:: لقاء ايماجن ومشروعه لإبادة العنوسة والمشاكل الاجتماعية:: خيال علمي

:: ايماجن - لقاء خاص ::

في استوديو تلفزيون الاخبار .. يجلس ايماجن على الكرسي منتظرا المذيعة القديرة "أم العوانس" وذلك لإجراء تحقيق صحفي تلفزيوني مباشر على الهواء للمرة الاولى في حياته ..

وظل ايماجن منتظرا الى ان جاءت المذيعة ام العوانس لتفتتح البرنامج :

سيساتي ساساساتي ساساتي .. اهلا بكم في برنامجنا العالمي ابتكار العصر .. واليوم معانا بريكر دي ايماجنا والمعروف باسم ايماجن بريكر .. اهلا بريكر معانا اليوم >_>

ايماجن : اهلا سيدة أم العوانس واهلا بكل.....

قاطعته المذيعة بغضب : انا آنسة لو سمحت !!!!!!

ايماجن مرتبكا : آسف أقصد يا عانسة ام الاوانس .. اقصد .. اقصد يا آنسة .. اقولك يا استاذة عشان ما نتلخبط << ايماجن في نفسه : انسة او بطيخة يحرق شكلك ولبسك ذا .. ليه ما جابولي مذيع رجل اخد راحتي احسن !!!

أم العوانس : طيب ايماجن .. خبرنا

ايماجن يتظاهر انه معصب : انا آنس لو سمحت .. اقصد x_x دكتور ايماجن .. طالما عاد فيها القاب نتمختر شوية وناخذ وضعنا ترا التواضع مصيبة هالايام ..!

أم العوانس : رجاء لا تخرب البرنامج انت هنا بصفتك مبتكر مش بصفتك دكتور .. وبعدين دكتور على نفسك انا راتبي 12 ضعف راتبك عالاقل وكل اللي اسويه احط ميك اب على اظافري الناعمة وانتظر يجفوا .. ورجاء بطل تقاطع عشان ما نتعب كثير واحنا نقص بالمونتاج ..

ايماجن : مونتااج ؟!!! مش قلتي انه لقاء مباشر كيف تعملوا مونتاج ..

ام العوانس : لا انا غيرت رايي وقررت اخليه مسجل عشان احط لمساتي السحرية عليه هع هع هع

ايماجن في نفسه : واضح ان دي بنت هبلة ومجنونة وحتعملي مشاكل .. الافضل اسايرها واكبر مخي وما اطول بالكلام كتير عشان ما يخرب البرنامج ..

ايماجن وبمنتهى النفاق : بعد اذنك يا انسة يا استاذة اسمحيلي ابدي اعجابي بساعتك الفظيعة^__________^ .. من يوم دخلت وعيني علىها .. هذه ساعة يد صح ؟

المذيعة متفاجئة وسعيدة للغاية : جد ؟ حلوة صح ^__^ ؟ انا مختاراها بنفسي وجاتلي هدية في عيد الام .. فعلا واضح انك تفهم بالساعات لأنك اكتشفت ابداعي

ايماجن في نفسه : هي مختاراها + جاتلها هدية + جاتلها بعيد الام هي اصلا تزوجت لحتى تكون ام ؟؟!!! خليني ساكت المهم ان اشغل بالها عشان ما تخبص بالكلام ..

ايماجن يتظاهر بمنتهى الادب ويرفع يده كطالب مؤدب : آنسة استاذة أم العوانس ممكن اكلم عن فكرة تجربتي ..

ام العوانس متحمسة : انتظر بس اش عجبك فيا غير الساعة .. صحيح غريبة ما سالتني ليه اسمي ام العوانس مع انه مافي ضيف الا وسالني رغم ان عمري بس 22 سنة ها ها ها .. ها ما تحب اسال .. اسالني بلييييز ..

ايماجن في نفسه : يحرق اللي شغلك مذيعة متخلفة !!

ايماجن يتظاهر بالاندهاش : عجيب شوفي الصدفة كنت توي حسالك عن اسمك وعمرك لأني اعتقدت انك سيدة اكبر مني بالعمر من اسمك .. ارجوك يا آنسة خبريني عن اسمك وعمرك ؟؟

ام العوانس : هاااه .. طب تعطيني كم سنة

ايماجن : امممم احترت صراحة نقول مثلا 14 او 16 ونص

ام العوانس سعيدة : جد ؟!!! .. لا خلاص ما حقول عمري بس انت تقريبا قربت كثير هو فعلا بالحدود ذي .. وبخصوص اسمي فأنا اللي سميت نفسي كذا لأني قررت اننا النساء ما نحتاج للرجل في شئ .. وعلى عكس البنات اللي يترعبوا من العنوسة ويصبحوا عانس .. قررت اكون عانس بارادتي ومستحيل بيوم اقبل اني اعيش تحت ظل رجل .. مستحييييييييييييل .. واتمنى اكون قدوة لكل البنات في العالم ويسوون زيي .. لأن البنت قيمتها عالية سواء تزوجت او لا .. طفشت نظرات الشفقة وكاني بضاعة .. انا عانس بارادتي وساظل مدى الحياة ..

وهناك ارتفعت اصوات تصفيق بالاستوديو لينظر ايماجن حوله ويتفاجأ ان جميع طاقم العمل بنات .. المصورة والموظفة جنبها وهناك تقريبا حيث يجلس المخرج لكن غريب هناك سيدة في مقعد المخرج ..

ايماجن مندهشا : ما شاء الله كل افراد الطاقم من الورديين .. مع ان المخرج اللي اتصل بيا رجل انا متاكد وهو وصلني عند المبنى ..

ام العوانس : احم .. خليك محدد هو وصلك عند المدخل بس .. لكن مبنى الاستوديو كامل للسيدات فقط لأن قناتنا نسائية وممنوع اي ذكر حتى لو قط او صرصار يدخل هذا المبنى .. حتى ضيوفنا كلهم اناث ..

ايماجن في حالة من التخلف : جـ .. جد تكلمين .. انا مفهمني انها قناة علمية عالمية .. هل غلط بالعنوان ؟!!

ام العوانس : ايوا قناة علمية عالمية نسائية لكن شكله نسى يوضحلك ان اي قضية تخص المراة بالعالم لازم تمر من خلالنا اول .. وبعدين هذا مدير المبنى مش مخرج ولا مسؤول ومكتبه بمبنى ثاني وعمره ما دخل لهنا ..

ايماجن يحاول استدراك الوضع : طب انا يعني حسب معلوماتي رجل او ذكر او عالاقل يعني مالي شعر طويل مثلكم... هو ايش القصة ايه جابني هنا ؟!!!

ام العوانس بعدما سمعت كلمة رجل "مفزوعة" : رجلللللل في الاستوديو فين فين .. يابنات الحقوااااا انا سمعت كلمة رجل اطلقوا الانذار في المبنى وما يهدالكم نفس الا واشوف جثته قدامي .. الرجال القذرين ..!!

ايماجن مستغرب : عفكرة انت فين تلتفتي انا اكلم عن نفسي .. يعني توك تعرفي ؟؟

ام العوانس وقد بدت عليها علامات الاستغراب والهدوء : يا اخي فزعتني .. كان تقول من اول .. انت مش رجل انت دكتور .. بالله لا تعيد هذا المزاح الثقيل مزاح الدكاترة ترا قلبي ضعيف ما يحتمل ..

ايماجن تراوده مشاعر لا يمكن لأي كلمات وصفها : -______________-

ام العوانس وقد دق منبه بجوالها : يلا يلا بنات هاتوا الشاي والبسكوت وقت البريك ..

ايماجن : بريك ؟!!! احنا ما اكلمنا كلمة .. طيب ممكن ارجوكي تدليني على دورة المياه ..

ام العوانس : الان بيجي بسكوت فين رايح .. توقيت غريب .. ليش تبغى تروح ؟

ايماجن : يعني هذه اسئلة ما تنسال بس حقولك .. رايح اغسل يدي عشان اكل البسكوت ..

ام العوانس : بس ما عندنا دورات مياه للرجال انتظر لين ينتهي اللقاء ..

ايماجن : مش قلتي من شوية اني مش رجل وبعدين يعني انا حغسل يدي عالسريع وممكن اروح المطبخ ..

ام العوانس : اممممممم ما ادري ايش رايك يا مخرجتنا ..

المخرجة : عادي نسمحله يروح المطبخ وفيه حمام بمفتاح نعطيه ليه بس لا يطول عن 3 دقايق لأننا بنسجل بعد شوي ..

:

اخذ ايماجن مفتاح الحمام .. واخذ ينظر حوله يبحث عن عبارة EXIT او مخرج .. ليخرج من هذا المبنى المجنون .. الى ان استوقفته سيدة الامن ذات العضلات لتقول عبارتها التي حطمت امال ايماجن بالنجاة : لا تفتكر نفسك ذكي .. مش انت اول ضيف يفكر بالهرب وسط اللقاء .. ها تروح دورة المياه وترجع الاستوديو .. ولا تحب تروح المشرحة ..

واعادت موظفة الامن ايماجن الى الاستوديو ..

ام العوانس : المعذرة راح عليك البسكوت ما قدرت اقاوم .. بس حنجيبلك بعدين ..

ايماجن : ارجوووكي طلعيني من هنا .. او نخلص اللقاء بسرعة ..

وهنا نادت المخرجة : استعدااااد .. ثري .. تو .. ون .. كح كح

:

ام العوانس : حدثني ايماجن عن اختراعك وهدفه .. الصراحة انذهلت ان اختراع واحد يحل كل مشاكل العوانس وكل المشاكل الاجتماعية .. مع العلم اني افتخر كوني عانس لكن احترم البنات اللي تتمنى الهرب من شبه العنوسة ..

ايماجن : باختصار فكرتي هي "نظام السم والترياق" .. وهو نظام يجبر الرجل انه يتزوج البنت ويحافظ على علاقته بها .. لأنه غالبا وحسب الاحصاءات الرجل هو المتسبب بمعظم المشاكل الزوجية من خيانة ورغبة بالزواج مجددا والعنف الزوجي .. طبعا غير مغريات الدنيا والخلافات المادية وامور كثيرة ..

ام العوانس : ياااه جميل ان فيه رجل يفكر فينا .. اقصد دكتور يفكر فينا .. تخيل احيانا احس انك رجل بس اتذك انك دكتور .. ها ها ها ..

ايماجن : الصراحة اللي يجي هنا يشك في نفسه .. واتمنى ان اليوم يعدي عخير !!

ام العوانس : طيب اشرحلنا كيف يشتغل هذا النظام ..

ايماجن : احب اوضح انه للاسف الطريقة ما حتنقذ البنات اللي اتولدوا حاليا .. يعني ما حتحمي اي بنت في الحاضر من العنوسة وانها تنطبق فقط على الاجيال الجديدة لأنه في عملية لازم تتم وقت الولادة .. وهو .. وهو ..

وفجأة تتساقط دموع ايماجن لتنهمر وتملأ الاستوديو بالاندهاش ويقول بصوت متحشرق او متشحر او ايا يكن : انا من يوم شفتك يا ام العوانس وجالي احساس كبير باليأس .. حاسس اني تاخرت كثييييربعرض هذه الفكرة .. للأسف حصل اللي خفت منه وظهرت ام العوانس .. يارتني كنت فكرت بحل قبل 10 او 20 او 50 سنة ما كانت العنوسة وصلت لدرجة ان تظهر بنات يفضلون العنوسة ويتجردوا عن مشاعرهم .. اتمنى .. اتمنى العالم يسامحني لأني تأخرت ..

اليوم T_____T اليوم ظهرت ام العوانس .. وبكرة البنات يشيلوا اسلحة ويقتلوا كل ذكر .. وبعدها يقتلوا بعضهم البعض وتنقرض البشرية ..

سامحوني يا اناث الانسان ويا ذكورهم .. سامحوني يا سكان الكوكب .. سامحني يا كوكب الارض T_________T

يــــتــبــع ...

وهنا تساقطت دموع كل من في الاستوديو .. ما عدا ام العوانس ..

فقد انفجرت بالضحك : هع هع هع .. يخرب ذاااااا .. مش .. مش قادرة اتحمـ .. هع هع هع .. هذا اكثر شئ سخيف سمعته بحياتي ..

ايماجن ويشعر بقوة انه تمت السخرية به والاستهزاء بهدفه النبيل : هااه

ام العوانس بعد نوبة ضحك تحاول ان تسترد طبيعتها : يلا يلا خلاص خلينا ننهي اللقاء ذا ..

:

بريــــــك

ثري .. تو .. ون .. اكشن ..

:

ام العوانس : انت ذكرتلنا الهدف النبيل لاخترا.. هع هع هع مش قادرة اوقف نفسي ضحك هع هع هع

ايماجن في نفسه : يحرق دي ضحكات .. ضحكات وسخة -___- !!

ايماجن : انا حذكر بكل سرعة واختصار .. احنا بمجرد ولادة الاطفال نحقنهم بمادة جينية .. هذه المادة تندمج مع خلايا الطفل وتجعله يفرز مواد كيماوية وقت البلوغ ..

الولد لما يكبر ويصل سن البلوغ تتفعل هذه الجينات وتجعل الخلايا تفرز سم يسري بالدم ..

ام العوانس تقاطعه : سمم .. فكرة ممتاااازة .. هع هع هع اسفة جد .. كل ما اتذكر شكلك وانت تبكي مسخرة ما اقدر انسى هع هع

ايماجن : -___-

ام العوانس : احم احم .. بصراحة فكرة ممتازة وبكذا نتخلص من كل الرجال ونعيش احنا البنات الطيوبات لوحدنا بحرية وسعااااااادة

ايماجن : لسا ما كملت -__- .. المهم البنت لما تصل سن البلوغ بعدها بسنة يبدأ جسمها يكون "الترياق" اللي يلغى مفعول السم اللي حينتشر بجسم الرجل ..

ام العوانس فقدت حماسها : عاااد ايه استفدنااااا مهو كذا حيعيش ؟!!!

ايماجن : الفكرة ان عند وصل الجنسين سن البلوغ سيبدأ الولد او الرجل وقتها بالبحث عن بنت بسن مبكرة .. وحيحاول يبذل جهده ويشد حيله بالدراسة والعمل ليكسب رضاها عشان يحافظ على حياته ..

ام العوانس : هاه هاه ما فهمت عيد عيد <__<

ايماجن : مهو انت تقاطعيني كل شوية .. لو تخليني اكمل كلامي تفهمي .. يعني الرجل حيحتاج البنت ليس لجمالها او فلوسها او غيره .. بل لذاتها للترياق اللي يسري في دمها باستمرار .. لأنه لو مر اسبوع او اكثر السم حيقتله .. بالتالي حيحتاج جرعات دم ناخذها من البنت ونحقنها بجسمه عشان يعيش اسبوع باسبوع .. وبالتالي كل بنت بدل ما تنتظر يجيلها عريس كبير بالعمر او ظروفها الاجتماعية سيئة وتنظلم او جمالها منخفض راح دائما تكون مرغوبة بقوة لأن دمها هو شريان الحياة للرجل .. لدرجة ان البنت اول ما تنزل الشارع ترجع مخطوبة ..

ام العوانس : اها فهمتك .. يعني هو يدور عالبنت عشان يشرب من دمها زي مصاصي الدماء .. قسم ذا تخاريف انت من اي فيلم جبت فكرتك ؟!!

ايماجن : ما قلت يشرب .. كل شئ حيتم بالحقن .. زي 10 مليمتر دم ننقلها منها إليه كل اسبوع ..

ام العوانس : طيب ما فكرت انه ممكن الولد يتعرف على كذا بنت ويصيع وسيتحل دماء بنات الناس ؟

ايماجن : لا مافي داعي للقلق اضفنا خاصية جينية .. لو الولد اخذ من دم نفس البنت لمدة اربع اسابيع متواصلة فجسمه حيعتاد على دمها فقط مدى حياته .. وجسمه ما حيقبل دم اي بنت ثانية .. لأنه بيتكون عنده مناعة ضد اي بنت غريبة .. بالتالي لازم نحرص ان الولد والبنت يظلوا مع بعض لمدة شهر متواصل وانه ياخد دمها حصريا خلال هذه الفترة ..

ام العوانس : طب مهو ممكن ما نضمن انه يلتزم معاها شهر .. ممكن ياخد دم كل اسبوعين من بنت شكل .؟!

ايماجن : مهو عشان كذا لازم يكون فيه شهر حبس .. وراح نسميه "شهر عسل" لإضفاء طابع رومانسي .. خلال هذا الشهر يحبس الزوجين في فندق به كل الخدمات ومحاط بقضبان .. والرجل يوضع حوليه طوق برجله وكتفه وتزرع شريحة بقاعدة دماغه لمنعه من الهرب ومراقبته خلال هذا الشهر .. بعدها خلاص يطلع الزوجين مع بعض عادي من السجن .. قصدي الفندق ..

ام العوانس : بصراحة فكرة غريبة .. لكن اعجبتني فكرة الشريحة اللي في الدماغ ذي X__X .. طيب افرض مثلا ان البنت ماتت او جالها حادث منين حياخد دم ..

ايماجن : مهو ذا اجمل شئ رومانسي بالموضوع .. حيموت بعدها باسبوع ..

ام العوانس بمنتهى الحمااااس : يا ســــــلاااااااام .. "ستيكي ^__^" .. هذا اجمل شئ .. يعني هي تموت وهو يموت وراها ..صراحة اختراع ممتاز ^0^..

ايماجن : وبهذه الطريقة اولا البنت ما حjشيل هم انه يجيلها عريس .. وثانيا الرجل لو فكر يصيع مع اي بنت ثانية فحيخاف ان زوجته تعرف وتحرمه من دمها .. كمان حتقضي على التحرش تماما لأن المتحرش سمعته حتسوء ومافي بنت حتقبل تعطيه دمها ..

ام العوانس : بس المتحرش ممكن كل اسبوع ياخد دم بنت شكل وما حيكمل فترة الشهر اللي ذكرتها بالتالي يقدر يعيش على دماء متعددة

ايماجن مندهشا : سؤال ذكي من وحدة مثلك !! والاجابة موجودة .. الرجل اللي ياخد دماء متعددة فعلا ممكن يعيش بدون مشاكل لكن بحد اقصى سنتين لأنه بيحصل لخبطة بالجهاز المناعي وساعتها بيتوقف استجابة الجسم للترياق يعني لو الف ترياق ما حيجيب نتيجة لأنه بيتكون زي نوع من السرطان ..

ام العوانس : طيب انت تقول انه كل اسبوع محتاج جرعة .. طب ماهو الرجل ممكن يعاملها حلو يوم بالاسبوع ويخونها بقية ايام الاسبوع بدون علمها

ايماجن : الرجل حيفكر الفين مرة لأن لو زوجته عرفت خيانته مصيره الموت .. وهذا القلق حيراوده طول الوقت وما حيلاقي اي متعة انه يخون .. الا لو كان بعلمها وموافقتها فهذا امر ثاني ..

ام العوانس : بسس للاسف احنا البنات طيبين .. يعني ممكن الرجل يخون ويفتري واحنا بطيبتنا نستمر بالعطاء لهم ايه الحل ؟؟

ايماجن : عاد هذا الخيار يرجع لكم .. لكن فيه ميزة اضافية .. ان تبادل الدم اسبوعيا يخلق نوع من التواصل بين الزوجين .. يعني عامل نفسي واجتماعي مهم ..

ام العوانس : طيب بالنسبة لو الزوج يسافر للعمل او لأي سبب كيف حيدبر حاله وقتها بدون ترياق البنت ؟

ايماجن : مهو ذا المعنى الرومانسي الاخر "رجلها على رجله" تلازمه زي ظله .. طوال مشوار الحياة مع بعض .. في السراء والضراء ..

ام العوانس : طيب انت تقول انه من خلال الحقن اسبوعيا .. يعني لو كل بنت تحقن نفسها بالابرة وتمص جزء من دمها اسبوعيا على مدى سنوات ومدى الحياة .. جسمها حيمتلئ بالثقوب ؟! مش شايف ان ذا تشويه للجمال ؟ والم للبنت ؟

ايماجن : بالعكس .. حيكون الم للجلد لكن سعادة للروح .. لأن البنت رمز العطاء ونبع الحنان .. ولما تحقن نفسها بالابرة وتحطيها للرجل اللي محتاجها حتحس كم انها مهمة وكم ان قيمتها عالية بالحياة .. وبخصوص مكان الابر والثقوب فراح تكون موضة والبنات تتفاخر بعدد الابر في جسدهم .. وحنسوي مسابقة الزوجة المثالية والمقياس عدد الثقوب ..

ام العوانس : امممم جمييل .. طيب مش كذا البنات ممكن يجلهم انيميا .. وايش يحصل لو اخد جرعة زائدة او ناقصة ..

ايماجن : اشكرك لسؤالك نسيت اقول معلومة .. المطلوب 10 مليمتر دم تقريبا من دمها كل اسبوع .. لو نقص حيعاني اعراض تسمم بكل الجسم .. ولو زادت الجرعة للضعف يعني 20 مليمتر فراح تعطيه مناعة اضافيه تعالجه من امراض كثيره وتبث فيه النشاط ..

وبخصوص سؤالك عن الانيميا فهذا المقدار ما حياثر كثير هي بس زي 40 مليمتر إلى 80 مليمتر فقط شهريا وباتباع نذام غذائي وفيتامينات كل شئ تمام .. اهون من لجوء بعض البنات للمسكنات لمواجهة الاكتئاب والحزن ..

ام العوانس : طيب بس كذا البنات حتتزوج بدري جدا يعني انت تقول وقت البلوغ ؟!!

ايماجن : لا لا موش شرط تجوز .. وبعدين بعد البلوغ بسنة يعني سنهم حيكون قريب من بعض او نفس العمر .. والاهل لهم دور انهم يعقدوا ارتباط خطوبة منذ الصغر .. وتكون العلاقة فقط منح دم فقط .. كل اسبوع في قسم طبي مخصص كل بنت تمر على ممرضة تاخد جرعة دم مسجلة بباركود عليه اسمها واسم زوج المستقبل اللي حتروحله الجرعة .. وتتخزن جزعات دم البنات .. ويجي الاولاد يستلموا جرعاتهم والممرضة تعطيهم وهكذا .. ولما يكبروا يتزوجوا والزوجة تتعلم استخدام الابر ..

ام العوانس : حلو كثيير ^^ .. بس افرض ايماجن ان مثلا زوجين بعد فترة الحياة بينهم اصبحت مستحيلة .. اعتقد ان فيه طلاق وهذا حق .. كيف حيتم التعامل مع الامر هل معقولة يستمروا بحياة كالجحيم ؟!

ايماجن : في حالة الطلاق واستحالة الحياة فممكن يتم طلاق بلا مشاكل بس ما حيتغير شئ بخصوص تبادل الدم يعني لازم يظل ياخد دم من شريكته للابد .. وما حيلتقوا ابدا لأنه بنسوي نظام زي البريد .. وتكون زي النفقة بس هذه المرة الزوجة المطلقة هي من تنفق الدم على زوجها ..

فيه حل اخر لهذه المشكلة قيد الدراسة وانه يتم عمل غسيل دم مكثف للرجل بس هذه عملية جدا معقدة وممكن تستغرق 3 شهور حجز وتغيير دم وعلاجات جينية منهكة للغاية للجسم .. واذا تم النجاح جسمه حيكون كالجديد ومستعد لاستقبال دم انثى اخرى .. لكن ما حتتاح بسهولة لأنها مكلفة جدا ماديا بالوقت الحالي !

ام العوانس وعليها لمحة حزن : فين كنت من زمان .. كان حقنته بالسم قبل ما يتركني ويروح لوحدة هبلة سرقته مني

ايماجن : هاا ؟!! عن مين تكلمي ..

ام العوانس : لا شئ لا شئ ها ها ها .. قصدي بس اقول ان اختراعك رائع وحيفيد الاجيال القادمة بس بس للاسف حسب كلامك من المؤسف انه ما حيفيد البنات بالحاضر ..

ايماجن وقد راودته الدموع مجددا T_______T

ام العوانس : عاااد لا تبكي زي النسوان شكلك مسخرة .. صحيح قولي ايش اوحالك بهذه الفكرة الجهنمية ؟

ايماجن وهو يجفف دموعه المثيرة لللشفقة : الحكاية انه .. كح كح .. عايز ماي .. هاتولي ماي ريقي ناشف

وبعد ان شرب ايماجن كوب نسكافيه : لا حول الله انتم ليه البنات كدا تشربونا اللي على مزاجكم طلبت ماي بس ما علينا مع ان حلقي نشف اكثر ..! القصة بدأت لما احدى قريباتي كانت جالسة بالصالة .. وكنت انا بالمطبخ .. بعمل شاي وبالمصادفة سمعتها تبكي وفهمت انها اتطلقت من زوجها وحصل مشاكل .. وعيالها اصبحوا بلا اب .. وفكرت ان هذا الرجل الاناني سبب التعاسة لعائلة ..

ام العوانس : ياسلام توك تحس او تسمع عن طلاق .. انا من يوم ما اتولدت واسمع الناس تتطلق وافهم .. وانت توك تعرف ؟!!

ايماجن ويكاد يبكي مجددا : ماهو انا اعرف من زمان .. بس ما فكرت بحل الا مؤخرا .. كانت سبع دقايق فكرتهم بس ولقيت حل T______T .. عشان كذا حاسس بالندم لأني تاخرت T__T

ام العوانس : يوووووه خلاص عاد ببكي انا كمان .. طيب متى حتطبق هذا الفكرة ?

ايماجن : انا اتمنى ان العلماء يتبنوا فكرتي وننقذ البنات من شبح العنوسة ونجعل الرجال يلتزموا .. انا ما افكر بالبنات بس افكر أن البنت حتتوحش او فعلا بدات بالتوحش وستقتل الرجل .. لذا فكرتي حماية للرجل قبل كل شئ ..

ام العوانس : اوكي بكذا تنتهي هذه الفقرة ونتمنى ان السادة العلماء والمجتمعات في كل العالم تتبنى هذه الفكرة اللي حتخلق الانضباط والسعادة .. والان للسؤال الاضافي لإيماجن ..

ايماجن : خير اسالي ؟

ام العوانس : سمعنا ان ليك عضوية بنت بالمنتديات .. ايش هي العضوية ؟

ايماجن مرتبك : انا انا ما اقدر اقول >< فاعذريني عن هذا السؤال بقالي سنوات ما استخدمتها وبعدين قليل جدا مشاركاتها ^^".. انا عايز امشي بلييييييز >< وراي مشاغل

ام العوانس تقف بجدية وتقترب من ايماجن وكانها تنوي خنقه : هع حتقول والمكان محاصر والإ ! مش حتهرب زي ما هربت من ذاك المذيع المرة الماضية ..

ايماجن مرعوبا : انت اتجنيتي .. انا لو طلعت من هنا حعمل محضر تعرض لذكر واوديك بستين مصيبة !!!

ام العوانس : هع .. بعدهم ما اخترعوا هالقانون ..في بس قانون التعرض لأنثى .. وبعدين هذا لو عرفت تطلع اصلا اكيد شفت عضلات موظفة الامن عندنا

ايماجن : طـ .. طب .. طيب خلاص بس انا جعااان حاليا عايز دول بعدها اكلم :




وكمان عايز دا المشروب :



وبعد ان اكل ايماجن كل الحلويات والتي ثمنها قد يساوي نصف راتبه .. بدأ يشرب مشروب دكتور بيبر وكانه يصارع المرارة !!

ام العوانس : غريب قاعد تشرب وكانه غصب عنك .. المشروب اصلا ذا بصعوبة حصلناه ينباع بمحلات قليلة .. ايش جابرك على دا المشروب ؟!

ايماجن :اعمل ايه طعمه مر .. بس بشربه لأني شفتهم بمسلسل Steins;Gate يشربوه فحبيته كشئ مشترك بينا .. احيانا طعم الحب مر ولازم نتحمله ..

ام العوانس : بلا فلسفة .. جاوب عالسؤال حالا .. ؟!!

ايماجن : يعني انت مصممة يعني تعرفي الاجابة

ام العوانس تصرخ : يا بناااااات هاتوااا الســيف ..

ايماجن : هي وصلة لمرحلة الســــــــيـف !!!!!!!!!!!!!!!!!!

ايماجن ياخذ شهيقا عميقا ..

ام العوانس بابتسامة ساخرة : هع .. ايه ناوي تصرخ ؟! لو صرخت للصبح ما حد حيسمعك او ينجدك حتعترف يعني حتعترف ؟

وبصوت واحد يصرخ ايماجن صرخة استغاثته :

النننننجدة يااااا حليييييب السعووووديةةةةة

النهاية ~

:: سؤال للجمهور ::

ما رأيكم بهذه الاختراع ؟!

واحلاما سعيدة =)

السلام عليكم ورحمه الله وبركاته

كيف حالك اخي Imagine Breaker ؟ اتمنى ان تكون بصحة وسلامه يارب

واخيراا شفت شكل اماجن

يوووووه سيساتي ساساساتي ساساتي .. شكله الوضع مربك الله يعينه


القصه مضحكة جداا

واعادت موظفة الامن ايماجن الى الاستوديو ..

ام العوانس : المعذرة راح عليك البسكوت ما قدرت اقاوم .. بس حنجيبلك بعدين ..

ايماجن : ارجوووكي طلعيني من هنا .. او نخلص اللقاء بسرعة ..

وهنا نادت المخرجة : استعدااااد .. ثري .. تو .. ون .. كح كح

:

ام العوانس : حدثني ايماجن عن اختراعك وهدفه .. الصراحة انذهلت ان اختراع واحد يحل كل مشاكل العوانس وكل المشاكل الاجتماعية .. مع العلم اني افتخر كوني عانس لكن احترم البنات اللي تتمنى الهرب من شبه العنوسة ..

ايماجن : باختصار فكرتي هي "نظام السم والترياق" .. وهو نظام يجبر الرجل انه يتزوج البنت ويحافظ على علاقته بها .. لأنه غالبا وحسب الاحصاءات الرجل هو المتسبب بمعظم المشاكل الزوجية من خيانة ورغبة بالزواج مجددا والعنف الزوجي .. طبعا غير مغريات الدنيا والخلافات المادية وامور كثيرة ..

ام العوانس : ياااه جميل ان فيه رجل يفكر فينا .. اقصد دكتور يفكر فينا .. تخيل احيانا احس انك رجل بس اتذك انك دكتور .. ها ها ها ..

ايماجن : الصراحة اللي يجي هنا يشك في نفسه .. واتمنى ان اليوم يعدي عخير !!

ام العوانس : طيب اشرحلنا كيف يشتغل هذا النظام ..

هههههههههههه هذا الجزء اضحكني بشده

ربي يسعدك ^^" قصف جبهة من العيار الثقيل

الموضوع جميل جدااا

والقصة رهيبه

بانتظار المزيد من ابداعاتك في حفظ الباري