و عليكم السلام و رحمة الله و بركاته


بـ خير حال ياايتاشي الجميلة واللطيفة
يا حلاوة كلامك و الله انه يسعد القلب
و عايدي ع التأخير .. بس ضحكت لمن شوفت تعليقك على حذف الرد ..
" ما ابغى احجز >< "
لزيزا ياناس والله ..
ولا تخافي متابعه كل التطبيقات


اول شيء حلو في صورك انك ما استخدمتي الفلاش و سمعتي بـ نصيحتي (=
ثاني شيء استخدامك لـ موضوعات الصورة افضل بـ كثير من الموضوعات الاولى
برافو عليكي


نيجي للـ تطبيقات الي طلعت سبعة تطبيقات مو 6 p:
طيب عندك هيا بس مشكلة الوضوح لي انو الصور تحسيها باهته
انا ما قصدي اضرب مثال بـ شعاع
بس شعاع تستخدم نوت ون و انتي نوت تو دقة تصوير جهاز افضل من جهازها بـ كثير
انتي تحتاجي شغل بـ الفوتوشوب عشان يعدل وضوح الصورة اسعتيني بـ احد المصممين
عشان يساعدك في تعديل صورك ان ما تعرفي لا تخافي ما حـ اعتبره غلط
لي انو البعض يعرف يستخدموه و البعض لاء فلا بأس بـ الامر


صورة الدب حلوة عارفة ليش لاي انو الظل جاي كـ أنو ثريدي دا الشيء بعدين بـ اوضحه
بس برضو الدقة و التباين تنقصه

لااه النوت تو في الصورة اجل صورتيه بـ ايش )=
ربي يرضى عليكي صوري بـ النوت تو لي انو احسن بـ كثير
انا اصلا ما اصور بـ جهاز النوت ون احب اصور بـ نوت تو من جد جودة الصور احلى
و بخصوص موضوعات الصورة هيا كثيره و كان افضل تتخلي عن القلب و الكتب
او انك تصوري الكتب و الكوب فوقها


اما الصورة الرابعه احلــــى شيء مررررا رائعه والله بس شيء واحد الدقه t_t
والله جمييله و الظل جاي بـ شكل جميل حقيقة حبيتها بس الدقه و الوضوح
لي انو شوفي حدود الصورة فيها تحبب و دا يخرب الصورة =\


التجريدي وضحت لـ سماسم ايش التجريدي بـ الزبط فـ راجعي ردي لها راح تستفيدي
باقي التطبيقات جيدة بس الوضوح و التباين تحتاجي تنتبهي لي دي الامر المرا الجايه ..
عارفة بعض الصور لمن تكون كبيره تفقد الدقه و تظهر عيوب فيها تصغيرها
و يكون حجمها متوسط بـ يكون افضل


العطور حلوه و مداكي كنتي تستخدمي تصوير ماكرو تلقيه شكل وردة يعمل عزل طيب
لـ خلفية الصورة ..
استخدمي خلفية ابيض او اسود بس حاولي تكون مناسبه للـ موضوع
ممكن تستخدمي ملابسك الي فيها نقش بسيط كـ خلفية عندك الالوان البيج و الترابيه ممتازه
في تكوين خلفية افرشيه و صوري فوقها بـ حيث تكون هيا ارضية المنتج و خلفيته
في نفس الوقت ان شاء الله فهمتي قصدي
لا تنسي الوضوح و التباين


الاضاءة حاولي تصوري على وقت العصر قبل المغرب بـ ساعه و الشروق كمان بعد الفجر
ولسع ما طلعت الشمس احسن وقتين للـ تصوير غيرهم لا تفكري تصوري
و اقصد بـ كدا مجال البورتريه
و الستيل لايف استخدمي النوافذ مدري انا سبق و قلتلك دا الكلام ولا لاء
اطفئ انوار الغرفة و خلي الاضاءة تدخل من النوافذ و صوري
لكن في الاعلاني يحتاج اضاءة جبااره عشان يضهر المنتج تمام
و برضو الستيل لايف يحتاج اضاءة قوية و ذلك على حسب المنتج


يلاه ولو في شيء مافهمتيه كلميني افهمك اكثر
في ناس يفتحو لك نفسك للـ تقيم صورهم ..