$ بس على جلسه واحده , وكمان بنامش وهدا متعب بال امي اكتر , شفتات الليل بتكون 12 ساعه ولما اخلّصها الصبح واوصل البيت بنامش , وبكعد يومين وتلات ع ولا ساعه نوم , ومرات ع ساعتين تلات كل يومين , واللي بهونها عليا الاصحاب , في عندي صاحب الله لا يحرمني منه كديش بخفف عليا هالشفتات , لدرجه في البريك تبعي بتصل عليه وبنحكي وفجأه بغفى عالبلفون معاه وصرت عاملها كتير , واصحى مرات والاكي الخط لسا مفتوح ويحكي ( صوت انفاسك عالي الله يعين اللي بده ياخده ) ينعن شكلك يا حيوان طب سكر الخط , ومرات اصحى ع تلفونات منه مشان متروحش عليا نومه , حتى اختي فيث كتير اضل تحكي معي بالليل مشان تخفف عليا , جد نفسيتي تعبانه ومحطمه واظن وحتى متأكده اد الشغله اللي براسي بتزبطش انا راح يوكف الزمن معي لسنه او سنه ونص لاصحى من الصدمه وهات عاد , ومستحيل ابدا ابدا افتح باب عالسور اللي حاططته , لان هاي بتكون الغصه التاني بحياتي , وبكفي ..~
اكلي خفيف بس وجبه باليوم اللي هي الفطور , ومرات بشرب كهوه ومرات لأ , بحاول كد ما اكدر التهي بالدار من تنظيف وترتيب , بحاول التهي بالتلفونات مع الاصحاب , وامي صارت تخفف تلفونتها معي , وابوي بحكيش معي من الاصل , لاني نفسي بالاشي وهم معارضين وبنفس الوكت بدهومش يزعلوني فا مش عارفين كلنا شو بدنا نعمل , زي كانه كلنا بنستى الفرج من ربنا ليرضينا كلنا ويا رب عن كريب, امي بضل تحكي ( شو هالوكعه اللي وكعتيها يا مريم) بالزبط الكل استغرب من ضعفي وكيف اوكعت , الكل استغرب كيف مشيت عالكصه وعيوني مفتوحين وعارفين شو النتيجه بس مشو , الكل انصعق باني رميت كصص عشان هالاشي , هاي هي مشكله لما تتحمل وتتحمل الاشياء الصعبه لوكت ما تيجي الريشه اللي تكسر ظهرك , وكسرتني وكسرت اهلي معي ..~
بالفتره هاي اغلب خلفيه البلفون هي مرات صوره حبي ومرات صوره صاحب , وجد بحب صوره صاحبي لانه طافي فيها وبضل اضحك كل ما افتح بلفوني واشوفها , حتى اخوي واحد شافها مره وغمزني وانا فطست ضحك بزياده ..~

الاشي اللي حكيت عنه من شوي انتهى وفكعت عياط، يالله من زمان مش معيطة، كنت ماسك حالي بالاول ومبسوطة انو ما عيطت لاني كنت حاطط هدا الاحتمال، بس بلش عقلي يزكرني بايش راح اخسر، والشغلات الحلوه الكتيره اللي اتعودت عليها راح تختفي، وبلشت دموعي تنزل وتنزل وامسك بحالي وعالفاضي، تزعلش ع حبيبك ازعل ع نصيبك، نصيبي صعب بالهدنيا وكل ما تحكي لحد انا حياتي صعبه ومفش اشي بزبط وراح تتعب معي وتتغلب، بصدكوش وبحكو كدها، واول مطب بختفوا، بعد ما امي وافقت ع الكصة واقنعت ابوي وعشان بدهومش يزعلوني الله يخليلي اياهم ، الكصة خربت من أصلها وانتهت، اشي بضحك هههههه وبنفس الوكت في احساس جواتي انو كان كيس واختفى، كان في حمل واختفى.. يمكن لانو الكصة ملهاش كم دكيكه انا هيك، بس مع الوكت والشغلات اللي كانت تصير والعادات راح ابلش اشتاق واحن واتبسم.. ما مصدك يخلص الشفت لارجع عالبيت اشرب منوم وانام.

يبي كديش مخنوكه , ويبي شو عيوني مرغرغات دموع لحد الان , وانا بشفت الليل بعد ما فكعت عياط وانا عالبلفون مع صاحبي ويترجاني اني ما ابكيش ويحاول يضحكني ويحاول يعصّب عليا ويقاتلني واني بالشغل ولحد يشوفني وكله عالفاضي , وبعد ما سكرت الخط بعتت مسج لفيث ( انو الكصه انتهت) ومكانش عندي المزاج لاحكي معاها وحاولت اتهرّب منها طول الليل , ولما اطلعت الصبح من الشغل , يم عالميعاد امي بتتصل عليا وعملت حالها معهاش خبر بالكصه , بتسأل كيفني وكيف الشفت معي وانا حاولت كد ما اكدر اكون طبيعيه وانو اللي صار مأثرش عليا , مع انه مش بس أثر .. لأ لعن اساسي , وبعدها اتصلت عليا فيث وبدها تطلع معي لان عارفتني مكهوره, وانا مليش نفس اطلع , بس بدي اوصل البيت ارمي حالي بالتخت ويحضني القرين من كتر حزني , حكتلها طيب بتيجي بتأخديني , واندمت اني حكتلها لان بديش تشوفني وانا مكهوره وبديش ابكي كدامها , وعاودت اتصلت عليا امي وكان ابوي جمبها وعصبتني بشغله وحكتلها (بعدين بحكي معك يما )وسكرت البلفون عطول , وانا بالطريك عالبيت حكيت لازم ازبط حالي واعمل حالي مبسوطه عشان كدام خواتي بديش يشوفوني هيك , لازم يشوفني زي ما بيعرفوني كويّه ومقاومه للصدمات , بس مش علينا يا مندلينا , هاي الشغله التانيه بحياتي , الغصه التانيه بحياتي , الكسره التانيه , المهم زبطّت حالي ع اخر تكه , واجت فيث واخدتني من البيت وهي كانت مكهوره اكتر مني , وبلشنا بالحكي والزعل وحتى اتكاتلنا , واجت اختي هوبز وكمان اتكاتلنا كلنا مع بعض هههه , اختي هوبز اجت من عند الدكتوره , مش حكتلكم من فتره انو بنتها انكسرت اجرها , والدكتوره حكتلها انو عالاغلب ولا سمح الله البنت اجرها خربت بدها مسمار حديد وكل هالكصص , الله يشفيها , فا لسا الدكتوره بدها تعمل كمان محاوله ويا رب يطلع مش كسر ومش بحاجه المسمار وكله بده اسبوع او اسبوع ونص , فكلنا عنا كصص وبنكاتل ببعض انو بنفعش تعملي هيك وتعملي هيك , اخ يبي ونضحك عحالنا كمان , اشترينا فلافل لانو من زمان مش ماكلينه واشربنا كهوه وارجعت عالبيت رتبته وهيني بالتخت , الله يعيني عالايام الجايه شو راح تكون صعبه بس اولها , لان البني ادم بتعود ع كلشي , لهيك كلشي بهون ...~

مش حكتلكم بدي اشتري العطر اللي اجت في دعايته انجلينا جولي , لان هاي الممثله انا اوعيت عليها لاني من مواليد التسعينات وبعشقها لحد الان , اللي هو غيرلان, وكان عندي عينه وعجبتني .. لهيك اول مصار معي مصاري ما فكرت وعطول وصيت عليها واشتريتها .. في العاده العطر المفضل عندي من عمري 18 سنه اللي اكتشفته بعد ما اتخرجت من التوجيهي اللي هي اخر سنه بالمدرسه وانجحت , خالتي اعطيتني اياها هديه ومن وكتها وكعت بغرام هالعطر لحد الان , اللي هو كالفين كلاين (الخلود) ETERNITY .





|||



||

عندي كمان انواع بسيطه .

وصيت على اغراض من الامازون وكانت اشياء ضروريه ..~

الي هي اول شي معجون سنان سينسوداين , ومنظف وجه اللي هدا لحد الان اكتر واحد عجبني بانه بزيدش الحب بوجهي ولطيف ع عيوني وبنظف كمان , واكيد اقنعه وهدا نوع لسا جديد بدي اجربه , بما انه الدكتوره منعتني احط كريمات ع وجهي لهيك بستخدم اقنعه للوجه الحساس وللحب ..~





وزي ما حكيت قبل هالمره اني بحب اشتري مجموعات بعرفش ليش عشان يمكن ما انقطع من الشغله ..~

|||

لان مكنش عندي الوكت , بالاصل امبارح من بعد ما اجيت ع المدونه وكتبت , حطيت راسي ونمت واصحيت الصبح ع 8 , نمت فوق ال 15 ساعه سحبه واحده , كل الليالي اللي منمتش فيها هدا الاسبوع نمتهم الليله , لان شغلي الصبح التغى , مع انه كمان شوي عليا شغل , بس حكيت خليني اجي عالمدونه احط صور .. لاني مش دايما بالبيت ..~




اولاد خواتي خبولي شكلاطه من اللي جمّعوهم بالهاللوين , واعطوني اياهم وهيني صورتهم ت افضيت

|||





اطلعت انا واخوي واحد وحكينا بدنا نجرب هاي الكهوه , لانها من اقوى انواع الكهوه , لانو احنا الاتنين مدمنين كهوه , وعفكره كان هدا اليوم من الايام الحلوه عليا لان صاحبي كان معاي عالخط ومكنتش عارف انه صاحي وطلع صاحي وسمع كل شي صار بيني وبين اخوي , وطبعا من اغلى انواع الكهوه كمان هاي , بس انا واخوي دفعييين , جربنها , وبعد ما خلصنا الكاسه الاولى , اخوي واحد بيحكلي (مير حطي ايدك ع قلبك) وشو هاد ؟؟؟! يالله ما اسرع دقات قلبي ههههه واطلّعت ع اخوي وعيوني مفتوحين بزياده وحكتله ( ولاااااا , بدي اشوف حبي بالاول اكص راسه وبعدين بموت ) وفطس ضحك , وبعدين بكم دكيكه رجع يدق قلبي عادي , بس كنا بطاكه بتخوف وبنشاط بخوف وحتى رايكين عالاخر , وفكرنا انو مش راح نعرف انام الليله , مع انه كان عليا شفت ليل , بس انو تعيطيني طاكه , بعد بحوالي ساعتين او اكتر , كنت انا بالشغل واخوي بالبيت وبعتلي مسج ( ولي ميت نعس انا وانتي كيف الوضع معك ) حكتله ( متلك , عالفاضي كأنه بس ساعتين وبعدها بيروح مفعولها , لازم نجربها كمان مره ونشوف يمكن عشان اول مره بكون هيك رده فعل الجسم )