| قسم الأدب العربي و العالمي هو للمنقول من الشعر والنثر، والقصص والروايات مع الالتزام بشروط النقل الموضحة بموضوع القوانين |
10-09-2011, 04:45 PM
|
#101 |
|
بنوتهــ وافتخر ...~~
|
رد: روايه جرحني وصار معشوقي/ كامله - بدون تحميل جاهزه للقراءة
دخل للصاله وأخذ الملف اللي ع
الطاوله وطلع... رفعت حاجبها بقهر وناظرت في تولين اللي جالسه قدامها وتناظر في الأرض... دخل كذا لاحتى ناظر في زوجته ولا حتى قال لها شئ... هي ملاحظه إنه دايم برى البيت ولاعمرها شافتهم جالسين مع بعض... ناظرت في تولين اللي لابسه تنوره وبلوزه عاديه... إنقهرت كيف بيناظر فيها وهذا لبسها ...حرام البنت حلوه بس موعارفه كيف تهتم...قررت تغير تولين وتعلمها ...علشان الغبي أخوهايحس ... قالت:تولين.. تولين:هلا... ريم قامت وأخذتها معاها:تعالي معاي... إستغربت لماشافت ملابس تولين كلها تنانير وبلايز وجلابيات وكلها عاديه جدا وألوانها غامقه... ريم:تولين مين اللي جهز لك... تولين:أكيد مرام .. فهمت اللحين..طبعا بترسل لها هالملابس...عارفه مرام وعارفه شرها وخبثها...وهي قاصده هالشئ... قررت تاخذها للسوق بنفسها .. طبعا تولين يالله وافقت تروح للسوق...وراحت معاها ... *************** للحين موقادره تنسى منظر دلال مع رعد... إستسلامه لدلال وعدم إعتراضه ع قربها منه يعذبها... ليه مايعترض ليه مايوقفها عند حدها... التفكير أرقها أحيانا تقول إنه أكيد يحبها أو يميل لها..علشان كذا مايعترض... قبل زواجهم وبعده كانت تشوفه يدافع عن دلال وإذا قربت منه مايعترض... ولو هي مكانه كان ذبحها من زمان... تنهدت بتعب من التفكير... حتى إنها ماقدرت تطلع تشوفه وحبس نفسها في غرفتها... لازم تسوي هالشئ...لازم تتحسه إنها تتضايق من تصرفاته مع دلال ومعاها... لازم تخليه يحس في اللي كانت تحس فيه لأنه لوماحس بيستمر ع حاله... *************** ناظرت في الفستان اللي ماسكته ريم :لا...لاياريم..ماراح ألبسه... ريم:وليش لا ... تولين:تبغيني ألبس هالفستان عند فيصل....لا ريم:لاتقولين بعد أستحي ..فيصل زوجك...وبعدين الفستان مو قصير مره حرام عليك...مايوصل للركبه وإنتي تقولين لا... غصبتها لين وافقت ولبسته.. ريم:وااااو ماشاءالله مره يجنن عليك.. ناظرت تولين المرايا...الفستان عشبي مرره نعوم وسيور لتحت الركبه...يجنن عليها... مسكت يدها ريم وجلستها وفكت شعرها :شرايك ... ناظرت تولين في شعرها اللي أجبرتها ريم تقصه فراوله لأنه مناسب لوجهها بس طبعا مارضت إنها تقصره وقصته ع طوله..:مره حلو. حطت لها ريم ميك أب ناعم وخفيف... ناظرت تولين في شكلها اللي تغير ميه وثمانين درجه... إبتسمت ريم بإعجاب:ماشاءالله تجنني...وبتحرمي أخوي من الجمال... إبتسمت تولين وقالت وهي تناظر في الأكياس الكثيره المنتشره حولها:بس ماله داعي كل هذا... ريم:إلا له واللحين بنادي الخدامه ترتبهم... طلعت ريم تنادي الخدامه تاركه تولين واقفه تناظرفي المرايا.... ***************** رفع راسه لماسمع أمه تحكي مع إخته إنهم مخططين يطلعون لمزرعة عمه بعد زواج أمل... رائد:مين قال لكم... أم خالد:عمك قال لأبوك اليوم سكت رائد وإنبسط داخله لأنه أكيد بيشوف سديم... رهف تناظر في إبتسامة رائد:شعندك تبتسم..مين تفكر فيه.. رائد:لا بس مبسوط لأننا الشباب بنجتمع من زمان ماجتمعنا... رهف:ليه إنت ماتشوف فيصل رائد:إلا بس مو كثير..لأنه يداوم في الشركه وتعرفين عريس ما نبغى نشغله... أم خالد:عقبال ماأفرح فيك... رائد:آمين إن شاءالله..إلا ع طاري العرس والفرحه شخبار خللود ماكلمك... أم خالد:الحمدلله بخير..كلمني أمس في الليل... رائد:آها..وساره... أم خالد:ساره إن شاءالله بترجع بكره أو بعده... رائد:وأمول وينها... رهف:بغرفتها ترتب أغراضها... رائد بضيق:والله مو متخيل البيت من غيرها... أم خالد:ولا أنا..البيت بيفضى علي...إذا راحت... رائد:آفا بس وأنا مامليت عينك يمه... أم خالد:إلا بس إنت ولد كل وقتك برى..أما البنت غير رهف:بتكون رنا موجوده... أم خالد:لا بس بيجلسون أسبوع أسبوعين ويروحون بيتهم.. ************** دخل للبيت وهو يفكر بحكي أبوه له.... جا أبوه للشركه وطلب منه يروح للبيت يرتاح وهو بياخذ مكانه... وقاله ياخذ تولين تزور أهلها... دخل للصاله وشاف ريم جالسه وماشاف تولين عندها... جلس وهويقول:وين تولين... ريم:فوق... فيصل:روحي ناديها... ريم إنقهرت وقالت تتصنع التعب: ماقدر أقوم رجلي تآلمني... قام عندها فيصل:ليه شفيها.. ريم:آمم زلقت قبل شوي ... فيصل:طيب قومي آخذك ع المستشفى... ريم نفسها تخنقه:لا لا مومره تآلمني اللحين تخف... فيصل:متأكده ريمو... ريم:أيوه... قام فيصل وريم زفرت:أففف أعوذ بالله مابغى يروح...ياليته يعطي تولين شوي من هالإهتمام... **************** تأففت بضيق وهي تناظر في شكلها ..خايفه وودها تروح تغير اللي عليها...خصوصا إن فيصل ماراح يجي اللحين... قررت تبدل لبسها ..أخذت الشباصه بترفع شعرها وطاحت من يدها لماسمعت صوته يناديها وتجمدت مكانها.... ماشافها في الصاله ودخل غرفة النوم .. ووقف مبهوت يستوعب اللي قدامه هذي تولين وإلا لا... هذي تولين وهذي جاذبيتها اللي يهرب منها.... واقفه وماتدري إيش تسوي حتى موقادره ترفع راسها...الله يسامحك ياريم... طاحت نظراتها ع الشباصه اللي ع الأرض ... وإنحنت تاخذها بس أهم شئ إنهاتتحرك وتخفي خوفها وإرتباكها خصوصا إنه ماتحرك من مكانه... رفعت راسها وهي تاخذ الشباصه وإيدها الثانيه تبعد خصل شعرها عن وجههاوقالت لماشافته متجه ناحياتها:هـ..هلا فيصل... فيصل وعيونه ع شعرها:متى قصيتيه... |
|
|
|
10-09-2011, 04:46 PM
|
#102 |
|
بنوتهــ وافتخر ...~~
|
رد: روايه جرحني وصار معشوقي/ كامله - بدون تحميل جاهزه للقراءة
تولين بخوف وبسرعه:إسفه ما
كان قصدي أطلع من غير لا أقولك والله آسفه بس ريم... فيصل إستغرب من خوفها:طيب طيب وإنتي ليش خايفه ... سكتت تناظره وإبتسم وهو يقول وإيده ع شعرها:بس كذا أحلى... نزلت عيونها وقلبها وصل حلقها من الخوف حتى فيصل لاحظ خوفها... أبعد يده وقال:اليوم بنزور أهلك.. رفعت راسها بخوف مومتخيله أبدا إنها ترجع للبيت مره ثانيه:لا لا الله يخليك مابي... إستغرب منها ومسك يدها لما شافها تنتفض:تولين شفيك...ليه ماتبغين تروحين... تولين وعيونها غرقت دموع:مابي أروح الله يخليك فيصل لا تاخذني لهم... فيصل:طيب ليه.. سكتت ماقدرت تقوله إنها خايفه من أبوها ماقدرت تقوله إنه أصلا مومعترف فيها وإنه معتقد إنها مو بنته بنت#### ...ماقدرت تقوله إنها ماتبغى تتذكر آلمها وعذابها وتروح له برجولها... فيصل:بنروح ياتولين لازم تروحين لأن ماعندك سبب مقنع يخلينا مانروح....ببدل ونروح.. طلع...وهي تنهدت بضيق ماتبغى تروح.... جلست ع أعصابها والخوف من ردة فعل أبوها مرعبتها ...البيت بكبره مرعبها...مـــــــرام ... رفعت راسها لماشافته طلع من الغرفه لابس ثوب ويعدل شماغه...:يالله.. يالله قدرت تقوم وأخذت عباتها وفيصل لاحظ وجهها اللي شحب... ************ لماوصلوا بيت أهلها.. تولين مسكت يده بخوف وترجي: فيصل الله يخليك لاتتركني لوحدي ... فيصل:ماراح أتركك بنزل معاك.. تولين:وماتخليني عندهم وتروح فيصل :لا... دخلوا القصر ودخلتهم الخدامه في المجلس... إستغرب لماجلست جنبه وعيونها ع الباب... ناظرها بحيره ..معقوله لهدرجه أبوها مسبب لها رعب... رق قلبه لها مومعقوله فيه بنت تخاف من أبوها... *** قامت:إيش...تولين وزوجها هنا.. الخدامه:yes miss :أوك أوك.. معقوله تولين جت هنا...ولها عين بعد تجي...لحظه...زوجها معاها...فيصل ال..... طيب ياتولين أنا اللحين أعلمه كيف يختار ويفضل وحده مثلك علي أنا...وإلا فيصل ال.... يصير زوجك إنتي... دخلت غرفتها ولبست أحلى فستان عندها وقصير...وحطت ميك أب أبرز جمالها وشعرها الكيرلي خلته مفكوك وتعطرت بعطرها القوي... نزلت تحت متجهه للمجلس تمشي بدلع... دخلت المجلس وشافت فيصل سرحان في تولين اللي تفاجأت لماشافت مرام اللي إنقهرت وزاد قهرها شكل تولين.. وعيونها ع فيصل اللي إنتبه لها متفاجأ وابعد عيونه عنها مستغرب من وقاحتها... قربت منهم وهي تقول بدلع:أهلين...هلا والله.. مدت يدها لفيصل اللي ماناظر فيها ولاعطاها وجه.. رفعت حاجبها وجلست وحطت رجل ع رجل متجاهله تولين:تفضل فيصل حياك... دخل أبومرام وتولين أول ماشافته لصقت في فيصل... سلم ع فيصل ورحب فيه وقامت مرام بسرعه علشان مايسلم ع تولين وقالت وهي تمسك أبوها وتجلسه:إرتاح يبه إنت تعبان فيصل ناظر في تولين اللي ماتحركت من مكانها وعيونها ع الأرض..وقال:سلامات ياعم ماتشوف شر.. كانت جالسه طول الوقت ع أعصابها وهي تسمعهم يسولفون وتشوف مرام تقدم القهوه وغيره وهي تتعمد تقرب من فيصل ... لماقام فيصل اللي ماعجبه الجو ومتضايق وهو محتقر أبومرام اللي ساكت عن بنته... طبعا تولين ماصدقت فيصل يقوم وقامت معاه ... وطلعوا .. وطول الطريق وهي تشوف فيصل ساكت... ** ضربت الطاوله بإيدها بقهر أجل تولين تاخذ هالكشخه والرجوله كلها والغنى وهي تاخذ واحد يتمنى موتها ويكرهها... تمسكت بالطاوله لماحست بدوخه وراسها صدع عليها... ************** تنهدت وهي تناظر في الهديه الكبيره اللي داخلها ساعه ألماس وباقة الورد الحمرا الكبيره اللي أرسلها لها طلال لأن بكره زواجهم... إنفتح الباب وطلت ساره:العروسه صاحيه.. صرخت بفرحه:سا ا ا ا ا اره ضموا بعض وأمل تقول:الحمدلله ع السلامه...والله كنت خايفه ماتكوني معاي... ضحكت ساره:وأنا أقدر...مستحيل أمل:كيفك متى وصلتي ساره:اليوم وماقدرت أصبر لين أشوفك... أمل وهي تجلس وساره تجلس جنبها:كيفك وكيف وليد معاك... ساره إبتسمت:الحمدلله تمام إنتي كيفك مستعده لبكره... تنهدت أمل وهي تقول:مادري.... مدت يدها ساره ومسحت دمعة أمل وهي تقول:أموله خلاص لاتبكين...إنسيه ...وشوفي حياتك مع طلال... أنا سمعت إنه رجال والنعم فيه و... غمزت لها وهي تقول:وسمعت إن في هدايا تتسرب للبيت... إبتسمت أمل وقالت ساره:طلال طيب ياأمل لاتظلمينه... إنسي فيصل وشوفي حياتك مع طلال ولاتظلمين نفسك وتظلمينه وتضيعين أحلى أيام حياتك بشئ لايمكن ترجعينه... إبتسمت أمل وعيونها ع باقة الورد:إن شاءالله...تصدقين كنت محتاجه أحد يكون معاي... ساره:وهذاني معك وماراح أتركك لين تحبين طلول وتشهقين باسمه.... ضحكت أمل...وهي مقرره إنها تحاول تنسى فيصل مع إنه صعب بس بتحاول...وتعيش مع طلال حياتهاوماتظلمه... *************** دخل للبيت وكان هدوء لأنه رجع متأخر... دخل للصاله وجلس ونزل شماغه جنبه... سند راسه ع ورى بضيق.. وتنهد... بكره زواجهـــــــا....بكره أمل بتتزوج غيره...بكره الشئ اللي كان يحسبه حلم بيصير واقع... ضم راسه بإيديه وغمض عيونه بتعب.. ظل ع هالحاله ساعه وصراعات داخله...وكبوت.. قام بثقل حتى إنه نسى ياخذ شماغه وصعد فوق... دخل الجناح..وتفاجأ لماشاف تولين لسى صاحيه.. ظل واقف مكانه يناظرفيها ما يدري هالحظه بالذات وهذا حاله ظلت عيونه عليها.. جالسه ع الصوفا ومعطيته جنبها وعيونها السود الواسعه تناظر في التلفزيون بسرحان... ليـــــــه لماتكون قدامه ينسى أمل... تنهد بضيق ودخل الغرفه... إنتبهت ع صوت باب الغرفه .. وعرفت إن فيصل رجع...بس ليه ما حاكاها ..معقوله مانتبه لوجودها... ************* تفاجأت لماشافت رنا داخله غرفتها:رنـــــــا... سلمت عليها:متى وصلتوا... رنا بابتسامه:اليوم الفجر... إبتسمت:الحمدلله ع السلامه رنا وهي تجلس ع الصوفا:الله يسلمك...كيفك ياعروسه.. إبتسمت وهي تجلس جنبها:الحمدلله بخير إنتي كيفك وكيف السفره.. رنا:تمام..الحمدلله.. إنفتح الباب وطل خالد:مساءالخير ع أحلى عروسه طبعا بعد زوجتي ضحكت أمل وهي تقوم تسلم عليه:الحمدلله ع السلامه.. خالد:الله يسلمك... أمل:سوري قطعنا عليكم سفرتكم.. خالد:يعني معقوله بنفوت زواج أغلى خواتي..الدلوعه.. ضحكت أمل:لاتسمعك ساره بس تطق من الغيره.. خالد:هي رجعت.. أمل:أيوه تلاقيها اللحين جايه... جلسوا شوي معاها وإنضمت لهم ساره ... قام خالد لماأزعجه رائد من كثر مايدق عليه يبغاه يجي معاه يشرف كل شئ ويساعده... نزل تحت وشاف ياسر جالس يلعب بلاي ستيشن:يســـــــور هذا وقته تلعب...قوم معاي رمى ياسر يد الجهاز وقام بضيق:طيب... **************** |
|
|
|
|
10-09-2011, 04:46 PM
|
#103 |
|
بنوتهــ وافتخر ...~~
|
رد: روايه جرحني وصار معشوقي/ كامله - بدون تحميل جاهزه للقراءة
تأففت بضيق لماماقدرت تسكر
العقد ... إبتسمت لماتذكرت إن رعد كان يسكره لها... إختفت إبتسامتها لماتذكرت إنها لسى زعلانه منه ومتضايقه... عدلت شعرها الكيرلي وفستانها الذهبي ...ورجعت تناظر في الطقم اللي مالبسته وقررت تلبسه لماتوصل للفندق أخذت عباتها وحطتها ع السرير وأخذت شنطتها تدخل فيها أغراضها... رفعت راسها لماسمعت صوت رعد:جهزتي... ناظرت في شنطتها وهي تدخل أغراضها:أيوه خلصت... ناظر رعد في الطقم اللي ع التسريحه جنبها:وهذا ماراح تلبسينه... لميس:باخذه معاي ألبسه هناك.. عرف رعد إنها ماقدرت تسكره وماتبغى تطلب منه... رعد:تعالي أسكره لك.. رفعت عيونها تناظره وماقدرت تقوله له... أخذته وراحت له ...عطته إياه وكانت بتعطيه ظهرها بس ما عطاها فرصه وكأنه عارف حركتها لمالف إيدينه حول عنقها يسكره ... نزلت عيونها بارتباك...وحسته طول وهو يسكره وكأنه متعمد علشان يخليها قربه...وهي ماتبغى تضعف قدامه...ولاهي قادره تتحرك...وعيونه عليها قرب منها وباس جبينها...وهي حبست أنفاسها..وغمضت عيونها لما لصق جبينه بجبينها وماظل يفرق بينهم غير أنفاسهم... حمدت ربها لما دق جوالها وقلبها تحسه بيطلع من مكانه من قوة دقاته... أخذت جوالها بيدها المرتجفه وردت:هلا ريم... رفعت نظراتها للمرايا وماشافت رعد موجود... زفرت وتنهدت وهي تجلس ع طرف سريرها... ريم:آلو..لموس شفيك لميس:مافيني شئ...خلصتوا.. ريم:أيوه وننتظرك.. لميس:اللحين طالعه... سكرت منها وظلت جالسه لثواني تهدي نبضات قلبها ... **************** تأففت بضيق وهي تناظر في الصندل العالي اللي أجبرتها ريم تلبسه... أمس قعدت تدربها كيف تمشي عليه لأنها ماتعودت ولا عمرها لبسته... رفعت طرف فستانها ولبست الصندل...والله خايفه تطيح قدام الناس وتتفشل... بس ريم تبغى تعودها.... مشت فيه وهي رافعه طرف فستانها علشان تسهل حركتها... وكل شوي توقف علشان ماتطيح ...ومانتبهت للعيون اللي تراقبها... تأففت بضيق:الله يسامحك ياريم...دبابه هذي مو صندل... كانت منزله راسها تناظر في خطواتها بحذر.. وهو كان يناظر حركاتها البريئه ووده يضحك ع شكلها...كأنها طفله.. فجأه رفعت راسها لماحست بوجود أحد كانت تظن إنه ريم.. وتفاجأت لماشافت فيصل واقف يراقبها... كانت بتطيح بس فيصل لحق عليها ومسكها... بعدت عنه وهي منحرجه من نفسها...:آسفه... فيصل ضحك:أهم شئ ماتعورتي...من هالدبابه اللي لابستها ع قولتك... إبتسمت وهي تفسخ الصندل :ريم مصره ألبسها... فيصل:عاد من طولها ريم .. دخلت ريم  لصتي...إنهبلت لماشافت الصندل مرمي:مالبستييه... تولين إبتسمت:مابي ألبسه مره عالي... ريم:لاوالله .. تولين ضحكت لاص بلبس بسأقصر منه.... ريم :طيب تعالي نطلع واحد مسكتها وسحبتها معاها... وعيون فيصل عليها ...كان قبل لايشوفها حاله غير لأن زواج أمل اليوم لكن لماشافها نسى كل شئ...حركاتها البريئه وإبتسامتها وضحكتها كل شئ فيها يخليه يبتسم وسط حزنه... **************** * * * * * * * * * * * * **************** |
|
|
|
|
10-09-2011, 04:46 PM
|
#104 |
|
بنوتهــ وافتخر ...~~
|
رد: روايه جرحني وصار معشوقي/ كامله - بدون تحميل جاهزه للقراءة
واقفه قدام المرايا ونظراتها
ع فستانها الأبيض بتصميم فرنسي...وطرحتها البسيطه... تسريحة شعرها ...مكياجها الناعم ...كل شئ فيها نعومه... تنهدت وهي تطرد فيصل عن بالها وتحط قدامها طلال وبس.. لفت للباب اللي إنفتح وإبتسمت لماشافت سميه داخله وخلفها سديم... سميه:كللللللللوووش ألف ألف مبرو و وك أمووله... ضمتها بخفه وهي تقول:الله يبارك فيك... سديم:قولي لها عقبالك علشان تستانس... ضحكت أمل وهي تقول لسميه :عقبالك... ضحكت سميه وهي تقول:آآمين سديم:شفتي إختي ماتستحي مشفوحه ع العرس...والمشكله راكانوه أربع وعشرين ساعه عندنا... سميه:حرام عليك يجي شوي حتى ماتتعدى ساعتين.. سديم:وساعتين شويه...أتوقع بعد لو مايجي يوم بتنجلط إختي ضحكت أمل وسميه ضربت سديم:وجع لاتفاولين إن شاءالله يجي كل يوم.. سديم:والله ع بالي تهاوشني لأني قلت بنتنجلط أثاريها خايفه ع حبيب القلب مايجي... إنفتح الباب وشافوا ريم داخله .. إختفت إبتسامتها لماشافت اللي دخلت خلفها.. سلمت عليها ريم ونظراتها ع اللي واقفه جنبها وإبتسامتها ع وجهها.. ريم:هذي تولين زوجة فيصل.. رمشت بعيونها وهي ترسم إبتسامه ع وجهها..وعقلها يردد توليـــــــن زوجـــــــة فيصـــــــل.. زوجــــــــــــــة فيصـــــــل.. تحس بشئ داخلها يآلمها .. سلمت عليها ورجعت تولين وقفت جنب ريم... بعدها دخلوا عندها البنات يباركون وهي موقادره تشيل عيونها عن تولين...كيف عاد فيصل... طردت الأفكار عن بالها وحاولت تنسى كل شئ.... ** جلسوا حول طاوله ورشا تقول: وينها تولين... دلال ونظراتها تبحث عن لميس:مادري... رشا لمحت ريم تمشي في الممر ومعاها وحده ماعرفتها: مين اللي مع ريم.. دلال:مادري.. دققوا النظر وناظروا بعض بدهشه:توليـــــــن ريم:السلام.. ناظروا فيها مومصدقين إن هذي تولين...:هلا ريم ماكانت تبغى تروح لهم بس تبغى تقهر رشا... سلموا ومشوا تاركينهم... رشا:بنت ال... شفتي كيف شكلها..مستحيل فيصل بيرجع يناظرفيني...وهذي عنده.. دلال:إنتي غبيه كان ماعلقتي ع شكلها المره اللي راحت.. إنقهرت رشا وقالت:مومهم الشكل المهم تصرفاتها.... ناظرت في دلال اللي تناظر في لميس:وإنتي ليه قاعده تراقبين هالميس... دلال:موشغلك.. ** بعد زفـــــــة أمـــــــل وبعد ماجلست .. قاموا البنات بيروحون لها.. تولين مارضت تروح معاهم و فضلت تجلس وتشوفهم من مكانها... تلفتت حولها بحيره ..مستغربه لأنها ماشافت مرام موجوده.. التفتت لماحست بأحد جلس جنبها وشافت رشا تناظرها.. رشا:شفتك جالسه لوحدك قلت أجلس معاكي .. تولين إبتسمت وهي مومرتاحه .. رشا تكمل حكيها:عارفه البنات مايبغون يجلسوا معاك... ناظرت فيها تولين بحيره..إيش قصدها.. وكملت رشا:لأنهم يحبون أمل وأكيد بيوقفون بصفها ومايبغون يضايقونها... وكملت لماشافت نظرات تولين: ليه إنتي موعارفه إن أمل هي اللي يحبها فيصل... إنصدمت تولين وناظرت في أمل مصدومه...معقوله فيصل يحبها... قطع تفكيرها ريم اللي جت لما شافت رشا عندها وأخذتها معاها...وهي موقادره تستوعب اللي سمعته...جا في بالها فيصل وتذكرت تصرفاته الأخيره...ماكان يجلس معاها إلالمايكونوا جالسين مع أهله...سرحانه الكثير... الحزن اللي تحسه في ملامح وجهه...حتى إذا كان في البيت يجلس لوحده وبسرحان.. اللحين عرفت السبب.. ناظرت في أمل...لأن اللي يحبها تزوجت غيره...بس ليه.. إحساس فظيع حست فيه ونظراتها ع أمل...وفيصل في بالها...من تتذكر حبه لأمل...و هـــــــل هـــــــو" غيـــــــره" ... |
|
|
|
|
10-09-2011, 04:47 PM
|
#105 |
|
بنوتهــ وافتخر ...~~
|
رد: روايه جرحني وصار معشوقي/ كامله - بدون تحميل جاهزه للقراءة
***
باركوا لها ورقصوا عندها البنات فرحانين لها... وعيون وحده ع وحده فيهم.. لماشافتها متجهه للدورات المياه لوحدها...سبقتها ودخلت قبلها ورفعت جوالها:هلا رعودي.. وقفت لماسمعت صوت دلال تستوعب الإسم اللي سمعته.. دلال:رعد حبيبي والله عارفه إنك ماتحبها وتحبني..وعارفه إنك تبغى تتزوجني...........أيوه حياتي عارفه إن مو قصدك تتركني لما طحت في المسبح ولحقتها بس علشان ماتشك وقلبك معاي............ههههههه عارفه إنها قطعت علينا أحلى لحظه..............كيفك اللحين..........حبيبي والله أنا بعد إشتقت لك أكثر........بكره....... أوك حبيبي نتقابل في نفس المطعم ع الغداء..... تسندت ع الجدار قبل تطيح وإيدها ع راسها.... مستحيـــــــل...مستحيل رعد يخونها مع دلال...مستحيـــــــل اللحيـــــــن عرفت ليه يدافع عن دلال وراضي بقربها....اللحين عرفت ليه مايعترض ع تصرفات دلال وقربها وليه يدافع عنها...اللحين عرفت سبب صمته لماواجهته... غمضت عيونها وإنسابت دمعتها ع خدها...ألم حاد يعصف في قلبها... إنسحبت من المكان قبل تشوفها دلال... *************** بعد مارجعوا من الزواج... جلست ع الكنبه وهي تشوفه يدخل مكتبه ويسكرالباب... طول الطريق وهي تشوفه ساكت ومكتم مع إن ريم كانت معاهم وتسولف بس كان بصمت ومو ع بعضه...وهي عارفــــــــــــــه ليـــــــش... بس هي ليـــــــه زعلانه ليـــــــه متضايقه...من عرفت إن فيصل يحب... تنهدت بضيق..أنا طول عمري عايشه لوحدي...مو مهتمه في أحد ولا أحد مهتم فيني...ليش اللحين أهتم فيه... هل لأنه أنقذني وطلعني من العذاب اللي كنت عايشته... أو لأني ..لأني..حبــ...يتــ...ـه... أنا عمري ماحبيت أحد ولا أحد حبني...كيف أقول إني حبيته أو عرفته إنه حب....آآه ياربي.. قامت لما أقنعت نفسها إن هذا مو حب...ومستحيل يكون حب.. دخلت الغرفه وأخذت شور وبدلت ونامت... ** رجع راسه ع ورى وغمض عيونه بتنهيده... اليوم شافها عروسه لغيره..ماسكه يد غير... ضم راسه بإيديه وغمض عيونه بقوه يطرد صورتها عن باله ظل في مكتبه ساعه بصمت وهدوء وماتحرك من مكانه... قام وطلع من مكتبه لماعرف إنه مستحيل يخلي اللي صار حلـــــــم... دخل الغرفه وطاحت عيونه عليها... نايمه ع طرف السرير ولوتحركت طاحت منه وكأنها تهرب منه...خصل شعرها الأسود متناثره ع المخده... رموشها الطويله السود تلامس خدها... ماحس بنفسه إنه جلس ع طرف السرير يناظر فيها... أبعد عيونه عنها وقام... *************** فتحت الباب وشافت ريم داخله ووجهها متغير وشكلها متضايقه... جلست جنبها:ريامي شفيك حبيبتي.. ريم بصوت مخنوق:حددوا موعد زواجي... لميس:متى ريم ودمعتها ع خدها:بعد ما نرجع من المزرعه... لميس بدهشه:شنـــــــو بعدمانرجع من المزرعه ... سكتت لميس لماشافت دموع ريم وحاولت تهديها... ريم:كلما أحاول أنسى يذكروني ويقربون وقته...ليه ليه لميس:إهدي حبيبتي خلاص.. إيش نقدر نسوي ماراح نسوي أي شئ..إنتي زوجته سواء قربوا موعد الزواج أو أخروه.. سمعوا صوت باب غرفة رعد ومسحت دموعها ريم بسرعه لماشافته طالع... رعد:أهلين ريمو... قامت تسلم عليه وهي تبتسم وتحاول ماتوضح له إنها كانت تبكي... ريم بابتسامه:إشتقت لكم وقلت أجي أتغدى عندكم.. بس شكلك بتطلع... رعد يعدل غترته:أيوه عندي شغل وبتغدى برى... رفعت راسها تناظرفيه بصدمه ونزلت عيونها لما شافته يرفع عينه لها...وقلبها تحسه يغوص داخل ضلوعها... طلع وقالت ريم بابتسامه:يالله ماتبغين تغديني.. ****************** |
|
|
|
|
10-09-2011, 04:48 PM
|
#106 |
|
بنوتهــ وافتخر ...~~
|
رد: روايه جرحني وصار معشوقي/ كامله - بدون تحميل جاهزه للقراءة
سلمت ع أهلها وجلست جنب
أمها بعد ماطلع أبوها وإخوانها يسلمون ع طلال.... رهف:كيفك أموله.. أمل:الحمدلله تمام إبتسمت لماشافت رنا داخله وضمتها:ألف مبروك أموله... أمل:الله يبارك فيك... جلست وقالت:ساره ماجت أم خالد:توها داقه علي وتقول بتجي... أمل:وإنتي ماعندك نيه تولدي... رهف:تقول الدكتوره الأسبوع هذا ولادتي إن شاءالله... أمل:الله يسهل عليك ويقومك بالسلامه.. رنا:بتسافرون بعد شوي أمل:لاماراح نسافر اليوم بنسافر الجمعه...طلال مشغول الأيام هذي وأجلنا السفر ليوم الجمعه ولأن خالتي بعد مسويه حفله يوم الخميس .. دخلت ساره وضمت أمل تبارك لها وجلست جنبها.. ساره:كيفك وكيف طلول.. إبتسمت أمل لأنها عارفه قصد ساره...وطنشتها... قامت ولبست عباتها لماقال لها رائد إن طلال ينتظرها وهو منغاظ لأنه ماشاف أمل ...فقدها أمس في الليل كانت قبل لماترجع من زواج تحجر عليه ماتبغاه ينام لين تسولف له عن كل شئ في الزواج .... *************** جالسه في الحديقه مع ريم ورنا لمارفعت عيونها وشافت فيصل طالع... من بعد الزواج رجع لعادته أول ماتزوجوا...صار طول الوقت برى البيت...هي ماصدقت يتحسن معاها وصارت تشوفه ويجلس معاها حتى لومع أهله .. ريم:إحم إحم نحن هنا..تراه طلع من زمان.. إنحرجت ونزلت عيونها وقالت: وين لميس... ريم:دقيت عليها وشكلها مشغوله... رنا:بديتي تجهزي لزواجك ريم بضيق:لا رنا:لازم تبدي من اللحين يالله تخلصي لأن الأسبوع الجاي بنطلع للمزرعه.. ريم ضاق صدرها ونفسيتها زفتت لماتذكرت زواجها وروحتهم للمزرعه يعني أكيد بيلزق فيها... رنا:اليوم بعدصلاة العشاء باخذك معاي للسوق.. ريم:لامابي رنا:بتروحين يعني بتروحين ناظرت في تولين:شرايك تولين تجي معانا منها تنبسطي ونتمشى ومنها تتسوقي... تولين:مادري بسأل فيصل ريم:أوك دقي عليه اللحين تولين:دقي عليه إنتي...أنا ماعندي جوال تفاجأو البنات إن ماعندها جوال وإن فيصل ماعطاها... طلعت ريم جوالها ودقت ع رقم فيصل ومدته لتولين اللي خذته بتردد ماكانت عارفه إن ريم بتخليها هي تحاكيه... طول مارد وجاها صوته:هلا ريم تولين إرتبكت لماسمعت صوته :فيصل.. عقد حاجبه باستغراب لأنه ماعرف الصوت وقال:مين معاي تولين:أنا تولين... ناظروا ريم ورنا في بعض...يعني معقوله ماعرف صوتها ريم همست:من كثرمايقابلها ماعرف صوتها... تفاجأ فيصل وتذكر إنه ماجاب لها جوال ..كيف نسى:هلاتولين تولين:كيفك.. فيصل:تمام إنتي كيفك تولين:بخير............. فيصل:بغيت شئ.. تولين:كنت بستأذنك أبغى أروح مع البنات اليوم للسوق.. فيصل طبعا وافق لأنه عارف نفسه إنه مايطلعها من البيت وأكيد البنت كرهت نفسها... *** طلعوا للسوق وتسوقوا وتعشوا ورجعوا.. جلسوا في الصاله عند أم رعد لمادخل فيصل :السلام عليكم جلس جنب تولين ...وقالت تولين له:تعشيت.. تفاجأ من سؤالها وقال:أيوه.. تضايقت لأنها ماتعشت مع البنات علشان تلقى فرصه تجلس معاه ويتعشوا مع بعض... ريم رحمتها لأنها عارفه ماتعشت معاهم ليه.... وإنقهرت من أخوها... قام فيصل وصعد فوق ولحقته تولين... بدل لبسه ورفع جواله لما جاه مسج.. فتحه.. "تولين ماأكلت شئ اليوم علشان تتعشى معاك"... رفع راسه متفاجأ وطلع من الغرفه... شافها جالسه ع الصوفا وسرحانه... دخل الغرفه وأخذ الكيس اللي جايبه معاه وطلع... إنتبهت عليه يجلس جنبها ويطلع شئ من الكيس اللي معاه... مده لها وقال:كان المفروض أجيبه لك من أول زواجنا ... تفاجأت لماشافت الجوال في يده وقالت :بس أنا ماأحتاجه.. فيصل:بتحتاجينه إذا بغيت مني أي شئ وأنا مو موجود ..بدل ما تستخدمي جوال ريم... تولين أخذته منه تناظره:بس أنا ماعرف له.. فيصل:مومشكله أنا أعلمك... إبتسمت وقالت:مشكور... ركزت نظراتها ع الجوال تهرب من نظراته... رفعت راسها لماسمعته يقول :ماتبغين تعشيني... ناظرته باستغراب :إنت قلت إنك تعشيت... فيصل:تقدرين تقولين مو عشا... إبتسمت وقامت... **************** لابسه فستانها الأبيض بكريستالات ملونه يغلب عليها اللون الفوشي... لماألقت نظرة أخيره ع شكلها طلعت من الغرفه وشافته جالس في الصاله وحايس مع أوراقه... تحس بضيق لماتشوفه منشغل عنها بشغله اللي يجيبه حتى في البيت وأول أيام زواجهم.... :طلال.. رفع راسه وناظرفيها:هلا.. أمل:أنا خلصت ..ماراح تجهز ترك الأوراق اللي في يده وهو يطالع ساعته...وقام.. مر من جنبها وهو يبتسم لها .. جلست في الصاله تنتظره ... لين طلع وهو يلبس ساعته.. قامت تلبس عباتها متجهه للباب لمامسكها وهو يهمس:نسيت أقولك إنك قمر.. إبتسمت باحراج وهي تسحب يدها... *************** تأففت وهي تطلع من غرفتها معاها عباتها وهي تسمع صراخ شهد المزعج... نزلت تحت وشافتها واقفه عند الدرج بفستانها الوردي المنفوش والطوق الوردي ع شعرها الناعم... ناظرتها بفجعه:لا ا ا ايكون بتروحين معنا بعد... شهد وإيدها ع خصرها:ماتشوفيني لابسه ياغبيه.. صرخت تنادي إختها:مــــــــــــــي.. طلعت مي من الصاله يرشفيك قالت وهي تأشر ع شهد:بنتك بتروح معانا ليييييييه...بتفشلنا قدام الناس.. مي:إيش أسوي فيها راكبه راسها إلا بتروح..وأنا ماقدر ع لسانها.. شهد مطيره عيونها:وبروووح معك مع راكان بعد... سميه:إنقلعي بس...روحي مع أمك الله يفشلك بتفشلونا مع الناس أول مره نروح لهم وقاشين بزارينكم معكم.. شهد كشرت:والله عاد رايحه رايحه...مالك شغل.. نزلت سديم:شفيكم سميه:تعالي شوفي إختك بتاخذ هالنتفه معاها سديم:من صدقك مي بضيق:إيش أسوي يعني أجلس ماأروح علشانها.. طلعت شهد مطنشتهم واللي في راسها بتسويه... دخلت داليا وسلمت عليهم وقالت التي جهزت لأن ماجد برىينتظر.. سديم تلبس عباتها:أيوه خلصت اللحين جايه... طلعت من البيت وشافت راكان ينتظرها ...فتح لها الباب وركبت التفتت عليه بتحاكيه وشهقت لما شافت اللي جالسه في الخلف بالوسط...ومتكتفه بكل ثقه... سميه ناظرت في راكان:بسم الله ..هذي إيش جابها هنا... ضحك راكان وهو يحرك سيارته يعني ماقدرت عليها... شهد:أنا قلتلك بروح معاك يعني بروح معاك... سميه:يمه منها ..اللي في راسها تسويه... |
|
|
|
|
10-09-2011, 04:48 PM
|
#107 |
|
بنوتهــ وافتخر ...~~
|
رد: روايه جرحني وصار معشوقي/ كامله - بدون تحميل جاهزه للقراءة
****************
ناظرت في إنعكاس صورته ع المرايا وهو محتاس يدور ع شئ... قالت ببراءه:حبيبي إيش تدورعليه.. قال وهو يرفع مخدات السرير: جوالي ماشفتيه.. قالت بابتسامه :لا..وين حطيته وقف وعيونه تدور في الغرفه وإيديه ع خصره:مادري..نسيت وين حطيته.. لفت تطالع فيه وهي تقول:لايكون ناسيه في المستشفى.. سكت وشكله يفكر:لا لا ماعتقد حطت أغراضها في الشنطه وهي تقول:يمكن في السياره أخذت شنطتها:يالله خالد بنتأخر خالتي تنتظرنا تحت.. زفر بضيق وأخذ غترته يلبسها وهو يفكر وين ممكن يكون حاطه... ركبوا في السياره وفتح أدراج السياره يدور عليه... أم خالد:إيش تدور عليه خالد:جوالي مادري وين حطيته أم خالد:طيب دقوا عليه.. رنا:دقيت خالتي بس طلع مقفل .. أم خالد:إمش يمه لانتأخر وإن شاءالله تلاقيه في البيت يعني وين بيكون راح... ****************** ناظرت في لميس اللي جالسه ع طرف السرير وهي تحط مناكير أحمر وقالت:غريبه لموس جيتي تجهزي عندي... لميس:ليه ماتبغيني.. ريم:لاوالله ياشينك بس مستغربه بالعاده تقولين لي أنا أجي.. لميس:أيوه عارفه بس قلت أنا أجي عندك هالمره ... دخلت ريم غرفة ملابسها تجيب صندلها ... ولميس سرحت تفكر هي جت عند ريم علشان تهرب من رعد لأنها ماتبغى تشوفه...بعد اللي عرفته... أحيانا تكذب اللي سمعته...بس لماتتذكر الواقع واللي دايم تشوفه تصدق.... ************** إنبسطت كثير لماشافت البنات حضروا كلهم.... مع إنها إستانست مع سمر وريهام خوات طلال...بس لسى ماتعودت عليهم.... ناظرت في تولين اللي جالسه جنب ريم وساكته... أبعدت نظراتها وإنشغلت تسولف مع البنات.... ** تأففت مقهوره وهي تشوف تولين جالسه وماتحركت من مكانها...حتى ماتقدر توصل لها... التفتت لإختها دلال اللي تناظر ملامح لميس بتشوف أثمر فيها اللي سوته وإلا ....وإنبسطت لما شافتها كل شوي تسرح .... ريم:هههههه والله شهد هذي نكته... داليا:من جد ...أجل إذا شافت راكان يناظر فيك أو يقولك شئ خانقته وقالت أعلم عليكم.. سميه:والله أحرجتني ...وفشلتني عنده... سديم:لاماعليك...هو أصلا عارف طول لسانها... داليا :بنات شرايكم نطلع للحديقه .. قاموا البنات وطلعوا للحديقه الواسعه المزينه...وجلسوا ع الكراسي... سديم:بنات وين تولين وريم سميه قامت:بروح أناديهم.. قامت سميه وراحت تنادي البنات وقابلت سمر اللي جت تجلس معاهم... قامت تولين بتروح للحديقه وفي إيدها كاس عصير ...وعيون رشا الحاقده تراقبها... مدت رجلها بحيث ماحد يشوفها في طريق تولين قاصده تعثر تولين اللي طاحت لماتعثرت برجلها وإنكسر الكاس في إيدها الكل التفت لماسمع صرختها وماانتبهوا لإبتسامة رشا الشمتانه قاصده تفشل تولين:بسم الله ماتشوفين وإنت ماشيه ياكافي ماتعرفين تمشين.. ركضت ريم لتولين وشهقت لما شافت يد تولين تنزف دم ... ريم:بسم الله عليك تولين... كانت تتألم من يدها ودموعها حابستها ...ساعدتها ريم وريهام وقوموها ودخلوها للمجلس.. وريهام تحاول توقف النزيف... وريم من فجعها ما تدري إيش تسوي .. أخذت جوالها وهي تشوف وحده من البنات دخلت ... ودقت ع فيصل... ** وقفت سميه:شنو...وينها اللحين لمياء:دخلوها البنات للمجلس وريم دقت ع فيصل ياخذها للمستشفى لأن يدها تنزف.. قاموا البنات يشوفونها.. بس مالقوها لأنها طلعت مع ريم لفيصل بعد مالفت يدها... *** مسك يدها يشوف جرحها وعاقد حاجبه .. وهي تتألم وحابسه دموعها من ألم يدها وفشيلتها قدام الناس... فيصل:كيف طحتي... ماردت عليه لأنها لوبتتكلم بتبكي وزياده ع كذا خايفه يخانقها ..لأنها فشلته..لأنها زوجته ... رفع راسها وعيونه بعيونها الدامعه:تولين... نزلت دمعتها ومسحها بأصبعه لاص لاتبكين...قام لمادخل الدكتور يعالج يدها ووقف بعيد جنب ريم اللي ساكته وراحمتها لأنهاعارفه إحساسها... *** ركبت في السياره مع فيصل وهي سرحانه إنصدمت لماسمعت إن رعد سافر فجأه.. ناظرت في جوالها...حتى ماقال لها بمسج... قررت ماتروح لبيتها وتجلس عند ريم اللي أصرت عليها تجلس عندها... طلعت من غرفة التبديل وشافت لميس جالسه ع طرف السرير وتناظر في جوالها اللي ع الكومدينه... وقفت عن تسريحتها تفتح الدرج بتاخذ الكريم وهي تقول:شفيك تنتظرين مكالمه... أبعدت نظراتها وهي تقوم:لا... ريم:رعد إتصل... لميس وهي تاخذ ملابسها:لا... عرفت إنها متضايقه علشان كذا تأففت ..يعني إلى متى تلاحق إخوانها ...وتحل مشاكلهم... ناظرت نفسها في المرايا...:وأنا مين يحل مشكلتي... ***************** جالسه ع كرسي التسريحه تمشط شعرها وعيونها ع خالد اللي واقف يفكر وين حاط جواله لأنه دوره بكل مكان وما لقاه... جلس ع طرف السرير بعد ما إقتنع إنه أكيد ناسيه ع مكتبه في المستشفى وإلاوين راح يكون إذا كان دوره بكل مكان ومالقاه... إبتسمت وهي تقوم :إلا حبيبي أخذت إجازه علشان نروح للمزرعه لأن عمي مصر نروح كلنا... خالد:أيوه... فتحت دولابها وطلعت علبه حمرا مغلفه بشريطه فضيه.. جلست جنبه ومدتها له:تفضل... إبتسم لما شاف الهديه وأخذها:المفروض أنا اللي أهديك حبيبتي... إبتسمت وهي تشوفه يفتحها وهي كاتمه ضحكتها ع شكله لماشاف جواله .. رفع نظراته لها وقال:إنتي ماتتوبين أبدا.. ضحكت لماسحبها له..وهو يقول:إيش أسوي فيك اللحين.. طيحتي قلبي ع بالي طاح مني وفيه أرقام مهمه.. قالت وهي تضحك:بسم الله ع قلبك..وبعدين أنا كنت ماراح أعطيك إياه إلا بعد يومين بس كسرت خاطري.. خالد:بعـــــــد... رنا ضحكت:علشان تحرم ترميه ع الأرض بكل مكان ..وكنت بدعسه بس الحمدلله إنتبهت له وإلا كان ضاعت الأرقام صدق .. إبتسم خالد وعيونه تتأملها بحب ذابت الحواجز بينه وبينها..وحبه لها كل يوم يكبر...ويكتشف فيها شئ جديد...والأهم شقاوتها وعفويتها اللي دافنتها بغرورها... ويتمنى إن الله يخليها له ولايحرمه منها ويحبها دووم... **************** ناظر في خاله بصدمه... ملكته ع مرام الأسبوع الجاي بهالسرعه.... مستحيــــــــــــــل... ناظر في مرام اللي تناظره بتحدي ... وعرف إنها اللي دبرت لكل شئ... حاول يلغيها بتحججه بشغله و سفره...بس ماقدر مامشت ع خاله وعنده حل لكل شئ... قبض ع إيده بقوه بقهر... **************** دخل للبيت وهو يحاكي رعد في الجوال... وقف لماشافها في الحديقه واقفه عند حوض الورد عليها فستان أبيض نعوم وخصلات شعرها يحركها الهواء.... سكر جواله وعيونه عليها..الأيام اللي راحت إنشغل كثير ولاشافها حتى هي ماكانت تشتكي... قرب منها وهي إنتبهت لوجوده وإبتسمت:هلا فيصل... بادلها الإبتسامه:أهلين...أشوفك في الحديقه ...وينها ريم... تولين:ريم نايمه وخالتي طالعه.. يعني جالسه لوحدها ..يعني كانت تجلس لوحدها لماريم تكون نايمه أو طالعه للسوق تجهز...لوحدها وعمرها ماشتكت...وعمره مافكر يجلس معاها....ويتهرب منها... تولين قالت لماشافته طول يناظر فيها:شفيك... إبتسم وقال:سلامتك...أتأمل زوجتي......إشتقت لها.. لفت وجهها لحوض الورد وهي تبتسم باحراج... التفتت تناظره لماحست بيده تمسك يدها اللي ملفوفه بشاش يناظر فيها:كيفها يدك .. تولين:الحمدلله ماتآلمني... عمره ماسألها عن يدها قبل معقوله متحملته هالقد... تعلقت عيونه بعيونها ..وشاف فيها وحس باللي كان يهرب منه وخايف منه....الحـــــــب... قطف ورده بيضا من الحوض وقرب منها ودخلها في شعرها ... إبتسمت وأناملها تلامس الورده.. إختفت إبتسامتها لماحست بأصابع يده تتخل شعرها وبدى قلبها ينبض بقوه وإختفى فيصل من قدامها وحل مكانه ريان وأصابع ريان..حتى عطر ريان أبعد يده لماشاف عيونها اللي توسعت بخوف ورجوعها خلفها .. |
|
|
|
|
10-09-2011, 05:11 PM
|
#108 |
|
بنوتهــ وافتخر ...~~
|
رد: روايه جرحني وصار معشوقي/ كامله - بدون تحميل جاهزه للقراءة
فيصل:تولين شفيك..
غمضت عيونها وفتحتها لماإختفى ريان من قدامها... قالت وهي تحاول تضبط أنفاسها:مـ مافيني شئ ..أنا بدخل داخل... مشت بتدخل ووقفها فيصل اللي قال وحيرته تزيد من تصرفاتها:لبسي عباتك بنروح لأهلك.. تولين:مـابي.. فيصل:لازم نروح اليوم لأن بكره بنروح المزرعه وبنطول راحت متردده ولبست عباتها وطلعت معاه... أول ماوصلوا ظلت جالسه ما نزلت :ماراح تنزل معاي... فيصل:لا بروح مشوار دقيقه وراجع ماراح أطول... ترددت مانزلت وهو يناظرها.. :ماراح أطول.. نزلت ودخلت البيت... وقفت في الحديقه وتحس بخوف موطبيعي وموعارفه ليش... :ياهلا والله بالغزال.. تجمدت حواسها لماسمعت الصوت ...وزادت دقات قلبها... التفتت بسرعه لماحست بيد ع كتفها تتخل شعرها..وشهقت وعيونها توسعت برعب:ريــــــــــــــان.... إبتسم وعيونها تآكلها:ياعيون ريان ..إشتقت لك ياعسل.. بعدت يده اللي نزعت عباتها بصرخه لمادفعها ع الجدار وأنفاسه الكريهه تحاوطها... ريان ماحس بنفسه إلا طاير في الهوا وظهره ضرب في الجدار بقوه حس عظام ظهر تكسرت وماستوعب العيون السود اللي تقدح نار ..إلا باللكمات اللي تسدد في وجهه بوحشيه ... قدر بصعوبه يفلت من يدين فيصل ويهرب... فيصل اللي كسرت خاطره تولين وماقدر يتركها و نزل علشانها... حمد ربه مليون مره ...لأنه رجع وجن جنونه لماشاف ريان ولد عمتها يتحرش فيها... التفت لتولين اللي كانت تبكي بقوه وترتجف .. راح لها وإنصدم لما بدت تصارخ وتضربه:إبعـــــــد عنـــــــي... ريـــــــان إتركنـــــــي...إتركنـــــــي... حاول يسيطر ع إنهياره ويمسك يديها :تولين إهدي أنا فيصل أنا فيصل... أبعد شعرها عن وجهها وإيده الثانيه ع خدها يبغاها تناظر فيه: تولين طالعي فيني...طالعي فيني...أنا فيصل فيصل مو ريان شهقت ودموعها تنزل وهي تناظر فيه وإيدها ماسكه ذراعه.. ضمته بقوه وبكاها يزيد ... رفع راسه لما شاف الخدامه قدامه وبعيون دامعه راحمه تولين..وقالت له مايجيب تولين هنا لأن هذي مو أول مره يحاول فيها ريان يعتدي عليها والحمدلله ماقدر عليها.. صدمته كانت كبيره وهو يحضن تولين...يعني هذا سبب خوفها وهروبها منه...ريـــــــان...ريان النذل...شبت النار في جوفه وهو يتوعده... معقوله أهلها ساكتين ..معقوله كانت حياتها بهالشكل لدرجة أبوها فاتح بيته لعيال أخته ومادرى عن بنته أو يمكن عارف ومطنش... أخذها معاه وهو مصمم ماتدخل تولين هالبيت...وريان حسابه معاه... ** غطاها زين لمانامت بصعوبه وعيونه تتأملها.. معقوله هالبراءه هذي كلها يصير فيها كذا... غمض عيونه بقوه...لو صار فيها شئ...إيش ممكن يصير فيه.. فتح عيونه لمادق جواله ورد بسرعه وهو يطلع من الغرفه... ضغط ع جواله بقوه وبعصبيه:سافـــــر.....الحيوان...وإنتوا ليه ماوصلتوله قبل يسافر...إيش كنتوا تسوون .......إنقلع .. رمى جواله ع الكنبه بقوه...متى أمداه يسافر بهالسرعه...الحيوان *************** دخلت بيت رعد مبسوطه لغرفة لميس وفتحت الباب لقت لميس تسكر شنطتها:يالله لمووس تأخرنا البنات ينتظرونا... لميس وهي تطلع عبايتها:زين هذاني خلصت.. ريم بفرحه:وناسه أول مره نروح للمزرعه مع بعض ..إحنا البنات في سياره وحده....ونا ا ا اسه... ضحكت لميس وهي تاخذ شنطتها وطلعوا ... تفاجأو برعد داخل البيت والخدامه معاها شنطته... ريم:أهلين رعد..الحمدلله ع السلامه... رعد:الله يسلمك... لميس مقهوره منه...طنشته وماسلمت عليه...قالت له:أنا بروح مع البنات... طلعت مطنشته وريم ماتلومها ويستاهل أخوها... ************ راحوا بيت عمهم لأن البنات مجتمعين هناك... سلموا ع بعض وركبوا السياره "صالون...جمس".. أما ريم ولميس دخلوا علشان يسلمون ع عمهم... ريم:بروح أشوف أمل...تقول سديم إنها جايه..وبغرفتها..تاخذ أغراضها اللي تبغاها... لميس:ماتستغنى عن أغراضها القديمه....روحي وأنا بنتظر عمي ينزل بس بسرعه... صعدت ريم فوق وظلت لميس واقفه في الصاله...تحاول تبعد رعد عن تفكيرها.... إنتبهت لرنا اللي لماشافتها ماسلمت عليها تناظرها ببرود... جت الخدامه:مدام رنا... رنا إستغربت لماشافت الظرف الكبير اللي مدته لها الخدامه:هزا مان برى في إعطي أنا هزا ..يقول هق بابا خالد... خذته منها لاص أنا أعطيهإياه...روحي... غصب عنها إيديها فتحت وطلعت اللي داخله.. توسعت عيونها بصدمه لماشافت صورها مع بندر.. طاحت من يدها لماسمعت صوت خالد...اللي وقف قلبها... تحركت بسرعه لميس اللي إنصدمت لماشافت الصور وجمعتهاكلها وخبتها ورى ظهرها وتغطت لمادخل خالد... خالد:السلام عليكم...كيفك بنت العم.. لميس بشكل طبيعي:هـ هلا خالد..الحمدلله إنت كيفك.. خالد:بخير الله يسلمك... ناظر في رنامستغرب:شفيك حبيبتي.. رنا بارتباك :مـ مافيني شـ شئ خالد إبتسم:ماراح تغيرين رايك وتروحين معاي.. لميس قالت بسرعه قبل تفضحهم رنا:لا خالد خلها تروح معانا ..البنات كلهم بيجتمعون.. خالد:أوك... طلع لماسمع صوت رائد يناديه ورنا مومصدقه إن خالد ماعرف شئ وإن الصور ماوصلت له...قبلها...لكن... التفتت تناظر في لميس بصدمه ... *************** |
|
|
|
|
10-09-2011, 05:11 PM
|
#109 |
|
بنوتهــ وافتخر ...~~
|
رد: روايه جرحني وصار معشوقي/ كامله - بدون تحميل جاهزه للقراءة
راحوا بيت عمهم لأن البنات مجتمعين هناك...
سلموا ع بعض وركبوا السياره "صالون...جمس".. أما ريم ولميس دخلوا علشان يسلمون ع عمهم... ريم:بروح أشوف أمل...تقول سديم إنها جايه..وبغرفتها..تاخذ أغراضها اللي تبغاها... لميس:ماتستغنى عن أغراضها القديمه....روحي وأنا بنتظر عمي ينزل بس بسرعه... صعدت ريم فوق وظلت لميس واقفه في الصاله...تحاول تبعد رعد عن تفكيرها.... إنتبهت لرنا اللي لماشافتها ماسلمت عليها تناظرها ببرود... جت الخدامه:مدام رنا... رنا إستغربت لماشافت الظرف الكبير اللي مدته لها الخدامه:هزا مان برى في إعطي أنا هزا ..يقول هق بابا خالد... خذته منها لاص أنا أعطيهإياه...روحي... غصب عنها إيديها فتحت وطلعت اللي داخله.. توسعت عيونها بصدمه لماشافت صورها مع بندر.. طاحت من يدها لماسمعت صوت خالد...اللي وقف قلبها... تحركت بسرعه لميس اللي إنصدمت لماشافت الصور وجمعتهاكلها وخبتها ورى ظهرها وتغطت لمادخل خالد... خالد:السلام عليكم...كيفك بنت العم.. لميس بشكل طبيعي:هـ هلا خالد..الحمدلله إنت كيفك.. خالد:بخير الله يسلمك... ناظر في رنامستغرب:شفيك حبيبتي.. رنا بارتباك :مـ مافيني شـ شئ خالد إبتسم:ماراح تغيرين رايك وتروحين معاي.. لميس قالت بسرعه قبل تفضحهم رنا:لا خالد خلها تروح معانا ..البنات كلهم بيجتمعون.. خالد:أوك... طلع لماسمع صوت رائد يناديه ورنا مومصدقه إن خالد ماعرف شئ وإن الصور ماوصلت له...قبلها...لكن... التفتت تناظر في لميس بصدمه ... *************** نزلت عيونها للصور بهدوء وقالت:أنا بحرقهم.. وتوجهت للمطبخ تاركه رنا واقفه بجمود وعيونها مثبته ع باب المطبخ... لميس أنقذتها ..أنقذتها من اللي راح يصير لها لوخالد شاف الصور ..بتخسره..وتخسر حبه.. بتخسر كل شئ حتى حياتها.. لكن لميس أنقذتها وسترت عليها .. لميس بنت عمها اللي تبرأت منها وضايقتها بحياتها حتى شرفها طعنت فيه وهي حتى ماتعرف الحقيقه...حسدها من مميزات لميس اللي تفوقها بكل شئ وغرورها أعمى عيونها... كان ممكن لميس تنتقم من هذا كله وتتركها تنفضح...كان الفرصه قدامها لكنها أخفت الصور ولافضحتها ...ليـــــه... دخلت المطبخ وشافتها واقفه قدام حوض الغسيل ..وتناظر في الصور اللي أكلتها النار... رنا:ليه... ناظرتها لميس وقالت:لأنك بنت عمي... وطلعت من المطبخ تاركه رنا واقفه بصدمه وندم... *** طلعت من المطبخ وشافت عمها نازل من الدرج اللي إبتسم لماشافها وسلمت عليه .. سلمت ع أمل اللي مقهوره لأنها ماتقدر تروح معاهم لأن طيارتهم بعد ساعتين ..وطلعت.. طلعت معاه برى بعد ماتغطت لماسمعت أصوات الشباب... شافت البنات كلهم راكبين جوا السياره وراحت لهم وقبل توصل للسيارة..سمعت صوت سميه وريم يتخانقون ع المكان اللي جنب الشباك.. قالت سديم:لا إنتي ولا هي لميس تجلس فيه.. جلست لميس جنب الباب وجنبها ريم وبعدها تولين وجنبها سديم ..وبالخلف جلست لمياء و سميه..وساره..وداليا لفت لميس وجهها للشباك يناظرون في الشباب اللي واقفين يسولفون وطاحت نظراتها ع رعد اللي جاي من بعيد..لابس بنطلون أسود وقميص أسود فاتح أزاريره الثنين ونظاراته السود ع شعره وماسك جواله بإيده ومفتاح سيارته وخلفه واحد من الحرس شايل شنطته وشنطة اللاب توب .. قال رائد لماشافه بصوت عالي: the black man وصل ضحكوا الشباب وقال رائد وهو يشوف رعد يسلم ع الشباب: ماأشوفه إلا لابس أسود جابلي الكآبه موكفايه علي سميه.. شهقت سميه اللي سمعته:حمار وقالت سديم:الله يفضح إبليسه همست لمياء لساره بصوت واطي:شوفيه يجنن ولد اللذ...آآه لكزتها ساره يعني إسكتي وهي تقول:إنطمي وإستحي زوجته معانا لاتسمعك.. لمياء:ماقلت شئ غلط... ساره:ولو إنطمي وغضي بصرك .. لمياء بتريقه:علشانك متزوجه يعني تقولي غضي بصرك ساره:لاحبيبتي المتزوجه واللي ماتزوجت كلهم سواء(وقل للمؤمنت يغضضن من أبصارهن).. زفرت سديم بقوه وهي تتأفف:أففف اللحين متى يتحركون ذولا بنموت من الحر.. سميه:إكشفي ماحد شايفك.. السياره مظلله.. كشفت وجهها وطاحت عيونها بعيون رائد اللي واقف يحكي مع ماجد..وحست بقشعريره بجسمها ورجعت تغطت... وهي تلف وجهها للجهه الثانيه.. رفعت عيونها عن شنطتها وتعلقت بعيونه السود واقف يحكي في جواله..لابس بنطلون جينز وقميص بيج .. حست بشعور غريب يسري بجسدها وهي تتذكر اللي صار لماراحت بيت أهلها.. غمضت عيونهابقوه لماتذكرت اللي صار...حضنه الدافي لما إحتواها..وحسسها بالأمان وإن ريان لايمكن يقرب لها وفيصل معاها... ماكانت تبغاه يعرف إن ريان كان يحاول يضيعها...ماتبغاه يكرهها أو يشيل فكره عنها.. فتحت عيونها لماسمعت أصوات البنات وهم يشوفون الشباب يتناقشون من اللي راح يسوق الجمس.. شافوا رائد أخذ مفتاح الجمس وإبتسامته شاقه وجهه من الفرحه... صرخت داخلها سديم لماشافته متجه للسياره...لا ا ا ا ا ا ا ا ا ا لاياربي ..مو را ا ا ائد...إيش بسوي اللحين...أنزل..أنزل...بنت عيب إيش تنزلين علشان يشكون بشئ....إييييش يشكون أنا إيش قاعده أقول...خلا ا اص |
|
|
|
|
10-09-2011, 05:12 PM
|
#110 |
|
بنوتهــ وافتخر ...~~
|
رد: روايه جرحني وصار معشوقي/ كامله - بدون تحميل جاهزه للقراءة
..
حبست أنفاسها لماشافته يجلس في مكانه وهو يعدل كابه الأسود...وهويقول:السسسلام عليكم...كيفكم بنات... ردوا البنات بصوت واطي ... وشافوا فيصل ركب جنبه...وسيارة فيصل أخذها واحد من رجاله ..... أما بقية الشباب ركبوا مع رعد اللي ناظر في فيصل بنظره غريبه ونقل بصره للخلف...ثم أبعد عيونه وكأنه موعاجبه الوضع.. .. وطبعالميس لاحظت نظرته اللي آلمتها... وأبورعد مع أم رعد وركبت معاهم رنا..لأن خالد مع رعد... حركوا السيارات وطلعوا من القصر ولاقوا السيارات الثانيه... *************** عدل جلسته وإنتبه لها لأنها جالسه خلف رائد.. مسنده راسها ع الشباك.. لف وجهه لقدام وهو يطلع جواله من جيب بنطلونه ويكتب مسج... رفعت راسها لماحست بجوالها يهتز لأنها حاطته ع الصامت وفتحت المسج... رفعت راسها لماقرته تناظر فيه لقته يطالع قدامه وجواله بيده.. بعدت نظراتها لجوالها تناظر فيه وإبتسمت بحزن...للحين مهتم فيها حتى بعد ماعرف عن حياتها واللي صار لها وماكرهها.. فتح جواله لما جاله مسج منها .."أنا بخير ....." :إحم إحم... رفع راسه لرائد اللي يناظره بتسليه وهو يحط جواله ير..رائد بتسليه:ياخي كان رحت بسيارتك أريح لك... كبح إبتسامته وعطاه نظره .. بسم الله كيف إنتبه... ضحك رائد وهو يرفع عيونه للمرايه وتعلقت بعيونها .. مانتبهت ع نفسها لأنها كانت سرحانه فيه لماسمعت صوته إنتبهت وسحبت الغطا ع عيونها وهي تلف وجهها لريم .. وهي تسب نفسها ع غبائها.. اللحين إيش بيقول...أففف عاد هو لله شايف نفسه... أححح ..غمضت عيونها لماحست بضربه ع راسها من الخلف ..ولفت وجهها للخلف شافت سميه اللي قربت وهمست:ماتحبينه ها.. فتحت عيونها بوسعها هذي كيف إنتبهت...الدبه.. التفتت لماحست بالسياره تهدي عند المحطه.. فتح رائد الباب وقال:تبغون شئ بنات.. ماحد رد عليه ..رفع حاجبه وقال:ترى فيصل متزوج وزوجته موجوده يعني ماراح يعطيكم وجه... إبتسم فيصل ونزل من السياره كل البنات تشاوروا إيش يبغون إلا سديم ساكته ومو لمهم.. رائد :بس ماتبغوون شئ ثاني... فيه ناس يبغون شئ.. كان يقصد سديم اللي إنقهرت والبنات يقولون له لا وهو متجمد مكانه إلا يبغاها تحكي... وسديم عصبت ووضح عليها... شهقت لما جتها ضربه ع راسها من سميه وهي تقول:قولي إيش تبغين خلصينا... ضحكوا البنات اللي عرفوا قصدها ... سديم همست بعصبيه:وجع مابغى شئ... سمعها رائد وقال:فكري.. البنات ماسكين ضحكتهم ع رائد اللي لسى واقف... حس بأحد مسكه من تيشيرته بقوه وسحبه ع ورى :تعا ا ا ا ا ا ال إنت..أشوف حلت لك الوقفه.. عدل تيشيرته بضيق:وإنت شــ.. شهق لماشاف الأكياس اللي في يد فيصل:ليـــــه.. مشى فيصل :لوبخليك مامشينا إلا الليل.. كشر بضيق:دب.. ركب السياره وهو يسمع ضحك البنات.. ناظر في فيصل بغيظ وفيصل إبتسم وهي يعطي ريم الأكياس لأنها أقرب... همست سديم:أححسن... *********** رشا جلست:ليـــــه... دلال كشرت:عبودوه مارضى.. رشا:قهر ليه...البنات كلهم راحوا في سياره وحده..وإحنا نروح لوحدنا.. دلال سكرت شنطتها:عاد اللي ميتين علينا..مالت عليهم.. رشا:ولو.. دلال رفعت راسها:بس ها هذي فرصتك وفيصل بيصير قدامك أربع وعشرين ساعه.. رشا إبتسمت:عارفه.. دخلت أم عبدالله:دقيتي ع أخوك دلال:أيوه دقيت..وشكل بعد مو صاحي...يعني يالله نمشي العصر... تأففت أم عبدالله وطلعت.. رشا:وهذا للحين ماترك السم اللي يشربه.. دلال:لا..أحسن خلي ريم تبتلش فيه... ************ لفت وجهها للشباك لماتذكرت اللي صار...وقلبها يدق بقوه من الرعب...لوخالد شاف الصور.. غمضت عيونها بقهر...توها تفكر في سمعة أهلها... بس مين اللي أرسل الصور معقوله بندر ...بس هي سمعت إن رعد بلغ عنه الشرطه بتهمه ماتدري إيش بالضبط..بعد ماسافر ..علشان يمنعه يرجع لأنه لو رجع بتقبض عليه الشرطه وينسجن... بس أكيد موصعبه عليه يرسل أحد يعرفه...النـــــذل.. بس اللي صدمها أكثر تصرف لميس معاها... عمرها ماتوقعت إن لميس تسوي اللي سوته لها... بعد ماكانت تسعى تخرب حياتها... إنتبهت ع صوت أبوها يحاكيها وإنقطعت أفكارها... ************* |
|
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
المواضيع المتشابهه للموضوع روايه جرحني وصار معشوقي/ كامله - بدون تحميل جاهزه للقراءة:
|
||||
| الموضوع | كاتب الموضوع | المنتدى | مشاركات | آخر مشاركة |
| فيلم المشبوه نسخه كامله بدون حذف مشاهدة مباشرة اونلاين + تحميل مباشر | fatmarabee | قسم الأرشيف والمواضيع المحذوفة | 3 | 03-19-2011 11:47 AM |
| ريما و نواف روايه جنان (لا تطوفكم ) | مهستر والله يستر | قسم الأدب العربي و العالمي | 166 | 11-28-2010 11:51 AM |
| أطلب منكم كيفية تحميل pdf وهو للقراءة فقط | العاشق 2005 | أرشيف قسم البرامج | 0 | 10-25-2008 10:10 PM |
| طلب لعبه prince of persia the two throns كامله بدون اى حذف | العاشق 2005 | قسم الأرشيف والمواضيع المحذوفة | 0 | 09-24-2008 06:21 PM |
الساعة الآن 06:43 AM.
Powered by vBulletin® Copyright ©2000 - 2024, Jelsoft Enterprises Ltd.
كُل ما يُكتب أو يُنشر في منتديات العاشق يُمثل وجهة نظر الكاتب والناشر فحسب، ولا يمثل وجهه نظر الإدارة
rel="nofollow" 