حبيبي وهعمل اللي يحبه

السلام عليكم ورحمة الله و بركاته

احمد و محمد

اصحاب بيحبوا بعض جدا


اتعرفوا على بعض من و هم صغيرين

كانوا زي الاخوات

بيخافوا على زعل بعض

و ليهم في كدة مواقف كتيرة

لدرجة ان ممكن محمد مثلا ميكنش بيحب عصير الموز و بيحب عصير المانجا
يروح احمد عشان بيحبه اوي يروح يشرب عصير مانجا معاه

لمجرد ان محمد بيحب المانجا

جه في يوم احمد ركب دماغه وقال لمحمد
متقعدش على الكرسي ده

رغم انها حاجة ملهاش معنى الا ان ..
محمد قعد على كرسي تاني

لمجرد انه مش عايز يزعل احمد

و فضلت حياتهم على كدة

عشان بيحبوا بعض اوي
فبيعملوا اللي بيحبه التاني

و انتم كدة برده

ممكن مع اصدقاء كتير تعملوا معاهم كدة

ليه ؟؟

لمجرد ان انتم عايزين تعملوا اللي بيحبوه و تسيبوا اللي بيكرهوه

و ده نابع من ايه ؟؟

الحب

بنحبهم اوي فبنحاول نرضيهم

المهم بقة

انت بتحب ربنا اكتر و لا صاحبك ؟؟

انا بقولك من اللي انا شايفه .. صاحبك



ايه ده .. ايه ده ؟؟
انت تعرف عني ايه اصلا ؟
ده انا بحب ربنا اوي و و و و

ايه دليلك ؟؟
بص يا سيدي

دلوقتي انت لو عرفت ان الحاجة ديه حرام

بتعملها ؟؟

لا طبعا

طب لو مكروه ؟




ما هو اصل ..

اصل المكروه ده مش حرام
يعني حاجة مكروهة بس ممكن اعملها

طب ازاي انت بتحب ربنا اكتر و انت مش بتعمل اللي بيحبه
و انت مش بتعمل اللي يرضيه
و صاحبك بتحاول ترضيه بكل الطرق

دلوقتي للاسف الشماعة اللي بنعلق عليها العمل الفلاني اللي العلماء قالت عليه غلط

اصل هو مكروووووه



و نسينا و احنا بنقول كدة ان ربنا ورسوله هما اللي بيكرهوا يشوفونا في العمل ده
و ضاع معاه دليل حبنا ليهم

و عشان كدة من انهاردة

الله

هو

حبيبي و هعمل اللي يحبه
و اسيب اللي يكرهه



لا اله الا الله