12-09-2015, 09:31 PM
|
#2
|
|
__بعثرهہ♪'
رقـم العضويــة: 353544
تاريخ التسجيل: Dec 2015
العـــــــــــمــر: 24
الجنس:
 المشـــاركـات: 3
نقـــاط الخبـرة: 11
|
رد: . . . ضمنيـےً مآبين ، قلبكـ و العيون ♥
البآرت الأول:
....:ماما جواهر بسج من من رديتي من السكول وانتي تذاكرين
جواهر:باجرعندي امتحان رياضيات
......: سهل ولا؟
جواهر: هيه بس
" جواهر جميلةة لون عيونها عسليات , تحب شي اسمةة دراسة عمرها 15 اول ثانوي. "
......: لابس ولاشي بندي الكتاب وسير كلي , بيأذن العشاء وانتي بعدج ع حالج
جواهر: مهور بلييز
" مهرةة جميلة لون عيونها بنيات شعرها يوصل لكتوفها , حرمة بوجواهر , عمرها 25 سنةة , قريبةة من جواهر وايد وتعتبرها شرات بنتها , مب مقصرة مع بوجواهر وجواهر بشي. "
قاطعتها مهرةة: احين اذن بسير اصلي وانتي بعد نشي عقب تعالي لي الحجرة نسولف شوي
جواهر: إن شاء الله
مهرةة: هيه جي اباج يلا فديتج سيري صلي
سارت مهرةة حجرتها جواهر سارت تصلي عقب سارت عند مهرةة
بـ حجرةة مهرةة
جواهر: لو انج مخليتني اذاكر شو بيستوي يعني
مهرةة: مب زين لصحتج اتمين تذاكرين واايد وتعورين راااسججج
نشت جواهر من مكانها : بسير شوي وبرد
مهرةة: ع وين
جواهر :بسير حجرتي بيب شي ,, ثواني وردت صوب جواهر
مهرةة: شو ها
جواهر: دبدوبي
مهرةة: بعدج محتفظة فيهه
يت جواهر وهي مبتسمةة وانسدحت ع ريول مهرةة وفـ حظنها الدبدوب
مهرةة: انزين شو رايج تتعشين احين
جواهر: مابي كليت
مهرةة: وشو كليتي؟
جواهر: اندومي
مهرةة ضحكت: ياحبج للاندومي
جواهر ابتسمت وغمضت عيونها: انزين ميم
مهرةة: عيونها
جواهر: قولي لي قصة
مهرةة: من عيوني ,, بس عن شو
جواهر: اي شي بس المهم البطلة تشبهني وجي يعني
مهرةة: إن شاء الله
جواهر: يلا
مهرةة: انزين ,, البارحة يوم الناس رقود عيا الرقاد إيها
جواهر: ومنو هاي اللي م ياها رقاد
مهرةة:الله يسلمج هذي مها
جواهر:رمسيني عنها
مهرةة:بيظة شرات الثلج عيونها وساع ورموشها كثيفة ولون عيونها زرق ,شفايفها متوسطه ومليانه, شعرها اشقر طويل يوصل لركبها , طولها متوسط , وتنحب بسرعةة , تحب تدرس وذكيةة شراتج.
جواهر: جم عمرها؟ , وصف كم؟
مهرةة: عمرها 16 واخرسنة لها بالسكول
جواهر: وشوقصتها
مهرةة: يقولج ان البارحة الناس رقود وعيا الرقاد ايها
يلست بضيجتها لوحدها جدام الدريشة تتأمل السما
وجي تبدأ احداث الرواية
ملاحظة:
* مهرةة بتيلس ترمس جواهر عن قصة مهاا بالمرة بترمسكم انتم بعد عن قصة مها
نرد للروايةة
* ويوم بترمس مهرةة مع جواهر بلونهم بلون وقصة مها بلون عسب تفرقون بين الراوي والرواية.
فرنسا
مدينة السحر والجمال - كولمار -
بيت بوعبدالله
تحديداً بحجرة مها
البارحة يوم الناس رقود عيا الرقاد ايها يلست بضيجتها لوحدها جدام الدريشة تتأمل السما وفـ بالها شي واحد بس هل ردتها للإمارات بتغير حياتها !؟ , تنهدت تنهيدة طويلة عقب نشت بضيج من مكانها وسارت بطلت الكبت عسب تحط الملابس بالشنطة شوي والا يدش عليها اخوها بدفاشة: مهوي ابي جرج ايفوون؟
مها م ردت عليه
......: اقولج ابي جرج ايفوون م تسمعين؟
مها شافتة بنضرة وصدت عنه
.......: بلااجج؟
مها: ميود سير عني مالي خلق لك
مايد:انزين لييش معصبة
*مايد: ابيضاني لون عيونه سود , اخر سنة له بالكليةة , عمرة 21.
مها: مب متفيجة لك سييير
مايد: مابي
مها:افففففف اظهرر
مايد: انتي ماتفهمين اقولج مابي اظظهر
مها:شل الجرج واظهر
مايد: اول قولي لي ليييش معصبةة
مها م ردت عليه
مايد:قولي لي شوفيج عقب بظهر
مها سحبت علييهه وسارت وانسدحتع شبريتها عسب ترقد
اما مايد لحقها: اانا ارمسجج
مها: يعني مابتظهر
مايد: هييهه
مها م ردت عليه
مايد: مهوي فديتج قولي لي شوفيج
مها نشت من مكانها وسارت وقفت حذال الدريشة وتنهدت تنهيدة طويلةة
مايد قرب منها: ارمسي بلاجج؟
مها:ماشي
مايد: يلا عاد
مها: ماشي ماتفهم
مايد: ترا بصفعج لو م رمستي
مهاا بحزن: يعنيي لااوم
مايد: بلااج
مها:هو يعني
مايد: ارمسي عدل
مها سكتت
مايد: شووووو
مها: يعني هو لازم نرد
مايد: وينن نرد
مها بغصة: الامارات
مايد:احين هذا اللي مزعلنج
مها: جاوبني
مايد: هيه لازم
مها: انزين لييش؟
مايد: شو لييش , لازم نرد مالنا حاية بفرنسا احين
مها: بس
مايد قاطعها: بس شوو
مها:مابيي
مايد: ماتبين شوو
مهاا سكتتت
مايد: تراج بديتي تنرفزيني ارمسي عددل
مها :مابي ارد
مايد اعتدل بوقفتةة: مااتبيين تردين ويين
مها: مااابي اررردد الاماارااات
مايد:نععمم اختتتي
مها: .......
مايد:مم سممعععتتت
مها: مابي ارد
مايد: انتي صاحية ولا شو؟
مها:نزلت راسها
مايد بهدوء: ليش ماتبين تردين
مها:تدري ليشش م يحتاي اقولكك
مايد : مهوي ان سمعتجج امي والله بتروحين فيهااا
مها ودموعهاا بعيونها: بسس انا مابي ارد
بهالوقت دش عليهم اخوهم البجر
مايد لف ورراا وشاف اخوو البجر: الله يابكك ي عبودد تعااال .. تعال تفاهم مع اختكك انا بسيرر
مها دمعت عينها
عبدالله تم يناظر مايد: شو مستويي
مها م رد عليه
مايدد وهوظاهر من الحجرةة: ماتبي تردد
عبدالله: وين؟
*عبدالله: حنطي مايل للبياض , لون عيونهه بنيات , عمرة 25.
مايد ظهر من الحجرة
مها: ابي اتم هني مابي اردد الله يخليك رمسس امييهه
عبدالله: مهوي حبيبي م يصيرر لازم تردينن
مهاا:رمسس اميه الله يخليك
عبدالله: بحاول ,, يلا الوقت متأخر انتي رقديي
مهاا: بتوعدني بترمسها
عبدالله تنهد تنهيدة طويلةة: إن شاء الله انتي رقدي
انتي رقدي وباجر نتفاههم
مها يت بترمسسس.....
عبدالله قاطعها: اششششش يلاا رقدي ويصير خير باجرر
عبدالله شال مهاا وحطها ع شبريتها ويلس يمسحح ع راسها ويهديهاا الين رقدتت عقب نش من مكانةة وسار حجرتة وانسدح ع شبريتة وتم يتجلب بشبريه لين رقد وكل تفكيرة كان بـ امهه شلون بيفتح معاها هالمموضووعع!؟ وشبتقولل!!؟ ووو!؟
. . . Stop . . .
حبت مهرةة جواهر ع راسها: فديت الراقدين انا
بهالحظة دش بوجواهر وابتسم يوم شافهم: رقدت
مهرةة: هيه ررقدت
بوجواهر: رمستيها عن مها صحح
مهرةة هزت راسها ب هيه
بوجواهر: ي حبج لها
" بوجواهر: بزقرة سلطان , جميل لون عيونةة عسليات معضل تزوج مهرةة من عقب ما ماتت حرمتهه ام جواهر , كيف ماتت ام جواهر وليش تزوج ووو؟؟عقب بتعرفون , يشتغل بالشرطة عمرة 33. "
مهرةة ابتسمت له
سلطان: انزين اشلها حجرتها
مهرةة: هيه يعطيك العافيةة ,عقب انزل الصالة بحطلك العشا
سلطان: من عيوني ياعيوني
مهرةة استحت وظهرت
سارت مهرةة تزهب العشا لها ولسلطان اما سلطان شل بنتة وسار حجرتها وحطها ع شبريتها ولحفها وحط الدبدوب حقها بـ حظنهاعقب حب راسها وقبل لايظهر بند ليتات الحجرة والباب ونزل صوب مهرةة
. . . Cute . . .
التعديل الأخير تم بواسطة __بعثرهہ♪' ; 12-09-2015 الساعة 09:34 PM
|
|
|