مذكرات ديدارا

صباح فرنسي جميل ...


انا( قايم والنفسيه جميله جدا ) : بونجور ياجماعه !!
هيدين ( يفرش اسنانه ) : صباح باريسي يابو الشباب
انا : ها ياجروبي العزيز .. وين بنروح اول شي
ايتاشي ( قاعد يطل من الشباك ) : ماندري والله ساسوري توه راجع للفندق ونام الاخ
انا : حسبيا الله عليه نبي نطلع سوا .. ليه يروح يتمشى لحاله
هيدين ( لازال يفرش اسنانه ) : ماعلينا منه اللي نايمين براحتهم خلونا نطلع نفطر وندور شوي
انا : بس انا وانت واتوش ؟؟ والباقي ؟
ايتاشي : مالنا شغل فيهم مب ضايعين ان شاء الله .. يللا خلونا نطلع نتمشى ونحلل الفلوس اللي طلعت عيونا واحنا نجمعهم
انا : اي والله انك صادق ههههههههههههههههههههههههههههه .. هيدين خلاص ياابوي اسنانك سارت تلمع ماادري من وين طبت عليك النظافه مره وحده
هيدين : هههههههههه قالك لك ايتاشي نحلل الفلوس وش فيك انت .. يللا مشينا
في ساحة برج ايفل


ايتاشي : ياناس ليه ماجبنا سجاده وتقهوينا هنا ؟
انا (جالس اصور ): اسكت تبي العالم تضحك علينا
هيدين : يازين ديارنا والله .. اي عشب اي شي تعال وافرش ولا يهمك هههههههههههههههههههههههه
كونان ( جايه ومعاها كوفي ) : بونجور ياشطار
ايتاشي ( انبسط .. امنيته تحققت ) : والله وجا السعد
كونان : ايه انتم هذا اللي فالحين فيه ههههههههههههههههههههه
هيدين : وين باقي الجماعه ياكونان ماجو معاك ؟
كونان : ساسوري وتوبي ركبو باص الكشف ويدورون على باريس .. الله يخرب بيوتهم كان يطقون ويصفرون
انا ( وانا جالس اصور ) : يارب يطردهم راعي الباص
هيدين : يابختهم على الاقل شي يمشي فيهم .. عورتني رجلي من المشي
ايتاشي ( يتقهوى وقاعد يحلي ) : ياناس حتى القهوه هنا طعمها غير ... فرق عن القهوه بصجه بيتنا ولقافه ساسكي وصراخ امي
كونان : ليت باين زيك ... تركته وهو يتحلطم ... مافي فرق مافي فرق ملل ملل
ايتاشي : مالت عليه مو وجه وناسه هالباين
ويجي واحد من الماره .. ماادري مسطل ماادري شارب .. ويشوف كونان والظاهر انه اعجب فيها
هذا المار ( يكلم ايتاشي ) : لو سمحت - وياشر على كونان - هذي حبيبتك ؟
كونان ( خافت وتمسكت بثياب ايتاشي ) : نعم ... خييييييييييير
ايتاشي : هههههههههههههههه الله لايقوله .. ا .. ا .. اقصد وش تبي منها انت
المار : انا مستعد اعطيك كل فلوسي .. بس ابي اخذها معاي
وانفجرنا كلنا ضحك .....
انا : هذي اللي يسلمك انا اعطيك فلوس بس خذها
ههههههههههههههههههههههههههههههههههههه
ديزني لاند


ساسوري : وووووووووووووووواو وناسه يللا خلونا ندخل نلعب
انا ( بديت احط ايدي على راسي ) : الله يعينا على الازعاج
كونان ( ماسكه كتفي ) : انا بلعب مع ديدي الشجاع
انا : حشا لله .. مااحب العب انا
هيدين : لاتسير عجوز انت بعد .. يللا ننبسط بس
ايتاشي : لاتضيعون عاد خلونا نتفق على مكان نتجمع فيه
توبي : ههههههههههههههه ذكرتني بامي الله يذكرها بالخير
ساسوري : يللا انا وكونان بنروح ناخذ سير ... باي
كونان : باي
( يركضون زي المهابيل ... ياعمري على الطفوله اللي ماعشناها عدل )
ايتاشي : ها وانتو وين ناويين تروحون
باين : انا ابي اكل جوعان بعدها ابي اهجول لحالي
توبي : ليش ان شاء الله .. خلونا نسير كلنا سوا ياجماعه
باين : مابي مابي مابي
انا : والله اخاف ترجع الفندق ... حنا ساحبينك علشان تجي ويانا
باين : لالا ماني راجع لاتخاف .. جوالي خذته كونان عندها .. وش الفايده ارجع البيت
توبي : ياحبي لها والله انها تعرف لك
هيدين : كانكم نسيتوني ياجماعه .. انا ابي اروح مع باين اكل وياها
توبي : انا بسحب هالشايب _ انا _ ونروح نجلس نترفج على الاستعراضات
ايتاشي : يوووووووووووووه ناس تاكل وناس تجلس .. انا اروح الحق الخبول احسن لي
في الليل


انا ( جالس اكل فشار ونتفرج على الالعاب الناريه) : اقول توبي ؟؟ طلع العشا علينا والجماعه مابينو
توبي ( ياكل من الكوب حقي ) : احسن يابوي فرقاهم عيد ... بعدين المنتهزه مره كبير وين بتلقاهم
انا : هههههههههههههههه على قولتك .. مفروض من زمان نخطط لكذا طلعات
توبي : يبي لها ميزانيه ياديدي ... انا اسئل نفسي الحين يوم نرجع وش بنسوي .. انا مابيعود عندي ولا ريال
انا : لاتخاف .. مرات علينا اسابيع وجيوبنا تصفر .. جت على هذي
توبي : من جد والله يحلها ربك
انا : توبي توبي ... قولي مافي راسك مشروع ؟؟؟
توبي : ابي اتزوج
انا : 0_0
توبي : مليت من حياتي .. عايش زي الاهبل كذا.. بس الحياه صعبه
انا : الله يعافيك لاتصيحني الحال واحد .. بعدين وش لك بعوار الراس .. انبسط انبسط ولا يهمك بس
توبي : خلينا نروح نلعب قطار الموت .. ونصارخ كثر مانقدر
انا ( مع ابتسامه ) : ولو اني مااحب .. لكن يللا مشينا
ماشاء الله علي بسم الله .. والله اني اراعي شعور الناس ياحلاتي ^_^ < ماودك تنلقع
برج النصر



انا ( اطل من فوق على الشارع ) : ياجماعه .... تعالو اشوف ماسارت طولتو وانتو تصعدون الدرج
ساسوري : ماادري شلون صعدت بهالسرعه .. استنى شوي فيه 60 درج
هيدين ( يتشهد من التعب ) : ياديدي ... سوي لنا عصفور يودينا لفوق
انا ( وانا اضحك ) : لا يابابا تبي تفضحنا عند الناس انت
باين ( شايل كونان على ظهره ) : انا وش جابني معاهــ... هم ... يارب انا قاعد ف .. في بيتي
كونان ( على ظهر باين تكلم جوال ) : اي يماما ... رحت السوق اليوم ... وشريت لك ولخواتي ... والله اشياء تجنن
توبي ( وهو يصعد وياهم ) : ههههههههههههههههههه قولي لامك كم السعر علشان تنجلط
كونان ( تحرك عيونه يعني : اسكت لاتسمعك )
ايتاشي ( اول الواصلين ) : اووووووووه واخيرا ... الله على المنظر ..
انا : الحمدلله جيتو ياعجازين
ساسوري : والله ماانزل الا بهليكوتبر ... حشا الله .. انقطعت نفسي
توبي : ياجماعه انا بنام على هالدرجه بكبره الصبر بكمل ههههههههههههههههههههههه
هيدين : باين .. اعطيك 1000 بس تعال شلني
انا وايتاشي : هههههههههههههههههههههههههههههههههههههه ياخف دمكم

امام متحف اللوفر

قدامنا سير طويل عريض كله يبي يدخل اللوفر .. والكل بما انهم عجولين ومااحبو يضيعون وقتهم .. فقررت اروح انا علشان خاطر كونان اللي قررت تصفح عن ديني
هذاك لها .. وافتك
انا : اخ ياكونان ... وقفتينا طول النهار .. لو احنا مع الشباب الحين نحوس مو احسن
كونان : ليه ليه .. الحين نروح فرنسا ومانزو المتحف من جدك انتا .. نضيع فرصه عمرنا
انا : خلاص خلاص مسكنا سرا .. علشانك بس
كونان : انا مره جايز لي الوضع .. واحنا واقفين بياعه فشار والجو حلو يعني عاددي لو وقفنا
انا : شكلي برجع الفندق بحط مويا حاره وملح على رجولي بعد هاليوم هذا
كونان ( تهمس في اذني ) : هذا اللي واقف قدامي سار له سنه ما تسبح
انا : مسكين شكله واقف سار له عشر سنين هههههههههههههههههههههه

جوا المتحف



انا ( اتفرج على التحف واللوحات ) : الحين كونان ؟؟ .. ليش المتحف شبه فاضي ... مااسمع الا اصواتنا
كونان ( مبسوطه وتصور ) : ياابن الحلال اهم شي دخلنا ... حشا لله مابغينا
انا : على قولتك .. بعدين شوفي هذي المنحوته على شكل عصفور ... مره بايخه اعرف اسوي عصفور احسن منها
كونان : هههههههههههههههه اسكت لا يطردونا

اخر الزيارة

كونان : التفت رجولي ياديدي ... شيلني على ظهرك ( ابتسامه عريضه )
انا : مره متفائله انتي علشان اشيلك ... ترى انا مو دلخ زي باين هههههههههههههههههههههههه
كونان : لا والله .. رجع فلوسي اشوف اللي صلحت لك فيهم سيارة
انا : 0_0 ..مو قلتي قبل لاندخل انك بتعفين عني
كونان : خلاص هونت .. ابيهم الحين
ويجي نفس هذا الرجال اللي شفناه بساحة برج ايفل ويقول : انا مستعد اشيلك ياحلوة طول حياتي !!!
كونان : ااااااااااااااااااااااااااااااااااه وخر عني ( وتركض )
انا : ههههههههههههههههه ياظالم لك يوم !!!

يوم الرجعه



كونان ( تلم تعد اغراضها ) : والله انبسطنا ياجماعه .. خلونا نعيد هالروحه بالله
ايتاشي ( مفلس تماما ) : ويييييييييييييييييه ياكونان يجيب الله المطر
باين ( فرحان ينطط ) : اه ... بيتي .. تلفزيوني .. جوالي .. واخيرا
توبي ( طالعه عيونه ) : يالله ... لازم نرجع بطيارة ؟؟ياعالم حرام عليكم
انا : يعني وش رايك ؟؟؟ نرجع سباحه
ساسوري ( مابقت بنت في المطار ماعطاها رقمه )
انا : ههههههههههههههه ... انت ماعندك رصيد تكلمني وانا معاك في البلد علشان تجلس تسوي فيها توزع رقمك هنا
هيدين ( منسدح على الكراسي ) : هم بيدقون عليه هم هههههههههه
ايتاشي : اهم شي لاتنسوني بالطيارة زي ذيك المره
كونان : ايه ايه صح ... يللا ياديدي ... روح ضبط امور التذاكر هذي شغلتك يابطل
انا : -_- !!!
ورجعنا الى ديارنا العزيزة بسلام الحمدلله .. وعلى قوله القايل
تحرم علينا ديار لندن وباريس ... دام ديارنا فيها حبايبنا << مع تحيات واحد ماعاد عنده فلوس
ههههههههههههههههههههههههههههههههه
****************************
نلقاكم في الحلقه القادمه

السلام عليكم

اخبارك انشالله بخير

مشكوره على البارت يجنن خصوصا كونان يوم قال شيلن على ظهرك ^_^ بنتظار المزيد من ابدعاتك
تم التقيمم على البارت الجميل

اتمنى تتقبلي مروري

منورة الموضوع >مع انه منور من زمان

هههههههههههههههههههههه
بانتظار التكملة

بارت أروع من سابقه
تم تقييمك وشكراً

(( انيميات اخرى ... ))
اكيد الكل منكم .. اقصد اللي يتابعون انيميات .. مسوي له مجتمع وهمي من عده انيميات مثل ناروتو <<
قولو انه احسن شي ولا ماعاد اكتب لكم شي ترى ^-^ .. والكل له انيمي مفضل يتابعه ويعتبره الاحسن
بس ماراح يقتصر كل اهتمامه عليه .. لان عالم الانيمي ولو كان يحدد لكل شخصيه قصتها اللي تكون فيها
بتكون اجمل واحلى كثير لو اندمجت كلها سوا بعالم واحد ... تخيل الوضع !!
يوغي يروح مع ناروتو المدرسه ...وسيتو كايبا يلعب مع بسام كورة .. ونامي تتهاوش مع ساكورا <<< اهم شي لايسير هذا علشان ماتخرب الدنيا
يعني اعتبره شي مره حلو .
في يوم من الايام .. وانا جالس على الكافيتيريا .. اتفرج على الناس رايحين جايين .. الوالدة طاردتني علشان عندها ضيوف وسبحان الله ماافي احد غيري
يسوي زحمه .. طيب طيب يا يما والله مااعاد اجيب لك شي من السوق <<< اصلا عقب ذاك اليوم اللي ارسلتك فيه امك حرمت تعتمد عليك بشي
اشرب كوفي .. واغني لحالي شوي ولا ينط علي واحد قصير لابس ازرق وكرفته حمرا .. راسه كبير ويجلس معي بنفس الطاوله 0_0
انا ( علامات الاستياء على وجهي ) : ياحبيبي .. فيه شي اسمه استئذان .. خبط لزق قعدت كذا
.... ( طالعني بحقد ) : انت ماتعرف انا مين ؟؟
انا ( حطيت رجل على رجل ) : ومين يعني ؟؟ سفير الامم المتحده بيجلس معي الحين ؟؟؟
... : انا كونان ياجعلك تطير ؟؟ اكيد انت عايش بالمريخ يااكاتسوكي انتا
انا : 0_0 ؟؟؟
كونان ( يكلم احد باللاسكي حقه ) : حول حول .. المجرم لسه تحت المراقبه .. دخل الكافتيريا من شو
انا ( ميت ضحك ) : يابابا ... صحصح معانا اشوف ..... خلاص احنا برا التصوير ...هذي الحياه الطبيعيه ... هههههههههههههه عايش الدور بقوه
كونان ( عبس حواجبه ) : اصلا انا شغلتي شرطي برا اوقات التصوير ... مو عاطل زي بعض الناس -_- !!
انا : عادي عادي البطاله مب عيب .. بــ ... بـــ .. بعدين انا مو عاطل بس الشغل واقف والعيب في رئيس الشركه !!
كونان ( حاول يتحرش فيني ويغيظني ) : عاد بقولك شي .. ماتحس ان مسلسلكم شاطح .. واحد يسير 1000 نسخه منه .. وواحد يسوي بومه تطير وعنزه تطير
يعني مع احترامي .. مسلسلكم ماادري وش يبي ( وقام يضحك )
انا ( احمرت عيوني وشب الحمرا عندي ) : لا والله ؟؟ اجل وش تسمي واحد حاط لي كرفتته نمره تلفون وسبحان الله ينوم عمه ويتكلم بداله وللحين ماكشفوه
ليش تقصون على بزارين ؟؟ لا و اللي يقهر جد ... مسلسل من 10 سنين وانت لسه في اولى ابتدائي سبحان الله العداد واقف ؟؟؟
كونان ( استحى على وجه وسكت ) : ... المجرم طلع من الكافتريا .. جاري الملاحقه
انا ( اكمل قهوتي ) : ياشين التصريف بس !!
تمر 10 دقايق .. انا مغمض عيوني واستمتع بصوت الشارع << مره شاعري .. ولا احس بكتله بشريه تطيح على طاولتي وتكسر .. ويطيح التشيز كيك اللي شاريه
<< غالي حرام عليك ب 22
انا ( طلعت عيوني وصرخت ) : وووووجع ماتشوووووف !!
ولا واحد اهبل فمه كبير << اسمع عاد اللي يتكلم ...... ولابس قبعه قش طبعا عرفتوه
لوفي : ا.. اسف مو قصدي
انا : واسف وين اصرفها هذي .ها ؟؟؟
لوفي ( بكل فهاوه ) : والله ماشفت الطاوله ولا دريت انك فيها .. مو قصدي
انا : من جد ؟؟؟ عيون هالكبر ومااشفت .. << عاد اكبر شي في الانيمي عيونهم .. اذا مايشوفون عدل فهذي مصيبه هههههههههههههههههههههههههه
لوفي ( اخذ الكيكه من الارض) : ياحرام الكيكه طاحت ... سامحني ( وياكل الكيكه كلها بالصحن معاها )
انا : 0_0
لوفي : خلاص ياحبيبي المسامح كريم وانا ادري انكم يااهل ناروتو طيبين وتسامحون وبالذات الاكاتسوكي احسن من اخلاهم مافي <<< من ورا قلب طبعا
انا : انسكر الشر ... يللا اذلف من قدامي قبل لا ادفعك قيمه الكيكه اشوف
لوفي : انا اعرض عليك تجي معانا رحله بسفينتنا لمده اسبوع وش رايك ؟؟
انا : لا الله يعافيك شكرا انت روح من وجهي وانا اعتبرها اجمل هديه .. اما اروح مع سفينتكم ههههههههههههههههههههههه
لوفي : تصدق عاد .. توفر .. باي
انا : استغفر الله على هاليوم .. قلت الحمدلله ربعي المزعجين ماغصصو علي .. ماادري من وين طلعو لي ذولي
عاد لاني مره مشتهي تشيز الكيك اللي كلاها لوفي عساها مايتهنى << اصيب لوفي لاحقا بمغص في المعده .. يجي واحد يوقف على راسي
.. : لو سمحت .. الكوفي زحمه .. ممكن اجلس على طاولتك ؟
انا ( طبعا ماكان ودي احد يجلس جنبي << نحيس . بس لانه مؤدب ) : اكيد اخوي تفضل حياك الله
..( جلس يطالعني ساعه ) : اخوي .. انا شايفك من قبل .. انتا تطلع بمسلسل ناروتو صح
انا ( جلست اطالعه برضه ساعه ) : لحظه لحظه .. حتى انا اعرفك .. انت تطلع في بيليش .. اها اتشيقو
اتشيقو : اي نعم ... والله وتشرفنا بشوفتك ياااخ .. ايتاشي
انا : -_- ديدارا اسمي ديدارا << بسم الله علي انا اشبه هذاك الدلخ
اتشيقو : والله حلوه الصدفه ... انا من زمان خاطري اجلس مع احد من ناروتو .. طمني على المسلسل معاكم ..؟؟
انا : والله ماادري عنهم لان دوري خلص .. وقتلوني ههههههههههههههه ... يمكن يناديني المخرج مره ثانيه الله اعلم
اتشيقو : اها .. حسافه والله عاد انا شفت لك قاعده جماهيريه وكثير معجبين فيك
انا ( رفعت خشمي ) : هذا بفضل من الله ثم دعوات امي لي << لا والله ؟؟؟
اتشيقو : ياحليلك .. الا بقولك شي .. وش اخبارها ( ووجه احمر ) .. ذيك اللي معاكم شعرها ازرق
انا : مين كونان ؟؟؟
اتشيقو: ايه ايه ... انا اشهد انها تطيح الطير من السما يازينها
انا : هههههههههههههههههههههههه زينه الحمدلله ... تبيها تعال تزوجها فكنا من شرها <<< والله ولك معجبين ياكونان
اتشيقو : وانا موافق من الالف الى الياء هههههههههههههههههه << تخيلو كونان واتشيقو التقاء الحضارات
انا : ياحليلك .. انا ابصم بالعشره يومين وترجعها لنا وتترجانا ناخذها
اتشيقو : لا حرام عليك ههههههههههه ( ويجيه مسج ) .. اوه .. مضطر اروح الحين .. مره اسف بس لازم اروح
انا : ايه توكل على الله من ماسكك هههههههههههههههههههههههههههه
اتشيقو : الله ياخذ ابليسك .. مع السلامه
انا : في امان الله هلا والله
الحمدلله طلع لي احد عاقل هالمره
طبعا انا شكلي بنام في الكافتيريا .. لان امي قالت لاترجع الا يوم اتصل عليك .. وانا ماعندي حد اروح له .. فقلت يللا اطلب لي غدا .. همبرجر مع بيبسي وبطاطس
لين تحن علي الست الوالده وتتصل .. بعد برهه << حسيت اني احكي قصه جحه وحماره هههههههههههههههه .. احس بصوت خشخشه تحت الطاوله وشي يمر
بين رجولي .. انزل راسي ولا القى .. فار ماادري قطو اصفر وخدوده حمرا .. يبتسم لي ابتسامه عريضه ويقولي : بيـــ بيــــ بيكاتسو
انا : 0_0 والله مابقى الا البوكيمونات .. لا كش كش اشوف
بيكاتشو ( رقى فوق الطاوله وقعد يتثاوب )
انا : انزل اشوف ... مالت على هالكافتيريا اللي ماتنظف كويس
بيكاتشو ( شاف قوطي الكاتشب وتعرفون البيكاتشو يموت في شي اسمه كاتشب ) : بيكـــــــــــا
انا ( فهمت انه يبي ياخذ الكاتشب حقي ): هات اشوف .. اذلف اشوف يللا
بيكاتشو ( عصب وطلعت من خدوده شرارة كهرب ) : بيـــ بيــكا
انا : لا لا خلاص .... انا اسف مو قصدي ... خذ الكاتشب بس لاتعصب علينا
وظل بيكاتشو ياكل معي .. وانا ساكت عنه .. والمشكله انه ناكر معروف عقب ماخلص .. كهربني .... يعني مانجيت من شره ههههههههههههه
وقبل لااطلع ... الحمدلله امي اتصلت علي وقالت خلصنا يللا يابعد عيني تعال << تو الناس كان تاخرتي شوي
ولااشوف انسان مره مشهور .. من ايام جدتي كان معجبه فيه .. اوووووووووووه كابتن ماجد .. والحقه لين طاولته << بشتغل قارسون قبل لااطلع
انا ( جاي اتميلح ) : حيا الله عمي كابتن ماجد
ماجد ( ولكم ان تتخيلو كابتن ماجد عقب هالسنين ) : اهلا وسهلا بديدارا من الاكاتسوكي
انا ( خذت جوا وجلست معاه في الطاوله ) : ماشاء الله تعرفني ياعمي ماجد << مايمديك على الاحترام
ماجد : عقب ماتقاعدنا وانا ابوك ماعندنا شغل نقلب بهالتلفزيون
انا : بس صراحه محد ينكر كيف كان الانيمي حقكم له وقعه وصداه في العالم كله
ماجد : اقدر لك هذا المديح ياابني شكرا شكرا
انا : قولي انت وش رايك بالا نيمي حقنا ؟؟
ماجد ( كان وده يقول وع بس لاني مدحته استحى ) : ماشاء الله ... اممم حلو حلو .. تابعو ..بس يعني نوعا ما فيه مبالغات .. بس استمرو كويس
انا ( وانا اقول بنفسي ) : لا والله .. أجل انتم اللي الواحد يطير فوق علشان يسدد كورة ويجلس يتذكر حياته كله ولا يضرب الكورة الا الحلقه الجايه وش تسمي ؟
ماجد : انا والله مقهور على الناس اللي تقلدني ... رابح .. وثابت ... وشامل .. وفاشل ... وهذا اللي طلع لك انزوما ايلفين - ابطال الكرة - قلبو الكورة لفاينل فانتسي
- لعبه بلاي ستيشن شهيره - وسار فيه ركله النار والتنين .. والله مسخره
انا : ايه ايه والله معاك >> عاد انا عاجبني انزوما ايلفين
وقبل لااكمل كلامي معاه ... تتصل علي امي تصارخ : وينك يما اشتقت لك .. تعال ولانتفت شعرك .. طبعا واعتذر من مجتو - دلع ماجد - واطلع بسرعه قبل
لاتقفل الباب بوجهي
صحيح ... الحياه حلوة .. وحشر مع الناس عيد .. فكيف الحشر مع الانيميات ^__^
ضيوف حلقه اليوم :


**********************
نلقاكم بحلقه اخرى ان شاء الله
<< انتظر ردودكم

السلام عليكم
كيفك ؟شخبارك ؟
ان شاء الله تمام
تسلمي حبيبتي عالموضوع
الاكثر من رائع
وخصوصا حق رحلتهم لفرنسا أحلى شي
يعطيك العافية حبي
لا تحرمينا من جديد الرائع
أكيد راح يتم التقييم على كل الأجزاء
بانتظار جديدك بشوق
دمتي بود

حيا الله من جانا
مشكورة ع الرد

شكل القصه حماس .. *.*

راح اقراها قريب .. *.*

أَضحك الله سنك كما أضحكتني
ولك مني أحلى تقييم