اذا ذكروك هسة اكلهم مـــــــــــــــــــات

ما اكدر اضل عايش حزين وياك
وانت بغير عالم واني هايم بيك
مامجبور اموتن واشتعل وانهار
ولا مجبور احير بعيدك شانطيك
نسيتك من شفت بيك الكباحه اشكال
من شفتك تحب وتساند الياذيك
جنت مثل الدرع واكف اصد الناس
واطك بوجه اليحاول يمس طاريك
ومن انه اتعبت انت ادفعتني بساع
شلونك ماكلتلي ولا كلتلي شبيك
رحت بكل صلافه تعانك الباعوك
وبيديهم تخلي كبالي ذني ايديك
مريض انت صدك راجع طبيب ارجوك
مجنون انت كلش ماجنت ادريك
ما اشكيك ابد لا والله ما اشكيك
وما اخليك ابد نص كلبي ما اخليك
روح اركض وره العافوك يامسكين
يا مــــمــــروض يا مدمن عله الحلوين
روح انت مثلهم ضايع وجذاب
وهم عندك مثلهم للأسف وجهين
اريد احجي واريد ارتاح من الليل
وشيفيد الحجي ويه الغدو ميتين
مثل اطرش كعد بالزفه انت اليوم
ورغم صغرك اضن عمرك صبح تسعين
مرحوم انت ميت عندي من اشهور
وكل شهر اني احسبه براسي عشر سنين
واذا ذكروك هسه كبالي اكلهم ماااااااااات
اقرو الفاتحه ونقراهه الك مرتين

سنــــــــــــــدريــــــــــلا
اســـــــــــــــــير الـــــــــــــــــروح