وَلَسَوْفَ يُعْطِيكَ رَبُّكَ فَتَرْضَى.

.
.
3 اسابيع بالضبط ..
اشتقت لكم ! اخباركم !
احسها سنه مو اسابيع
للي تكلموا بالتقيم : " قسماً وعظماً بايات الله لو ما ابتعد
عن المنتدى وقت تقديم المناقشه حلف بالله ما افتح كتبي ,
قسم مو اهمال او عدم رغبة بالمنتدى !
بالعكس في راسي مليون خطة وفكرة للمنتدى ,
وافكر باشياء حتى تخص الاقسام الي مالي فيها ,
كل هذا حُب بالمنتدى ,
بس دراستي عبارة عن رسالة وقت تحديد المناقشة
علي اجلس فترة طويلة ع الكتب بقدر المُستاطع ,
اما لو الامر مقتصر ع كتابة الرسالة وحسب كان الامر سهل ,
لكن الطامه المناقشة حتى لو ماكانت مناقشة نهائية
علي اكون امام اللجنة معبيه معلومات براسي قدر الامكان
لان لو يحصلون الاهمال منى مستحيل المشرفين ع الرسالة يعطوني
الاهتمام الي احتاجه لتكمله واذا اهمل المشرف كيف يكون الطالب !!!
يعني باختصار فترات غصب اغيب , لاني افكر بالمنتدى
اذا كنت موجودة فيه الي افكر فيه بنفذو , وصراحة مجرد طرح موضوع ياخذ ساعتين اقل او اكثر
فكيف اذا تنفيذ افكار وشغل والله ياخذ وقت
لذا اعيد وازيد غيابي فقط للحاجتي له لدراسة ليس اهمال المنتدى !!!!!
يعني مش جالسه العب
وللامانه طول الوقت افكر متى اخلص بس علشان ارجع للمنتدى مثل قبل . "
.
اوكي خلصت قصة حياتي الي فوق ..
المهم اسردوا لي اخباركم !! > افتح ملفي او لا ؟!
.
.
.

السلام عليكم ,
المود : زومبي از كآمينق > لا احد يسألني عنها
اليوم اغمى علي بالجامعة ,
طلعت من المكتبة وانا اشوف الناس برشا ودلتا ولندا واخواتها > الي يفهمها بيصير صديقي
المهم ولحظتها وانا احس بشي يمشي ع فمى والناس مرعوبة وتطالع فيني
واحط يدي ع فمي واذا دم , للامانه انا ما انخرع من الدم ابد بس اشكال الناس وهي تطالع فيني
تخرع تحسسني اني زومبي , المهم بعد لحظات واني اشوف الارض تقرب من فيسي الجميل ,
وصحيت وانا بالعيادة بس الحمد لله اغمي علي لفترة بسيطة قالي الدكتور بس نامي واتركي التركيز
لكم يوم كان عندي ارتفاع بضغط الدم , ولهذا السبب انا اتسكع بارجاء المنتدى
يعني شفتوا حياتي يادراسة يانوم يالعاشق ..
نفسي اطلع برا بس مافي احد اطلع معه لانه اخاف اطلع بالليل بروحي
ولا الجو حلوووو مطر ومو برد حيل
ونفسي بايسكريم بس اخاف من الزكام حاله رغباتي مستحيله
اقوم اسوي لي قهوة ابرك واسولف ويا روحي احسن .
عطوني اسماء انميات جديدة تفتح النفس احد يقولي ون بنش ابو صلعه هذا ما احبه
ابغى انمي اي نوع اهم شيء القصة محبوكة صح ! والرسم جميل > هذا همها
.
.
احساس غريب احس قلبي براسي والله احس بالنبض براسي
كذا يقول دود دو دود دو .

.
.
.
يآأشرار يـ#العاشق , حَمستُوني ..
افتح الابتوب واصممّ ,
.
اه صح كُل الانميات الي ذكرتوها اعرفها ==" !
امر ثاني الي يقولي لندا ودلتا وبرشا شخصيات كرتونيه !
, برشا : رمز التفاضل الجزيء , دلتا : الفرق الدالي , لندا : رمز حرف ,
وكلهم حروف لاتينية مثل قاما , بيتا , سيجما و الفا ... الخ .
معقولة ما احد يعرف اصحابي دول ! انا وياهم عشرة عمر > .
.
.

السلام عليكم ورحمة الله وبركاته ..

كيف حالكم ياطيبن ؟! يارب تكونوا بخير واحسسن حال ..

ما كان عندي نيه ادخل في هالوقت القريب لاني مشغولة حيل !
بس دخلت لاني لاول مرة اصحى في ذا الوقت , ومالي نفس افتح الكتب ,
وموعد مكالمتي مع البروفيسور اليوم بس شكلي بسحب عليه >< ,
لاني ما انهيت الشغل الي قالي عليه ,
والله احسني صرت غبية اكثر مما كنت انا غبيه " الجملة تعور القلب "
صايرة ما افهم شيء , وربي > وش دخلني ذا القسم الي انا فيه مدري
مدري مسويه مقلب بنفسي اني ذكية او مدري وش السالفة ,
المهم تحول الموضوع لشكوى > في كلام كثير مسحتو
بما اني مشغولة بديت افرغ طاقتي بشي اسمو كويك درو " الرسم السريع "
وانزلها ع السناب بس علشان متابعيني مايعصبوا علي , ويحسبوني ساحبه عليهم
المهم قلت بنزل بعضها هنا . > بس لا احد يحدد مستواي من ذا الرسم فيهم مليون غلط
بس مافي وقت عندي ادقق , " النك نيم تبعي لرسم " شيزو " واحيانا "شَي " "

هذة الرسمة اضن بثلث ساعة والتاريخ مكتوب عليها ,,
استخدمت فيها رصاص فيبر كاستل "ابو تمساح" + فحم من دروانيت + مع مدعكه ومساحة عادية
نوع الورق عادي بجودة متوسطة

هذة اخذت اكثر من ساعة ع ما اضن
باقلام الماء من فيبر كاستل وفرشة الكوي " واضحة بالصورة " مع ورق ستراتهمور
طبعا الخاصة باألوان الماء وع فكرة اقلام الماء تختلف نهائيا عن الالوان المائية العادية .

هذة بعشر دقائق " العين نقل "
بقلم ميكانيكي من فيبر كاستل مقاس 0,7 نوع الرصاص فيبر كاستل "B"
الورق نفس الاولى

هذة بثلث او نصف ساعة "نقل "
قلم ميكانيكي فيبر كاستل مقاس 0.5 نوع الرصاص فيبر كاستل "HB"
واخر شيء حددتها ب "B6" من مارك + جل ابيض من ساكورا .
الورق نوتت ملاحظات صغيرة بحجم نص الكف > كنت طفشانة وانا ادرس
الرسمة كانت قبل 4 اشهر تقريبا

ملاحظة :
"قلم ميكانيكي فيبر كاستل مقاس 0.5 نوع الرصاص فيبر كاستل "HB" "
القلم لا يعلى عليه عندي له اكثر من 15 سنة ومازال باحسن حال
لكن نوع الرصاص لرسم الكامل كلش سيء ماينفع , ينفع رسم الاماكن الخفيفة فقط
لكن انا استخدم هالنوع لدراسه علشان ابطل رسم ع الكتب او الدفاتر
لانو غبي بالرسم الكامل وغير سلس وممتع , لكن مانفع معاي رحت ورسمت وع نوته بعد
شكلي باستخدم من دراجات "H" طبعا هذة الردة جدت حفيفة علشان الفحم معدوم فيها
كل ماثقل قلم الرصاص كل ماكانت كمية الفحم عاليه فيه > غالبا
لكن في اقلام فحم كامل من فيبر كاستل صعب بري القلم يتكسر بشكل مو طبيعي
افضل واحد استخدمته من دروانيت مو بجودة فيبر وثقل الفحم بس مايتكسر ابد .


^ حشا درس ذا

,,
.
.
.
ياخي ماتحمسون ابد ,,
خلاص ماعاد انزل رسماتي لكم > من زينك انتي ورسمك عاد
.
.
.

السسلام عليكم ورحمة الله وبركاته ..
كيف حالكم ؟! يارب تكونوا بخير ..
اشتقت لكم وللمنتدى والتواجد هنا ..
اتمنى اني احصل وقت لكن اعتقد هذة الاسابيع مستحيل ><
عسى ربي يعديها ع خير نفسي اطرح مواضيع بس مافي اي وقت
الاهم من هذا كله والي خلاني اكتب رد هنا اعتذر من الاشخاص
الي يرسلون لي روابط مواضيعم خاصة من قسم موهبتي او العام .
اعتذر ع عدم الرد الوقت عندي زيرو والي عندي بالسناب يعرفون هالشيء
لاني صرت بالاسبوع انزل صورة وغالبا صورة لونها اسود فيها تذمر وسب وشتم
والبعض وعدتهم ارد لكم مني ان حصلت وقت اكتب لكم ردود طول وعرض
ومؤشر العمل متوقف للاسف ع 5% ان شاء الله قريب سيكتمل والله دماغي تعب من
افكر بدون ما انفذ شيء , بس ان شاء الله هالمشروع بيكون اكثر بكثير وافضل من الي اتوقعه
اللغة العربية عندي فيها بلا !, احتاج كورس بالللغة
المهم كلامي مخربط لاني مستعجلة ابي اخلص شغلى
التواجد هنا جميييل جدا لولا ثقل الموقع > بداء التذمر
المهم احبكم فردا فردا نفرا نفرا وعسى من جمعنا هنا ان يجمعنا بالجنه > لاتخافو مش بنتحر
المهم ودي اقرقر بس مافي وقت ههههههههههههههه سلام قريبا اراكم ع خير > مو مسكره الموقع

الطلة الجاية برأس الشهر الجآي يمكن ؟!! ^^" المهم بالتوفيق

حنا باي شهر دحين ! والله بطل مخي يشتغل
ايه صح حنا بنهاية ابريل ! ان كتب لي ربي ويسسر امري كما اريد بآذن الله !

هههههههههههههههههههـ كأنك في ماراثون معَ الحروف مدري وش اقول طيب بالانتظار شدي حيلك

ههههههههههههههههههههههه بطني عورني , حسبي الله ع بليسك تخيلت
نفسي اركض كذا وراي حروف تلحقني اكشن!> عادي البنت صايبها جنون من زمان .
.
.
تصدقون جلست وقت اتذكر كيف اسوي اقتباس > وضعي حرج .
.
.
اكثر شيء اكرهه لمن انتظر احد وانا فيني نوم ......جآآآآآري الانتظار .
مع انه شكلو نسي امري ><

السسلام عليكم ورحمة الله وبركاته ,
اخباركم عســــــــــــــــــــآكم بخير ,

الحمد لله خلصت دراستي , وعودتي جدا قريبة فقط احتاج لطباعة رسآلتي وانتهي .
الصدمة و آني اتاكد من المراجع طلعت كاتبه مراجع بس مدري شنو انا اخذه منهم !
وضعي اليم ! الي مو فاهم علي
تعرفو مثلا لمن تنزلو او تكتبو موضوع انتو جامعين معلوماتو بنهاية الموضوع تكتبو المصدر !
وتذكر من فين اخذتو الموضوع غالبا هنا يكون مرجع مرجعين بالكثير اربعة
انا برسالتي 150 مرجع في 5 مراجع استخدمتهم قبل سنة ونص ودحين اراجعهم
مدري شنو اخذ منهم الطامة المراجع مو ع جهازي وضعي غبي >< , شكلي بتركهم
انا نفسي احذفهم بس لو احد يقراء رسالتي ويدور معلومه صدف انها بذا المرجع المحذوف
مباشرة يعتقد اني انا الي ابتكرتها او باختصار انا الي استنتجتها فكأني نسبت عمل مو لي
واروح هواء انا ورسالتي , واكل تراب *^*.
المهم شكلي بتركهم بدون ما اتأكد ماليا خلق , ابي اطرح موضوع *^*.
المهم يوم ربما يومين ارجع لطرح النشاط ربما اسبوع > لحد ما انهي اعمالي المنزليه الي تاركتها سنتين ,
تحياتي لكم ,

ايه صح مبروك للكآئناات الطحلبيه خاصية التعديل بالزوار من متى صرنا خطيرين *^*.

السسلام عليكم ورحمةة الله وبركاته ,,
كيفكم يا جميلين *^* , أن شآء الله خُونطوطارين *^*.
.
.

أنا خطير من زمان مايحتاج << شكلها نسيتني

آفا كيف انسآآآك انت ! انسى سلفر لكن ما انسآآك انت
انت كنت من قروب الطيبين الناس الي تسمع الكلام ع طول > الحين سلفر وش موقعه من الاعراب
انت ولدي المؤدب *^*> من متى صار ولدها
جد فينك ياولد ! مختفي ! .
.
.
عن جد في ناس تفتح النفس هنا
ناس اختفت وناس مازالت موجودة
صحيح الموجودين قليلين , بس فيهم الخير .
وعلشان هالمكان الجميل والي فيه ذكريات تفتح النفس
يبقى , ولايختفي مثل غيرة , لازم نشد الهمه فيه
مو لاز يرجع لنشاطه السابق !
لا الاهم يبقى ويكون فيه لو نشاط قليل ,
ان من احصل نت "شريحه " لاني حاليا اشتغل من بيانات الهاتف
وضعيف جدا حتى الصفحة ماتتحدث الا بالعذاب .
ولا بديت اشتغل ع مواضيع لي ,
لذا اتمنى اشوف نشاط من الناس القديمة والناس الجديده .
كلكم خير وبركه وخلونا نسوي ذكريات جميلة > ناوية ع مصيبة
.
.
.

درعمه تااااايم . .
اخباركم ! عسسآآآكم بخير ,
وبعد اضمحلال وصراع مع الحياة ومدري شنو , المهم
شوفو ابداعي الخُنططاري , حيغمى عليكم من الجمال > يارب مايصير العكس . .

|[ Just Believe in UR Art ]| . . .

الي مايدخل ببلغ عنه وبيروح لقوانتنامو > مافي تفاهم عندي .

.
.
.

ماعندي سبب وجيه لغيابي سوى إني ماعد عندي إهتمام بالمنتديات يعني بالعربي طفشت

افااااا , والله المنتدى تقدر تسوى فيه اشياء كثير ع كيفك !
هو مشكلة الروتين هنا ! طلعت من سنتين رجعت ,
كُل حاجة كما هي المسابقات , النشاطات زي ماهي ,
المهم برجع للاشراف باحد الاقسام وماراح يكون معي احد
وعندي مشاريع فيه , وابغاك انت وسلفر تكونون معاي مشرفين
يعني نعيد الايام الخوالي وكذا , ها وش رايك !
مدري عندي احساس انك انت وسلفر كذا رفعتو ثيابكم ومسكتو شمغكم
وطيرتو الجزمات وفرقعتو ( انحشتو ) , تخيلت اشكالكم ,
ابد هالمره بصير طيبة > وااااضح ,
.
.

الخير فيك ليدى

وفيك اكثر ,

.
.

الله يا طول الرمزيه هههههههههههههههههههههه نص الصفحة رمزيه و ثلاث سطور كلامك

مآآآآآآآآلت عليك هذة الموضه ,
هالبني ادم سُبحان ربي الي خلقة , لو ما يتريق علي يمكن يجيه شيء ,
لازم اجهز قواتي حقات الدفاع واهجم عليه > قوات دفاع تهجم سبحان الله .
المهم انت غيران من الفن الي انا مسويته , تبي ! ماراح اسوي لك .
.
.