الله يعافيك و شوكرن على كلامك الطيب الي زيك
اوضاع التصوير من تصميم برنارتو ربي يعطيه طولت العمر و يجزاه الخير
انا كان شرحي لها اصعب لـ ذلك على قولت سلفر نسوي تغيير 3=
طيبه الاضاءة الي استخدمتها دي المره احسن من الاولانيه حقيقه
و خصوصا في اول تطبيق و حتى الوضوح
التطبيقات الي فاتت التأثيرات الي فيها
غيرت من جودة الصورة و خلت في الصور تحبب
دي افضل في العازل كمان
بس ما نقدر نقول انو الثالثه ماكرو بـ الزبط لي انو الماكرو
له عدسات ادق و تكبر الشيء بـ شكل مو معقول .. فـ حتعتبر دي ستيل لايف
اما الصورة الاخيره مو طبيعة
الطبيعة الي هيا اللاندسكيب اكثر شيء يكون خارجي في الطبيعة
ارض خضراء صحراء و بحر و دا الكلام
الماكرو قرييييب من تطبيقك الاخير
الماكرو يحتاج له عدسات متخصصه في الماكرو مثل عدسة 100mm
الفرق بين عدسات الماكرو و الزووم انو الزووم تعمل تقريب للـ بعيد الماكرو يعمل تكبير للـ قريب
عدسة الماكرو اول ما تركب العدسة في الكاميرا يظهر لك العنصر الي امامك كبير
و ما تقدر تصغر الا عن طريق الرجوع و جعل بينك وبين الجسم الي تبغى تصوره مسافه
و دا هوا الفرق بين الزووم و الماكرو لي انو البعض يفتكر الماكرو نفسه الزووم
و ان شاء الله مع الجزء الثاني راح تعرف العدسات اكثر بـ شكل مبسط
و بـ خصوص الاعلاني انا الي اعرفه تصوير السيارات يتنوع على حسب الطبيعة
الي صورت فيها السيارة و البعض يستخدموا السيارات كـ اعلان للـ شركة
و ممكن يعتبر رياضي انك تبغى تصور سباق سيارات
و حقيقة انا ماقد قريت عن تصوير السيارات و اساسيات فيه
اعذرني حقيقة ماقد اطلعت عليه الا اني قد شوفت صور للـ سيارات و الدرجات النارية على اساس تطويق الحركة
ربي يسلمك يلاه موفقك يا بطل ..