السلام عليكم ..~

شو هالاناقه بالموضوع , كتير عجبني التصميم والألوان بتفتح النفس , وخاصه الخلفيه السودا !

وشو هالموضوع الرهيب اللي بتحكو عنه ,, عنجد جد احسنتو باختيار هيك موضوع للنقاش !

يلا ..~


1. ما هو تعريفك للمال .؟ و هل المال مادة ملموسةة ام فقط شيء معنوي .؟

المال حبيبي , بقائمه الخمسه اللي بعشقهم بحياتي , بتجبر الخاطر وسبب سعاده كبيره بحياتي , وبكدرش امشي خطوتين بدونه , وهي ماده ملموسه عندي , وحبي للون الاخضر لان لون الدولار احضر اللي هو لون المصاري , ولو يجي حد يحكيلي بحبك بصدكوش , بس لو اجى يحكيلي بحبك كد حبي للمصاري بصدكه , وانا صبيه فقيره وعشت بفقر وبخجلش من هاد الاشي , وهدفي اضل اعمل لاجيب مصاري ومصاري ومصاري ..~

؛

2 . في اي وقت من الاوقات لا تملك المال .؟

يوم ما اشتغلش , ويوم ما اصرف المعاش ع كل الالتزامات , اغلب وكتي بكون معي مصاري تكفيني لوكت ما تيجي القبضه التانيه الحمد لله ..~

و في حال عدم امتلاكك للمال ماذا تفعل؟

بشتغل لاجيب المصاري , واد كنت بحاجه المصاري وواكع بازمه باخد دين وبرجعه باقرب وكت يوم ما اشتغل .


؛


3 . هل تحصل على المال ب طريقةة مشروعة .؟ ام انك لا تهتم ب الطرق المهم تحصلهه ..!!

عن حالي لأ , الحمد لله شغلي حلال والله اعلم , بس بنفس الوكت لا اهتم ,كيف يعني .؟ يعني لو كان جوزي بشتغل بالحرام ليجيب المصاري بهمنيش وعادي بقبل مصاريه لان ذنبه ع جنبه , المهم عندي بدي مصااااري اه , اشتغل شو ما تستغل المهم بدي مصاري ..حتى لو حد من اهلي كمان , بس اللي اكتشفته احنا نوع بجيش ع الحرام يا خساره للاسف ..~

؛


4 . من هو الطماع برأيك .؟ و لما يمتلك المال بكثرة .؟

هلكيت يعني الطماع صار الغني ؟! الطماع هو البخيل الجعان واللي دايما عينه على مصاري غيره وحاسد غيره , في ناس اغنياء طماعين وفي ناس فقرا طماعين , والاغنيا اللي هم بعيشو فقرا وبموتو اغنياء .
بس ليش الغني غني ؟ لان ربنا رازقه سواء بالحلال او بالحرام , وهو نوع الناس اللي نصيبه كبير ومفتوح بالدنيا وكلشي بزبط معه , عكسي انا , واغلب الغنيا بالحرام لان سهل تجييب مبالغ كبيره .

؛

5 . هل الحاجةة تبرر الوسيلة للحصول على المال .؟

هممم بعرفش ظروف الناس وبعرفش شو صاير معهم , وبعرفش شو عملوا وبعرفش شغلتهم , لهيك كل واحد وظروفه وقراراته ونصيبه وانا بحاكمش الناس , تعمل الناس شو ما بدها وتجيب المصاري باي طريكه بدها اياها , ومنهم لربنا يصطفلوا عشان ما اظلم حد لهيك اه ولا .

؛


6 . السؤال الذي يصعب تفسيره ., هل تتبرع بنسبة من دخلك الشهري للفقراء و المحتاجين .؟


ليش يصعب تفسيره ؟الحمد لله الحمدلله , صح انا بنت بعيده عن ربنا بس عندي صفه منيحه وهي اني كريمه , برجع وبحكي امي علمتني عاده وهي كل ما اقبض اتبرع بمبلغ مصاري سواء للقصادين بالشوارع او اي حد بشوف انه بحاجه مشان ربنا يبارك بالقبضه والحمد لله , وغير انه اهلي فقرا وكمان بتبرع بشكل اقل من شهري الهم عشان اكسب رضاهم ودعاويهم ..~

وبس ,, كتير استمتعت بالاجابه عالاساله وكتير شوفته موضوع واقعي بحياتي , وسامحوني ما قرات تعليقات الاعضاء .