العبايه والثعلب

السلام عليكم ورحمة الله وبركاته
أقدم لكم اليوم من جديدي قصيدة العبايه والثعلب وأحب التوضيح بأني لاأعم بل أخص ولا أعني أن من لاتلبس العبايه لاتملك الأخلاق الطيبه فالطيب أساس ولا يزيده اللباس إلا خير على خير ولكن زيادة الخير خيرين بالستر بالعباءه الشرعيه وليست عباية الموضه التى للأسف حرمت العبايه من مضمونها المطلوب... والله يهدينا لما يحبه ويرضاه
أعتذر عن الإطاله وتقبلوا وجهة نظري بكرمكم المعهود....
إحترامي وتقديري...أختكم بــدرالــوفى

العبـــايه والثعـــلب

حشمتك يابنـت النقـاب وعبايـه=اللي تغطي الراس عن غرّب واجناب
يابنت خلي الستر مطلـب وغايـه=ولبي لأمرن جـا مـن الله بكتـاب
لبس العبايه ستـر ماهـو دعايـه=لاتلبسيـن اللـي بلمعـه وشبّـاب
وامشي بعزك فـي دروب الهدايـه=ولاتتبعين اللـي مـن الله ماهـاب
غضي البصر يكفيج شـر الجنايـه=ويكفيج شر الطامـع وكـل رغّـاب
الصـادق اللـي يصدقـج بالبدايـه=يبعد عن الشباك ويدخل من البـاب
ولاَيخدعج قولـة منـاي وهَوَايـه=وقولة نبي نقعد حبايـب وأصحـاب
دايـم يحللّـج حــرام السـوايـه=ثعبان يغرس فيج سمّه مـن النـاب
يرسم لـك المشهـد بفـن ودرايـه=حايز على أوسكـار ماكـر وكـذاب
خذي الحذر يابنـت حتـى النهايـه=بعض شباب اليوم للعـرض نهّـاب
من يعترض لـك لاتطيعيـن رايـه=هذا مريض وعلته قلـب واعصـاب
كونـي قويـه وافطنـي للحكايـه=وداري على دينك وعرضك والانساب
الحب ماهـو عيـب لكـن لغايـه=غايه شريفه بعدهـا عهـد وكتـاب

أختكم الشاعره بـدر الـوفى

سبق وشاركت بالقصيده بقسم الشعر ولم تظهر فأرجو من الإداره الكريمه حذفها من هناك ونقل الموجوده بالخواطر إلى قسم الشعر مع الشكر والتقدير والإحترام