نقااش الاسبوع||هل هذه غيرة ! ام منافسسة ؟!~||

السلام عليكم..

موضوع نقاش حلو وبزوايا كتيره، الاشي المضحك بان بتكون تعليقات الاغلب وحكي الناس انو تكونش غيور وتكونش حقود 'بلاه بلاه، ووقت الجد بديش احكي بكونوا شياطين بملابس، بس ببطل فيهم خير.

اكيد لي عوده ان شاء الله بأقرب وقت.

،

السلام عليكم من جديد، اخ اتأخرت! شكرا للي كان يستنى بردي، وشكرا لصاحبه الموضوع.. يلا عالأسئلة.

✓- هل تعتقد ان الغيرة شعور قاتل ؟ ام حافز لتطوير الذات !؟

قاتل لانه من راقب الناس مات هما، اد راح تكون الشخص اللي براقب فلان وعلان وهما بصيروا وانت بضل مكانك، بكون حافز اد انت بعد مراقبتك الهم سبكتهم وصرت احسن منهم، بهمنيش اد اذيتهم، بس كون متواضع عشان ربنا ما يكسرش رقبتك، وما في طير علا الا وقع بكير.

،

✓- هل تحب المنافسة؟ اذكر لنا موقف تنافست فيه مع احد ؟

اكيد جدا وهي الرهانات، اغلبها مش شريفة لهيك بحتفظ فيها.
بس في منافسة اتعلمتها وانا صغيرة من ابوي الله يطول بعمره، كنا لما نسلق البيض نطكش بيض بعض لنشوف مين البيضة اللي ما انكسرت.
حبي للمنافسات هو انا بنت معنديش ارادة ولا امل ولا حافز، فا الرهنات بتخليني اعمل الامور، فا اغلب الامور بحياتي اللي عملتها كانت بسبب رهانات.

،

✓- هل تظن ان الغيرة لها انواع !؟ بل وهل لها جانبٌ سلبي وايجابي !؟

اكيد ملانه انواع وانتي ما قصرتي بالموضوع، عندي نوع غيره بكرهه وهو غيرة البنات ما بينهم، هدا اول سبب واهم سبب مخليني ما احب مصاحبة البنات، اكيد هدا النوع سلبي لانو مد لحافك على كد رجليك، يعني كل شي مكسوم بينا وفش اي افادة اد غرتي من صاحبتك او نحكي حقدك عليها، فا غيرة بين الصديقات ممنوعه.

الغيره التانيه اللي بكرها هي الغيرة بين الازواج، سواء عشاق وكل هالحكي، ماشي بنعرف انو شب عربي شرقي بحب وبغار بس ارحمنا ياه، لأ وفوق هاد بدهم نغار عليهم، طب شو نعمل اد عينك زايغة وبتشبعش، يعني فش اثبات عا محبتنا الا اد غرنا عليك وعملنالك وجع راس؟ الله ياخدهم. طب انا بديش وجع راس، فا غيرة سلبية عندي.

الايجابي انحكى فيه.

،

✓- هل يمثل التنافس دافع الانسان الـأقوى من اجل النجاح ؟ ام الغييرة لها السلطة ؟!

انا عني حالي التنافس وحكيت عنه.

،

✓- قد تعمي الغيرة بصيرتنا لفعل شيء سيء بدافع التنافس ! هل راودك هذا الشعور من قبل ؟

لا،يمكن لاني بحبهم فا كل اللي نافستهم بحياتي الواقعية فش زعل وحزازات واي حساسية تجاه المنافسة، كل واحد بحب الفوز مش عشان انه فاز، ولا حتى يفضح الدنيا انه فاز، او انه عند كلامه ،كان حب الفوز عشان العقاب والطلب اللي راح يعمله اللي بخسر، كان هدا من احلى المتع.

،

✓- عندما ننافس شخصااً ما ونفشل امامه ! فهل يحق لنا بالمقابل الحقد على هذا الشخص

في نوع من البنات لازم الشباب يعرفوه، اد نافستوا بنت ومفش هالصحبة او هالعشره اللي بينكم عالجهتين انت خسران، لان اد انت فوزت راح تحقد عليك انك فوزت عليها، واد انت اخسرت راح تنزل من عينها وتكون زي النمله بنظرها. بعرفش نوع غيره الا اد كانت محبه وصداقة طويله، فا بتكون نيالك.

،

سؤال اضافي مني؟ هل انا بغار؟

اه، الناس اللي بغار منهم بس ما بتمنى يروح اللي بيملكوه، بس بتمنى انا املكه زيهم، هو الدين، الناس المتدنية قالب وقلب، الناس اللي هم مسك وعنبر، لما اشوفهم واتعامل معهم بحكي من جواي نيالهم، عقبال عندي.

وشكرا.