وااو الانمى دا من اكتر الانمى اللى بحبهم

....

بس هو فيه كام حاجة كدا

الاولى
بيطولو اووووى فى اى مهمة بتحصل لدرجة الملل

وتانى حاجة
انك لما بتشوف اى مهمة بيعملوها مهما تطول بتكون خلاص مليت وعارف انهم اللى هينتصرو فى الاخير مهما كان قوة اللى ضدهم !!! نفسى مرة يخسرو لول

تالت حاجة
المخرج بتاع الانمى كل حلقة لازم يخلى المشاهد اللى بيتفرج يبكى اكتر من مرة لدرجة انك خلاص مبقتش حابب تبكى لما يحصل مشهد مؤثر من كتر المشاهد المؤثرة جوة الحلقة الواحدة بردو ملل
يعنى لو قارنة بناروتو هتلاقى ان ناروتو فيه مشاهد مؤثرة على حسب الاحداث بتخليك فعلا تبكى من القلب وتحس بالمشهد( لاكن مش بتلاقى مشاهدة مؤثرة بالعافية فى كل حلقة زى فيرى تيل)

حاجة اخيرة بقى
نفسى شخصية جاجيل (قاتل التنانين الحديدي) يبقى ليها دور فى الانمى والمخرج جاله كذا فرصة انه يدخل الشخصية فى الاحداث بس مش عارف ليه مش بيحصل كدا
بس اكيد هيجيله دور فى الاحداث القادمة بما انه عميل مزدوج

وكمان شخصية ميستوجان نفسى تدخل فى الاحداث لان ميستوجان وجاجيل من افضل الشخصيات عندى ونفسى افهم التشابه بين ميستوجان و جيرال !!
لو حد يعرف يا ريت يقولى

****
من راى المتواضع ان لسة اصلا فيرى تيل مبداش كل اللى فات دا معتقدش انه ليه اى علاقة بالقصة الاساسية دا مجرد تعارف بين المشاهد والشخصيات ليس الا
لسة القصة جية فى الاحداث القادمة
ببس انا حاسس انك مشفتش كل الحلقات الى نزلت لغاية دلوقتى!! ودا احساس والله اعلم

****
وفى الاخير بشكرك على التوبيك ḱ ḁ ṥ ṕ ḙ ṙ
وبالتوفيق للجميع