بقلبي انتي وفي مخيلتي تعيش

اليوم
مشـــيت تحــــت المطـــــــر
^^
جنت أتمنى لو امشي لأطول وكت ممكن
..
احس اكو شي يجمعني مع المطر
.
المطر
يضفي جو روماسي غريب

المطر هو الهدوء
هو الصفاء
مادري احب المطر..
بس مطر العـــراق يختلف !!
لحد هسا أتذكر ريحة التراب من بعد متمطر الدنيا ..اكو ريحة معينة
تحسسك و كأنه الكون دينخلق مرة ثانية !!
و لحد هسا اتذكر ريحة اشجار البرتقال
و القدح الي يملا الأرض ....

هنا ماكو اشجار برتقال و لا شي مجرد اشجار تزين المكان
من دون متعطينا ريحة حلوة نبدا بيها صباحنا !!
اشجار العراق تعطي الكثير و الكثير و الكثير و الكثير
هي ظلنا بالصيف و هي دوانا بالشتا
و هي العطر الي يتعطر بيه الجو ....
.
.
صباحي بالعراق يختلف
لحد هسا اتذكر من جنت امشي للدوام
و ريحة الخبز الفريش الطالع من الأفران تملا المكان
و ريحة القهوة من مطبخنا تبقى تلحقني لحد مأصل باب المدرسة
و صوت الاستكانات و الصحون الي تتنقل بالمطابخ من الصبح
و لحد هسا اتذكر الأطفال من يروحون يجيبون القيمر و العسل من الصبح
..
اما الصباح هنا
جامد .. بارد .. مظلم .. ( غائم !!!! ) ...
الكل مستعجل الكل ديهرب

و لهذا اعتقد الانجليز حياتهم الي ديعيشوها مو حياة !! شنو هي الحياة و وينها...؟

كل شي ببلادنا اله نكهة
كل شي اله قدسية
كل شي اله وقت !!!!

..
هنا الوقت ضايع و كل شي ضايع ... !

كثير حلوه كلماتك ياغاليه

واحساس المطر رائع حقا وبحد ذاته

شعور رائع وجميل

دام قلمك الزاخر

تسلم الايادي على الطرح الرائع
تحياتي