يوميات صيدلي s6

اڷسڷام عڷيڪم ۈرحمـۃ اڷڷـہ ٺعاڷى ۈبرڪاٺہ

أسعد اڷڷـہ صباحڪم ۈمساڪم بأڷف خير إن شـاء اڷڷـہ.. !!

ۈ اهلا

بجميع اعضاء منتدي العاشق وخاصۃ رواد القسم الادبي

اتمني تڪۈنۈا بأتم اڷصحة ۈاڷعافيۃ إن شاء

اليوم اقدم لكم ان شاء اڷڷـہ الفصل الخامس من يوميات صيدلي ان شاء الله يعجيكم

وهو عبارة عن قصص ساخره مكونه من عشرة اجزاء بعنوان يوميات صيدلي

ان شاء الله تعجبكم

واسف علي عدم الالتزام بالجدول الزمني بسبب الدراسه

ارجوا ان ينال اعجابكم هذا الجزء


تنبية .القصه خياليه ولا تمت للواقع بصله والشخصيات الموجودة بها واقع الخيال

واي تشابه بينها وبين الواقع فهو اغرب من الخيال

اه نسيت اقولكم هذه القصه لجميع الاعمار

( المصريين فقط يعرفون هذه مقدمه اي )

العاملون علي الموضوع

مؤلف القصه : dr.mahmoud elmakawy صديقي العزيز

فكرة وتنسيق وكتابه الموضوع : lelouch lamperouge

تصميم : Assa550ssino المبدع دائما

(يوميات صيدلى) .... الحلقه السادسه

الحلقه النهارده بعنوان....

قمة الاحراج وانت واقف ف صيدليه

مش عيب انك تتسأل على حاجه مش عارفها وتقول معرفش ...

مش عيب انك يكون معاك روشته مش عارف تقراها وتقول لصاحبها مش عارف اقراها ...

مش عيب ان زبون يطلب منك توصفله حاجه وتقوله معرفش .

ودا اللى انا مكونتش مقتنع بيه ف اول يوم اقف فيه ف الصيدليه .. كنت خارج من ثانويه عامه بقه وعايش فيها دور الصيدلى ..

كنت متعهد ضرب حقن فى البيت عندنا .. كنت بحب اوى املى الحقنه وخصوصا لما تكون الحقنه لونها احمر(حقن الفيتامينات) :D

مسافة ماعرفت انى دخلت صيدله .. وجرى على صيدلية ابن خالتى ..و الذى يرجع له الفضل فى تعليمى اساسيات المهنه والحمد لله ...

(متعلمتش منه حاجه ) !!!

والمشكله بقه ان الصيدليه كانت فى مكان شعبى .. شعبى شعبى يعنى (بكسر الشين)

يعنى الزبون الذكر اللى يدخلى لازم وشه يكون متزوق ب البشل

والانثى اللى بتدخلى لازم تكون (الارطه) على دماغها وبتشتأ ف اللبانه

الا ما رحم ربى طبعا

وطبعا عشان انا صيدلى ف لازم اعمل فيها دور العالم ... انا مش صيدلى يا جدعان (على اعتبار ما سيكون يعنى ) ..

يبقى مفيش حاجه اسمها (معرفش) عندى ... لأنه عيب اوى ف حقى لما اكون صيدلى واقول للزبون معرفش :D

واللى مساعدنى على كده ان ابن خالتى كان يسيبنى لواحدى فى الصيدليه ويطلع فوق ينام

ويقولى لو مش عارف حاجه ابقى كلمنى عالارضى .. وانا مايهونش عليا اقومه من نومه ولا اكلفه ف فاتورة التليفون :D
..............

اول موقف محرج حصل معايا فى بدياتى وقفتى فى الصيدليه .....

زبون داخلى ومعاه روشته مكتوب فيها

Cetal syp (بخط منعكش)

معلقه صغيره 3 مرات

انا بقه لسا مبتدأ فى حوار الروشتات ده وباخد بالشبه .. روحت ادور عاللى مكتوب ده .. عينى وقعت على cyteal solutn

المهم .. جبته الازازه وكتبتله عليها وظبطها وكيستها والراجل خدها ومشى ... ومزاجى انا حلو اوى .. اول مره اصرف روشته بقه

ولولا ستر ربنا الراجل قرأ اللى مكتوب عالازازه قبل مايفتحها ولقيته جايلى علطول ويقولى :

- ياباشا الازازه مكتوب عليها محلول رغوى مطهر والواد صغير وسخن

انا بصيت عالازازه ووشى جاب الوان ومحستش بنفسى ساعتها ..

وحظى انى الراجل كان طيب .. كان زمانى واكل ضرب منه حتى الصباح

.........

موقف تانى ..

واد صغير جايلى بروشته مكتوب فيها

Legalon 70 tab

قرص 3 مرات

المهم انا ادور على الليجالون 70 مش لاقى .. مفيش غير ليجالون 140 (الاتنين ناقصين من السوق على فكره) ...

انا بقه قولت لنفسى ماينفعش الواد ده يمشى من عندى ايده فاضيه ..

وعملت فيها الصيدلى الفزلوك ورحت مطلعلوا التركيز 140 .. ورحت قايله :

هو الدوا ده لمين يا حبيبى ؟؟

لماما

بص يابنى .. التركيز اللى مكتوب ده مش موجود عندى ..

انا جايبك التركيز الاعلى بس قول لماما هتاخد نص قرص بس 3 مرات .. هاتقولها ايييييييه؟؟؟

نص قرص 3 مرات

شااااطر

وزياده فى التأكيد .. رحت ماسك العلبه وكاتب عليها بالبنط العريض

وبخط واضح اوى يبين للمريض انى صيدلى جامد اوى وواثق من نفسى

الواد مشى من هنا ولقيته راجعلى بعدها علطول وبيقولى :

عمو ماما بتقولك الدوا ده كبسولات وهاتتقسم ازاى ؟؟؟

.......

يا جماعه مش مشكله انك تقع فى مواقف محرجه زى دى .. المشكله انك ماتتعلمش من اخطائك ..

يعنى انا دلوقتى بالموقفين اللى انا حكيتهم دول مستحيل انسى السيتيال المطهر ولا كبسولات الليجالون 140

يوم قاعد ف الصيدليه باشرب شاى ومزاجى حلو ..

دخلى واد نضيف من بتوع الشركات دول من اللى لابسين جرفتات رفيعه وحاطين ريحه بغباء ..

-عبدالرحمن الرفاعى شركة(باير) اهلا بيك يا فندم

-اهلا بيك يا باشا .. اتفضل قول اللى عندك

قلع النضاره وببص ف وشه وهو بيبصلى باستغراب

- مجدىىىىىىى ؟؟؟؟

- عبدوووو ؟؟ ازيك ياااد عامل ايه؟؟ والله ونضفت ياد يا عبده :D

-هههههه حبيبى يابو مجدى والله .. انا الحمد لله تمام .. ايه يا عم انت واقف هنا من امته؟؟

-لا يا عم اناواقف من زمان انت اللى اول مره تيجى بس .. اخبار الشله بتاعتنا ايه ؟؟

- اشطه يا عم .. فيه اللى ميديكال ريب معايا واللى اشتغل ف الطرشوبى واللى دخل الجيش

- تمام يا ريس ربنا معانا كلنا ان شاء الله .. فاكر ياد يا عبده ايام الكليه

ومحاضرة الصناعيه بتاعة الصبح دى لما كنا بننفض لمحاضرة دكتور اسماعيل عشان كان طيب

و بنحضر للدكتور جلال عشان الغياب .. كنا بنخاف منه اوى كدا ليه ياد ؟

- يا عم والله ولاكنت بحضرله ولا كان ف دماغى ولا كنت بخاف منه خالص

-وعملت ايه ف الصناعيه ؟؟

- شيلتها وشششش :D:D

عبدو : يا عم فكك من حوارات الكليه دى وقولى اخبار الجينيرا والياسمين معاك ايه ؟؟

-الجينيرا ماشى حلو .. بس الياسمين غالى شويه

- قشطه انا عايزك تشتغل عليهم نااار اليومين دول .. يعنى عالاقل الاقيك بايع كل يوم علبتين من ده وعلبتين من ده

-ازاى يعنى يا كبير هو بمزاجى ؟؟

- ايوا يا عم مجدى اتصرف .. يعنى اى حد عندو صداع .. امساك .. اسهال ..

قصقصهم وخلاص محدش شايف حاجه .. اهم حاجه يتباعوا :D

-صباح النصب يا عم عبدو :D

.............

الواحد عايز يخلع من الصيدليه دى بأى طريقه بس المشكله ان الدكتور متمسك بيا ومش عايز يسيبنى :S

طيب ماهو لو متمسك بيا للدرجادى مايذودلى ساعتى شويه ..

دا الدليفرى بتاع الطرشوبى ( احدي الصيدليات ) يا عااالم بياخد اكتر منى ..

ماهو يأما يذودنى يأما هاروح اعمل انترفيو يوم الجمعه بعد الصلاه عند وليد الطرشوبى وخلاص واللى يحصل يحصل ....

وقعدت احسبها ف دماغى ... لقيت واحد داخلى :

-لو سمحت ممكن كرت 10 اتصالات ( كرت جوال للشحن )؟؟

- لا والله خلصان .. بس فيه تحويل رصيد .. بس الخمسه بخمسه ونص

- بجد؟؟

-بجد ايه يا عم انت ؟؟!! .. انتوا بتهزروا ولا ايه يا جدعاااااان ؟؟ .. شايفها بقاله قدامك وعمال بقطع جبنه رومى ولانشون ؟؟

.. حرااااااام عليكوا يا عاااالم حراااااام ....

عصبتنى كدا ف نهاية الحلقه وخلاص

To Be Continue .......

---

التعديل الأخير تم بواسطة ℓєℓσυcн ; 03-07-2013 الساعة 08:10 PM

السلام عليكم

شلونك اخي اخبارك ان شاء الله بألف خير

مشكور على القصه الحلوه

ننتظر الجزء القادم

تحاتي لك

احلى تقييم

كيف الحال اخي الكريم؟
عسى ان تكون بالف خير
ماشاء الله
وصلنا الى الجزء السادس

ومازلت تحتفظ بتلك الصياغة الرائعة
والحبكة القصصية المميزة
التي اطفت جوا رائع
من الاثارة وغلب عليها
الكوميديا ماذا اقول اخي
بانتظار الجزء السابع
ووفقك الله لكل جديد
وتم تثبيت الموضوع

وعليكم السلام والرحمة ....
لولوش اشحالك ان شاء الله بخير ....
كالعادة القصة جميلة والتنسيق رائع جدا ....
واصل ابداعك انت وصديقك....
تم التقييم + الشكر + النشر في المواقع الاجتماعية ....

.........
تحياتي

و عليكم السلام و رحمة الله و بركاته

كيفك احمد ؟ ان شاء الله تمام

يعطيك العاقية بقة على القصة الجميلة

كانت ممتهة كالعادة

تم التقييم+ الشكر

ودي..

السلام عليكم ورحمة الله

كيفك أخي الغالي ..

أخبارك يارب تمام ...

ما شاء الله عليك

وحولك وحواليك

دائماً مواضيعك رائعه

وجميله بل وراقيه أبدعت

أخي الغالي وسلمت يمناك

على إنجازك العظيم ونحن

بإنضار الجزء الجديد من يوميات

صيدلي وشكراً جزيلاً لك أخي

على مواضيعك التي رسمت

عطرها النفاذ في هذا المنتدى

وتقبل تحياتي

السلامـ عليكو ..

إزيّكـ يا دكتور أحمد .. و عامل إيه .. ؟؟

و حاب أشكركـ على الدعوهـ القميلة ..

كالعادهـ موضوعكـ قميل قداً و فيه أشياء حلوهـ كتيــر ..

وش رأيكـ في لهجتي المصرية .. ؟؟

حلوهـ صح .. هـهـهـهـ ..

أكيد لكـ أحلى تقييمـ + شكر .. إلخ ..

تقبل مروري البسيط ..

ودي ..

السلام عليكم ورحمه الله وبركاته
كيفك اخي ؟ ان شاء الله تكون بخير
صرااااحه الحلقه تحفه جدا
واحلى الي في الموضوع اني بقرأ مصري يعني مش محتاجه ترجمه هههههههه
بانتظار الحلقه القادمه بفارغ الصبر
لا تطيل وبالتوفيق
سلاااااااااااااااام ^^

بسم الله الرحمن الرحيم
و
السلام عليكم و رحمة الله و بركاته

مرحبا اخويlelouch lamperouge

كيفك ...ان شاء الله تكون بألف خير

كالعادة القصة رااااااااائعة

تم التقييم + الشكر + 5 نجوم

تقبل مروري

---

التعديل الأخير تم بواسطة тнє ∂αякηєѕѕ lord ; 03-01-2013 الساعة 01:06 AM

وعليكم السلام ورحمة الله وبركاته
اسعد الله اوقاتك بالخير والسعادة والعافية يا مبدعنا الغالي
هههههههه بجد العنوان بمحله لانه فعلاً قمة احراج
هذا الصيدلي بيبكينا من مواقفه المضحكه هههههههههههههه
مشكوور يا أخي على موضوعك الجميل
والشكر لكل المساهميين بهذا العمل الطريف والرئع
والله يعطكيم العافية والسعادة والسرور يا رب
صحيح اهم شيئ الدراسه ، فلا تعتذر لتأخرك بالطرح
عذراً لتأخري ، اليوم وصلت