عذبة الريق العفيف

أنتي حاله أستحاله ينوجد مثلك شبيه
انتي قمه في هالآمه نادره بين البشر
أنتي صرح لكل فرح تاجه العاجي يبيك
أنتي رسمه ألا نسمه تعطي الاعمى نظر
الله اللي حط حبه صبه بقلبي لقلبه
مثل وحيٍ من سما حادرٍ عود سما مانزل لغيره خبر
أرتضيته وأهتنيته وانتشيت ولا أرتويت
كني زهره بأرض صحرا ترتجي غيمة مطر
ياهمومي ياهمومي ابعدي عني وقومي
ضاع لومك مات يومك مالك بقلبي أثر
دق ياضلعي جرس واطلق افكاري فرس
وشن حرب بكل درب وانحري ماضٍ عبر
والله ياحزني لأجيك بتبعك حتى ابتليك
ولو تروح وين بتروح ما اتركك لو للقمر
ولو تجيني ترتجيني ماتجيني بيوم دوم
والله اني لو توني مالي عن حز النحر
من هو مثلي بمثل خلي لازمٍ لي مثل ضلي
مايفرقنا نذل لو فنا عمره عذل ماجنا غير القهر
ياحياتي يامماتي ياهَجوسي في صلاتي
في صيامي انتي ماي ينهزم مني ضماي انتي فيني كالنهر
ياصراطي المستقيم المجير من الحميم
ساير بي للنعيم جنتي بعدة صور
صفوة الجنس اللطيف عذبة الريق العفيف
من تحبه ماتحيف الغدر فيها غَدر
أنتي أكبر من كلامي ياجنوني ياهيامي
المعاجم والتراجم تلتجي لزينك ظهر
لو بسولف ثم أسولف عن دلال وعن جمال
وش أبوصف ولا بأنصف لو معي كل الدهر
أنتي قمه في هالآمه تاجها العاجي بيك
أنتي حاله أستحاله نادره بين البشر