شردنــــــــــــــــــــــــــــي !!

محتاجك كبل موهسه وكتك فات

كبل سنين جيتك جنت اتانيهه

انا ماصدكت تنطبك عيني شلون

ارد افتح جفنهه وكوه اصحيهه

غض عيونك و شردني خل ارتاح

وانه عيوني عــنك راح الهيهه

واحلفلي شبه حتى اقتنع غلطان

كفارة اليحلف تالي ينطيـــــهه

وبعد لاتلتفت للموتى اليمرون ؟

اذا لاكتك روح بدون راعيهه

من اكلك رايح ابرد حتى اظل زعلان

احزن بس حسرتك عني تخفيه

ولاتقره شعريمي ولو لحظات

سمعني سوالف وزن مابيهـــــــــــه

رد لذكرياتي وسد عليك الباب

والاسوار البطولك راح اعليهــــــه

ادمن علنفس بس مره اذا جريت

نفسي ومن هوه اسمك ريتي امليهه

طفيتك جمر كوه بطلاع الروح

من الدخان سوده الدمعه الابجيهــه

حبني لوحدك كون انه مو وياك

وادوار الضحيه لغيري خليهــــــه

خضت التجربه وضكت االخساره شلون

مره شما خطتهه وردت احليهه

بالقدره كدرت انسه سهل ذكراك!

احذرمن صورك خاف احاجيهه

انه مثل الخرز عندي الجروح انواع

كل واحد بحاله وميزه يحويهـــــــه

حمل بس الثكل مرات هم مطلوب

اليطير الكواغد خفت البيهــــــــه

حبني براحتك جنك تزور كبور

مااملك دموع كبالك ابجيهــــــــه

تدري من الغصن كل الطيوراتطير

اذا بس مره وحده الجيله تخطيهــه

حبني بلاسبب وبدون كل غايات

هيج بلامقابل لله سويهـــــــــه

موكل الزرع مسموح الك تحويه

أي فلاح اساله الورده يحويهه

يالبروحك قفص ضجة بلابل بي

انه روحي العناكب عشعشة بيهه

اريد ادخل كلب ماالكه بي تمثال

واسال علحضــاره ويمته بانيهه

ماريد اليضحي بروحه بس احتاج

نص التضحيات الجنت اضحيهه