جدمي لطف با لمشي من خاطرك لو سار

جدمي لطف بالمشي من خاطرك لو سار
جيت اسئلك ياترف حالك حزن لو سار
مايخفي حال المحبماهو لغز لو سار
من حيث قلب المحب حامل جثير اوجاع
وشوف حبيبي شبع بس اليحرمو جاع
يوجع افراك الاهل بس الحبيبي اوجع
ودي احث الجدم خلف الضعن لو سار

ياحيف اهل الكرم صارو مناحه الهم
واهل الردايه اسف جثرت مناحلهم
وضنو بان البشر كلهم منيحه الهم
وعالو ومالو اسف باهل التقى والعلم
واخفو شواضف كبل للديره جانو علم
مو حكه بس بقهر تبجي وتنوح العلم
حكه الليالي بحزن تبني مناحه الهم

كلبي بغرامج تخربط منهو اليرتبه
لاني بحفره بهواج ولاني برتبـــه
الهج باسمج ولا بانت علي رتــبه
واي اسم غيرج على الساني انه محرمه
والشخصج بهل كلب دون البشر حرمه
عاجبني طولج اذا تمشين مو حرمه
أمر لواء وخطم بس عايزج رتــبه

مجنون يامن صحت طفوني شب داري
جانو هلي وعزوتي وهم شبب داري
واليوم انظر على داري وشب داري
بس الصخر والصدى يجاوب عليكم وعد
زلات يحسب علي وانا احسبه وعد
واعدني دهري وعد ماشفت مثله وعد
لويشل ايدي ورجل لو بشب شب داري


اتمنى تنال اعجابكم
تقبلو تحياتي مني لكم
ياقوتةالبحر

كــ...لــمآآت رووعهــ يالغلآآآ...
عآآآاشت الايادي...
وسلم لنا القلم الرآآآئع...
مميزه دوومآآآ..
بأنتضآآر القآآدم..
تحيتي.