تذكرني !
تابعنا على
Bleach 25-26 منتديات العاشق
قديم 02-22-2022, 06:17 AM   #471
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 33
الجنس:
المشـــاركـات: 9,140
نقـــاط الخبـرة: 1579

Icons13 رد: مأساة روح {هالكه} في اوراق تائهه ~

السلام عليكم ..~

ليل الاثنين .. 2\22\2022 ..~

|~

دايما هيك , كل ما اتكاتل مع حد لازم اهلي يجيو يحكولي " انتي يا مريم اللي لازم تصالحي وتبلشي تحكي , حرام مساكين " وانا زي عوايدي بكدرش احكي لاهلي لأ , لاني بخاف ! لانو بشوف حياتي صعبه ولولا لطف ربنا من رضى اهلي عليا ولا كان زمان صاير اشي كبير معي , بخاف اني ازعل اهلي لاني بخاف يختفي الرضى اللي حاميني بالهدنيا ..~

..

لهيك اتصلت ع اخوي واحد وحكتله يجي يسهر عنا , شوفته انو كان عارف اني راح انادي عليه , مع انو هو غلط عليا وسكر الخط بوجهي وكمان بعدها بعتلي مسجات حكي بلاوي , وانا بكدر ارد عليه بس كالعاده بسكت عشان بديش اجرحه ولاني بتزكر حبي شو كان يضل يحكيلي , انو اخوكي لما ما يعرفش يحكي ببلش يغلط , لهيك اجى سهر عندي الاحد ..~

بس كان الجو فيه كهربا , ومكناش نحكي عن حالنا لا انا ولا هو , ولا حتى سألته عن حبي , اجي سهر وعشان نقتل الكهربا اللي بالجو , حكينا خلينا نلعب ع البلستيشن , ولعبته المفضله هي غاد اوف وار , كعدنا نلعب لنص الليل وكنا نحكي بدنا نسهر صبّاحي , بس امبين انو كبرنا وبطلنا زي واحنا عند دار اهلي , ننام الصبح لما يصحى امي وابوي ع الصلاه بسرعه كبل ما بشوفونا ويبهدولنا , ع نص الليل مع انو كنا شاربين كهوه وريد بول , انعسنا واتعبنا وكعدنا نحكي خلص لبعدين بنكمل ..~

بس جابيلي هديه حلوه جدا .. ليوم بحكي عنها .


||

اما اليوم الاثنين , دايما الاثنين صعب اصحى فيه ع الشغل , بس لكيت مسج من فد , وكديش المسج كان حلو منها , وبعتتلي صور المحل صوفي اللي روحنا عليه , كانت كاعده فيه , عاد الي كم يوم بحلم فيها , المسج ابسطني , بس بنفس الوكت اصحيت مش عبعضي , في هيك ايام زي كأنه بتيجيني طاكه سلبيه وكآبه بتحسسني انو اليوم راح يكون سيء , كد ما احاول ما افكر وكد ما احاول اتجنب , عالفاضي ..~

وغير اني بالعاده بلبس لبسه وخلص شو ما تطلع ما بغيرها , بس اليوم غيرت اللبسه , وحتى حطيت ايلانير اسود خميل , كل اشي مش شو بدي وشو انا عالصبح , حتى لما اتصلت ع امي كانوا بنات اخوي جنبها وبدهم يحكو معي , وانا يالله يالله اتحمل حالي الصبح , امي بس هاي الوحيده اللي بكدر احكي معاها الصبح , بس غيرها وخاصه صغار صعب صعب ..~

||

اوصلت الشغل ع الميعاد بالزبط , ومكانتش سياره رؤول , ولا سياره فانبسا ولا سياره كاتي ولا سلفيا , كانت بس انجيلا , اخدت نفس طويل , شوي اجت فانيسا وفتحتلنا الباب , وبعد بشوي اجت كاتي و سلفيا , بس سواك الشاحنه لسا مش نازل , امبين عليه نايم بالشاحنه , ورؤول مش جاي ؟؟!! هيك جواي اجاني غضب وعصبيه لما شوفته مش جاي , لاني انهديت الاسبوع الماضي ونفسي اروح ع البيت بدري , ضليت اشتغل واشتغل ومر ساعتين , بعدين فكعت معي , حكيت لفنيسا , ليش رؤول مش جاي اقتليه!؟ حكتلي راح يجي بس راح يتأخر , الحمد لله حتى لو راح يتأخر , اجى ع ال 6 , حكتلي اروح افتحله الباب , لما شوفته واكف ع الباب , يبي كديش انبسطت , فتحتله وصبّحت عليه , وجهه من مره مش عبضه حتى صوته مش عبعضه ..~

||

ولان كان علينا اجتماع اتاخرنا فيه والبنات ما خلصوا شغل , وتبا بس يعني لازم انا اتأخر واخلص , لا حول ولا قوه الا بالله , حكيت بديش اتأخر , ولما اجيت بدي اروح شافتني فانيسا وطلبت اخلص شغلي لهيك اتأخرت , وكان الشغل جدا سيئ لانو ملان عالم في المحل , وكنت متنكده لانو طلبوا بنات خواتي اطلع معاهم وهاي ابصر المره الكم اللي بحكولي اطلع وانا بطلعش مشان شغلي , وهيك كان بالشغل كهربا يمكن عشان رؤول اول يوم اله وهو مسؤول لانه اترقى واتاخر كأنه الكل صار يحكي عليه , كان بالشغل كهربا مش طبيعيه ..~

ماا نسى حتى مفتاح الدار انكسر لانو بالغلط سكرت باب السياره عليه

مش جاي عبالي احط صور ولا اكمل حكي ,, يوم سيئء
BeautifuL StrangeR غير متواجد حالياً   رد مع اقتباس
قديم 02-24-2022, 09:41 AM   #472
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 33
الجنس:
المشـــاركـات: 9,140
نقـــاط الخبـرة: 1579

Icons13 رد: مأساة روح {هالكه} في اوراق تائهه ~

السلام عليكم ..~

نهار الاربعا | 2\23\22 ..~

||

امبارح التلاتاء , مصارش اشي الحمد لله فيه , روحت ع الشغل والكل اجى ع ميعاده والكل اشتغل وخلصنا الشغل ع ميعادنا بالزبط , عنا فينيسا بتحب تنكزنا وتخوفنا , فينسا هي بتكون المسؤوله الكبيره , يعني بنكون كاعدين بالبريك تبعنا بتيجي شوي شوي ما بنسمع الها صوت ويتصيح , اخ يا ربي , او بنكون بالشغل وملهين وفجاءه بتصيح وبتنكزنا , مره زبطت معاها ونكزتني , اظن الاسبوع الماضي , كنت وكتها تعبانه جسدي وطلبت من الصبايا انو لو نأخد البريك , واحنا رايحين ع غرفه البريك , هي كانت متخبيه بغرفه جنب غرفه البريك وكنت انا اول واحده بعبر بين البنات ونكزت , وفطست عحالي من الضحك , وهي بتكون اول مره بتنكزني فيها , كد ما تحاول ما تزبط لاني دايما منتبه ودايما بحط الغام بالطريك مشان اسمع صوت لانو ملهاش صوت لمشيتها , بس هديك المره مكنتش بعقلي من التعب وهي طلعت من مكان ما عملته لاي حد , بعدين انا الحمد لله عشت بين اربع شباب وكل حياتي معاهم كانت تنكيز ..~

رؤول اتغير , يمكن عشانه صار رئيسنا , هو هلكيت رئيس قسم المخازن , تبا ليش يتغير , كان جنتل ويساعدني , هاليومين هدول وكف مساعده , تبا , امبين ضربته بالعين هههه , والله هو كان محلّي الشغل بالنسبه الي , كد ما بطلع عليه وهو ولا سائل , وكد ما بتحركش فيه جااااامد , وفوك كل هاد فش تطليعات , مرات بحكي يمكن انا عامله اشي غلط , لانو دايما هيك بفكر اني بكون عامله منيح وبكون العكس تماما ..~

وخلصت شغلي بدري وطلبت ما اخد زياده ساعات لانو عليا اخد مرت اخوي ع ميعاد دكتور الها , ارجعت ع البيت واخدتها ع ميعادها وارجعنا ع الدار ..~

ما عملتش اشي بالدار , ضليت اشوف هاوس , واقرأ واسمع اغاني , اجى المغرب واجاني تلفون من اخوي واحد , حكى بده يجي يسهر , هو مخطط ع اشي الله يهونها بس ..~

ضلينا سهرانين لنص الليل , يعني لل 12 , واول ما نشوف بعض عطول بدنا كهوه , انا مخفف لابعد حد كهوه مشان معدتي ومشان كرب رمضان عخير وبعرف كيف بدايته بدون كهوه الله يجيبه عليا واحنا بخير يا رب , بحب اعمل كهوه وبحب حد يعملي كهوه وبحب كهوه اخوي واحد كتير , لانها بتعدّل المزاج , ضلينا بالمطبخ ويبي شو ضلينا نحكي ونبرم , ع ال 12 هو اتسهل لانه عليه شغل بدري الصبح وانا روحت انام , لانو عليا شغل لازم اصحى ع 2 , يعني معي ساعتين انام فيهم , حطيت راسي ونمت وبعد بنص ساعه اصحيت ع صوت عالي ,صوت تخربش من السقف , زي كأنه اشي بده يطلع من السقف , حد بحفر بالسقف , وضل الصوت لعشر دكايك وانا لحد الان مش عارف شو كصه هالصوت واظن اني اسمعته قبل هالمره , وبعدين ارجعت نمتلي ساعه واصحيت ع 2 واشي , جهزت حالي واتسهلت ع الشغل ..~

الحياه دايما هيك معي اللي بحبهم بكدرش اوصلهم , كأنه ممنوع اكرب عليهم , ولا حتى احلم واتخيل او افكر بالكصه من اصله , لازم اضل اشوف من بعيد واتحسر وانحرم من الانبساط , صح يا قصي ؟


اليوم الشغل بدون سلفيا , عطلتها وبكرا بدون كاتي , بعرفش ليش انا وانجيلا اللي لازم نشتغل كل يوم وفش عطله زياده زي سلفيا وكاتي ؟! ماشي هم عندهم شغل تاني بس بنفس الوكت اربعه احسن من تلات ...بعدين شو كصه الشاحنه اللي صارت تيجي خمس ايام بالاسبوع ؟! وصحيح سالت عن اسم صاحب الشاحنه وانسيت اسمه , اظن مايك او مايكل , مش متأكده لانو لما سألته ما عجبه الوضع , وجهه اتغير ؟! خف علينا يا روح امك ع اساس بدي اكلك يعني ؟! او بجوز لاني رميت عليه لفاف محارم ههه , لأ اتغير وجهه لما سألته بالاول , سالته عن اسمه مشان ارمي عليه لفاف المحارم , هو انا اللي بشوفه بحالي اني مستعجله فا بدل ما اعطي الواحد الشغله في ايده برميها عليه ..~

خلصنا الشغل الحمد لله بدري , بس اخر ساعه اتغير مزاجي , عفكره اللي اكتشفته اني صايره مزاجيه بحت , يعني فجأه بكون مرتاحه وفجأه يالله بدي اقتل اي حد كدامي وبديش احكي مع حد بالشغل بدون سبب , انبسطت انو بديش اخد فل شفت لانو خواتي اجتمعوا عند بيت اختي فيث ومع الزمن بخبركم السبب , وحكيت اكون معهم مشان ما يضلوا يحكوا اني بشتغل وبفضاش اشوفهم واكعد معاهم , لهيك اطلعت من الشغل بدري وروحت عند بيت اختي فبث , كعدت ساعه وبعد ما خلصنا اللي علينا روحت هوبز وانزلت معاها ع دارها , ضليت عندها لوكت ما صحي جوزها صبحت عليه وحكتلهم بدي اروّح ..~


بس عليا اعمل ضرايبي , وبديش اروح عند اللي دايما بعمل ضرايبي عنده العربي , مع اني بحب اروح ع المكتب مشان ادردش مع اخوه لانو شب محترم , لانو دايما يخلوني لاخر يوم بالضرايب وبديش لاخر يوم لانو بكون في بشهر رمضان , ف بعرف مكتب اخوي بعمل ضرايبه عنده , روحت ! والحلو انو بعملوه بدون موعد ..~

وبعدها ارجعت ع الدار , وكنت نعسانه كتير , بس بعرف حالي النوع اللي بيعرفش ينام بالنهار, اكلت واتمددت افكر ايش اشوف ؟ اد ارجع ابلش في هاوس من جديد ؟! وكان مزاجي سيء لانو بضل افكر وافكر ومش عارف شو بدي وشو اعمل ؟! ومن كتر التفكير نمت ! اصحيت مستغربه انو نمت ..~

صارت الدنيا قبل المغرب شوي , اجيت اكتب بالمدونه الا بتصير كصص , وهينا بالليل , عاد بكرا ماري راح ترجع عالشغل , وفانبسا في عطله لاسبوع , ماري ابصر كيف ظهرها واد راح تكدر تشتغل وتساعدنا , وكاتي كمان مش موجوده يعني بكرا الله اعلم ويهونها ..~

"بشع لما الواحد يكون حريص وما يعترف بالحب حتى لو لنفسه مشان يكمل الحياه بسلام ..~

تعال نشرب شاي واعطيك عمري الجاي ..في حد بحـــ*** هون ؟!"
BeautifuL StrangeR غير متواجد حالياً   رد مع اقتباس
قديم 03-01-2022, 05:31 AM   #473
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 33
الجنس:
المشـــاركـات: 9,140
نقـــاط الخبـرة: 1579

Icons13 رد: مأساة روح {هالكه} في اوراق تائهه ~

السلام عليكم ..~

ليل الاثنين .. 2\28\2022 ..~

||

مجريات كتير صارت بس لسا مش الوكت احكي عنها , طبعا ما تفتحو بطونكم فش اشي من المجريات بخصوصي , وفش اشي حلو صار معي , بس مجرياات بخصوص اهلي , بوعدكم اخبركم مع الزمن ..~

||

لهيك بحكي عن صور من حياتي ..~

بتتزكروا التكت اللي اخدته للسياره لانو كنت صاففها ع وكت تنظيف الشارع , تنزكر وما تنعاد




||



لما اطلع ع ع شغلي ع ال 3 واشي الصبح


||



الايام اللي بتكون عنا سقيع

||



ما اكتر انواع البرغر اللي بحبها إن أند أوت برغر

||

مش جاي عبالي اكمل
BeautifuL StrangeR غير متواجد حالياً   رد مع اقتباس
قديم 03-05-2022, 08:36 AM   #474
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 33
الجنس:
المشـــاركـات: 9,140
نقـــاط الخبـرة: 1579

Icons13 رد: مأساة روح {هالكه} في اوراق تائهه ~

السلام عليكم ..~


ليل الجمعه || 3\4\2022 ..~
||

الشغلات اللي صاروا هم ..~

اخوي واحد قرر يترك كاليفورنيا او احكي سانفراسيسكو ويروح يعيش في هوواي , عشان دار حماه اهل مرته عايششن غاد ومرته بدها تكمل قطع فيه مننا لهيك اخدته غاد , لحاله يبلش من جديد من الصفر عشان الحب , لهيك انا اتكاتلت معه , اللي اوله شرط اخره نور , معروف طوال العمر انو بده يضل في سانفراسيسكو وهاد كان شرط الزواج , انا مكدرتش ما يأثر عليا اللي عمله , مكدرتش استوعب انو فوك الغُربه اللي احنا فيها بده كمان يقطع حاله عالاخر ويروح ع غٌربه تانيه ؟؟!
بس طبعا اهلي كمان عشان ما يخسروا ابنهم وكفوا معه , وامي ضلت تحكيلي الله بطعمك في اولاد وبتعرفي معزتهم , بس مش راح اكزب ع حد اول ما اسمعت الخبر انجنيت , وفكّعت معي وكعدت اعمل طوش ومكاتل وصراخ وتهديد , وبالاخر كله ع الفاضي , بالاخر انا اللي بتنازل وانا اللي باكل هوا وبسكت لاني بكدرش ع زعلهم , بكدرش امرّضهم , لهيك طوال الاسبوع الماضي , نحكي اخر اسبوع من شهر 2 , بعد الهوا اللي اكلته والمصالحه اللي عملتها , صار اخوي واحد يجي كل ليله عنا , يا ينام عنا يا يسهر لميعاد شغلي .


لهيك زي ما حكتلكم كنت اضل سهرانه معه لل وحده تنتين نص ليل , وبعدها يا بنام ساعه وبجهز حالي اطلع عشغلي , يا بضل صاحيه وبتسهل ع شغلي بدون نوم , وهو كان يروح ينام والله اعلم كان ينام ولا شو لانو ريحه الدخان ما وكفت , طوال السهر نحكي ونحكي , لانو هو كان صديق عزيز قبل اخو , بس من حبه لمرته بحكيلها كلشي وانا بحبش بحياه الواقع حد يعرف عني اشي ,اه حتى لو بتشوفوني بحكي حياتي بالمدونه بس محدش بيعرفني هون , لهيك اتحطمت صحبتنا وغير انو لا انا بطيق مرته ولا هي بطيقني , ومعروف السبب البنات بكرهوني , عاد سألته عن حبي لانو صارلي زمان مش حاكي معاه واسمعت اشي من امه وبدي اتأكد لانو امه كزابه , لانهم اصحاب , واعرفت كصص تانيه ..~


واخر يومين وهو بسانفراسيسكو اللي كانوا سبت واحد الماضيين , لانهم كانوا قبل ايام سفره اللي كان الاثنين الصبح , ما نمناش ولا ضلينا بالدار , كنا انضل عند هوبز او نطلع مع بعض انا وياه لانو مكهوورين انو بده يسافر ,زكرني بايام سفري هون , لاني اجيت قبله ع امريكا , وكان اخر اسوع اللي معاه ومع حبي واحنا بالاردن من انكد الايام بحياتي , واجى الاثنين , واجى ميعاد شغلي كبل ميعاد سفره , لهيك ودعته وروحت عشغلي وانا اعيط وابكي ومكهوره وحالتي حاله ..~

والحمد لله وصل هاواي عالسلامه وراح يبلش حياه جديده لحاله ..~


||


الاشي التاني هو :~

فيث نزلت زياره عالضفه , ياي , كديش انبسطنا الها الحمد لله , لسا اليوم وصلت الجمعه عندهم , وهي طلعت من عنا االثلاثاء , اتغلبت غلبه هي وبناتها غلبه اخت شلن , يبي كديش روح وتعال وجيب واعمل , احنا عنا عشان ننزل ع الضفه , هي طلعت من سانفراسيسكو ع تركيا بالطياره 12 ساعه واشي , وهي بتموت خوف من الطياراات , وبعدها كعدت 3 ساعات في تركيا , وبعدها سافرت من تركيا عالاردن مده ساعتين واشي , وضلت نص الليل لهيك الجسر بين الاردن والضفه بكون مسكر , بس نيالها امي راحت تجيبها من الاردن , لهيك ضلت بالاردن لصبيحيه تاني يوم ونزلوا ع الجسر , وهون بلشت الغلبه والتعتسه , ما رضوا يمركوا بناتها , وطلبوا كصص وعاودت رجعت ع الاردن , ضلت كمان يوم تعمل الكصص وبعدها نزلت كمان مره الجسر ووضلت بالسلامه بعد عذاب .

خلال فتره تجهيزها للسفر جننتني , وامي طلبت مني انا اللي اعمل شناتيها لانو بتعرفش شو تحط وكيف تحط لانو بوضلش الاشي صاغ سليم , لهيك اتغلبت من كل النواحي بسفرها هون لانو كلشي هي وامي يركنوا عليا , لهيك لازم الواحد يكون مش تبع مسؤوليه ولا حرث عشان محدش يطلب منه اشي ..~


||


نرجع نحكي عن حياتي ..~

امفكره بعد رمضان ارجع احمّل التطبيق وارجع لوجع الراس لانو راحت السنه عليا وكبرت
بستغرب لانو معنديش الشوق لحبي ؟! بس كان عندي شوق لاخوي واحد كتير
ساده منيح ويا رب ربنا يحققي الحلم اللي براسي عن كريب
بدهم يدهنوا البيت من برى وراح يبلشو الاسبوع الجاي حسبي الله عليها المانجير

اتهني في جروحي , انت اللي مشيت وخلتني لحالي
بتمنى تعود العيون السود توفي العهود


||

في شغلات حلوه هيك بتعطيني فرحه خفيفه بيومي وبتخليني اتحمل حرث وتعب الشغل , بحكي لو حكيتها يمكن تبطل تصير ؟! بتعرفوا كيف لما الواحد يحكي عن السغلات الحلوه بعدها بتوقف وبديش اياها توقف ..~

نجرب نحكيها ونشوف مع الزمن راح توقف .؟


||

بخصوص شغلي , ما مصدك تيجي الايام اللي رؤول هو اللي يفتح المحل لحاله بدون فانبسا , بكون نفسي اشوطها من وجهي من كتر مهو وجودها وغيابها نفس الاشي هاليومين , يا عمي سلفيا وانجيلا بضلوا يبرموا ويحكوا حكي عالصبح , بوكفوش ثانيه حكي شو هاد ؟ كأنهم بالعين راديو ,وهي بتكعد تحكي معاهم ف يم صار وجع راسي دبل عالصبح , وبتصير بطيئه وهي تستغل لهيك بنتاخر بالشغل وكله بيطلع عراسي لانهم بيخلصوا الشفت تبعهم وانا اللي بضل اشتغل لحالي , الايام اللي كنت اشتغل انا ورؤول كنا نخلص اكتر من الايام اللي فانبسا موجوده حتى لما كانت الكراتين اكتر ..~


كان رؤول يجمّع كراتين الثرايات كل يوم من كل شاحته بدون ما يركبهم , وكل يوم احكيله رؤول , الثريات يا رؤول ركبّهم , يحكيلي خليهم في حد غيرنا بركبهم , اجى االيوم اللي حضرته وصى بالاسم انو خلّي مريم تتاخر بالشغل وترّكب الثريات , لما وصلني الخبر كنت بدي اقتله , لاني حكتله من فتره بكره تركيب الثريات , بطيئه فيهم , ضليت طوال الشفت وانا افتح واركب وارتب واحط , يالله يالله خلصتهم ..~


ومع هيك بحب اشتغل معاه وبحب اشتغل تحت ايده , احب من اشتغل مع البنات , مرات بشوف حالي بحرجه لانو جامد وانا بضل مجننته وملزكه فيه هههه , يمكن لانو بدي اياه ياخد عليا , يمكن لانو بحرث وبتعب الشغل كتير , بس مره زبطت وحكى معي , اول ما بلشنا الشفت كنا بس انا وهو بغرفه المخازن , لانو احنا الوحيدين اللي لما نبلش الشفت بنبلش نشتغل , الصبايا بكعدوا يتحججوا بالحكي بغرفه البريك عشان يتأخروا لو خمس دقايق , وكانوا في كراتين فييهم ادوات ودايما هالكراتين مدايكين علينا في الطريق , عاد لما عبرت المحزن شوفت انو الكراتين مختفين , لهيك سألته ؟! حكى انو حطهم ع الرف العالي وهو يأشر عليهم وكعد يضحك انو كان بده يوكع من السلم وهو حامل الكراتين ويحكي ويضحك عحاله , وهاي المره الاولى اللي بيحكي هيك اشي معي , وحتى حكالي فكرتك ارمنيه مش عربيه , الله الله . دايما كلامنا بس شغل , مريم اعملي ومريم رتبي ومريم حطي , وانا بكون من جواي مبسوطه انو هو اللي بيجي بيحكلي , لانو طريقته بالسؤال حلوه دايما , دايما بكون يحارب حاله عشان يجي يطلب الاشي مني , كأنوا في اشي تاني بس بحط حجج , كد ما بحاول اركز عليه وهو يحكي معي او اقرأ وجهه او عيونه لانو كل ما يحكي معي بشيل القناع مش كادره , عيونه النعسانين ووجه الكرفان من كلشي وخاصه من وكت ما صار المسؤول , هو بالاصل بنحكي المعلم احسن من المسؤول , اكون عاميه احسن , ف من وكت ما صار المعلم تبع المخازن شوفت وجهه صاير كرفان وحتى مشيته صارت بطئ , واليوم جد شوفته كرفان حاله يمكن لانو بده يضل فل شفت لحاله ؟ لهيك حكيت خليني اعطيه دفشه حلوه , واسلم عليه كبل ما اطلع من شغلي , عاد كان هو ببدايه الممر وانا في اخر الممر , عم انادي عليه بردش , اكيد مهو حاطط سماعه في ذانه ابصر شو بضل يسمع , عليت صوتي وبنادي , سمعني الحمد لله ولف ظهره , روحت ركاض عليه , اخ يا ربي , فتحت موضوع بضّحك هههه , حكتله شو رايك فيّ؟ , حكى شو بتقصدي ؟ حكتله يعني في مراجعات لشغلات غلط بعملها بالشغل ؟ (لانو اسمعو صارلي فتره بكّلده وبضل حاطط سماعه في داني وانا اشتغل , وبشوف حالي بنجز اكتر ف خوفت احطه بمشكل ) حكى لأ انتي بتشتغلي منيح , خكتله ماشي يسلمو وبتمنالك عطله حلوه ..~


ومره صارت كصه خفيفه حلوه مع مايك تبع الشاحنه , كنت يومها اشتغل مع رؤول , وبتزكر اتعبنا تعب اخو التعب , صرت اعرق من شعري وجبيني من كتر التعب بالشعل هاد , انا وياه جنب بعض ونفتح الكرانين ونفصل الكصص ,ونرفع الكراتين , ومايك نزّل كلشي من الشاحنه وسكرها واجى ميعاده انو يروّح , بالعاده بمر من جنب رؤول وبعدين جنبي , بنحكيله كلنا انو شكرا الك وبنشوفك بكرا , عاد شوفته واكف كدامي حتى بعد ما حكتله يسلمو , ورافع ايده ؟انا كالعاده عندي بطئ استعاب مش طبيعي , عم احكي بعقلي بده اعطيه هاي فايف امبين .؟ ف اعطيته هاي فايف ولفيت ظهري لاني عنجد انحرجت .. من امتى ؟.! هو بعمل هيك اشي ؟ اعرفت عشان سلفيا مش جنبي يمكن ؟ وابصر شو خطر بباله حتى بده اعطيه هاي فايف ..~
BeautifuL StrangeR غير متواجد حالياً   رد مع اقتباس
قديم 03-09-2022, 06:17 AM   #475
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 33
الجنس:
المشـــاركـات: 9,140
نقـــاط الخبـرة: 1579

Icons13 رد: مأساة روح {هالكه} في اوراق تائهه ~

السلام عليكم ...~

يوم التلاتاء بالنهار || 3\8\2022 ..~

احزرو شو ؟! ههه لا حول ولا قوه الا بالله , اخر مره عالمدونه مش حكتلكم في شغلات حلوه بتصير معي بالشغل وحلينا نجرب انو اد بحكي عنها راح توقف ؟! وكفت !! وصار اطكع كمان .. اخ بس ما لحكت الحزينه تفرح ..~

||


السبت كان يوم عطلتي لهيك ما طلعت من الدار وما عملت اشي لانو عارف انو عليا جبد شغل 6 ايام ورى بعض بس مكنتش متوقع هالجبد اللي انا فيه ..~

طبعا الاحد كان عليا شغل كاشير , يعني مش بالمحازن ومحدش من تبعون المخازن بيجي عالشغل , الحمد لله كان يوم خفيف حلو بالشغل لانو الاحد بكونوا كلهم ع بعض 7 او 8 عمال كلنا عبعض , وفش كتير زباين الا بالليل وانا بكون مخلص شغلي , وبالعاده الاحد بكون عطلتي بس بطلبوني في الكاشير , الاحد فش شاحنه الحمد لله ..~

||

نيجي للمصايب بالشغل , بس بالاول احكي انو الاثنين صورت مجرياته وبحكي عنه وكت ما احط الصور ,لاني مش بمزاج جيد . ورحنا شوفنا فلم باتمان بالسنما لانو كنا ع نار نستناه , مكدرناش نشوفه لا الجمعه ولا السبت ولا الاحد لانو كل هدول الايام بنات اختي بشتغلوا وبكدروش يتركوا الشغل , لهيك ما صدكنا تزبط معانا الاثنين , وكان فلم روعه رهيب جدا زكرني بالكرتون , وابدعوا كل الممثلين , بحكي كمان اكتر عنه مع الوكت بس رهيب وبنشاف ..~

اما الشغل , رؤول الحيوان ما اجى ؟؟! شو كصه يوم الاثنين معه ؟؟! هو كل ما يروح يسكر وبشرب بالعطله بكدرش بجي عالشغل .؟ لانو مره عملها واجى متاخر وكان طافي من الشرب , لو تشوفوا كديش انجنيت لانو غياب رؤول يعني حرث لابو الحرث الي لحالي , هو اسمعو كبل البهادل والمسبات , ما بحكم عالواحد انا كلهم كفار وحتى لو مش كفار نص اصحابي بشربوا مش كصه عندي وياما شوفتهم طافين , كصه انا ظهري بوجع من شغل التمريض لانو حساس اد اتعبت شوي عالحد بكدرش اشتغل وبديش ارجع لايام زمان مع وجع ظهري والمطارده ع الدكاتره وتوكيف حياتي , لهيك والله البضاعه تكيله عليا تكيييله , بدها زلام ولما يغيب انا اللي بتعب لهيك بديش اياه يغيب ..~

عاد لما مشى الوكت بلشنا كلنا نسأل بعض ونسال فينيسا وينه ؟ حكت ولا معاها خبر , وبالعاده بنخلي باب الشاحنه اخر اشي نفتحه لانه ت يجي مايكل , لما اجت فينسا تعطيني انا اللي افتح لانو محدش بده يفتح , محدش بده يشتغل مع مايكل , بشوف المفاتيح وبحكيلها , بس هدول المفاتيح ولا واحد فيهم تبع الشاحنه ؟! انجنت ؟! وحكت اه هدول تبعات رؤول لانهم الاتنين بدلوا المفاتيح لانو مفاتيح رؤول ما بيشتغلو ..~ ايش ؟! يعني راح نتأخر بالشغل وبنكدرش نفتح الشاحنه .؟ فش مفاتيح ؟ وبلشت ترن وتتصل ع رؤول وما بيرد عليها ولا عنده ولا عند بال , بعدين اتصلت ع ماري وحكتلها لو تجيبلها المفاتيح , واجت ماري اعطتها المفاتيح وبلشت فتح الشاحنه , وانا الحمد لله كنت اعرف كيف افتح بوابه الشاحنه والقفول اللي عليها لانو مره طلبت من رؤول يخليني اجرب احتياط , وكمان وكت التدريب تبع رؤول كنا ايام افتحها , بس ولا مره سكرتها !! طيب بلشنا كصص البضاعه , يعني اشتغلنا انا وفبنيسا ومايكل , والصبايا عالشغلات الخفيفه وشغلهم ما غيره , وطبعا كلشي رؤول كان يعمله انا كنت اعمله , من فتح البواب لمراقبه الصبايا وشو يعملوا وشو ما يعملوا واشتغل عالاواعي واشتغل ع الشوز , ع كلشي , اد في اشي بالمحل من رفوف ناكصه او رفوف زياده في البضايع , وعد الصناديق , كل واحد بالشغل بدل ما يروح يسال فينسا شو يعمل يجي يسألني , لا حول ولا قوه الا بالله , بحبش اكعد احكيلهم يعملوا وشو ما يعملوا بديش مشاكل بيني وبين اللي بشتغل معهم اني اكعد احكيلهم يعملوا اشي بدهومش اياه , اتوترت غير شغل , وعصبت وكنت اضل اسب واحكي مع حالي بالعربي او بالانجيليزي انو الحيوان ليش ما حكو بدوش يجي ليش ؟َ! وليش فينيسا واثقه فيا وراميه كلشي عليا وبتحكي للكل روحوا احكو لمريم واسالوا مريم ..

لأ وفوك كل هاد كمان اجت شاحنه بنص الشفت تبعي لما الكل روّح وفيها كمان بضاعه ولازم اعدهم واحسب وكصص مع فينسا , الحمد لله كانت شويت بضاعه وبتكدر تنعد , بحكيلكم اتوترت بس الحمد لله بعد ما خلص شغلي شوفت فلم باتمان عدّلت النفسيه غير شكل وكنت ع امل انو بكرا اللي هو اليوم راح حضرته الحيوان يشرّف عالشغل , بس احزروا شو ؟! ما اجى كمان الثلاثاء ؟؟! ولا حتى رد ع تلفونات ولا حتى بعرفو شو سبب الغيبه لانو محكاش مع حد ..~

ف اليوم الثلاثاء كمان ما اجى وحكيت بعقلي افقدي الامل انو يجي او يرجع عالشغل , لانو بيني وبينكم يوم الجمعه الماضي ,رؤول كان مش ععبضوا من مره , كل ما بتزكر يوم الجمعه وشو رؤول اجى حكالي " مريم انا تعبان , تعبان كتير " وكان يتنهد وانا معرفتش شو ارد عليه ؟! لانو بديش اصاحبه , بديش اوكع , بديش اصاحب لا الواقع ولا عالنت , بس اعطيته ظهري تبا بس , ليش اعطيه ظهري ؟! . وكيف كل شوي اشوفه في وجهي يتحجج انو يطلب مني اشي , كان من اكتر الايام اللي رؤول كان يطلب مني فيها , والوداع اللي صار في الممر , وعيونه لما لفيت ظهري , كل هالكصص زكرتني بكل اصحابي اللي تركوا ومحدش فيهم استرجى يحكيلي بدي اترك , كلهم بعيونهم الحسره , كلهم بعيونهم اللي عارفين شو مقررين ومخليني زي الهبله , يمكن كلهم كانوا خايفين ع زعلي , الله يأخدهم كلهم عنده , ومع هيك حاولت اقيس نبض فينيسا وامبين انو عنجد راح يترك لانو اختفى واللي بختفي بكون بدوش يشتغل ,, باي باي رؤول !
كان فتره حلوه احكي عنك هون زي زي تبع الكهوه ()


يا ليالي عشتها يا جروحا شلتها .. انتهى كلشي ..~

طبعا بكرا فش رؤول وفش فينسا كمان , يا حبيبي يا حلاوه راح اكل هوا اخو شلن ينعن عوكش , ماري راح تيجي بس تفتح ولانو لسا مصابه من ظهرها بتكدرش تشتغل. يعني بكرا جد جد اخو الجبد والحرث لعيوني .. اوووه لاااا لا تفعلها ..~
BeautifuL StrangeR غير متواجد حالياً   رد مع اقتباس
قديم 03-14-2022, 07:49 AM   #476
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 33
الجنس:
المشـــاركـات: 9,140
نقـــاط الخبـرة: 1579

Icons13 رد: مأساة روح {هالكه} في اوراق تائهه ~

السلام عليكم ..~


ليل الاحد .. 3\13\2022 ..~

||

اخر مره كنت ع المدونه كانت التلاتاء , ابلش من الاربعا , مع انو بديش احكي عن ايامي لانو كانت ايام صعبه ونكد ولا اشي حلو واحد صار فيها , وبنفس الوكت بديش اتوه وانا احكي ..~

||

الاربعا كان شغل متعب وكان اول مره بعمل الشاحنه لحالي , ماري ما ساعدتني ولولا كنت اضل اطّلع اشوف شو رؤول في ايامه كان يعمل ت اعرفت امشي حالي , وكانت مسؤوليه بتخوف لانو عليا امشي بالمسدس عشان احسب فيه الصناديق الجايه , بس مايكل الله يسعده رهيب , لحد الان مسغربه شب زيه هيك بساعد بطريقه حلوه لا ع البال ولا ع الخاطر , ساعدني بدرجه خلتني اطّلع عليه بعيون الممنونه للي بتعمله , رهيب مايكل , اخ يبي كديش بنبسط كل ما بتزكر مساعدته وبحكي دايما وين هاي الصفات بالشباب اللي بيجيو يطلوبوني؟! رهيب جدا ..~

خلّص اليوم وكان عدّي للصناديق ناكص صندوقين وهاد بنحسب ع اسمه لمايكل وبنحط بمشاكل لهيك كديش انجنبت بس بنفس الوكت انبسطت انو كدرت اعمل الشاحنه لحالي ومغ مساعدته وكلشي تمام , وكدرت اعمل العفش ووالصبايا ساعدوني كتير لهيك خلصت كل العفش وكل الشغل وروحت بدري ..~

وعدت مرت اخوي تلات انو اطلّعها تتحوج , لهيك ارجعت ع البيت اخدتها اتحوجت وضلينا للظهر , وكانت كتير مبسوطه , ارجعنا ع البيت ..~

اما بالنسبه للخميس , يالله هاليوم شو كان نكد عليا من انكد ايام الشغل من وكت ما بلشت فيه , كديش كرهت حالي وكرهت الشغل وكرهت رؤول وكرهت ماري , وضلت لمرحله اترك الشغل لولا امي ضلت وراي مشان ما اترك , انا راح احكيلكم وانتم احكموا ..~

اولها حكت معي ماري انو في احتمال رؤول انو يرجع , بس انا بيني وبينكم فقدت الامل فيه انو يرجع وكمان كنت بمرحله يصير شو ما يصير اجى ولا عمره يجي بطّلت فاركه معي , ينعن شكله , ما اجى وبلش اليوم بالشاحنه , وكنت ماشيه فيها وكلشي ما احلاه , وصلت لنص الصناديق , وكبست كبسه غلط ع المسدس ( المسدس اللي هو ميكنه صغيره بتعد الصناديق وبتحطهم في النظام ) , وهالكبسه سكّرت الشاحنه من المسدس من النظام ,ايــــــــــــــش ؟؟؟! اه يعني بكدرش اكمل الصناديق يعني بصير نكص بالصناديق والكل بنحط بمشاكل , حتى الكتابه عن هالمصيبه اللي عملتها دايكت نفسي بديش اكمل غير انو ما انحلت المشكله تبعت الشاحنه الا لتاني يوم الجمعه ..~

طبعا وكتها ادايكت لانو اكبر هم عندي كان هو مايكل , خربت بيت ابوه لمايكل , يعني هيك بيظهر انو مايكل سارق الصناديق لانو بنكدرش نحطهم في النظام لانو بنكدرش نفتح النظام ونكمل عد , واتصلنا ع الاستعلامات ليساعدونا ومحدش عارف كيف يساعدتا , اخر تلفون حكو انو , نكص كل رقم للصندوق وبنحسبهم مع الشاحنه اللي تيجي اليوم اللي وراه , انا اولها ما حسيت بالمصيبه , بس بعدها عبرت بمرحله كره لنفسي اني اغلطت هالغلط الكبير , وحكيت بصوت عالي انو خلص راح اترك الشاحنه واترك الشغل , وعبرت بمرحله احباط , مكدرتش اكمل الشغل , والبنات لاحظو عليا , اول مره بشوف انو البنات بعزوني , ساعدوني مساعده احت شلن , وحكولي مريم تكونيش هيك عحالك , الكل بغلط وبتنحل , يعني جد جد لما شوفتهم هيك معي استغربت , وانبسطت داخليا , ومع هيك ضليت مكتئبه ..~

لما اخدت البريك عاودت اتصل ع اهلي لانو مش بالعاده امي ما بتتصل عليا ع ميعاد شغلي , ومحدش بيرد ع تلفون الامريكي , لهيك اتصلت ع بلفون ابوي , حكى معي دكيكه , حكالي ستك (الجده) ماتت , عاد سبحان الله كل ما بتصل ع اهلي اول سؤال كيف ستي , واد اهلو ما ردوا ع التلفون بحكي يمكن ستي صار فيها اشي , بس هالمره اللي ولا خطر ببالي ستي من كتر اللخمه والتعب والنكد اللي كنت فيه ..~ الله يرحمها

حكيت المصيبه للكل من امي وخواتي والكل استتفهني انو هيك ازعلت لانو الكل حكالي انتي انرميتي تعملي شغل محدش علّموه اياكي , ومش هالاشي الكبير وبتنحل ..~

||

عاد اجى الجمعه , حكيت خلص بديش اجي عالشغل , مليش عين اجي اشوف مايكل , وبديش يرموا عليا شغل زي عوايدهم , وصار نقاش بيني وبين امي وحلّفتني اني ما اغيب عن الشغل , حكتلي اتاخري ولا تغيبي ..~

وبالزبط هاد اللي عملته اتأخرت عالشغل يوم الجمعه , وضلت الشغل غ الاربعه واشي , كانوا كلهم بالمحازن وطبعا رنيت جرس واتصلت تلفون ع المحل مشان حد يجي يفتح الباب , شوفت فينيسا جايه من بعيد , فتحتلي وحكتلها شو صار عن يوم الخميس , وكمان حكتلي الحك مش عليكي يا مريم وانحلت المشكله تشغليش بالك , عاد سألتها رؤول اجى ؟ حكتلي اه !

بس كنت لسا بالنكد لانو بديش اجي عالشغل وامي غصبتني , لهيك لما عبرت المخازن الكل بسال شو صار ليش متاخره ؟! حكتلهم " مكنتش بدي اجي ", ليش اكعد اخترع كزبه , الواحد دايما يكون ع بلاطه وصريح واللي ما عجبه ما يحكي معي احسن عالجهتين لحالي , بالعكس انبسطوا اني ما كزبت وبالعكس كمان انبسطو انو اجيت متاخره احسن ما اجي من مره ..~

نحكي عن رؤول .. الله العظيم اني بعزه هالشب , ومش لازم لانو وجعني هالاسبوع الماضي بغيابه واتعبني , ومع هيك لما يجي يحكي معي بوصل لمرحله اسامحه , وبرجع احكي كل الحك عليا والغلط عليا , انا وثقت بحالي وصدقت عيوني , كان اتش دايما يحكيلي ما تثقي بحالك ولا حتى بعيونك وشو بتشوف عشان ما توكعي ..اتش اللي بيكره الوجع وخلاني انا التانيه اكره الوجع..~

شوفته لرؤول بس ما حكيت معه , انا ما شوفت وجهه ولا عيونه , شوفت ظل التيشيرت الحمرا واتاكدت انو جاي , ومع هيك حاولت ما اطّلع لمكانه ولا لشكتّه مشان ما تيجي عيوني بعيونه لاني كرفانه حالي وكارهته , ومع الوكت الا ما اجى الوكت اللي اجت عيوني بعيونه , وحكى معي " كيف حالك ؟" مكدرتش الا اني اجحره بعيوني , زي كأني بحكيله شو بدك ليش الك عين تسال كيف حالي ؟ّ ما رديت عليه بصوت , بس هزيت راسي بمعنى اني منيحه ههههه , اخ كل ما بتزكر ردت الفعل هاي تبعتي بحكي ليش هيك عملت ؟ بعدين بلشت افكر بحالي هو اجى يحكي معي , ماشي عشان هو اجى لازم اخف عليه شوي , بس مكدرتش ..~

كعدنا نشتغل ونشتغل , واجى وكت البريك , احنا الصبايا بناخد البريك لحالنا , وبعدين هو بيجي بعد ما نخلص البريك تبعنا , بس بفتره البريك انا روحت اجيب محارم من غرفه المخازن وبالطريق شوفته طالع وانا عابره اتلاقينا بالممر , وكانت لسا عيوني مش هاديين , وضلينا نطلع ع بعض بدون اي ردت فعل , عيونه كانوا مستغربين , اد انا حالي مستغربه ليش هيك عيوني عليه اني بدي اقتله ..~

بس اجى الوكت اللي نكون لحالنا بالمخازن , وكانت كلمه في لساني لازم احكيها , ضليت بالمخازن عم اعمل بشغله وبنفس الوكت عقلي بحكيلي احكي معه ارميله هالكلمه , كنت دايره ظهري عليه و ضليت افكر وبالاخر لفيت راسي عليه وحكتله " اشتكتلك هالاسبوع "وبنفس الوكت عيوني عم يجحروه , ما شوفت الا وجهه اتغير وابتسم ابتسامه كبيره وما حكى اشي , وعشان اخبّي جحر عيوني لفيت راسي عنه وحكتله وانا امشي " كل واحد عنده اسبابه وانبسطت برجعتك " واطلعت من المخازن ركاض ..~

عاد هو رجع ؟ عاد هو راح يكون منيح ولا حيوان معي ؟! عاد مايكل سامحني ع الغلط اللي عملته لانو التاني مليش عيون اطلّع عليه , صار الشغل مش حلو زي زمان , في اي لحظه رؤول راح يختفي , ومايكل لسا يمكن زعلان , وهدول هم اللي محلين الشغل عندي , وانا مكتئبه لانو اليوم انحرقت البلستيشن تبعتي وفش محال تتصلح ..~

مش راح اراجع الاملاء اليوم ..

Night lovell still cold m4 prefprmance prod dylan brady


night lovell deira city center gtr showtime
BeautifuL StrangeR غير متواجد حالياً   رد مع اقتباس
قديم 03-16-2022, 07:16 AM   #477
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 33
الجنس:
المشـــاركـات: 9,140
نقـــاط الخبـرة: 1579

Icons13 رد: مأساة روح {هالكه} في اوراق تائهه ~

السلام عليكم ...~

ليل التلاتاء || 3\15\2022 ..~

||

مجريات يوم اثنين ماضي :~

بالصور

||



كان كلشي مدمر ع التخت وساده لسا نايم , بالعاده هو بصحى قبلي

||



بطفي التدفئه اول ما اكوم من التخت لانو بخاف انساها , وكانت ليله بارده

||



بضوي ع الورد تبعي وبسقيه ع السريع

||



واول اشي بحط معلقه عسل بتمي قبل اي اشي , وهاد لحد الان احسن نوع عسل بجربه لانو مش حلو ومش هالنكهه الكويه اللي فيه , اخوي واحد دلني عليه

||

مش راح اصور لما اغسل وجهي وافرشي سناني اول ما اصحى , اول اشي بخادش بلفوني معي وتاني شي نفس النظام

||



الاواعي , جينز مفضل وتيشرت مفضله

||




مزيل عرق مفضل , وهاد العطر جديد نزل في تارغت (محل بيبيع كلشي ) , وريحته ياسمين حلوه كتير , وكل ما احط هالعطر بسمع مجاملات عليه , بس مش ثابت للاسف

||



كريم وجه مرطب , وما حطيت اي نوع تاني لانو بالليل اعطيت الوكت الزياده لوجهي فهدا بكفي , وبكصد بالليل اللي هو قبل كم ساعه من وكت ما اصحيت

||



زيت شعر

||



مكياجي , وفتحت ماسكارا بينفت لانو عارفه عليا مشوار طويل وهي من الانواع اللي بتصمد طوال اليوم

||



الفضه في اصابعي والحلق

||



وشو لابسه في رقبتي , لانو اغلب وكتي بحب يضل السناسيل في رقبتي وانام فيهم , بغيرهم حسب المزاج , بديش اكعد اشيلهم وصورهم واحطهم من جديد

حصان وحيد القرن من مرت اخوي اتنين وانا بالضفه اشترتلي اياه , وانا هلكيت بفتره خيال ومش واقعيه لهيك لابسته

خارطه فلسطين

الزفير الابيض اللي من حبي لانو كعدت فتره احلم فيه بنفس الحلم

||



في موقع بعمل طُبع اشكال حلوه بتبيّن زي الوشم بس هي مش حقيقه وبتكعد من اسبوع لاسبوعين , ولاني كنت بفتره دكريات ولاني مواليد بدايه التسعينات , بحب يتبع اليابانيه لهيك حطيته

بس حاطط طُبع في احجام كبيره في اماكن محدش بشوفها الا انا , لانو الاشكال غلط

||



افطرت ع علبه لبن , وعملت ساندوش حمص اخده معي عالشغل

||

بعد الشغل روحت ع دار اختي هوبز مشان نرروح انا والبنات نشوف فلم باتمان



غرفه البنات وبشجعوا 49 كره قدم امركيه فريق سانفراسيسكوا لهيك الغرفه معبيه

||




اسم السينما

||






قطعنا التكت للفلم واكره ما عليا هدول النوعيه لانو من الماكينه

||



طبعا كنت جعانه لاني بالشغل نص النهار لهيك طلبت سموثي

||



الفلم في غرفه 5 وبلش ع 12 ونص واول نص ساعه دعيات عن الافلام اللي جايه بالطريك

||




الظهر بكونش كتير عالم جاين ع السينما

||





البوبكورن مع السموثي كان غداي

||



ارجعت ع البيت بحدود خمسه , البست البجامه

||



كان وصلني طلبات من الامازون واداديس

||



اشتريت هاد البوت ولحد الان ما جربته لان كبير عليا بنمره , مهم لخبطوني , لما اشتري من نايك بدي اكبر نمره ولما اشتري من اداديس بدي اصغر نمره وانا عملت العكس تماما , عشان هيك بكره الاون لاين , المهم بس اجربه بشوف اد مريح ولا لأ , لانو كل هالغلبه لانو حكولي انو مريح وعملي للشغل

||



زينه لرمضان بورجيكم بس اعلقها ودراق ناشف

||

وبعدها روتيني الليلي ..~

||

بحط شو حياتي بالصور بدون اي فلاتر او تزبيطات وتخبايه واعمل الحياه البرفيكت وانو مش ناكصها اشي وعندي اخسن من كلشي , لأ فقيره ويالله يالله شغلي يدفع فواتيري , وما بحسب شو راح تحكو عن حياتي ولا بنحرج منها لانو الحمد لله هيك ربنا رايد , ما بغير من حقيقه حياتي عشان اكزب عليكم وازيدكم حواليا ..هاد مكاني , يمكن بكون هان انا اكتر من اي مكان تاني عشان هيك حلو الوحد يضل غريب ..حكي حبيت احكي بدون سبب ..~

||
BeautifuL StrangeR غير متواجد حالياً   رد مع اقتباس
قديم 03-17-2022, 07:22 AM   #478
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 33
الجنس:
المشـــاركـات: 9,140
نقـــاط الخبـرة: 1579

Icons13 رد: مأساة روح {هالكه} في اوراق تائهه ~

السلام عليكم ..~

ليل الاربعا .. 3\16\2022 ..~

صرت اجي ع المدونه يومين ورى بعض , والسبب انو البلستيشن خربانه , يعني لا بكدر اشوف ع نتفلكس او هولو او سبوتفاي او العب او حتى احط الفلاشه مشان اشوف هاوس , اتحطمت هاليومين , امفكره اشتري تلفزيون جديد تبع النظام اللي بكدّر انزل التطبيقات مشان انزل كل هدول لانو تلفزيوني دكه كديمه فش فيها مجال لتنزيل التطبيقات , ومعيش مصاري ! اخ بس

واللاب توب بكعد طوال اليوم بس حضرته ليفتح , بجلطني كمان ليشتغل , فش ترفيه بحياتي كيف صارت ؟! والالعاب والتخزين تبع الالعاب , في منهم في طريق التروفي , اخ يا قلبي اااخ , بدي اروح ابكي لحبي وينه يصحى , خلص اضعفت

بعدين ليش كل ما اجيب سيره اشي حلو بحياتي بالمدونه بخرب , وببطل يزبط ويصير ؟! هو انا بضرب الكصص عين ولا هي المدونه فال سيء عن كلشي حلو بحياتي

مايكل صارله فتره غايب , واخر مره شوفته كان مريض , لانو لبس القناع , في ناس بالمرض بحلّو , كان ينعن شكله بالعيون النعسانه واللطافه وهو مريض , مكدرتش الا اني اضل اطّلع عليه ,وهيه اختفى كله لانو بساعدني ومنيح معي ومحلّي الشغل , بالعاده مايكل ما بيلبس القناع , واحنا من امبارح بالشغل الموطفين اللي ما بدو يلبس ويشتغل بدونه بكدر يبلش من اليوم , ومحدش منهم شاله الا انا , الله يستر ما امرض

الاشي اللي بدي اتعود عليه هو زمان ملامحي مخبيّه تحت القناع الا عيوني وما يكونوا يكشفوا كلشي عني , بس اليوم عشان اشتغلت بدونه , يبي ع ملامحي , لازم اشوف طريقه اخبي ملامحي , بنفعش لما اضحك او اسب او اقلب بوزي هيك , لازم ادرب ع التخبي

الله يستر من بكرا في الشغل .. عم احكيلكم منكده , بدي بليستيشن وبدي اياه يصحى وبدي اشتغل معاه اكتر حواليه وجنبه , بدي لما ابتسم يخجل زي هديك المره , خلص راضي بس اشوفه بس .~
BeautifuL StrangeR غير متواجد حالياً   رد مع اقتباس
قديم 05-15-2022, 04:29 AM   #479
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 33
الجنس:
المشـــاركـات: 9,140
نقـــاط الخبـرة: 1579

Icons13 رد: مأساة روح {هالكه} في اوراق تائهه ~

السلام عليكم ....~


واااال والله زمن , شهرين بدي يصيرلي وانا غايبه عن المدونه , بس يلا ارجع ..\~

||

مفش اشي مصيري صار معي , حياتي نفس الوكوف اللي صارلي عشر سنين فيه , اخر مره لما خربت البلسيتشن واشتريت تلفزيون ورجعت علاقتي مع حبي لاني اوصلت لمرحله متحطمه وبدي احكي مع حد , لأ وفوك كل هاد اختي فيث بتشتغل معي وملزكه فيا جلطتني بالشغل وانقطع رزكي لانو بخلونيش اتاخر عشان حضرتها بتنط بدها تتاخر وبدهومش اياها تتاخر وبدهومش اني ازعل وهي تزعل , لأ وكمان خرب بلفوني واطريت اشتري واحد والسوك الحيوانين بس في اخر بلفونات وكاطعين الكديم لهيك انجبرت زي كل مره بشتري فيه بلفون اني اشتري مش ع ذوقي , اشتريت 13 بس برو وازرق لونه , ورمضان هالسنه ما انبسطت ع الاكل مرت اخوي بس ولابد في الاكل تبعها وانا بديش اطبخ , الحمد لله اني كدرت اقرا القران وختمته مرتين هاد بس حلاوه رمضان هالسنه وكنت اشتغل كمان برمضان ..~

||

احكي عن الاشي الوحيد اللي معطي طعم لحياتي هو الشغل , بس معي هالاسبوع ليكون الشغل منيح لانو حضرت الجحش رؤول راح يسافر ويغيب اسبوعين , بس امبين انو كداب وراح يختفي , بس راح احكي كتير عن هالشخص بالمدونه او يمكن بمشاركه اليوم ..~

اخر مره حكى انو راح يستقيل ويترك الشغل وصارت اجراءات اني اخد مكانه , من جواي مكنتش بدي انو يترك لانو الشغل راح يصير مضاعف عليا , بس اد انا ما اخدتش المنصب مفش حد ياخده وغير انو انا بحب العب واقسى واتلائم مع الناس , لهيك كلشي كان تمام , وروحت عالبيت وكل الي براسي انو اليوم اللي وراه راح اتعيّن والله يعيني , بس لما اجى اليوم حضرته اجى وكانت صعقه للكل لانو خلص طلع خبر انو ترك , وبلش الحرث تبعه وشغله الجدّي اللي طول الوكت كنت اشوفه بشتغله وكنت مبسوطه لابعد درجه , وبعدها كعد شهر كامل يجي ومنها ايام يجي عنجد كان مريض بس يضل يجي ويشتغل لو بس نص نهار , نيجي نحكي عن يوم في ايام رمضان بتزكره لانو كان تاني يوم لعزيمه خواتي عنا , لاني قررت ما اروح عالشغل لاني كعدت يومين كاملات ما نمتش فيهم , وحكيت للصبايا اللي بشتغل معاهم انو انا تاني يوم مش راح اجي لاني بدي اضل نايمه , بس بتعرفوني اد كانت الشاحنه ملانه كراتين اتصلوا عليا صحوني عطول باجي , بس ما حكيت لرؤول اني بديش اجي لانو المعلم ولانو راح يحكيلي اد انتي عالجدول لازم تيجي , بس حكيت لاختي فيث و انجيلا وكاتي , عاد بيوم الشغل ع الميعاد بعتت مسجات للبنات انو كلشي تمام بدكم مساعدتي ؟ كلهم حكو احنا بخير ارجعي نامي , ارجعت نمت بعدا بربع ساعه اختي فيث بتتصل عليا وبتحكيلي رؤول كسر مفتاح الشاحنه , وانا لما اسمعت هيك فطست ضحك وحكتلها بدي اجي عشان اضحك عليه بوجهه , حكتلي راح يجيب المفتاح من محل تاني بعيد عن المحل تبعنا مش كتير , المهم روحت عالشغل واوصلت نفس ميعاد الصبيه اسمها بيث وكانت الساعه خمسه الصبح بالزبط, اتلاكينا انا وياها عالباب , عاد رنينا عالجرس ومحدش كان متوقع اني اكون انا جايه لانو محكيتش لحد الا لايمان , اجى رؤول فتح الباب ويالله مكانش ع وجهه اي ملامح لما شافني , ينعن شكله , بجوز لانو شاف بيث معي ومحدش بينا بطيك بيث , المهم صبحت وروحت ع غرفه الاستراحه وحطيت الشنته تبعتي في حزانتي وسحبت حالي ورحت ع غرفه المخازن , واول ما دخلت حكتلهم مفاجاه ويالله مكنتش متوقع هيك ينبسطو لما يشوفوني هيك بس انا كنت ماكله هوا صوتي خفيف ومبحوح واحب ما عليا يكون صوتي مبحوح بشوف بكون انثوي اكتر , لانو زي ما حكتلكم مكسور عليا نوم وتعب , وصحبت عالكل وروحت ركااض ع باب الشاحنه وكفت جنب مايكل ورؤول مشان اضحك بزياده وكانوا الاتنين مبتسمين ابتسامه غير شكل وهم واكفين , وحكتله لرؤول انا اجيت بس عشان اضحك عليك عشانك كسرت المفتاح , وحكى لا انتي اللي كسرتيه ومش راح اخليكي تفتحي الشاحنه مره تانيه , وكعدت احكيله انا دايما بفتح الشاحنه واليوم اللي انا غيبت عليه عالشغل انت لما اجيت تفتحه كسرته , وكان مايكل والصبايا كلهم يضحكوا , صار رؤول ياخد عليا ويضل يتخوث ويمزح معي كتير لانو لا انا حساسه ولا هو ف المزح بكل كلامنا بطلنا نعرف امتى الواحد بحكي جد , والمشكله مكدرتش االا اضل اضحك طوال الشفت عن كسرت المفتاح , ماشي وكت الترويحه كانت فينسا بالشغل بالمكتب ف روحت احكي معاها وكان رؤول كمان غاد وكعدت احكيلها شوفتي شو روول عمل المره الوحيده اللي فتح الشاحنه كسر المفتاح وهو كعد يحكي كدامها مش انا هاي مريم اللي كسرته لانها هي اللي بتفتح الشاحنه دايما , وانا رديت عليه اخرس وفنيسا كتير فطست عحالها ضحك , بحكيلكم اخدنا عبعض كتير الحمد لله كله تمام لوكت ما صار اشي ؟!

اللي صار بنفس اليوم بس بعد نص ليل , اجى فينسا تلفون من رؤول وكان طافي يا هو محشش يا هو سكران لانو كانت ليل الاختفال بعيد الحشيس عنا بسانفراسيكسو , وكان بده رقم بلفوني , وحكتله لانو ليش بدك بلفون مريم يعني عشان شغل وما شغل , ما ردش عليها وحكلها معاكي تلفونها تعطيني اياه , حكتله لأ , وهو ما صدّك انو معاهاش رقمي وحكالها بجكمه طيب وسكر الخط وبعد بنص ساعه حكالها راح اغيب ومش راح اجي عالشغل .

انا هاد عرفته بنفس الليله بس الصبح وكت ما بلش الشفت تبعنا ع 3 ونص الصبح , لما عبرنا نحط شناتينا بالحزاين وفنيسا كانت بالمكتب اطلعت انا واختي فيث من غرفه الاستراحه ولما مرينا من جنب مكتب فينيسا نادت عليا انو بدها تحكي معي , لفيت راسي ع ايمان انو خليني احكي مع فينسا لحالنا , ايمان فهمت , وتركتنا ! عاد بدكم الصراحه خلص لما شوفت فينيسا اجت ورؤول اختفى وهو اليوم القبله كسر المفتاح , حكيت خلص هو ترك الشغل وهي بدها تحكيلي انو راح اصير مكانه , بس حكت اشي مش ببالي من مره , انو صحاها بنص الليل رؤول وانو كان مش بعقله وانو لهيك كان يضل يجنني بكصه مايكل اد انا معحبه بمايكل , اه كان يضل رؤول يحكيلي انو مايكل حبيبك وانو الكراش تبعك وكل هالحكي وامبين كله عشان يشوف انو اد في اشي كله لاني منيحه مع مايكل عشانه كتير بساعدني هيك بدون ما اطلب منه ما بشوف الا مايكل جنبي عم يرفع الكراتين عني , ف انا ليش اخبي انو اه بساعدني واه بشكره وببتسم بوجهه مش اني معجبه فيه , ولاد عقلهم صغير , اه هم ولاد صغااار بالعشرينات اعمارهم , كيف اولاد بالعشرينات بعجبو ببنت بالثلاتينات شو هاد ؟!

ف فينسا حكتلي لما الواحد كان سكران او محشش بكون مش بعقله وبحكي حكي مش طبيعي , حكتلها اه بعرف حتى لو اني ما بشرب بس عندي اصحاب بشربوا وبعرف عن شو بتحكي , بس انا بحكيلك يا فينيسا انو انا بحبش ولا واحد فيهم ولا حتى اعجاب , انا بس بتعامل معهم مناح وبنمزح لانو شغل يخليني ننبسط بالشغل وتمشي الايام بدون نكد ومشاكل , يعني شو اصير لئيمه معهم . وخلصنا الحكي وحكتلها تحكيش لحد حتى اختي عن اللي صار وبعدها كملت الشغل وعادي , وضل حضرت الجحش غايب اسبوع كامل , بس هالمره مش كنت استناه عشان الشغل ويساعدني واساعده فيه , اولا لانو رمضان ولانو بعرفوا ما بشتغل عفش برمضان او بشتغل بس ساعات قليله , كنت استناه عشان اشوف وجهه واتمعن بعيونه ؟


بعد اسبوع حضرته اجى , شوفته مر من جنبي بس ما صبح عليا وكان حاطط الطقيه تبعت الهودي تبعه ع راسه ومر وانا لما انتبهت انو هو اللي مر من جنبي , حكيت بعقلي وين رايح يا جحش ؟! عطول ناديت عليه حتى لو صار بعيد عني , هحكتله هاي رؤول , عاد لف راسه عليا ويالله عيونه مش عارف اد هو خجل او هو عيون صاحي من النوم او اني كاعده ع قلبه لان عيونه مخلوطه انو حسره واعجاب مش عارفه , ف لم لف راسه حكتله صباح الخير , ما رد عليا بتصدقوا , بس رجع لف راسه عنب وكمل مشي ع المكتب ..ايش ماله .؟ شو اللي براسه ؟!

عاد بلشنا نشتغل مع بعض وتيجي اوكات طويله جنب بعض وكعدنا حوالي ساعه واحنا نشتغل وكل ما احكي معه , مش عامل اي تطليعات بعيوني , يعني عيوني ما بتلاكوا مع عيونه وانا كل ما احكي معه اضل اطلع عليه وع عيونه ومع هيك حضرته ولا مره اجت عيوني بعيونه , حكيت بعقلي اخلع ناكصني حساسه بالشغل انا ؟! وكديش بنيت هالعلاقه بالشغل معاه , شب انطوائي بحبش يحكي ودايما بوزه كدامه , لا بضحك ولا بحكي , ضليت وراه حتى خليت الشغل بينا حلو وبينا تخوث ومزح واسرار وحتى نميمه عن اللي بنشتغل معاهم , وهلكيت حضرته بده يمحي كلشي ؟! انا بحبش الدوران واللف والخبث وخاصه بين الناس اللي جد بعزهم وبحترمهم وخاصه الشباب كمان لانو من تجاربي الشباب اصحابي بضل صداقاتنا عشان بلفش وبدور معاهم ولا حتى خبث وكدب , اختصار لكل وجع الراس , لهيك حكتله وانا اطلّع بوجهه ليش عيونك ما بتلاكو بعيوني , حكالي شو ؟ وهو حضرته ما بطلّع عليا , عدت نفس الكلام وانا لسا بطلع بوجهه, ساعتها اطلع عليا وحكالي شو . لفيت راسي عن وجهه وحكتله ولا اشي . انا متاكده انو سمع

بعدها اجى وكت مايكل خلص الشاحنه واتسهل , وشوفت انو رؤول ما صدك عشان يجي يحكلي اشي ومش عارف شو هو الاشي بس بخص مايكل , فا انا بتزكر رديت عليه انو لتكون امفكرتي معجبه بمايكل , حكالي اه , حكتله كل هاد عشاني منيحه مع مايكل بس انا منيحه مع الكل , حكالي لأ انتي لئيمه معي , وكانت تطليعاته وكلامه فيه عتاب , يعني عم يقاتل فيا زي كاني بعنيله اشي , حكيت بعقلي اخلعي يا بنت هاد عنجد معجب فيكي خفي عليه حرام , بس انا بعترفش بالخف عالشباب اللي بوكعوا حالهم بايديهم , انا بايامي بوعدش حد بالحب ولا الالتزام لانو اشي كبير , بس بحب احركصهم , بحب هاد الشعور من جواي عشان انبسط , بعدين كعدت افكر هو انا عنجد لئيمه معه ؟ صح بجيب لمايكل كهوه ورؤول بشربش عشانه مريض , وصح دايما بمد ايدي ع مايكل وبسلم عليه اول مايجي وبس يتسهل , ومره مايكل اعطاني حضن ولما مره تانيه اجى يعطيني ما رضيت , رفعت ايدي وحكتله سوري نو حضن , لانو شوفت انو مايكل بحب يلزك اشي مش طبيعي فيا وبدي العب ع بعيد بس خض لبن بدون كب , ماشي جسمه حلو , شعر طويل , وابيض ولحيه خفيفه ودايما مبتسم والبنات بموتوا عليه , بس عندي بضل كلهم اصحاب شغل , وصح بطلع برى استنى مايكل وبكون مبتسمه اشي مش طبيعي وانا جايه معاه , وبضل احكي معه واساله عن ايامه وحبيبته وشغله , بس كل هاد مش يعني معجبه فيه بس بحب احركصهم , بعدين روحت اسال ايمان انو انا لئمه مع رؤول ؟ حكتلي اه , دايما صوتك عالي عليه ودايما بتحكيله اخرس وبترديش عليه وبتتفششي فيه , بس والله بعقلي وجواي كل اللي بعمله اني ماخده عليه زي كانه اعز صديق , وعطول حكتله خلص متأسفه وراح اصير اعملك شاي كل يوم , لانو صار بينا تحدي انو اد بغيب لازم يعطيني 50 دولار وهاد الرهان صاره شهرين , ف بعد تجنن اعطاني 20 دولار وحكتله بشتري دونتس للبنات , واشتريت , ومن وكتها خف اللئم مني عليه وبعمله شاي , وهاد الاسبوع راح يكون اخر اسبوع للشاي وكل يوم بكتبله اشي ع كاسه الشاي ..~
BeautifuL StrangeR غير متواجد حالياً   رد مع اقتباس
قديم 06-05-2022, 10:00 AM   #480
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 33
الجنس:
المشـــاركـات: 9,140
نقـــاط الخبـرة: 1579

Icons13 رد: مأساة روح {هالكه} في اوراق تائهه ~

السلام عليكم ..~

ليل السبت || 6\4\2022 ..~

||..~

بتمنى تسامحوني , عاد اخر مره كنت هان وعدتكم ووعدت حالي اني ارجع , بس الدنيا ما اعطتني الوكت ابدا , اللي صار انو صرت اشتغل شغل تاني لانو قررت اعمل اشي كبير وهالاشي الكبير بده مصاري , عاد اد زبط بخبركم واد لأ , بضلوا بقلبي ليقتلني .. او لاقتل حالي ..~

ف حياتي من اخر كانت , اطلع من البيت 3 الصبح , اروح ع شغلي الاول واضل فيه لل 11 ونص الظهر , ارجع عالبيت ومعي نص ساعه اجهز حالي للشغل التاني اللي مش طايقته من مره , واروح عالشغل التاني اللي لازم اكون فيه ع ال 1 الظهر , وابلش فيه واضل لل 10 بالليل , واوصل البيت 11 بالليل , وبنص ساعه اكل واخد شاور سريع واحط راسي وانام واصحى 2 ونص الصبح , ولفي فينا يا دنيا دوخينا يا دنيا , ضليت هيك اسبوعين .. لحد الاسبوع التالت اللي حكيت فيه اني مريضه وما روحت عالشغل التاني .. ~

ايام العطله كنت بكل صريح العباره اضل نايمه من كتر ما كان مكسور عليا نوم , ومن يومين ارجعت عالشغل التاني , بس حكتلهم انو بكدرش ابلش ع 1 بدي كم ساعه زياده مشان انام بالنهار قبل ما اروح عالشغل التاني , لهيك صار شغلي التاني ابلش فيه 3 العصر مش 1 , بالكم ساعه بنام وباكل وبريح حالي احسن ما يكونش عندي ولا دكيكه ارتاح فيها ..~

الاشي التاني اللي صار اتعرفت ع شب , وعجبني لهيك كملت معه , بس بالاخر تركني كالعاده , لما يعرفوا سرّي بيهربوا , ضلينا مع بعض لتلات اسابيع , كنت بايام العطل اطلع معاه , ونكعد ساعات مع بعض , وكمان بدل ما كنت انام بالليل الكم ساعه اللي معي , نضل ع البلفون نحكي , لوكت ما سألني عندك سر ؟ وبيني وبينكم بلّشت اشوفه يتعلّق فيا , وانا بالاصل كاسره قلب حبي , وازيدكم من الشعر بيت , بحب اوكعهم , ف لما شوفته بلش كتير يتعلق فيّا ويحكي حكي ويعمل كصص بدّل ع انو وكع , واجاني الخيار هو سؤاله اد عندي سر , لهيك حكيت اه احكيله هالسر بس مش عالبلفون , طبعا محدش من اهلي وافك , الكل عارض اني احكيله السر , بس انا بهتمش ومتل ما امي بتحكيلي " انتي بتحبيش حد " ..~

لهيك روحنا ع مكان بحبه وحكتله السر من اول ما كعدنا , جدا استغربت من رده فعله انو ما اثر عليه , بس استغرب انو ما حكتله من الاول , وكملنا نهارنا مع بعض للمغرب وما كان في اي اشي بدل ع انو راح يترك , ولما اوصلت البيت كنت تعبانه كتير , لاني شوفته بعد شغل الاول وما كان عليا شغلي التاني , ف لما اوصلت البيت , بتزكر اخدت شاور سريع ونمت وانا مش داري عن حالي , اصحيت ع المنبه ع ميعاد شغلي ع 2 الصبح , وشوفت انو كاين باعت مسجات , انو وينك ليش ما طمنتيني انك اوصلتي البيت وكل هالحكي الفاضي عندي , وانو لتكوني ازعلتي او زعلانه , مكنتش فاهم شو كاعد بخبص بالحكي , عاد ارجعت احكي معه عن شو بتحكي . حكى بس بسال وبعدها اختفى يوم كامل , وانا افهمتها انو قله الجواب جواب , بس بعرف حالي بهمونيش , وبعرف حالي اد بركض ورى حد فهو حبي ..~

واليوم اللي وراه كنت طالعه مع خواتي واولادهم ع الملاهي ومبسوطه ع الالعاب ولحد لان في لعبه في نفسي العبها بس مكانش معانا الوكت لالعبها , لهيك لازم ارجع ع الملاهي مشان العبها لانو اتوقع هي اللعبه اللي راح اخاف منها , العبت ع 7 العاب , وكل لعبه احكي اظن راح اخاف , وبالعكس انبسط اكتر واترك اديا , كان جد يوم حلو ونفسي ينعاد ..~

بالطريق عالبيت اجاني تلفون منه , وحكينا , الاهبل , والله كلهم مهابيل ! بفكروا اد بحكي معهم او بضحك اني بحبهم او معجبه فيهم , بفكروش اني بلعب وبتسلى ’, مشان ارضي حالي مشان ابسط حالي , بفكروش انو في حد جوى قلبي كاعد ومتربع , واحنا نحكي عالتلفون , كنت اخبطه كف بكل كلمه بحكيها , ما سكتله ابدا , لانو بهمنيش ولانو بحب اجرج الناس , خاصه اللي بكزبوا واللي مكانش عنده الجرأه يحكيلي ليش بده يترك , راح اخترع كزبه , كال كيف اعرفت انها كزبه , من كبرها ..~

نرجع نحكي عن شخص دايما بجيب سيرته بالمدونه ؟! اللي هو كمان اهبل هههه ,المعلّم رؤول , اشتكتله الحمار ! عاد هو مسافر والله اعلم اد هو راح يرجع ولا لأ , اد ما رجع راح اترك الشغل بكل صراحه لانو صار اشي بالشغل بحكي عنه كمان شوي , بس بالاول نحكي عن الحمار رؤول , اللي حتى بالشغل لما اعصب منه بحكيله بالعربي يا حمار ههه , الحمد لله اني بمسك حالي لانو من كتر ما بحكي بالعربي كلمه خلص , اتعلمها وسال اختي شو معناها , ف صار يضل يحكيها , كل ما نخلص الشغل , يحكي خلص , وكل ما اعصب يحكلي مريم خلص هههه ..~

كان يوم جمعه وحكالي اد بكدر اروح اجيبه من داره ع الشغل يوم الاثنين , سبت واحد بنكون معطلين , وحكالي اللي بوصله عالشغل بكدرش يوصله وهو مش مجدد رخصته وحسيته بدوش وجع راس وماخد عليا لهيك طلب مني اد اوصله , حكتله اه لانو بعرف انو ساكن كريب من الشغل , بس بعرفش وين , عاد بالعاده كنت اروح اجيب اختي من بيتها عالشغل , بس هالمره حكتلها انو بكدرش اجي اخدك لانو بدي اعمل كصه , اليوم اللي حكالي اد بكدر اروح اجيبه , حملت قلم بايدي واعطيته ايدي التاني مشان يكتب عليها عنوانه , بديش اجيب اي سيره ارقام بلفونات كدامه , هو اطلّع عليا وكان مستغرب , وحكالي شو رقم بلفونك , حكيت بعقلي اخلع بديش اعطيك رقم بلفوني , وكفت شوي وبعدين اعطيته , يوم الاحد بعتلي مسج انو اد لسا بكدر اروح اجيبه الانثنن عالشغل معاي , وافكت, روحت جيبته من بيته , بس حكيت لامي انو بدي اروح اجيب رؤول من بيته واخده معي عالشغل , امي من النوع اللي بتثق فيا والنوع المتفهم , ماشي اوصلت بيته وبعتله مسج اللي هي كلمه يلا , بعرف شو معنى كلمه يلا كمان من كتر ما بحكيها , جيبته وروحنا عالشغل , وكان حاطط الطقيه اللي كديش بحبها عليه , بعد بشوي اجت اختي , ابنها وصلها عالشغل , وحكتلها ليش ما سالتني عن الكصه اللي عملتها اللي خلتني مكدرش اجي اجيبك عالشغل , حكتلي شو هي , حكتلها هيك هيك ! ما حكت اي اشي واستغربت جدا , بالعاده هي عقلها صغير , بعد ما خلصنا شغلنا حكينا انا واختي نروح ع اختي هوبز نفطر عندها , عاد كاعدين وبنفطر وسألتني هوبز شو هي الكصه اللي كنتي بدك تعمليها ؟.! استغربت كيف عرفت انو في كصه بدي اعملها ؟! اطلعت باعت المسج ع الجروب تبع الخوات مش بس ع ايمان لحالها , عاد حكتلها هيك هيك , وهاااد اختي انجنت اوووه , وكامت تكاتل , كيف بتروحي تجيبي شب كافر من بيته ويكعد معك بالسياره بالليل ع ال 3 الصبح كيف ؟ ولك كيف بتخافيش , كيف آمنتي عليه وكيف وكيف واختي فيث اللي ما حكت اشي , كمان نطت تحكي , وحسسوني اني ابصر شو عامله , وحكتلهم امي كانت معي وبتعرف , بس مع هيك اكلت بهدله مرتبه اخت شلن ,. وحكيت بعقلي ليش كال بديش احكيلها كنت ..~

اخر يوم بالشغل قبل ما يسافر كنت وكتها تعبانه بحت لانو مكنتش نايمه وكنت مواصله من شغل لشغل , ومكنتش اانام ياليوم الا ساعه , وكان طول الاسبوع شغل , وكنت متنكده داخليا لانو عارفه انو رؤول مسافر , والشغل التاني كل يوم فيه نكد ومشاكل وكرف , فهو حكالي خلص روحي عالبيت مش ضروري تعملي فل شفت اليوم , ما رضيت لانو عارفه انو هو كمان عليه سفر بعد الشغل وبديش اترك كلشي عليه , بدي اساعده , ما رضيت وحكتله تخافش عليا بدبر حالي , بعدها بساعه خلصنا كل الشغل وضل شوي , واطلعنا ع بعض انو خلص ايش راينا نترك كلشي ونروّح , فينيسا مش جاي , وهو اخر يوم , بدناش نسأل او نهتم , وبالزبط هاد اللي صار , عاد حكتله بدك اوصلك عالبيت ؟ كنت متوقعه يرفض , حكى اه , غريبه , ووصلته عالبيت , لما اوصلنا ع البيت تبعه , حكيت بعقلي اخ بكره الوداع , وعندي احساس انو مش راح يرجع , ضلينا كاعدين كل واحد بمكانه بالكرسي بالسياره , وكان هيك في جو غريب , جو الوداع , رفع ايده واعطاني هاي فايف , بعرف انا مش بنت الحضن والبوس , اكتر شي هاي فايف بعمله , وحكى راح اروح , وحكتله ارجع بصحه منيح ويلا انزل روح , وكنت مخبيه كلشي بابتسامه بوجهي, ولما نزل لسا ضل واكف وعبّر راسه من شباك السياره وبلش يحكي انو ما تشغلي بالك بالشغل , حكتله ولك روح خلص واتسهل ولحد الان ما رجع ..~


نحكي عن الصدمه اللي صارت وهي , مايكل ترك , اووه لاااااا , مايكل سواك الشاحنه , اخ بس اخ , لسا امبارح ترك الجمعه ولسا ما اجى السواك الجديد اللي الله يستر شو يطلع الختيار اللي بكدرش يحمل الكراتين ولا الاولاد الصغار الضايعين وملخومين وبعرفوش يشتغلوا ولا الشب العامود اللي عليها يضل يبصبص علينا , يا ربي اشي بكهر استغفر الله العظيم بس ...~

شو راح اشتاك لمايكل , وكيف كانت ردت فعلي لما اجى يحكيلي في خبر مش منيح , حكتله بدهم ينقلوك ع مكان تاني ؟ حكى اه , حكتله لاااا ولفيت وجهي عنه واعطيته ظهري وكعدت احكي لايمان انا هلكيت حزينه وزعلانه , وكنت طوال الشغل مكهوره فش مايكل ؟ كيف فش مايكل اللي اول ما يعبر المحزن من الباب عطول بيطّلع ع مكاني وببتسم انو بشوفني موجوده وبسلّم عليا , مايكل اللي بالايام اللي مش طايكه حد , بضل يحكي شغلات مشان يضّحكني ويخلني ابتسم , مايكل اللي بضل يمزح معي ويتخوث ويطبّل ع كتفي ويحكيلي كديش بتتعبي بالشغل , هلكيت فش عضلات اطلّع عليها بالشرط اللي بيلبسه , ولا عضلات الادين اللي لما يرفع الكراتين اللي بكدرش اشيل عيوني عنهم وفش الوجه البشوش اللي دايما مبتسم , اخ مش كادر اتخيل راح اروح الاثنين الشغل وفش مايكل وفش رؤول وفش فانيسا , وبكدرش ما اروحش لاني اللي بعمل الشاحنه لانو حضرت اكرام اللزكه جننتني اكتر من اختي , دايما الله ببعتلي لازكات يجننوني بالشغل وبضل يشكوا ويبكوا ونكد كرف اللي يكرفها , لما اجى يروح مايكل كان نفسي اعطيه حضن , من كتر ما انا عارفه مش راح اشوفه خلص راح , وبعرف انو الناس بتيجي لتروح بعرف , وبعرف اللي انا بعزهم وبحترمهم ومحلّين حياتي الله بياخدهم عني , اخد المغني اللي بسمعله عالسجن واخد رؤول واخد فانيسا انها مرضت وبطلت تيجي عالشغل وهي كانت تساعدني بالشاحنه اسبوع ونص , كنت كل يوم اروح اجيبها من بيتها لانو ساكنه حوالين بيتي , واحنا بالسياره اضل تحكيلي عن حياتها وعن الشغل , اعرفت كلشي عن الشغل واسراره منها ونروح عالشغل مع بعض , بس مرضت , لأ وفوك كل هاد اخد ساده ليوم , عني , اخ يا قلبي كل ما بتزكر شو صار مع ساده بغص قلبي ..~

وداع مايكل كان وجهي حزين , ضليت اطلّع عليه واديا فوك راسي زي الايام الصعبه اللي مرت عليا وكت ما اسمع اخبار مش منيحه , لوكت ما وصل الباب تبع المخزن , الباب اللي دايما بعبر منه بابتسامه وعيون فرحه , لما وصل وفتح الباب , لفيت وجهي عنه , بديش اودعه وهو طالع منه , بديش الزكرى تبعت وداعه , بدي يضل الباب يزكرني بدخوله علينا مش بطلوعه ..وبديش يشوف عيوني الحزينه عيون الوداع .. بحياتي اللي اشتغلت فيها مع شباب وعالم , هاد اول شب كان يحرث حرث مش طبيعي ويعمل شغل مش شغله ويساعد مساعده , واللي كان يفهمني بدون ما احكي , وكت زعلي وفرحتي وعصبيتي , ويعرف امتى بدي مساعده بدون ما احكي , اللي الكل يجي يحكي اظن مايكل معجب فيكي او انتي معجبه فيه , اللي يحكو ما بشيل عيونه عنك ولا انتي .. باي باي .. اخ مش كادر اتخيل باي ..~

طبعا بغياب رؤول انا وفانيسا بنفتح الشاحنه وبنعمل عليها , بس مرضت فينسا , وفش حد بيعرف يعمل الشاحنه الا انا , وحضرتهم من كتر ما هم كسلا لحد الان لا اعطوني الكودد ولا المفتاح لايام الطوارئ اللي بتصير وبديش اياه عشان ما اتحمل مسؤوليه , المهم راحوا بعتوا اكرام , مانجر جديده وعربيه بالمحل تبعنا ,’ هي مش جديده بس هي مانجر جديده , ويالله ازنخ من اختي فيث , اولا ياليوم الي اعرفت انو اخر يوم لمايكل , عم احكي معه وهي ملزكه بكلامنا شو بدك اطلعي من راسي خرى عليكي خرى , وكل كلامها عياط ونكد عالصبح زي فيث بالزبط , عن تعب الشغل والمشاكل وانو وانو , وانا بكره للسما النكد عالصبح , كنت في فيث وكنت ابعد عنها لابعد حد اعبر جوى الشاحنه عشان ما اشوف وجهها وهي بتعيط من كتر الشغل وتشكي وتشكي , اجتني هاي اكرام اللي بتلحقني عالشاحنه جوى تحكي عن مشاكلها بالشغل , حتى مايكل لاحظ , حتى لما بلشت انرفز ووجهي اتغير , بتحكي مالك يا مريم شو في ليش زعلانه , حكتلها دشريني بحالي اكرام , وبتعرفش الشاحنه وماشي بعرف انو بدها تتعلم وبعلمها عادي , بس تتركني بحالي عالصبح بكلامها الفاضي وبالنكد تبعها وبالتدخل فيا انا هيك مزاجيه وملوش حد عندي اتروكوني بحالي يا بضحكوني يا اما اخرسوا ..~

اخ بس شو هامله هم الاثنين , بدي احاول ما اخده فل شفت لاني بقتل اكرام ..~

اما نحكي هم ساده , اللي صار هو انا بالعاده اول ما اصحى بفتخ باب البيت اللي عالشارع الرئيسي مشان ساده يطلع عالشارع , وبعرف انو بخاف وما بطوّل فيه مش متل الحوش , المهم طلعته وجهزت حالي , ولما اجيت اتسهل عالشغل عم انادي عليه وانادي بردش الحمار ومش امبين , كعدت تلت ساعه, بالاخر كتير اتاخرت عالشغل , خليت الباب مشقوق ع امل انو بعاود يرجع , واتسهلت عالشغل , وانسيت امره لاني كنت ملهيه بكصه وداع مايكل وبكصه زناخه اكرام , وحكيت اكيد اخوي عبّر ساده , بعد ما خلصت شغلي , اتصلت ع دكتور الاسنان وكان عليا موعد بس عليا شغل بالمكان التاني , سالتها اد في مجال اجي قبل الموعد واكفوا , روحت ع موعدي , وبعدها مكانش معي وكت لاني عليا اروح عالشغل التاني , لما اوصلت البيت شوفت انو اخوي كاين متصل عليا , ارجعتله وحكالي مريم ساده ما رجع , حكتله لأ مش معقول وسقط قلبي , حكتله انا هيني باب البيت هلكيت بشوف وبخبرك , انزلت عالدار وكعدت ادور عليه ما لكيته لا بالحوش ولا جوى الدار , طالع من ال 2 بالليل والساعه كانت 2 العصر , 12 ساعه غايب , وبحياته ما غاب من طريق الشارع , بالعاده بالحوش اه بضل , بس الشارع لأ , وحكيت امبين اندعس , وكعدت اعيط وفكعت عياط , حكيت حتى ساده راح , الروح اللي بتخليني امسك حالي اني ما اقتل حالي راحت , ساده اهبل ومستحيل يعرف يرجع , كعدت الف بالشوارع ودموعي مش موكفين وبحكي مع فيث انو ساده ضاع وفش دم بالشوارع وفش ساده , وحكتلي بيرجع بعاود يرجع , وضليت اعيط واحكي مع حالي , الكل راح من حياتي , الكل طلع من حياتي , اخوي بتصل وبمسك حالي اني ما عم ابكي وبحكيله مش امبين , حكى بيرجع , ليش كلهم كانوا واثقين انو بيرجع وانا لأ , انا حكيت بعرفش يرجع , ساده مش شاطر وخويف , وطلع من الشارع كيف راح يرجع , واتاخرت عالشغل التاني , ولازم اروح عليه , روحت وعيوني ووجهي احمر وحالتي حاله , ضليت اشتغل ومليش نفس اشتغل , وعيوني بضل يرغرغو اني كيف ساده راح , بحدود الساعه 8 ونص بتصل اخوي وبحكي انو رجع وما صدكت , ولما ارجعت بالليل عالدار شوفته وطعميته كتله وتصريخ وحاله عليا وحشرته بالبيت , واصحيت اليوم صوتي مبحوح من العياط ..~
BeautifuL StrangeR غير متواجد حالياً   رد مع اقتباس
إضافة رد

الكلمات الدلالية (Tags)
اد كاعد تقرأ هدا الكلام يعني عالاغلب انك متابعني بدي احكيلك شكرا(), بتمنى اني ما ازهكك او ازيد من الكأبه اللي بطوف حواليك


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه للموضوع مأساة روح {هالكه} في اوراق تائهه ~:
الموضوع كاتب الموضوع المنتدى مشاركات آخر مشاركة
>>||اوراق مبعثرة ||<< PARASITE➤طفيلي➤ قسم الأرشيف والمواضيع المحذوفة 1 12-22-2013 10:12 PM
اوراق مبعثرة العاشق 2005 قسم الأرشيف والمواضيع المحذوفة 1 07-02-2010 10:34 PM
اوراق مبعثرة العاشق 2005 قسم الأرشيف والمواضيع المحذوفة 1 07-02-2010 10:34 PM
اوراق الحياة العاشق 2005 القسم العام 0 11-02-2008 09:50 AM
اوراق مبعثرة العاشق 2005 قسم الأدب العربي و العالمي 0 10-03-2008 03:50 AM

الساعة الآن 01:06 PM.


Powered by vBulletin® Copyright ©2000 - 2024, Jelsoft Enterprises Ltd.

كُل ما يُكتب أو يُنشر في منتديات العاشق يُمثل وجهة نظر الكاتب والناشر فحسب، ولا يمثل وجهه نظر الإدارة

rel="nofollow" maxseven simplicity and clarity