لـا تح‘ـزن ... فقدرك مكـتوب

السلام عليكم ورحمة الله وبركاته ..~

أسعد الله | صباحكم | مساءكم | بالخير ..~

كيف ح‘ـالكم أع‘ـزائي العشاق ؟

أتمنى أن تكونوا في أتم الصحة والعافية ..~

الصراحة شفت القسم الجديد وحبيت أبارك لكم بكتابة مدونتـي أنا >> برا

وبتأكيد أشكر الإدارة الفاضلة على هذه الفرصة للتعرف الأعضاء على بعض ..~

وأكيد حأبدأ في هذه المشاركة أعرف عن نفسي ..~

إممم ... أتوقع إنه مافي أحد في المنتدى يعرفني ..~

|[ البطاقة الشخصية ]|

الإسم: محمد فلمبان.
العمر : 21 سنة.
السكن: مكة المكرمة.
المهنة: طالب جامعي في جامعة أم القرى >>> الله يعين
القسم: الهندسة الكهربائية.
الهوايات: النت، السوني، التصوير والبلوت

طبعاً بعضكم حيسأل إنه لييش كتابة القصص مو من هواياتي ..~

حأجاوب من دحين

لأني بصراحة ما أحب لا الكتابة ولا القراءة

أكيد بعضكم مصدوم بس إيش نسوي

نبذة عني: أنا شخص حبوب وطيب >> كلهم كاتبين كدا
شي غريب ممكن بس أحب حساب الجبر والرياضيات والفيزياء >> دافور
ما أحب الحفظ نهائياً ... وطبعاً أحب أخدم الناس وأكون جمب مين يحتاج لي ..~



وشكراً

رجعنا من جديد ^^

في هذه المشاركة راح اتكلم عن حياتي ^^

أول شي عيلتي الكريمة الله يحفظها

عيلتي تتكون من 6 أشخاص

امي الله يطول في عمرها ، أخوي الكبير خالد، و 3 أخوات وأنا طبعاً آخر العنقود

الوالد الله يرحمه ويغفر له اتوفى له أكثر من 3 سنين ..

أتوفى الله يرحمه وانا في آخر سنه في الثنوي ..

وواجهت الصراحة مشاكل كبيرة في هذيك السنة ..

يعني نزل مستواي الدراسة بشكل ملحوظ ..

لكن الوالده الله يخليها لي يا رب ساعدتني ورجعتني مثل ما كنت ..

والحمدلله أنا حاليا في المستوى السادس في قسم الهندسة الكهربائية ..

والحمدلله الأمور ماشية تمام ..

|[ دخولي لعالم النت ]|

في بداية الأمر وبالخصووص في عام 2007 ..

كان أول منتدى لي - جزيرة الأنمي - ..

وبصراحة كنت عضو من غير فائده في البداية ..

أدخل أحمل واخرج ..

لكن في يوم من الأيام كنت طفشان جداً . قمت دخلت على الأقسام ..

ولفت انتباهي شخص هذا الشخص اللي كانت لو البصمة في تغير حياتي في عالم النت ..

اتعرفت عليه وصرنا من اعز الاصحاب .. والصراحة ما كنت اناديه الا يا زعيم ^^

وانا من جد مدين له بالكثير ..

لأنه علمني الكثير .. علمني كتابة المواضيع وعلمني فنون الرد المميز وانو ما ارد رد سطحي لو ايش ..

جزاه الله كل خير ^^

بعد فترة سارت بيني وبين ادارة المنتدى مشكلة على موضوع ..

قمت تركت المنتدى في عام 2008 ..

ومن يوم ما سبت المنتدى وانا ما دخلت مواقع الأنمي ابدا .. >>> نفسية يا لطيف

وكنت اخد الحلقات من اصحابي ..

وفي يوم من الايام قالي احد اصحابي على منتدى العاشق ..

فقلت طيب وما حطيته في بالي ..

بعد فترة وبالضبط اول ما نزل انمي اينو اكسوشيتو >>> نسيت الاسبلينق ><

كنت احمله من منتديات مسكات ... وكان الشخص اللي يترجمه الأخ سهم الابداع ..

سحبتني الحلقات لهذا المنتدى وهذه كانت بدايتي في منتديات العاشق >>> مسلسل درامي سار

ان شاء الله ما أكون خالفت القوانين بوضع اسامي منتديات اخرى ><



وشكراً

مراحب من جديد

في هذه المشاركة حاوريكم بعض من الصور اللي صورتها ^^

قبل كدا حاتكلم شويه عني وعن التصوير ..

طبعا التصوير كان احد هواياتي اللي احبها ..

بس ما كنت محترف فيه .. وما كان عندي كاميرا ..

يعني كنت اصور بجوالي ^^

لكن قبل اقل من شهرين ..

اخدت اول خطوه لي في عالم التصوير الاحترافي ..

واشتريت كاميرا من شركة نيكون اللي هيا D5100 ..

وبدأت اصور واتعلم ... والحمدلله انا شايف انه مستوايا تطور بشكل حلو ^^ ..

طبعاً أول ما اشتريت الكاميرا حسيت انو تصويري بالجوال احسن

بس حاليا الحمدلله تحسنت وحابب أوريكم بعض صوري ..

طبعاً لمن الحرية في الانتقاد وطرح رأيكم ^^

|[ صوري ]|

هنآآ..

هذه الصورة في حوشنا ^^

وأنا الصراحة مدمن هذا العصير

2

هذه الشجرة أخدت اكثر من تطور

بالعربي هذه الشجرة من يوم ما اتولدت وهيا في البيت ..

بس انقصت ورجعت نمت ورجعت انقصت وكدا ^^

3

زي ما قلت انا مدمن على هذا العصير .. الشي التاني اللي في الصورة لا تعلقو عليه ><

الله يهديني يا رب

هذه بعض الصور اللي صورتها ..

طبعا عالجتها بالفوتوشوب

وان شاء الله اقدم لكم الصور اول باول ^^



وشكراً

بااك من جديد ^^

في هادي المشاركة أحب أشكر كل من قيمني

هنآآ..

ألف شكر لكم احبتي ^^

طبعا في انتظار الباقين >> كف

وسامحني يا كاسبر فضحتك



وشكراً

السلام عليكم ورحمة الله وبركاته ..~

كيفكم يا عشاق ^^ ؟

إن شاء الله تكونوا تمام ..~

اليوم جبت لكم 3 صور من تصويري طبعاً

ان شاء الله تعجبكم ^^

|[ الصور ]|

هنآآ..

هادي الكاسات اشتريها خصوصا عشان التصوير

هنآآ..

ولو سألتوا على الألوان

في البداية هي مويا عااديه وحطيت عليها صبغت ألوان حقت الأكل ^^

هنآآ..

كلها طبعا نفس الفكرة تقريبا ^^

ان شاء الله تكون الصور عجبتكم



وشكراً