مأساة روح {هالكه} في اوراق تائهه ~

مبسوطه من حالي بانو رجعت فتحت نفسي عالقرأه , وبتمنى اخلص هالكتاب مشان جد نفسي ابلش بالعندي , مع اني قرات هاد من فتره , ومع اني بضل اعيد بالفصول , بس يا عمي بحب اقراه وبحب اعيد , عندي متعه الاعاده بالقراه , خلصت المسلسلين اللي كنت متابعتهم(مسلسلات عربيه) , انجاز كبير عندي لاني لحد الان نفسي مسكره ع المشاهده وخاصه الاجنبي , من مره بشوفش اشي من فتره , لاني مزاجيه بضل ازهك وكل فتره بزهك الاشي اللي بعمله , وانا بفتره زهك الافلام والمسلسلات الاجنبيه ..~

اكمل بالصور ..~

ايش اجاني هدايا من اللي بشتغل معهم بمناسبه الكرسمس , حتى لو بعرفوا اني ما بحتفل فيه !









السنه الماضي كانت 100$ , امبين هاي السنه كحيانين ..~



||








بطاقه بقيمه 40$ واستخدمها في تارغيت , نفس السنه الماضيه الزبط

||


وهدا بوت اشتريته لانه مخمل ونكشه النمر وبحب نكشه النمر

النا فتره انا واخوي واحد بنضل نكعد ونحكي , والاحلى كل ما يجي ع غرفتي وعطول بوجهه صورته مع حبي يوم عرسه وهو لسا صاحين من النوم وشعرهم منكوش وهات عاد الصوره كلها مسخره









والي كمان فتره نفسي فاتحه ع الكتابه بدفاتر مزكراتي

السلام عليكم

هدا الشهر تلات مرات كنت بدي اموت ، وهدا اشي خلاني اخاف بزياده لاني مش عامل لاخرتي وبعيده عن ربنا

مره حرق ومرق حادث ومره غرق ، والله نجاني بس عشان اهلي ، بحس دايما لولا اهلي بيستدعولي ورضاهم ولا كان انا ملعون اساسي بزياده ، الحرق الحمد لله ما وصلني هيك من ربنا خلاني بنفس اللحظة ابعد الا الحرق وراي وبكل صراحة يا اصحابي شكله النار وهي مولعه وسريعه بخوف ، بخوف وخاصه انها بسرعه بتمشي ، حسيت شيطان كدامي وبدي يجي يولع فيا ، والحادث ربنا خلاني احط الحزام بانو اجو طيف امي انو بديش احسرّها عليا ،وبالزبط الصبية اللي جمبي لانو مكانتش حاطه الحزام صحلها خبطات ، انا اترضرضت شوي ، وهو كنت بالاوبر وخبطتنا سياره من ورى وخبطنا بالسياره الكدامنا وكانت خبطتين سبحان الله بسرعه الاشي صار وروسنا التعن اساسها ، والغرق مش بس انا ، صابني مع اخوتي بانو اجت موجة من المحيط وسحبتنا وسحبت اغراضنا وخسرنا بلاوي ومنهم بلفوني ، وهيني اشتريت واحد ايفون 8 بلس اسود هيك مبسوطه عليه رهيب ، وما انسى بانو صاحب البيت اللي متأجرين عنده بضل يعملنا مشاكل ووجع راس وحاله ، وشغلي في مشاكل صار فيه والله يستر ، وفوق كل هاد جاي حبي يحكيلي بانو كل اللي بصير فيه مني بانه مش مبسوط بالهدنيا ، وصاحبي ابو الولد كمان جاي يحكيلي باني السبب انو خليته يتجوز، وصاحب حيوان ابن كلب كزب عليا كزبه اخت شلن وانا انجنيت اني معرفتش انو باكي يكزب وكرهته للسما ونفسي يموت ، نفسي ينحرق قلبه ، نفسي يخسر اشي يخليه يعرف انو خطيتي ، بدعي عليه ، الله لا يسامحه ! واخوي تلات اتكاتل مع اخوي واحد عشان مرت اخوي واحد غلطت عليا ، اخ يا ربي منا حكيت بديش اكتب كتير ، بس خليني اكمل ! المهم مرت اخوي واحد رمت كلمه واحنا بمحل البلفونات وحياة الله انو الكلمه ما همتني ولا اثرت عليا لانو هاي البنت عندي نكره وبتساوش اشي فا بهمنيش شو بتحكي وانا بنت بلاحكش كلام الناس وخاصه ناس بتهمنيش وبتسواش ، كله وجع راس وكلام بالهوا ، وربنا باخد حقي دنيا ان شاء الله ، واخوي تلات ضل ماسكها عليها ، وانا اطلعت ع شفت الليل ، واخوي تلات بالبيت اتكاتل معاهم وانا معيش خبر ، لولا امي اجت حكتلي ، بس انبسطت من اخوي تلات ، واستغربت انو الكل زعل من كلمتها وانا صاحبة الشأن ولا فكرت فيها ، برجع بكمل .

طول ما انا بقرأ وبعيد بالهفصل من الكتاب اللي بقرأ فيه ، وشو بحكي بطل الكصة ، شو فلسفته بالدنيا ، بزركني بحد من معارفي ، وطول ما انا بسمع بالهالالبوم لمغني عربي ، بتزكرني كلمات اغانيه بحد من معارفي ، هوهو عاد ! ليش لاحكيني اطيافهم ؟

اتكاتلت مع المدير المسؤول عن البيت المتأجر فيه ، اجى الصبح وكل كلامه انه بهدد وانه بده يطردنا من الدار، وكله عشان في ناس دافعين اجار بالدار اكتر مننا ، وكعد يغلط عليا ، بس في رب حسبي الله ونعم الوكيل والله لا يسامحهم ، امي حكتلي تكهريش حالك وما راح يطلع بايده اشي ويا رب ما يطلع بايدهم اشي .

كان نفسي اسهر ع المدونه بس اغفيت لان كان مكسور عليا نوم ، حتى محطيتش كريمات واقنعه ، عندي كم شغله اشتريتهم لازم احطهم واحكي عنهم ، بما انه نهايه السنه بكونوا حاطين تخفيظات ع الاغراض وبحب اشتري واخبيهم هدايا ، كعدت فتره احكي مع فد ، واليومين اللي كعدت فيهم بدون بلفون كان احساس حلو ، يالله كان هدوء وعارفه انو فش حد يتصل ويحكيلي نطلع ، او اي حد من شغلي ويحكيلي في شغل، او اي حد يوجع راسي ، لا مسجات لا تنبيهات لا بلفون برن ، كان اشي حلو سكون وفراغ بجنن . صحيح شوفت وانا بالسوك سعيد هو عنده مكتب مع اخوته بعمل معاملات وضرايب وهو الطف واحد فيهم ، كنت مع اختي ايمان وبنت اختي اماني شهيره ، اختي ايمان بتنادي علينا (يلا تعالوا) وانا كالعاده بجنن حكتلها عن مزح ( بدناش نيجي) ما اسمعت الا صوت حد بعرفه وشوفته طلع من الممر وصار يحكي ( ليش بدكوش تيجيو) كعدت اتبسم بوجهه وبحكي بعكلي ( شو هالخزوه هاي ) لاني انحرجت ، ورجع كمل حكي (انتي عارفتيني؟ ) حكتله ( اه تبع الضرايب ) واشرت باصبعي لفوق لان مكتب فوق السوك وكملت حكي ( ان شاء الله عن قريب بنشوفك) لان احنا بنهايه السنه وعن قريب بنبلش نعمل للضرايب ، ولفينا بالسوك وارجعنا شوفناه ًكمان مره وكانت امه معه وحكينا مع امه .

اورجيكم البيت اللي اشتريته لبلفوني ..~

ايفون 8 بلس اسود



وكان الحجم اللي اشتريته



والبيت اللي اشتريته عالسريع عشان كنت خايفه يوكع مني لاني بنت اديا رخوين وكلشي بوكع منهم , وفي بيت ببالي غير هدا البيت كان نفسي استريه وبخليه للزمن بعاود ان شاء الله بشتريه



البيت اللي بكون متل الدزدان وكمان بكدر اشيله وافصله عن الدزدان



وكالعاده لانو امي بتحب اللميع والخرز حبيت احط تلات خطوط لان حكتلي عالبلفون ( اشتري بيت انثوي ) بس ما رديت عليها بس حبيت اترك بصمتها



هون ع اليمين محل ما بحط البلفون



هون البيت اللي بينحط ع يمين الدزدان , وهدا الحلو انو مرات اشيله ومرات اشبكه بالدزدان



وهون من الامام , ولانه مغناطيس , حطيت ورق مشان ما يأثر ع شاشه الايفون , لان المغنطيس بيضرب الشاشه

والله يحميلي اياه هالبلفون لان ايفون 7 اللي كان معي اشترتيه ع الدين وعشانه ضاع ومكنتش حاطط تأمين لسا دفعت كل الدين اللي عليا , ولازم احكي بالتفصيل شو صار معانا بالشط وكيف اخسرنا تلات بلفونات مش بس واحد , كان نكته ..~

اخوي واحد انا مسميته ابو كرم لانو نفسه يكون عنده ولد ويا رب الله يطعمه في كرم , محادثات صارت بينا والسبب اني بدي احطها عشان السماعات اللي لسا ما صورتها



اشتريت سماعات لاسلكي لكل واحد من اخوتي والي ,واجت طلبيت الامازون وانا مش بالبيت فا اخوي صورها وبعتلي مشان اطمن انو وصلت مشان في عنا مستأجرين جداد وصرت اخاف يسركوا اللي بوصي عليه , اخوي واحد كان عنده متلها بس لما روحنا ع المحيط , سماعته كمان اخدتها الموجه , وهدا البيت تبع الايفون , وان شاء الله يا رب بعاود اصوّر سماعتي .

|||




راح احكيلكم كصه عشقي للبستار الاصفر , وانا صغيره وعمري 7 سنين , كنت ما اصدّك اني اكبر مشان اشتري هدا البستار الاصفر , لانو اخوتي كانوا دايما يلبسوهم , ولما كبرت شوي اكتشفت انو هدا البستار الاصفر للشباب , صار عمري 13 وكعدت مع اخوتي وسألتهم ( ايش رأيكم اشتري بستار اصفر متلكم ؟) حكو (عمرك شفتي بنت لابسه متله ؟ ) حكتلهم ( لأ ولا مره, بس خليني اكون هاي البنت ؟! ) حكو (ماشي وتروحيش ع هديك المنظقه) وطبعا بوزهم قالب ومش عاجبهم , بس لانو شافو ابوي وامي مش معارضين وافكوا , وبالزبط وصيت ع واحد امي تجيبه معاها من امريكا , وكنت البسه ع المدرسه ويالله رهيب , وضل معي لحد السنه الماضيه , لوكت ما خلص ما بيلتبسش , وطار البستار الكديم , والحمد لله الله بعتلي هدا البستار اللي اشتريته من يوم , ومنيح انه ليفايز , ومع هيك لسا نفسي بواحد تيمبلاند , كنت ادوّر ع واحد انعم من اللي كان عندي , واخوي واحد بحب ذوقي بالبوات , ولطش واحد مني كان ابيض , وكال بده يلطش هاد , يحلم روح امه ! اد حتى البوت الابيض اللي اشترتيه بالبلاك فرايدي , موجوده صورته بالمدونه , اخدته الموجه كمان هههه , بحكيلكم الموجه اخدت كلشي معدا احنا الحمد لله انو ما حسرّنا اهلنا , المال بيتعوض بس مش النفس وجد البحر غدار ..~

هون الصوره اوضح

عملت تسجيل صوتي وكعدت نص ساعه احاول انزله ع اللاب توب ومش عارفه ، انسيت كيف زمان كنت انزلهم ، وازهكت وانعست ، وعنجد سامحوني اني بردش ع التقيمات ، وغلاوة امي اني بستدعيلكم بكل خير ويتحكك اللي نفسكم فيه ، وبترسموا ابتسامه ع وحهي ، بس بعرفش مالي بجيش احكي وارد عليكم ، هيك اشي بمنعني اتعامل مع حد ، خوف ، ومعنديش جرئة ، انشغالاتي ، مزاجيتي ، ومش انو الصمت هو اختصار وبديش تحكو معي ، بالعكس بحب اشوف حد حواليا ، بس بعرفش ارد على منيحه ، بعرفش اتعامل ، انا جد مكهوره من حالي اني صرت هيك انطوائيه بحت ، بنساش وكفت اي حد معي ، وبنساش ظل اي حد حواليا ، وبشكركم وبحكي معكم وانتو بخيالي ، بعرف بوصلكومش ، بس اعرفوا هدا الاشي . ويا رب يجيبلنا كل خير بالهسنه الجديده ويبعد عنا كل شر ، ويحمينا ويحمي اهالينا ، تحكك اللي نفسنا فيه حتى لو كنا طماعين .. يا رب مصاري ما تاكلها النيران مع صحة وراحة بال يا رب ونصرك ونصرك على كل ظالم ، تنصر المظلوم وتجبر بخاطرنا ، الله يرحم كل اموت المسلمين .
شكرا كتير وسامحوني واعرفوا انو سعيده بوجودكم حتى لو ما بخبركم .