السلام عليكم ..~



||


@مـاهي الاشياء التـي يجب ان تتوفر لكي تصبح العلاقات الاسريـه متينـه ؟! @ هل تعتبر الثقـه عنصر اسـاسي لخلق جـو اسري مريح؟!

ومع الثقه الصدق , انو لما ما تكزب وتحكي بالزبط شو بدك وليش وتسمع وتاخد حكي معهم , حتى ما زبط من اول مره ولا حتى من عاشر مره , ضلك وراهم ..~

||


@ كيف تتعامل مع والدكـ في البيت؟!

بكل احترام وبحاول كد ما اكدر اني اعمل كلشي بيطلبوه واخدمهم ومن نيه صافيه لاني بحبهم

||

@ هل تفضل مجالسه اصدقـائكـ ام الجلوس مع الاسره ولمـاذا؟!

القليل منهم للاصحاب حديثي معهم جدا قليل ما بيتجاوز دكايك , بفضلش احكي مع الاصحاب الا وكت ما يكونوا بحاجه سند او انا بحاجه وساعات ساعات , بالعاده بفضّل جلوسي مع اهلي لانو ما بشوفهم كتير ..~
هلكيت ليش ؟ لانو انا صبيه حياتي كلها هموم ومشاكل , واصحابي ما بساعدوني لانو كل مساعدتهم حكي , وانا عندي الحكي هو فاضي وطاير بالهوا , الكلام عندي ما بخفف ولا بساعد ولاني عايشه بعقل مش بقلب بحس انه معنديش احساس يتأثر بالكلام , وغير انو مع التجارب محدا لحدا حتى الاهل , ومع تجارب كتير مع الاصحاب ما بخافوا ع مصلحتي زي الاهل , وبضّلوا الاهل هم اكتر حد راح يصمد معك بالدنيا ..~

||

@ ماهي المعوقـاتـ التي تتسبب في ابتعاد الابناء عن الاباء فكرياً ؟! ماسبب تلك الفجوة؟

يمكن لاني اكبرت ويمكن لانو تفكري متل امي , بشوفش عندي هالفجوه , لهيك بعرفش اجاوب ع سؤال ما عشت فيه .

||

@ من الاقرب لك في البيت وتتكلم معه اكثر؟!

امي الله يخليها ويشفيها ويشفي جميع امهات المسلمين ويرحم جميع اموات المسلمين ويعوّض ويجبر يا رب

||


@ من يتحمل مسؤوليه تكون الفجوات الاسريـه ؟ الاباء والامهات ام الابناء؟!

كمان بعرفش , بس احكي المجتمع اللي بيظلم وبيعمل تخلف وجهل , بانو الاهل كبار وبعرفش بكصص زمن الصغار , بس بنفس الوكت ما احنا بنمشي على سنه النبي عليه الصلاه والسلام , ما اله الزمن دخل !

||


@ هل حدث ان قادك نقاش مع احد والديك الى شجار او اختلاف حاد في وجهات النظر؟!

كل يوم وكل ساعه , كل حديث الا ما نتقاتل , بس كد ما المقاتل كبيره بتنتهي في بوسه على راسهم , وبعترف انو الغلط مني , بس كله حسب الاطباع , لانو انا الوحيده فيهم اللي طبعي حقود وما بعطي فرص وهم عكس هدا تماما , لهيك بدي اقنعهم انهم يكونوا حقودين متلي وانو ما يصدقوا كلام الناس وانو يتوقعوا السيء بكل شي بيعملوه , بس هم ابدا .. بدهم يضلوا على امل , وبنفس الوكت هم بدهم اكون متلهم .. لهيك دايما بتنتقاتل بانو لازم اظن الخير متلهم , وانا بدي اياهم يظنوا الشر متلي ..~

||

@ هل تستطيع اقناع والديك بسهولـه في وجهة نظرك في بعض الامور؟!

ههه اتزكرت طوشه من يومين صارت , مرات اه بقنعهم بسهوله , ومرات بقنعهم بصعوبه , ومرات بعطيهم المجال ليقنعوني ..~

||

@ هل تفضل [ اب وام صارمين ولكن متفهمين ] ام [ اب وام متساهلين جداً ومهملين لافكارك وارائك ] ؟!

بفضلش اشي من هالكصتين , عشو اتربيت وعشو عشت معهم وخاصه الشده بفتره مراهقتي كد ما كنت ما افهم واتنكد منها بس لما كبرت اعرفت انو كله كاين صح , لهيك نصيحه بسيطه على كيفكم تاخدوا فيها , خدوا وكتكم مع اهلهم اد لسا انتو طلاب مدارس , بتكبروا وبتعملوا شو ما بدك بس تكبروا وبتكون فاهمين اد هو لمصلحتكم ولا لأ , ما تستعجلوا ..~

||


@ هل تستطيع فتح موضوع بسهولة والحديث مع ابيك وجذب اهتمامه لحديثك؟!

مع ابوي ؟ يعني احكيله "يابا سألت اصحابي يتوقعوا ع سياره عشان اشتريها , شو رايك ؟ " اه وصارت , عن سياره وعن كتير كصص احكي فيها مع ابوي , الله يخليه ويعطيه الصحه يا رب

||

@ هل انت مصدر قلق لاهلك ام فخر؟!

بكل صراحه اه مصدر قلق , خاصه انو العمر بيمشي معي وكبرت واهلي بدهم اتجوز وارتاح لهيك بضل بالهم مشغول عليا خاصه انو انا عنيده عصبيه بتحب المصاري وبعجبهاش حد وقلبها وعقلها حجر , بضلها تتخوث وتتمسخر عالناس وحتى ع اهلها . وغير انو تركت بالمره الاولى ف خايفين كتير بالنسبه للمره التانيه ..~

اما كصه الفخر , للاسف فش ... اووووه يا حرام

||


@ مـاذا قدمت لـوالديكـ؟!

بكفي ربنا وهم عارفين ()



||
@ مساحـه حـرة لك ^^


يلي بتقرأ , حط ببالك بحياتك بتختار شريك حياتك وحبك ودراستك وشو بتلبس كمان , بس اهلك ما بتختارهم ,هم انكتبوا عليك , لهيك شو ما كانوا مناح او عاطلين عليك تحط ببالك بدك تعيش وتتأقلم وتتعود عليهم وتفكر ببكرا انو اد قطعتهم الله بقطعك , الا الاهل انتبه وضلك حاول وحاول ليكونوا بصفّك وجمبك , وكلشي بيتعوّض الا هو , بيتعوض الحبيب , المصاري , الصحه , بس مش هم ! دعوى منهم بتفح بواب وبتسكّرها , واد كنت لسا صغير , بتعاود تكبر وتعمل شو ما بدك , واه بعرفوا مصلحتك اكتر منك , خليهم اصحابك غصب عنهم حتى ,شاركهم بكل صغيره وكبيره بيومك وبحياتك , حسسهم انهم كبار عندك ومهمين واعمل هالكصص عن حسن نيه , كل يوم بوس راسهم , بوس اديهم , اطلب رضاهم , بتعاود تكبر وبتعمل شو ما بدك ..~

كتير انبسطت بالموضوع , الله يعطي اهالينا الصحه والعافيه وراحه البال وطولت العمر , ويرحم اموات المسلمين ويغفر ذنوبهم يا رب ..~

ويا رب ترزقنا اولاد بصحه وعقل وحلاوه كمان , يا رب نعرف نربيهم ..~

اراكم