[Conquer]~الان وحصريا ادخ والعب كونكر شرح حصرى منى واليكم

اولا تحميل اللعبة

لينك التسجيل لدخول اللعبة
من هنا

شرح الشخصياتاولا
Archer

* مقدمة عن شخصية الارشر *

تعتبر شخصية الارشر من اقوي الشخصيات في اللعبة(مش في ال pk ) خصوصاّ بعد لفل 115 و اكتر شخصية في اللعبة باقي الشخصيات تحترمها و تعملها الف حساب علشان هو اكتر شخصية بتعرف تلفلف نوبات و كمان هي الشخصية الوحيدة اللي بيقلولها:-plz man i need vp لانه اكتر شخصية بتعرف تجيب vp بسهولة باستخام ال scatter . علشان كده هي شخصية جميلة جدا.

* مميزات و عيوب الارشر *

الارشر ليه عدة مميزات . اهمها :-
1) بيقدر يضرب الوحوش من بعيد باستخدام القوس .
2) مهارة الطيران اللي بيتميز بيها عن باقي الشخصيات.
3) مهارة ال scatter و دي هي سر الارشر لانه بيجيب بيها vp و بيلفلف بيها النوبات .
4) من اقوي الشخصيات اللي بتتحمل ضربات الماجيك ( لو لابس earing حلو ).
5) لو واحد حريف بيلعب بيه هيعمل فلوس ملهاش اول من اخر .
بس ليه عيوب منها :-
1) الاتاك بتاعه مش حلو لو عمل pk غير بعد لفل 115 .
2) الديفينس بتاعه وحش قدام الوحوش الكبيرة مقارنةّ بالتروجان او الورير .
4) الدم بتاعه يعتبر قليل في الاول بس .

* ترقيات الارشر *

1) لما بيوصل لفل 15 بيترقي ببلاش و بيكون Archer بدل Intern Archer و بياخد لبس نورمال لفل 15 .
2) لما يوصل لفل 40 بترقي ل Eagle Archer و يدفع 5 احجار بيجمعها من ال Mine Cave اسمها Euxenite Ores و بياخد هدية قوس يونك 1 سوكت.
3) في لفل 70 بيترقي ل Tiger Archer بس بيدفع حجر اسمه Emerlade و ده بيتجاب من ال DESERT ( منصحش حد لفل 70 انه يجازف و يروح يجيبه ) من الاسهل انك تجيبه من الماركت.
4) في لفل 100 بيترقي ل Dragon Archer و يدفع Meteor و هياخد Normal Rainbow Gem هدية .
5) في لفل 110 بترقي ل Archer Master بس بيدفع حاجة اسمها Moon Box و ده منصحش اي ارشر انه يعمله لانه صعب شوية ( تخصص تروجانات او وريرات ) من الاسهل انك تجيبه من الماركت و بتاخد Dragon Ball . و دي بتكون اخر ترقية للارشر .

*مهارات الارشر *

1)مهارة الطيران و دي بيتعلمها في لفل 15 و دي بتجيله كل وقت معين ( XP Skill ) .
2)مهارة ال scatter و دي بتعلمها في لفل 23 و دي تعتبر احسن سكل عند الارشر لانه بيضرب بيها كذا وحش مع بعض .
3)مهارة ال Rapid Fire و دي بيتعلمها في لفل 46 وهي عبارة عن كذا سهم بيخرجوا ورا بعض و لازم تكون مكمل البار بتاع ال Stamina .
4)مهارة ال Imroved Fly و دي بيتعلمها في لفل 70 و دي بتخليه يطير لمدة 40 ثانية و برضه علشان تتعمل لازم البار بتاع ال Stamina يكون كامل .
5)مهارة ال Arrow Rain و دي بيتعلمها في لفل 70 و دي بتجيله برضه كل فترة معينة و بتديله 100% Damage للوحوش اللي جنبه ( XP Skill ).
6)مهارة ال Intensify و دي بيتعلمها في لفل 71 و ديه بتزود الضربة بمقدار 2-3 مرات زيادة ( من اصعب المهارات في التعلية ) .
7)مهارة ال Senoir Fly و دي بيتعلمها في لفل 100 .

* لفلفة الارشر *
ازاي تخلي الارشر بتاعك لفل عالي و في وقت قليل ؟؟؟؟؟؟
الموضوع مش صعب و الله بس محتاج شوية صبر. دي شوية نصائح انا مجربها:-
1)من لفل 1 لغاية لفل 25 تخليك في ال Ape Mountain و تدخل تيم مع ارشر لفل 97 او اكتر .
2)من لفل 25 لغاية لفل 55 تروح ال Bird Island و تدخل مع ارشر عالي يكون لفل 120 او اكتر و ياحبذا لو كان ماسك قوس سوبر 2 sdg (ايه ياحبذا دي ؟؟؟)
3)من لفل 55 لغاية لفل 70 تروح الماجيكات و تدخل تيم مع ارشر لفل 125 او اكتر لانه فعلا هيظبطك .
4)من لفل 70 احنا كبرنا بقي علي حكاية تيم دي و علشان كده لازم تعتمد علي نفسك و تتلفلف في الماجيكات عند وحوش اسمها Senior Snakeman . بس في مشكلة صغيرة:- ان الوحوش دي بتضرب هجمات ماجيك علشان كده لو معاك earing يبقي خير و بركة البسه و روح اتلفلف مش معاك هحط لينك بتاع مهمة تعملها و تاخد منها refinde earing . بس نصيحة بلاش تلبس Hat .
http://co.91.com/guide/quests/windbell.shtml
الوحوش دي هتوصلك لفل 92 مستريح اوي .
5)ابتداء من لفل 92 تروح ال lap 1 و تتلفلف هناك لغاية لفل 110 .
6)لما تاخد ال db بتاعت لفل 110 تشتري بيها elite earing و تلبسه و تدخل lap 2 و هتوصل لفل 120 مستريح .
7)من لفل 120 لغاية لفل 130 في كذا حل :- اما انك تلفلف نفسك في ال lap 3,4 لو زهقت اعمل اي كويست لفلفة تاخدلك بيه 2 pc او 3 لو زهقت روح لفلف شوية نوبات و خد vp كتيييييييييير و حوله كله pc و ان شاء الله في ظرف 10 سنين تكون وصلت لفل 130

بكده نكون خلصنا من الارشر

Trojan

بالنسبه للتروجان
التروجان هو اقوى شخصيات اللعبه على الاطلاق
فلديه اعلى HP فى اللعبه واعلى attak ايضا
التروجان ليس لديه اسكيلات غير ال Hercules وال Spirit healing
فعلا اسكيلات قليله لكن التروجان اصلا مش محتاج الاسكيلات دى لأن من ضربه واحده التروجان يموت شخصيه اى نوع تانى نفس لفله
مميزات الشخصيه
زى ماقلنا اعلى Hp اللى هيا الطاقه واعلى Attak اللى هوا الهجوم
عيوب الشخصيه
العيب الوحيد فى التروجان ان مابيضربش من بعيد
يعنى لازم تضرب اى وحش وانت جنبه ولو بتضرب لاعب تانى لازم تكون جنبه
الترقيات
نفس المكان اللى بيترقى فيه الارشر بس بتروح لواحده اسمها Trojan master

*** الاسكيلات *****


1- Rage ودى سكيل ال club ودى الاسكيل اللى بتلفلك بسرعه بتخليك تضرب الوحوش اللى حواليك فى دايره
2 – Phoenix ودى اقوى اسكيل للتروجان بياخدها لما يستخدم sword اللى هوا السيف
ودى اقوى اسكيل للتروجان لما تتلفل وهى 9 مستويات وهى الاسكيل اللى بنشوفها سيف نازل من السما
3- Scent sword ودى اسكيل زى الفاست بليد كدا بس للسيف بس
4- fast blade ودى تانى اقوى اسكيل هى جامده للناس اللى لفل قليل لغاية لفل 70 مثلا لكن بعد كدا السيف احسن علشان سكيل الفونكس
5- Spirit healing ودى بتزود طاقتك لما تقل شويه
6- Hercules ودى بتستخدمها لما تكون ماسك سلاحين من نفس النوع مثلا 2 club او الاتنين سيوف
ودى اسكيل مش جامده بس بتستخدمها لو فى فاير او ارشر بيضربك وبيجرى فانت بتستخدمها لانها بتضرب فى دايره حواليك وسريعه
7 – دى اسكيل بتضرب لوحدها يعنى مالهاش فايده

نيجى لموضوع اللفلفه
__________________


انت اول ماهاتبدأ الاكونت فى الاول خالص وتروح التوين سيتى هاتروح لواحده على باب المدينه اسمها conductress

البنت دى هى اللى بتنقلك من مدينه لمدينه لما تضغط عليها هاتكتبلك اسم المدينه هتختار منها bird island
هتلاقى نفسك رحت مكان تانى وقدامك دوامه ادخل فيها هدخل مدينه تانيه اسمها bird island
فى عندك فوق على الشمال فى اللعبه خريطه وعليها علامة x هو دا مكانك فانت هتمشى على الخريطه لغاية ماتروح المدينه
لما تدخل المدينه تستنى شويه هتلاقى ناس ماسكين قوس بينور لو لقيت واحد على راسه نجمه تضغط عندك على كلمة team وتختار join وتضغط على اللى على راسه النجمه ودا بيبقى قائد التيم



لو رضى يدخلك معاه فى التيم تفضل ماشى جنبه هايخرج بالتيم كله ويروح يموت الوحوش
هاتقولى وانا هاعمل ايه ؟ قولك ولا حاجه ، انت بس هاتفضل ماشى جنبه كل ماهو يموت وحوش انت هتاخد اكس بى زياده يعنى هايزودك لفلات بس بشرط انك تفضل ماشى جنبه وماتخليش الوحوش تلمسك
فى اول يوم ممكن تعمل لفل 20 او 30 او 40 على حسب حظك وعلى حسب صبرك فى اللعبه .
تانى يوم هاتعمل نفس الحكايه وتدخل فى تيم وتفضل ماشى على النظام دا لغااااااااااية ماتوصل لفل 70
انا عارف ان دى حاجه تخنق لكن اللعب هتبدأ تستمتع بيه بعد لفل 70 .
من بعد لفل 70 هاتبدأ تعتمد على نفسك ومش هاتدخل تيمات لان الاكس بى اللى هتاخدها بنفسك بعد لفل 70 هتكون اعلى من التيم
من لفل 70 هاتروح تلفل نفسك فى مدينه اسمها Desert city هتلاقى وحوش هناك اسمها مكتوب بالابيض مالكش دعوه بيها انت احسن حاجه ليك تضرب فى الوحوش اللى اسمها مكتوب بالاحمر دلوقت
وهى دى الوحوش واللفل بتاعها
http://conqueronline.com/guide/monsters/monsters4.shtml


تفضل تلفل فى الديزرت سيتى لغااية لفل 85
وانت بتموت الوحوش هاتقع حاجات كتير على الارض وفلوس روح خدها
لما تكون مبلغ كويس تروح الماركت تشترى سلاح اليت ولبس اليت


احلى سلاح للتروجان فى الفل دا اسمه club لأن السلاح دا فى سكيل اسمها Rage ودى بتخليك تضرب الوحوش اللى حواليك كلها فبتزود سرعة اللفل
لما تجيب لبس اليت وسلاح او اتنين اليت او على الاقل واحد اليت والتانى يونيك هاتروح على البيرد تانى بس المره دى مش علشان التيم لأ علشان تلفل نفسك فى الوحوش اللى هناك
وفى البيرد تضرب الوحوش اللى اسمها بالاحمر علشان ماتموتش وشوف بيضربوك بكام لو بيعملوا عليك اكتر من 40 يبقى لازم تظبط اللبس بتاعك ولازم تزود الديفنس
وهى دى وحوش البيرد
http://conqueronline.com/guide/monsters/monsters5.shtml

*** ازاى تزود الديفنس؟
الحاجات اللى مسؤله عن الديفنس ((الدفاع يعنى )) هى :- Coronet _ Necklace _ Armor
لو الوحوش بيضربوك ضربه جامده يبقى لازم تزود الحاجات دى
نرجع تانى للفلفه
هاتفضل تضرب فى الوحوش اللى فى البيرد وكل ماتزيد فى اللفل تروح تضرب وحوش اعلى
لغاية لفل 100
من لفل 100 هاتكون اتعرفت على ناس كتير وياريت تتعرف على ارشرات لفل عالى لانك بعد لفل 100 هتحتاج فى بى
لما توصل لفل 100 هاتكون ظبطي استفتك كلها اليت على الاقل زى التروجان بتاعى مع انه نوب بس لابس كله اليت
هتروح البيرد وتعمل انت تيم وتدخل معاك ارشر جامد ونوبات علشان تاخد الفى بى لغاية مايبقى معاك 2000 فى بى
وهنا هاتدخل حاجه اسمها اللاب وتعيش فيها لغاية لفل 115 ودى الوحوش اللى هاتضربها فى اللاب
http://conqueronline.com/guide/monst...nsters12.shtml

وكفايه كدا لانى لسه لفل 105 : P دى الطريقه اللى وصلت بيها لفل 105 بسهوله لان دا تروجان نوب والارشر بتاعى 110 بالعب بيه اكتر
والاخ يحيى هايعمل موضوع عن الارشرات وياريت لو حد ووتر تاويست يعمل موضوع عنه هنا
وكذلك الفاير والوورير
وبالليل او بكره هاكتب ازاى تعمل فلوس فى اللعبه وتظبط الاستف بتاعك

وهنا نيجى لحاجه تانيه مهمه وهى ترقية اللبس
دى اهم الحاجات اللى بتزودها للتروجان

1 - الكورونت ودا التاج بتاع التروجان ومسؤل عن الديفنس
http://conqueronline.com/guide/items/coronets.shtml

2- اللبس وهو مسؤل عن الديفنس والماجيك ديفنس
http://conqueronline.com/guide/items/mails.shtml
3- الخاتم وهو مسؤل عن قوة الضربه بيزودها
http://conqueronline.com/guide/items/heavyrings.shtml
وخد بالك ان التروجان بيلبس Heavy ring
3- النكلاس ودى علشان الديفنس كمان
http://conqueronline.com/guide/items/necklaces.shtml
4- البوت ودى بتفيدك لو ارشر بيضربك
http://conqueronline.com/guide/items/boots.shtml


وبكدا اكون قلت كل اللى فاكره فى التروجان

Taiost
عموما انت بتلعب بالتويست لغاية لفل 40 وبعد كدة وانت بتعمل بروموتيد بتختار تبقبى
FireTaiost
او
WaterTaiost
ولكل واحد مميزاتة ودول هاشرحهم دلوقتى

FireTaiost

تعريف بالشخصيه :

يعتبر دائما ان السحره مختلفون عن باقي الافراد او الشخصيات الموجوده لما يتميزوه من قدرات خارقه تفوقهم عن باقي الشخصيات الاخري وكما هو في الحقيقه اننا نري الساحر قوته الجسمانيه ضعيفه فأن ايضا السحره في لعبتنا ايضا يعيبه قوته الجسمانيه
وكما يقال دائما ان السحره هم الشخصيات اصحاب المعجزات
لذلك نجد معهم سكلات فريده وغريبه وغير موجوده في الشخصيات الاخري
وسوف نقوم بشرح هذه المميزات في وقتها


مميزات الشخصيه :

1- لديه مساحه كبيره من مدي الضربه
2- لديه قوه تدميره كبيره بواسطه الماجيك
3- الشخصيه الوحيده التي يمكن ان تلفف نفسها بنفسها وده لازم لأنه لما بيكبر صعب يدخل تيمات
4- الشخصيه الوحيده اللي بتضرب الارشر وهو طاير
5- والكثير والكثير بس ده حيبقي في الملاحظات الاخيره

عيوب الشخصيه :

1- دمه صغير يعني انا لفل 114 ودمي 2500 يعني ممكن لو تروجان عالي يجيبني ون هيت (( بس الكلام ده لو عرف يجيبني اصلا ))
2-الديفنس بتاعه مش عالي اوي يعني ممكن تتأثر من وحوش ملهاش لزمه بحاجات عاليه (( يعني انا بتأثر من البيرد ب 199 وانا لفل 114 ممكن تروحان او وروير لفل 90 يتأثر اقل من كده ))
3- وده اوحش عيب انه اصعب شخصيه في اللفلفه من الاخر لو معكش ارشر جامد حيطلع عينك زيي (( بس لما بتكبر واستفك يكون جامد كله بيحترمك لأن الماجيك اتاك بيكون رهيب ))

ودي كل عيوب الشخصيه



امابقي الاسكلات دي شكلها :
وحشرح لكم كل واحده علي حده



1 دي السكله اللي بتخليك تملي الماجيك


2 دي الفاير اوف هيل - fire of hell - ودي اسكله جامده جدااا ودي بتضرب جماعي هي قبل ما تتلفف مش جمده اوي لأنها مش بتضرب وحوش كتير لكن لما بتتفكسد بضرب وحوش كتير جدا و هي تعتبر اقل الضربات قوه لكن بتتضرب بسرعه جدا ومشكلتها انها بتسحب ماجيك كتير
وتستخدم في اللفلفه حلوه اوي



3 دي البومب ودي من اقوي الاسكلات و بتسنخدم في البي كي و دي ميزتها اتها بتثبت الشخص اللي قدامك ده طبعا غير قوتها الكبيره




4 ودي بقي الكبيره التورنيدو السلاح الاساسي للفاير ودي تتماز بالسرعه الرهيبه بتنزل ورا بعض بسرعه كبيره وكمان الدمجج بتاعها عالي
بس صعبه مووووووووووووت في اللفلفله بتعتها طلعت عين اهلي




5 الفاير ميتور ودي ضربه في اول كام لفل فيها وحشه جدا لأنها دائما ما بتنزل بصفار وممله في لفلتها لكن بعد كده ملهااش حل بتنزل بأرقام رهيبه وتعتبر اقوي ضربه للفاير ولما بتتفكسد ومش بتنزل بصفار غير نادرا



6 فاير بال ودي زي اللي قبلها بس بطلع من الايد لكن التانيه بتنزل من السما وبرضه ساعات بتيجي بصفار وبرضه لما بتلفلف بتبقي رهيبه



7 ودول طبعا الفاير بتاعت النوبس ودول طبعا عمر ما حد بيستخدمهم ألأ لما يكون نوب وخلوا بالكوا مش حنخدوا الحمرا الأ لما تفكسدوا الزرقا ومش حتخدوا التورنيدو الأ لما تفكسدوا الحمرا




8 وي سكله الهيلث اللي بتزود الهيلث لما الواحد يتضرب

9 ودي اسكله الضرب الجماعي ودي بقي سر الفاير طبعا دي بتساعد الفاير في اللفلفه سواء في التمرين وحذكر بعد كده ازاي حتساعد في اللفلفه في التمرين دي غير انها بتساعد علي اللفلفه في وسط الوحوش وكمان بتساعد انك تعمل تيم وتلفل النوبات كمان




ده بالنسبه للسكلات واتمني اني ما كونش قصرت فيها


اما بالنسبه للفلفه :

طبعا في مكان حتفضل تتلفلف فيه لحد ما تزهق يعني لفل 85 والمكان دا هو ارض الماجيكات *

ولو ملقتش تيم هناك فأمشي زي ما حقولك *

اول لفلات خدها في البيرد لحد ما توصل لفل 60 او 70 وبعد كده محدش حيرضي يدخلك في تيم هناك او من الاخر انت مش حتفلفلف هناك كويس
بعد كده تروح عالماجيكات او تروح عند التومب بات اللي في الفونكس وتضرب هناك حتسفيد حجتين الاول انك حتلفلف الفاير عشان تاخد التورنيدو وثانيا حتفلف هناك لأن دي وحوش كبيره وحتديك pc كويس واي
وبعد كده من اول لفل 90 حتبدي تلفلف نفسك بنفسك عند الوحوش اللي اسمها ابيض

ودي حتعرفها من هنا



1 ده مكان اللي انت تتلفلف فيه بأسم المكان واسم الوحش

2 ده اقرب حاجه حتعملها - يعني حتعلي ايه او حتترقي او كده -

3 ده المكان اللي تلفلف فيه اسكلاتك

* وغير كده وكده انت ممكن تسيبه في التدريب طول ما انت نايم ويسلام ولو انت معاك جيمات للفلفه حتزيد حلو اوي وده عن طريق اسكله الضرب الجماعي وتحطه في وسط اكبر عدد من العصيان عشان تتلفلف بسرعه



معلش انا عارف ان الفاير صعب في لفللته بس بصراحه رهيب


اما بالنسبه للأستف هو بيختلف من سرفر لأخر بس دائما بيكون اسعاره متوسطه مش غاليه زي الارشر ولا رخيصه موووووووت زي الورير

حقول لكم حاجات من التجربه :

ما ينفعش الفاير انه يعمل اي Quest - مهمه - لأن وحوش المهمات بيبقوا اقويا جدا وكمان بيضربوا attack والديفنس بتاعت الفاير مش اوي

من افضل الشخصيات في ال guild war

الفاير الشخصيه الوحيده اللي تقدر تضرب الارشر وهو طاير

الفاير الشخصيه الوحيده اللي يقدر يضرب من بعيد - بعيدا عن الارشر لأن الارشر مش بيضرب في البي كي لأنه ضعيف جداااا - يعني من الاخر انت في البي كي اقعد اتنطط واضرب وخالي التروجان يموت من الغيظ ده غير انك الفاير بيأثر علي التروجان جامد جداااا

الفاير بيبقي معاه ماجيك كتير جدااا اما الHP فبيكون قليل يعني انا لفل 114 ودمي 2500 اي نعم من الصعب اني اموت من ضربه وحده من الاكونتات العاديه لكن لو تروجان 130 اخري ضربه وحده بس

بعد الريبورن بيبقي اقوي شخصيه في اللعبه لأن دمه بيوصل 7000 يعني من الاخر اتخن طخين في الللعبه ميعرفش يعمل حاجه معاك ده غير ان الديفنس بيزيد النص ده غير انه بياخد اسكله ملهاش حل بتخلي الارشر ملوش لزمه والاسكله دي عمله زي البيضه وبتوزعها علي اي حد او علي نفسك ولما الارشر يضرب عليك الضربه متجيش فيك


معلش ده تقريبا كل اللي فدماغي حاليا

WaterTaiost

ده بقى من أضعف الشخصيات من حيث كل شئ..لكنه أحسن و أسهل شخصية تتلفلف لأن أى أرشر بيلفلف يتمنى أن يكون معاه فى التيم أى water ..
السلاح:سيف يضرب صواعق لكنها ضعيفة جدا
الدرع(الملابس):ملابس جميلة المظهر
المميزات:مميزات كثيرة منها يستطيع أن يحيى أى شخص و يسعفه و يعطى ستيجما و دى بتقوى الأرشر..و بينزل ريبورن من لفل 110 عكس كل الشخصيات بينزلوا ريبورن من لفل 120 و نهاية اللعبة حتى الآن لفل 137

Warrior

-المميزات

من اجمد شخصيات اللعبه هى الوحيده الى بتنافس التروجان لو اهتميت بلبسهاو من المميزات انه بيقدر يلفلف نفسه بسرعه جدا لو عرفت تستعمل اسكلاية السوبر مان لانها بتديك 100 اضعاف الاتاك و هى بردو الشخصيه الوحيده الى الناس مهما كان لفلتها بتجرى من قدمها اول ما تلائيك استعملت السوبر مان لانهم عرفين انها جامده و ممكن تموت اى واحد مهما كان لفله من ضربة واحده و من مميزات الشخصيه ان لبسها رخيص جدا جدا و الشخصيه مش موجوده كتير فى السيلفرات بس جامده جدا جدا و انت هتلاحظ سرعة لفلفته

2- العيوب

مش بيضرب اى وحش او يضرب حد من على بعد زى التاوست و الارشر لازم يكون قريب منك

3- الاسكلات بتاعت الشخصيه

انت اول ما بتعمل الشخصيه بيبقى معاك 4 اسكلات
1 سوبر مان و ديه عليها اعتماد كلى فى الضرب او الفلفه و بتاخدها متفكسده
2 اسكلاية بتديك حمايه يعنى اى وحش او اى شخص بيضربك مهما كان بيأثر فيك ب 1 فقط
3 اسكلاية بتخليك تظبط الضربه يعنى مفيش ضربة تفلت و ديه محدش بيستعملها كتير
4 اسكلاية بتزودك اكسبرين فى الضرب بردو ملهاش لزمة كتير


4-الاسلحه

انت ممكن تمسك اى سلاح تلاقيه معادا القوس بتاع الارشر و السورد بتاع التاوست
بس نصيحتى امسك واند لو عاوز تتلفلف بسرعه و ياريت يكون 2 سوكيت و لو سوبر من غير سوكيت يبقى ملهوش لزمة و زود بلاسات على الطاقيه و البدله على قد ما تقدر بس بردو متنساش تزود على باقى الحاجه يعنى من الاخر اهتم بلبسك

5-طريقة اللفلفه

خش تيم من اول ما تنزل لحد لفل 70 او على قد ما تقدر و لما تحس ان التيم مش بيزودك جامد تعرف ان خلاص لازم تلفلف نفسك و هنا جه معاد السوبر مان عشان تشتغل صدقنى مش هتحس بالفل هتلاقى الفل بيطير لو استعملت السوبر مان بحرفنه ممكن تجيب بيها والله 10 لفلات فى اليوم الواحد
اهم حاجه خش اللاب عند لفل 97 اقل من كده مش هينفع هتموت لو دخلت و لما تخش اللاب دور على اسبون كويس عشان تعرف تستعمل السوبر مان و احلا حاجه فى السوبر مان لو قتلت 75 وحش بتظهرك تانى عشان تستعملها كمان مرة و نصيحه استعملها فى البيرد سيتى كتير عشان ترفع الفل و تحترف فى استعملها
لما تجيب لفل 110 مفيش اى مكان يفنع تتلفلف فيه تانى خلاص قدامك حلين يا تعمل الكويست و خصوصا اعمل كويست الbull monaster هيديك اكسبريان جامد جدا و تانى مكان لاب 4 و متخوشيش لاب 2 او 3 لانك مش هتتلفلف كويس فيه

بكده انا شرحت كل حاجه عن الوريار و لو نسيت حاجه ياريت تكتبوها و الى ليه اى استفسار انا خدامه و تحت امره
إن شاء الله في هذا الموضوع يكون الشرح الكافي الوافي

Ninja

اول اسكيل للنينجا مع ملاحظة ان السكيل دة ممكن تتعلمة من لفل 70 وهوTwofold Blades

السكيلاية دي بتضرب الوحوش والاعداء ضربتين في نفس الثانية ممكن تجيبها لفل 2 بعد لفل 70 ولفل 3 بعد لفل 100 ولفل 4 (Fixed) بعد لفل 120 ولما بتتفكسد بتكون الضربة قوتها 130% وبتسحب جزء من المانا
ودي اى نينجا بيتعلمها ولو نزلت ريبورن على اكونت غير النينجا بتروح منك السكيلاية دي
ولو عايز تتفرج على فيديو ليها الفيديو
هنا

السكيل التانيه اسمها

Toxic Fog

دي اسكيلاية بتتعلمها من لفل 70 وبتقدر عن طريقها تضرب العدو بويزون لو البوتنسي بتاعك اعلى منه حتطلع فية ارقام كويسة ممكن تجيبها لفل 1 بعد لفل 80 ولفل 2 بعد لفل 90 ولفل 3 لحد متوصل لفل 100 بعد لفل 100 بتبقى لفل 4 (Fixed ) ولما بتفكسدها بتقلل الدم بتاع العدو بنسبة 50 % وتفضل تقلله كدة 20 مرة في الدقيقة وبتسحب جزء من المانا
بس فية ملاحظة مهمة جداً هنا
السكيلاية دي مش بتقتل لكن بتنقص الدم لحد ميبقى الدم بتاع الوحوش او العدو 1 ومبتنقصهوش تاني يبقى وظيفتك انك تضربة اى ضربة حيموت
السكيلاية دي حتبقى معاك لو نزلت ريبورن على اى اكون ولو عايز تتفرج على فيديو ليها
هنا

السكيلاية التالتة اسمها

Archer Bane

ودي اسكيلاية وظيفتها انها تنزل اى حد طاير من الارشرات وتنقص في نفس الوقت 10 % من دمة وبتكون متفكسدة
وبتسحب جزء من المانا
ودي اسكيلاية ممكن تتعلمها من لفل 110 ومفيدة جداً ضد الارشرات
ولو تحب تتفرج على فيديو ليها من
هنا

السكيلات الرابعه والخامسة لو انت نينجا مش ريبورن مش حتعرف تتعلمهم وهم
نبدأ بالسكيل الرابعه
اسكيل اسمها
Poison Star

دي لو انت كنت نينجا ونزلت ريبورن نينجا تتعلم السكيلاية دي وركز معايا في وظيفة السكيلاية دي
السكيلاية دي بتخلي العدو اللي قدامك ميعرفش ياخد اى دم من اللي في الشنطة علشان يزود بيه دمة
بمعنى اصح مش حيعرف يهلس خالص طلاما انت ضربت فية الاسكيلاية دي ودي بتتعلمها من لفل 70 وتعليها للفل واحد لما تجيب لفل 90 وتعليها لفل 2 لما تجيب لفل 100 وتعليها لفل 3 لما تجيب لفل 120 و تفكسدها بعد كدة على لفل 4 وساعتها حيكون العدو بتاعك مش قادر يستخدم الهيلث لمدة 25 ثانية طبعاً تكون انت خلصت علية ودي اسكيلاية مهمة جداً للي يكون ريبورن من نينجا ل نينجا ولو عايز تتفرج على فيديو ليها من
هنا

السكيلاية الخامسة

اسكيل اسمها
Counter-Kill

السكيلاية دي بتتعلمها لو انت نزلت ريبورن على نينجا سواء اول ريبورن او سكند ريبورن
والسكيلاية دي وظيفتها انها بتزودلك الدامج اللي انتا بتعملة لما بتضرب وحوش او اعداء لمدة 15 ثانية بمعنى انها بتزود الرقم اللي حيطلع من الوحوش او الاعداء وبتتعلم السكيلاية دي من لفل 70 وممكن تخليها لفل 1 بعد لفل 90 وتعليها للفل 2 بعد لفل 110 وتعليها للفل 3 بعد لفل 120 وتفكسدها أخيراً لفل 4 ولما تفكسدها حيبقى الدامج اللي بتعملة في الوحوش والاعداء حيزيد بنسبة 50 % ولمدة 15 ثانية
وبكدة نكون خلصنا اسكيلات النينجا اللي بتسحب مانا
نيجي على السكيلات اللي بتستخمها لما الاكس بي سكيل بتاعك يكمل وهيا
[IMG]http://www.*************/up/uploads/2e5f11e0dc.gif[/IMG]

الاكس بي سكيل

اول سكيلاية هيا
Fatal Strike

ودي اسكيلاية بتتعلمها اول مابتعمل الاكونت وهوا لفل صغير وبتكون زى السيكلون بس بتزود قوة الضربة 500 % وممكن تستخدمها ضد الوحوش فقط يعني مينفعش تضرب بيها اعداء او اى اكونتات تانية وبتكون لمدة 30 ثانية فقط مش زى السيكلون كل ماتقتل وحوش اكتر يزيد الوقت بتاعها لكن ممكن لو قتلت وحوش كتير في ال 30 ثانية دول وجمعت اكس بي سكيل تاني تفتح كمان 30 ثانية تاني معاك ولو عايز تتفرج على فيديو ليها من
هنا

السكيلاية التانية اسمها
Shuriken Vortex

ودي اسكيلاية ممكن تتعلمها من لفل 70 والاسكيلاية دي لما بتستخدمها حتلاقي الاكونت بيلف بسرعه كبيرة جداً حوالين نفسة وبيضرب اسهم في كل مكان سواء كان وحوش او اعداء لمدة 20 ثانية ولو اى حد ضربك وانت فاتح السكيلاية دي حيضربك ب 1 فقط (( متقلقش انك تموت وانتا فاتح السكيلاية دي )) ولو عايز تتفرج على فيديو ليها من
هنا

[IMG]http://www.*************/up/uploads/2e5f11e0dc.gif[/IMG]
شرح المابات
Maps
TwinCity
lvl:1
~
lvl:28
CastelCity
lvl:28
~
lvl:48
ApeMountain
lvl:48
~
lvl:68
Desert
lvl:68
~
lvl:82
BirdIsland
lvl:82
~
lvl:102
Desert:MysticCastel
lvl:102
~
lvl:120
Desert:FrozonGotto
lvl:120
~
lvl:137

فى الرد التالى انشاء الله هاشرح كيفية الشحن داخل اللعبة بالكروت
وبرصيد الموبايل متوفر فق فى (مصر-المغرب)
وبكروت cashu