مشكله في الهاردسك

السلام عليكم ورحمة الله وبركاته

عندي مشكله في الهاردسك

نوعه WD

شوفوا انا اسجل اشياء من التلفزيون على الهادرسك طبعا يتم التسجيل عن طريق الرسيفر

وكان شغال يشتغل من لابتوبي واقدر افتحوا واتابعوا في التلفزيون

دحين المشكله انو عندي ملف كان شغال تمام ولاف اي مشكله و فجأه ظهرت لي هده الصوره




)) اخدت الصوره من هنا ((


حاولت فيه لكن رافض انو يفتح او ينحدف من الجهاز وجربت الهاردسك على جهاز تاني

ففتح الملف لكن كان فارغ ولما رجعت جهازي فتح معايا وكمان فاضي

فقدرت اني احدفه
وانا بدور عندكم هنا لقيت الطريقه هده لاحد الاخوه

http://www.3asq.tv/showpost.php?p=4700919&postcount=19

هل اجرب هده الطريقه حتى بعد ما حدفت الملف وهو فارغ

بصراحه جهازي تقيل شويه


********

وعندي مشكله كمان واسفه على ازعاجكم

بعد البرامج اللي اسجلها من الرسيفر

كنت اقدر اشغله واتابعه مره تانيه

لكن دحين ادا فتحته اشوف اسماء البرامج قدامي لكن يرفض انه يشتغل

لكن على الاب توب يشغل تمام

فإيش السبب

ان شاء الله اكون قدرت اوصف المشكله بطريقه واضحه وشكرا لكم