| قسم الأدب العربي و العالمي هو للمنقول من الشعر والنثر، والقصص والروايات مع الالتزام بشروط النقل الموضحة بموضوع القوانين |
|
#1
02-08-2010, 11:35 PM
|
||||
|
||||
الشعر المعاصر
الشعر المعاصر - رباعيات الهمامى
اعجبتنى جدا جدا اردت مشاركتم حراس حدود وســـــــدود وســور عساكر بوليس وظبــــاط بنســور دي دنيا واســـــــــعه ولا سجـــن أنا اتخــنقت وعايز أصرخ وأثـور وآه ورق بــــــرق خــرق شرق ســرق مالك يا حــــرف القاف عامـل قلق لازم تغيـــر اسمــــــك نطقك تقيـــل ريحني أحسن هاقتلك وأقول غرق وآه سباح وكــان بيحب ينـزل في الغــــريق وف ليله سودا البحر هـاج بلـع البريء يا هــــل تـــــــــــرى مــــــات م الغــرق ولا لأنــــــــــه ماكنــــش معــاه صــديق وآه افرحيا بابا ابنك خــــد شهــــــاده ليسانس عالي وجايبه بالإجـــــاده بروزه أو شـــوف هتعمل بيه إيــه أما أنا فهشرب قهـــــــــــوه سـاده وآه كـــام ألف عــام عــــــــــــــدو عليــك يا نيـل ولساك بتجري من الجنوب للشمال يا أصيل لو حـــد غـــــــــــــيرك كــــان نفسه اتقـــطع لكن أنــــت صـــامـــــــد مــع إنـــــــــك عليل وآه 3 ضــــراير متضررين من بعلـــهم عايشين في بيت واحد لممهم كلهـم اتجمــــــــــــعوا واتفــــقــــوا يجننوه كيــــــد النــسا غلبه وآه من كيدهــم وآه نوح النبي عاش في الأرض ييجي 1000 عام وكــــل يوم يــدعو البشر آمن به كـــــــــــــــام؟! واحــد ...عشرة... ألــــــــــف.... مليون ... بس قام خد سفينته بالمؤمنين وفـــــــي البحر هــــام وآه حمامه راقده في عشها وتحتيها بـــــيـض والصــقر بيحوم في السما مستني صــــــيد لمحها الصقر سن مخلابه وهيهجم لقى دم انتـــحرت المسكينه ولا جـــــالها الحــيض! وآه * * * حبه على خدك وحبه على إيــــــدك الحلوه يا نوســه لـــــولا الفقر والعجز أنـــــــــــا كنـت أجيبـــلك دهـــب لكن أعذريني مش بإيــــــــدي دي ماشيـــه بالكوسه وآه شيل السمك م الميه لــــــو نفسك يمـــوت اقطع لسان البغبغان مش هتسمع صــوت إيه العـــــــــلاقه بين السمك والبغبـــــغان يمكن يــبقى التضاد ما بين كلام وســكوت وآه طبيـب نفساني رحت أسأله مالي شـخصـني قال عندك فصام عالي رديـــت وقلت إيه العـمل يا طبيب وكانت إجابته حالتك هي حـــالي وآه مــا بين شروق الشمس وغــروبها وبيـــــن جـــــــمال الدنـيا وعيــوبها شـــــغلك ســــــــــؤال واحــد وبـــس عن بنــــــت سمـرا وانــت محبـوبها وآه الله عليـــك يابـــــــــــــــن الزمـــــــــن ده عايش لنفسك وبــــــــطريقتك بالمعـــانده ولا بتكسب ولا بتخـــــسر وخطـوتك عَنْدَه أنا دعيتلك ربنا وقلـت يا رب اسنده سَنْدَه وآه غلبان وكحيان وبالضالين باكل عيش ومش وأخويا زهقان من العز وبِيـــــــلُغ مِش مِش مع إننا مـــن بـطن واحــــده وتـــــــــــوأمـين لكن سبحانه بيطعم اللي يِسوَى واللـــي مِش وآه * * * وقـــــــــــــاله شبـــيك لبيك تطلب إيــــه مني عـبدك ومســـــــــتني أمـرك نفســـك في إيه رد العجوز وقاله هـــات الدوا أو حِــلّ عني وآه جنين وقـاعد يرفس في بطـــن أمـــــه بيتدلع ويتقـلب يمين وشمال ولا يـهمه 9 شهور وهـــــــــو عــلى دا الحـــــال 9 دقايق ويـــــــنزل الأرض يا هــــمُه وآه امتى هيــيجي اليـوم واتلفّ بالكفن في تابــــــــوت يمكن سنين يمــكن ثواني بس المؤكد هـــــــــموت أوصيك ياولدي لو جه الأجل إياك تبـكي عــــــــليا ولا عايز عزا ولا لطم أنا نفسي أموت في سـكوت وآه راحوا وسألوا الفيلسوف عالفرق بين المـــوت والانتـــــحار وبضحكه رد الفيلسوف أهو كله موت والفرق سوء الاختيار واحـــد صـــــــــبر عالمــــــــــــــقدر طمعــــان في رحمه ربنا وواحـــد كــــفر وماطقـــــش يصبر واختار يموت موته حمار وآه 
|
 |
| الكلمات الدلالية (Tags) |
| شعر حزين, شعر رومانسى, شعر عتاب, شعر غزل |
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
المواضيع المتشابهه للموضوع الشعر المعاصر:
|
||||
| الموضوع | كاتب الموضوع | المنتدى | مشاركات | آخر مشاركة |
| الشعر وبحوره ومعانيه | ma7taje | قسم الأرشيف والمواضيع المحذوفة | 12 | 11-29-2010 01:40 AM |
| بحر الشعر واوزانة | حورية العشق | قسم الأدب العربي و العالمي | 5 | 10-31-2010 06:15 PM |
| الشعر وحبيبتي | الشاعر الأليم | قسم الأدب العربي و العالمي | 5 | 10-05-2010 05:41 PM |
| الشعر الطويل عند الرجال | الغافل | القسم العام | 7 | 10-04-2009 02:26 PM |
| لهواة الشعر والشعراء ..... موسوعة دواوين الشعر العربى فى مختلف العصور الشاملة | العاشق 2005 | أرشيف قسم البرامج | 0 | 11-20-2008 11:00 AM |
الساعة الآن 01:00 PM.
Powered by vBulletin® Copyright ©2000 - 2024, Jelsoft Enterprises Ltd.
كُل ما يُكتب أو يُنشر في منتديات العاشق يُمثل وجهة نظر الكاتب والناشر فحسب، ولا يمثل وجهه نظر الإدارة
rel="nofollow" 