| قسم النُكَتْ والألغاز هذا القسم يهتم بالنُكَتْ المُضحكة والشيقة وكذلك يهتم بمواضيع الألغاز بشتى أنواعها بإلتزام الأداب الإسلامية دونَ خدشٍ أو تجريح أو تشهير. |
|
#1
08-09-2009, 10:30 AM
|
||||
|
||||
|
تصجيم الشباب للبنات عام 1966
مساء التفاح والخوخ المنكع بالعسل على روحكم الحلوة
يابه شلونكم احوالكم ؟ طبعاً اليوم الجو عندي حلو ما اعرف ليش بس كعدت الصبح امي جابتلي لفة كيمر مزروفة من جوه وكع الكيمر على ادريسي مال فنر بقجة لونة اصفر رحت داغسلة بالزاهي بقت طكعة عل الأدريس خبطت مربة وزاهي كلت بلكي تروح هم مفاد عاد رحت اشتريت تيزاب من البنجرجي غسلتة راحت الطكعة ويه الادريس والحمد لله هسة لبست فانيلة صلوخ مرسوم عليهه دامبي وبيده ناظور وحذاء ابو الوصواصه كلوباتة ميشتغلن بس بالليل ماهو التصجيم وماهي دوافع تصجيم الولد للبنت اهو نقص عاطفي ام رغبة جنونية ام اعجاب خيالي كل هذا ستجدوه بعد هذا الفاصل مجلة روتانا اقرأ في هذا العدد هيفاء وهبي تقول.... لاصلة تربطني مع رعد الناصري وجري الشطرة طيب ويه الصماك لميس .... الكون لهُ اسرار حبيبي الأول والأخير عبداللة بالخير ... يتمشى في مزاد سعدي الحلي لشراء حاجياتهُ عدنا من الفاصل طبعاً التصجيم اني بنظري اشوفة شي مخجل وغيري يشوفة شي عادي وغيري ميعرف يصجم لأن هو سطل واكو اشخاص يصجمون لمجرد انهوا واكف كبال صاحبة ويشوفه جرأتة امام البنات واليوم راح احجيلكم عن التصجيم بزمن الملك غازي من جانت اطك حاتة بالعراق تلبس عباية ودشداشة وبيدهه ماعون كيمر مكسور من الصفاح طبعاً جان الشاب العراقي بذاك الوكت يلبس طربوش ويحطه صفح براسة علساس هو شرس ويه البنات وشواربة خيوط ويدخن جكاير بغداد ابو الجيس فيتواعد ويه صاحبة بكهوة سيد سلطان علي صايرة مدري وين يلعبون طاولي من رهن واليفوز يعزم الثاني على نستلة عدوية فمن ديلعبون تفوت وحدة بغدادية حلوة تباوع على صاحب الطربوش الصفح وتضحك بوجهه فأ ابو الطربوش يذب الزارات ويكول الصاحبة لك داده شفتهه شلون باعت علية اكيد حبتني خل نروح نصجمهه بدون امر عليك فيلحكوهه البيتهم طبعاً بيوتهم شوارعهه ضيكة واكو شايب منافق على طول يكعد بالباب اي شاب يفوت يكلة لك ابني استحي متخاف من ربك طبعاً هاي اي شاب يفوت الشايب هيج يكلة المهم يلحكوهه ويتقرب منهه ابو الطربوش ويغنيلهه ( يل جمالك سومري .. يل جمالك سومري ... نظرات عينك بابلية ......... صاحبة يغني وراه يكله .... بابلية هههههههه ) المهم هاي الأغنية مال فاضل عواد من نزلت الأغنية طكت طكة للستار جدي سوه دوبلاج عليهه بأسطوانة وكلما يزين لحيتة يسمعهه المهم البنية تخرب ضحك وتكلة يلا ارجع بابا ليجي ويشوفك طبعاً ابوهه من نوع سمين ومختار المنطقة ومحفظتة متروسة صور عبد الكريم قاسم علساس هو جان مناضل عراقي... هو بشبابة مكضيهه بالبيت بس يطلع راسة من الشباج امه تركعه عجل فوالله البنية دتفوت للبيت والوالد يلكف الولد ديحجي وياهه ويروحلة ركض .... يكلة لك ابن صبحية الخياطة شبيك ويه بنتي .... طبعاً بذاك الوكت ماكو يسمون الولد بأسمة بس اسمة واسم امة ....... المهم يكلة لك ابن صبحية الخياطة انوبة ويه بنتي اليوم تصرفي وياك يكون عنيف لو سمحت هاي كل قوتة يعني مو بهذة الزمن اذا تباوع على وحدة اخوهه يطلع بالمليشيات وياخذك يعلسك على مود باوعت على اختة لا عيني لا بذاك الوكت يترخص منة قبل ميضربة يكلة ممكن اوبخك عزيزي حتى متسويهه فالخاطئ يكول نعم انا استاهل يمكنك ان تضربني فأبو البنية يجيب مكوار ويضربة على ظهرة على كيف ويوخر من ترتة التراب ويكلة بعد لتسويهه فجان التصجيم بذاك الوكت حلو وسهل وبموضوعي الجاي اشوفكم تصجيم شبابنا بهذة الوكت .... خل اترخص هسة اروح اشتري ادريس مال اوزبكستان لأن دامبي ضاج يريد يوكل الحصونة يلا بيباي |
رد: تصجيم الشباب للبنات عام 1966
 |
| الكلمات الدلالية (Tags) |
| 1966, للبنات, الشباب, تسجيل, عام |
«
نكت منوعة
|
اضحك مع المتزوجين
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
المواضيع المتشابهه للموضوع تصجيم الشباب للبنات عام 1966:
|
||||
| الموضوع | كاتب الموضوع | المنتدى | مشاركات | آخر مشاركة |
| ثيم للبنات فقط يمنع دخول الشباب | نونو1977 | قسم الأرشيف والمواضيع المحذوفة | 3 | 04-21-2010 04:52 PM |
| العاب فلاش مجانية للبنات و الشباب Free online ... | انازوتي | قسم الأرشيف والمواضيع المحذوفة | 0 | 09-08-2009 04:47 PM |
| العاب فلاش مجانية للبنات و الشباب Free online ... | romaaa555 | أرشيف قسم الألعاب الإلكترونية | 2 | 06-20-2009 02:22 AM |
| كيف يمكنني تسجيل id المستخدم في جلسة حين تسجيل دخوله؟ | العاشق 2005 | قسم الأرشيف والمواضيع المحذوفة | 0 | 02-23-2009 09:00 AM |
| لدي صوت تسجيل من جهاز تسجيل CENIX Digital Recorder واريد تحويله الى ريل بلير او mp3 | العاشق 2005 | أرشيف قسم البرامج | 0 | 12-10-2008 03:31 PM |
الساعة الآن 03:31 AM.
Powered by vBulletin® Copyright ©2000 - 2024, Jelsoft Enterprises Ltd.
كُل ما يُكتب أو يُنشر في منتديات العاشق يُمثل وجهة نظر الكاتب والناشر فحسب، ولا يمثل وجهه نظر الإدارة
rel="nofollow" 