ذگرياٺ ٺائهـۃ علےٰ قارعـۃ الطريق !!

يعني عقلك صغير الحين وتبغى أي شيء لك وتكون دايم صح ؟

عقلي لايزال بخير يافتى

كل مافي الأمر أنني فقدت التفكير بموضوعية كالسابق

مع ذلكـ عقلي أكبر من عقلكـ

آيات تقشعر لهولها اﻷبدان

اللهم اغفرلنا وارحمنا وعافنا واعف عنا إنك أنت التواب الرحيم

أووو خودا

غدار آدمي متشر كي جيسا

بول كو تشورتاهي "اور" كجرة كو منتاهي

فيه حاجة غريبة وعجيبة في هذا المنتدى

لما تدخل الملفات الشخصية حقت الأعضاء ، وتروح للمعلومات الشخصية وتقرأ اللي تحت ( نبذة عن نفسك )

تشوف حاجات غريبة وعجيبة كثييييير

واغرب حاجة هي اللي يكتبون :

إنسان ، إنسان عادي ، مجرد إنسان ، واحد من البشر ، و و و و و و و و .....

وش تحس فيه أنت وياه ؟ ، فاجأتونا وصدمتونا بصراحة

يعني بالله وش بتكونون ؟ ، مخلوقات فضائية مثلا وإلا حيوانات ؟
ما يحتاج تعلمنا إنك إنسان ياخي ، إلا إذا كنت أنت شاك أنك مو انسان فهذا شي ثاني

" من حسن إسلام المرء تركه ما لا يعنيه "

يمكنني إطالة الكلام لكنني لا أود ذلكـ

# موقف

السلام عليكم ورحمة الله وبركاته

اعذروني بتكلّم عامي شوي

قبل شوية اشتهيت رز ولحم لي فترة ما أكلته وقلت في نفسي جرّب مطعم مختلف هذي المرة

تعبت من مطعم نجد ومطعم الرياض فقلت في نفسي جرّب مطعم حراء وش بتخسر

المهم وأروح لمطعم حراء وأقوله عندكـ رز ولحم قال إيه عندنا " زربيان " قلت أوكيه خلينا نجرّب جيب نفر

ويجيب لي نفر من هذا الزربيان اللي أسمع به ولاعمري جربته ويعطيني ملعقة

وبدأت آكل بالملعقة بس ماعجبني الوضع ماني متعود آكل رز ولحم بالملعقة أفا هذي فيها علوم قبايل

وارمي الملعقة وأدق من النعمة واللي حولي كلهم يطالعون وش ذا البدوي ياكل بيدهـ

وأنا ولاعلي من أحد قاعد آكل ومستمتع مع إنه كان دسم شوي أكثر من الرز واللحم اللي تعودت عليه

وانتهيت ولله الحمد ورحت أغسل يدي ولاكأني غسلت وأزيد الصابون والدسم مو راضي يروح

لاحول ولاقوة إلا بالله هيا لو أكلت بالملعقة ماكان تورطت

المهم رجعت للبيت وأخذت لي صابون تايد وفركت يدي فيه لما طلع الدسم

هو أنا عادي عندي آكل الملعقة واتكيت وزي كذا بس عند الرز واللحم يطلع البدوي اللي بداخلي

يقولي أفا وش ذا العلم تاكل بالملعقة يالورع اغد رجال وكل بيدكـ واتركـ عنكـ الدلع

بالعافيه عليك هههههههههههههههه فديتك ايه كذا قال ايش رز بـ الملعقه تضيع علومنا اذا ما اكلنا زين زربيان هذي إللى فيه بطاطس خاصه لا جاك مضغوط زربيان تأكل اصابعك عليه سحقا شهيتني به

الله يعافيكـ حبيب قلبي

يب اللي أكلته مضغوط

ههههههههههه أهم شئ طلع ب الأخير الزربيان اكلة عدنية دائما عندنا يجيبوه كعشاء في الأعراس تخيل هذي الدسومة تتاكل في عرس

من جد الحمدلله كاد أن يقتلني يافتاة

ما أقول إلا الله يعين بطونكم

الله يهديك @@ وش هالقرف بس تعرف لو كنت جالس بالمطعم وشفتك كذا كان هديت المطعم عليك

مافي قرف ولا شي وأنا أخوكـ النبي كان ياكل بيدهـ ^^

إيه هين يعني أنا اللي بقعد أطالع فيكـ علي بالحرام لأعلقكـ بالسقف يومين

أول مرة أعرف ان الرز يتأكل باليد هههههههههههههههـ يا أخي أنا احمد ربي صيح و عشية اننا خرجنا من أيام صحن واحد في الوسط و كل مجتمع عليه بيده ، عجبتني " يطلع البدوي الي بداخلي" xD

هو أصلاً يتأكل بغير اليد ؟

أنا من صغري متعود آكله بيدي

الظاهر هذا من إختلاف الثقافات

يارجل بالملعقة ولا بيدك اهم شي تاكل ... وبالعافية عليك

الله يعافيكـ ياقلبي

ياخي إفهمني أنا أحبكـ

هذا مجدي للي مايعرفه

# محادثة مع جدتي

قبل شوية كنت أتكلم مع جدتي وقلت لها أبغى أتزوج

قالت لي البنات يدورنه للزواج من تحت الحصى

هل هذا الكلام صحيح ؟

والله ياعماد جدتك ادرى بالبنات ...

يمكن

يب اقلب حجر تلقي عانس (مأساه)

المأساة هذهـ من قادنا إليها هم المجتمع الذي نعيش فيه

فهم يعسّرون الزواج على الشباب بشكل غير طبيعي

مافهمت شو تقصد جدتك لكن اذا اقصد ان البنات مستعجلات ع الزواج ف يختلف على حسب وضع البنت المادي والاجتماعي والفكري ،في منهن مامرتاحات مع اهلهن فيستعجلن ،،وفي منهن مرتاحات ولا يفكرن ،في أولويات الدراسه والوظيفه ،بعدين تجي المسؤوليه بيت واطفال وزوج-_-

معاكـ حق

ههههههه بالنسبة لي لا

وجهة نظركـ وأحترمها

طيب وشبك معصب انت ؟ كلامه صحيح فلا تسوي فيها منفس ياعزيزي

سبحان الله شتان مابين كلام البشر وكلام رسولنا الكريم

على العموم سننظر في المسألة اليوم

السلام عليكم ورحمة الله وبركاته

كيف حالكم أرجو أن تكونوا على مايُرام

كما ترون قد انسحبت من رتبتي وانتهت مسيرتي في هذا المنتدى الرائع

أظن أنني غطيت في سبات عميق استمر لـ 3 سنوات منها سنتين كمشرف وسنة كعضو عادي

قضيت أوقات ممتعة في المنتدى وتعرفت على الكثير من الناس وافتعلت الكثير من المشاكل

رحل أغلب أصدقائي القدامى إن لم يكن كلهم وتركوني وحيداً خلفهم

وجاء الوقت الآن وسألحق بهم

حاولت التعويض عنهم لكن بلا جدوى لا أحس بنفس الشعور الذي كنت أحس به في حين تواجدهم

حدت عن الطريق كثيراً ونسيت هدفي الأساسي منذ دخولي عالم الإنترنت

وهو الإستمتاع بوقتي والتعرف على أناس جدد خارج المنطقة المحيطة بي

وقعت في العديد من الفخاخ بغباء ولم أنتبه لها بالرغم أنني كنت أحذر نفسي في عدم الوقوع فيها

وفي نهاية المطاف لقد طابت النفس من كل شيء

سأرى مستقبلي من الآن فصاعداً لأن فترة استراحتي قد طالت كثيراً

أرجو أن تسامحوني وتعذروني عما بدر مني من أفعال وادعو لي بالخير

قد أعود للمنتدى لكن لن تكون عودتي بشكل ملحوظ أي أنني قد أدخل في الأسبوع مرة وفي الشهر مرة وهكذا ...

لكن الأكيد بأن أغلب مشاركاتي ستكون مقتصرة على المدونة

وسيلة التواصل الوحيدة معي في المنتدى هي الرسائل الخاصة

وأرجو عدم الإحراج فهي ليست للدردشة لكن إذا أحببت أن تسأل عن الحال أو تلقي التحية فلن أمانع

أستودعكم الله الذي لاتضيع ودائعه