أفضل برنامج راديو على النت - دعوة للجميع نرجو المشاركة

أول شي يسعد صباحكن أو يسعد مساكم:
من فترة طويلة وأنا عم بسأل حالي سؤال بقا قلت ليش ما بشارك فيه بقية الأعضاء بلكي منوصل سوى للبرنامج الأمثل
السؤال هوي : ما هو أفضل برنامج ممكن أن نعتمده للاستماع لمحطات الراديو من خلال النت
أنا شروطي صعبة ورح قول:
1 - أول شي لازم يكون في ميزة تسجيل ريكورد منشان إذا أعجبتني أغنية أنو بقدر سجلها
2 - يكون بيدعم النشرات المرفقة بمعنى إذا كان محطة بتبث أغاني معينة بقا كل أغنية ومين المطرب اللي بيغنيها ووووووو..................الخ المفروض البرنامج يدعم هالشي مو أنو إذا عة ودايرة وخلص لاء لازم يكون فيه EPG
3 - لازم يكون فيه مفضلة لسهولة الوصول للمحطات المحببة أكتر من غيره
4 - لازم يكون فيه ميزة إضافة محطة مو موجودة بالمحطات الافتراضية اللي بتجي مع البرنامج
حقيقة البرنامج اللي بيلبي كل هالمواصفات وجدته ببرنامج .radiosure

رابط تحميل البرنامج : العاشق بيبقى ولهان

في ميزة تمنيت لو لقيتها فيه لكن للأسف ما قدرت هيي أنو أنا عندي فرضاً خمسين محطة تعذبت وأضفتن للبرنامج وحطيتن بالمفضلة بقا أنو كل مرة بفرمت الكمبيوتر بدي أرجع أضيفن .... بتعذب شوي وتمنيت لو كان فينا نصدّر المفضلة بكامل بينات المحطة لملف لكن ما لقيت

أتمنى من الأعضاء كلن ولأنو هالموضوع مفيد وعصري ويمكن يكون حصري أنو كل واحد يرمي هالدلو تبعو ويخبرنا عن برنامج بيلاقيه أحسن من برنامجي ويفيدنا ويستفيد من مشاركات الغير

وإلكم كل الشكر
بالمناسبة أنا دائماً بضيف إذاعة شام ف م على برنامج الراديو تبعي وهيي محطة حلوة وبتحط فيروز صبح ومسا
بهديكن رابط التشغيل تبعها هدية مني إلكن
mms://72.232.204.142:8080/wmtencoder/live.wav
بقي عندي شغلة زغيري هوي شكل البرنامج
برنامجي شكلو بهالرابط
http://www.pendriveapps.com/wp-conte...Radio-Sure.png

أتمنى التفاعل من الجميع

توقعت تتفاعلو مع الموضوع أكثر
بالحقيقة مين منا ما بيتسمع عالانترنت لمحطات الراديو
صار هيدا الشي أهم من محطات التلفزيون

ما فضيتو مبارح بعذركن بس بتمنى بهالعطلة تفكروا شوي بموضوعي
شكراً

اين الردود ؟ ما بيصير هيك ؟
أنتو ما بتتسمعوا على محطات الراديو اللي عالنت ؟

شكرا لك اخي الكريم على البرنامج الرائع والحلو