بسم الله الرحمن الرحيم
السلام عليكم ورحمة الله وبركاته
مساءكم أو صباحكم طاعة باذن الله

وها أنا أعود مجدداً وفي جعبتي سوالف الكورس كله ههههه بكتب إن شاء الله اللي اذكره

قبل ما أبدأ طبعاً فترة الجامعة ما قدرت أتواجد بالانترنت كثير بسبب الدوام
أول مرة أدوام من الصباح وأضطر أروح من وهل بالرغم أنه محاضرتي تبدأ متأخر ~.~
لكن بسبب اختي الوقور وأنا أضحك كنت أروح وخاصة لو فيه عمل جماعي لانه أوقاتي
أنا ورفيجتي تختلف عن رفيجتنا الثالثة والله كريم

عموماً هالكورس كنت ادوام لين المغرب وأرجع البيت مرهقة جداً وخاصة في بداية الدوام
لمدة اسبوعين او 3 كلش كلش كانت اموري مخربطة والحمدلله رب العالمين كانت ازمة ومضت
على خير وربي يسهل ويصرفنا عما طاقة لنا به

هالكورس كانت خفيف شوي من ناحية الدراسة ولكن من ناحية الواجبات
والتكاليف اللي ما تخلص حتى اني هالكورس درست عن الأدب الانجليزي ~.~ الله كريم
انا بدرس أطفال وش جابني لشكسبير وأعوانه ما اعرف من كليتنا الحلوة وتخطيطها =/

يا دوب أرجع اكل لي لقمة وأدرس لو فيه دراسة او أسوي واجباتي ^^" ولا اللي بط جبدي
انه في دكاترة بكرا وراي امتحان خلونا نكرف على تكاليف وعليها درجات محترمة
مفروض الواحد يدرس ولا يسوي له شئ يوم الامتحان لا احنا كنا نكرف بالواجبات =/
الحمدلله رب لك الحمد انه مر على خير .

إن شاء الله الباقي هين بأذن الله ~.~ مع انه هاي ويهي وخاصة وراي مادتين تربوية
وأحياء بالانجليزي و ماث بالانجلش والماث والاحياء كل يوم كرف الحمير لازم الواحد يردح
دراسة ولا يدرب ولا يحل واجب الله المستعان
احنا علينا التوكل والتفكير الايجابي وربي سبحانه هو اللي ييسر إن شاء الله .

بصراحة يوم رجعت للمنتدى انصدمت من شطب بعض الأعضاء , ترك الاشراف , تغيير رتب
وهاي هو حال الجو بالمنتدى لازم يتغير ~.~ وخاصة قسم الدعم الفني قسمي
ما فيه إلا انا ="( وحال المنتدى يحزن والله بدون أعضاء يدخلونه , وأكيد كلنا نعرف
السبب بسبب الدراسة الحلوة ما تخلي حد بحاله ربي يوفقنا جميعاً ويذلل لنا الصعاب
ويارب يكون كورس جميل وخفيف علينا جميعاً
أنا توني دوامي راح يتأخر شوي توني بإجازة احاول امد ريولي وأريح دماغي على قولتهم
علشان الواحد يرجع بنفسيه حلوة بالرغم من وجود منقصات ~.~ لا بد منها
لكن الحمدلله رب العالمين على كل حال يمر بنا .

أما عن مشاهدة الأنمي شفت هالمرة 3 أنميات شوي نزلوا من فترة والناس خلصت تتابعهم
كالعادة انا ما التزم اللي يدخل ببالي اشوفه وحاليا نفسي اشوف انمي قديم
شفت منه الحلقة الأولى وعجبني جداً وهو حلقاته 26 حلقة احس هالانميات اللي تنزل
صايرة وايد قصيرة والقصة كل سنة لين سنة تصير أسخف وأغبى الا كم من انمي
من الأنميات الشتوية عجبني انمي
Boku dake ga Inai Machi

بصراحة جميل حسيت من البوستر أول ما شفته قبل ما ينزل أنه بيكون شئ من
النبذة اللي ذكروها عنه وأشوف الأراء تختلف ما بين انه ممل
بسبب انه توه بس 3 حلقات أتوقع والله أعلم انه راح يشتد الوطيس للأحداث
يمكن بعدين حلقتين إلى 3 , انا ما شفت الانمي لحد الآن أجمع الحلقات

شفت فلم درتنيان والفرسان الثلاثة عن حقيقة الفارس آراميس والله استمعت فيه
الانمي القديم له طابع خاص وأخداث ما تطبعها فيني الانمي الجديدة ~.~
الا نادر ما استمتع بأنمي جديد استمتاع حقيقي , حاليا بعد حابة أشوف فلم
بلاك جاك اللي نزلوه سنة 1996 *^* كنت أدور عليه ولا لقيته لكن في فريق من
مدة نزلوه مترجم وقلت يلا حمل قبل ما تخرب الروابط والحمدلله حملته ولين الحين
انتظر المزاج يسمح لي اشوف شئ أنا مزاجي جداً جداً صعب مب دايما احب اشوف انمي

ننتقل الآن ليوتيوب من يومين او 3 قعدت أشوف قناة على يوتيوب تتكلم عن سلسلة ظواهر
غريبة او لحظات تاريخية , بصراحة لما كنت أشوف الفيديوهات كل فيديو اعجب من الثاني
وطبعا للأجانب وأوروبا وكل ما اشوف اقول الحمدلله رب العالمين على نعمة الإسلام =")

مجانين والله مجانين اللي يتلذذ بتعذيب الضحية واللي يقسمها نصفين واللي يشوه
واللي أطفال يذبحون أطفال رضع !! لا حول ولا قوة الا بالله
ولا الشعوب اللي لها عادات غريبة مثلا فيه شعب اللهم لا اعتراض بس ^^"
يدخنون يرقصون يلبسون أقنعة انتو طقوسكم بروحها كأنه اعوذ بالله تحضير جن
قال لك حماية من الأرواح الشريرة .
ولا اللي يذبح ويتاجر برؤوس البشر عليهم شئ مب طبيعي ^^" الحمدلله أننا ولدنا مسلمين

غير الظواهر الغامضة عائلة سودر اللي اختفوا 5 من أطفالها من أصل 10 في حريق إما ماتوا او اختفطفوهم
وبعد كم سنة جابوا صورة للأم في البريد عن واحد يشبه ولدها ومتزوج وعنده أطفال !!
فيه أشياء يحترق القلب لها لما نشوف .

عندي بعد قصة استغلال التوأم لما تولد الأم ما شاء الله كذا توأم يستغلونهم وياخذونهم عنهم
يسون لهم دعايات ^^" , والأيتام اللي بعثوهم لمصحة عقلية علشان ياخذون فلوس عنهم
بحجم انهم مجانين وهم مساكين سليمين وما فيه الا العافية

قصص نأخذ منها العبرة نتعلم منها ونحمد رب العباد الحمدلله لجلال وجهك وعظيم سلطانك
الحمدلله انه احنا مسلمين الحمدلله


وهذا اللي خطر وجا ببالي وحبيت أشاركم إياه
أراكم مرة آخرى

مع السلامة