••[ The Locked Room ] •• ~

Mood: Sad
Hana : ♪

السلام عليكم ورحمة الله وبركاته


مينآآآآ هيساااشي بووري ديسسسسوو
جيييييييينكي؟؟؟ يارب كلكم تكونون بخير..
اليوووم البلووق بيكون شوي طويل >‿‿◕ ﾟ
قررت اسولف عن كذا شي صار لي بالأيام الي فاتت

**

اولا قبل كم يوم ~ وحدة من صديقاتي من ثالث ثانوي قالت لي خلينا نطلع لمكان
لان لي سنة تقريبا ماشفتها
بس انا رفضت لان ماعندي احد يوصلني
المهم صديقتي تضايقت و قالت طيب ليش ماتعزيمنا ببياكم ابي اشوفك وش ذا
قلت لها صعبه اعزمك ببيتي احنا الحين مشغولين ونصلح بالبيت مقدر
بعدها زعلت كانت تكلمني عادي بس قبل يومين ماعاد صارت تكلم ولا ترد على رسايلي لها ولا شي
اقولها بالرسالة وش فيك زعلانه ابي بس افهم وش السبب ماترد
و كذا مرة صارت سوالف شبيه بهذي ههههه
الزبدة من هذا كله ان هذي الصديقة عزيزة علي مرة
و يقهرني انها ماتتفهم ظروفي :""(
يعني انا مااقدر اطلع لاي مكان واتمشى وانبسط زيها
انا كنت اقول يمكن من كثر ماهي مشتاقه ههههه
بس وش اسوي غصب عني و بعدين انا متقبله وماسويت زيها
الله يهديها يارب,,

**

و شي شبيه بهالسالفة صار باحد العزايم الي رحت لها
انا معروف عني اني بيتوتيه يعني احب البيت و اكرهه اطلع لمطاعم اسواق وما إلى ذلك
قالوا لي ليش ماتطلعين تغيرين جو صدقيتي بتنبسطين ومدري ايش
وانا اسلك هههههه
يعني جديا انا ماانبسط لاطلعت الا اتضايق زود ههههه
بس مثل مايقولون محد يحس بالالم الا المجرب
و عاد ياليت هالاسواق مهيئة اصلا لنا لازم يصير فيه درج او حتى الباب مايكفي للكرسي المتحرك ههههه
وغير عن كذا
نظرات بعض الناس هناك تجيب لي الإشمئزاز :\
يجلسون يقزون فيني " حرام مسكينه" يرتفع ضغطي لا سمعت هالكلمة
انا مايهمني رأي الناس الحمدالله ههههه
بس لابد اني اعصب لا سمعت هالكلام
جد مااحب هالاماكن
احس اني اصير ضعيفة لا رحت لها
لا و الي يزيد الطين بله لا قالوا لي فيه كثير ناس زيك يطلعون ويسافرون..
طيب يختي انا مااحب غصب هوو

آآآخ الله يهدي الجميع بس

<~احس براحه شوي بعد مافرغت غضبي هنا

**

و على طاري هالسالفة قبل كم يوم قريت اقتباس ل إيد من فول ميتل عجبني مرة
هو الي في توقيعي
شوفوا تأملوا الكلام زين..
" Stand up and walk. Move on
!After all, you have perfect legs to stand on "

يمكن البعض يحسه عادي بس يعني لي الكثير ههههه

**

نجي لخبر فجعني اليوم
الأمير نايف توفى

الله يرحمه و يسكنه فسيح جناته

....

**

الحين حبيت اتكلم عن كذا شي جالسة اجهز له,,
جزيرة صور ون بيس <~ موضوع جروب ون بيس الاول
تقريبا خلصنا 80% منه

موضوع تصاميم الصيف لسى مابديت فيه هههههه <~ برا
تقرير عن لعبة the legend of zelda skyward sword لمسابقة قسم الجيمز
بس لسى مابديت فيه
خخخخخ انا بطيئة بس اليوم ببدا اشتغل عليهم اكيد

**

ألحين نشوف التقيمات ~


اشكر الجميع شكرا بحجم السماء كالعادة
Al-Baiz: هههههه اخوي يارب اني كل مرة اجي ارد عليك استحي مدري وش اقول
بس مرة شكرا على متابعتك لي انت متابع بحق
و اذا ماتبيني ازعجك بون بيس شفه وبتعرف ليش احبه
مع اني خربت عليك اهم المواقف الي صارت
والي حاط كل الردود هي انا ههههه صايرة احبه اكثر حتى من اخوي
بس ضحكتني هههههههه

نينجا العاشق : خلاص من اليوم بكثر من روبن عشان تجيني تقيمات <~ براا
nawal : الله يبارك فيك حبيبتي
cp0 : اجل لازم نزيد بعد من البلوفات الون بيسية
d.snake: yeah thanks for your comment and it really deserve more than this

**

هذا ما عندي لليوم
وراي اشغال لازم اجهزها
أراكم قريبا



في أمان الله



えご　です～～～

لا تهتـم لمـا يقـال عنـك ، فـأنـت تعــرف من أنـت!!
ولا تقـلل مـن قيـمتــك ،،
فــ سر الفشـل هو محــاولة إرضـاء الجـميـع ☑

«لا تندم أبداً على معرفه أي شخص في حياتك، فـالناس الجيدون يعطونك "السعادة" والناس السيئون يعطونك "التجربه"، أما أسوأ الناس فيعطونك"درسا"!»