بسم الله الرحمن الرحيم
السلام عليكم ورحمة الله وبركاته

أسعد الله أوقاتكم بكل خير , مع الإجازة الحلوة هههه كان كورس مميت
بالنسبة لي ولربعي ~.~ والكورس الجاي الله يسهل علينا يارب ويوفقنا بدرب العلم .
نبدأ الخواطر والكلام لهذا اليوم الحمدلله رب العالمين طلعت الدرجات حلوة الا مادة
وحدة وهي المادة اللي تكلمت عنها من قبل بسبب الدكتورة وليس
تقصيراً مني فأنا الحمدلله أعمل الواجبات وانتبه وكل شئ بفضل من الله لكن الدكاترة
إلا ما يطلعون الواحد ينتف شعره ويدعي عليهم أحيانا الله كريم يارب .
وما فيه أحلى من مشاهدة الانمي والجلوس على العاشق ورؤوية مشكلات الأعضاء ..
أكيد في ناس ما خلصت الامتحانات في بلاد غير الخليج لآنه الخليج متأكدة انهم خلصو
الغالبية العظمى الله يسهل على اللي ما خلصو شدو حيلكم اخواني

حاليا اتفقت انا وصديقة لي أني أطالع وياها أنمي وبدأنا بأوفات للأنمي بلاك جاك
صراحة انمي محترم وفكره عميق وقديم 1993 هالاوفات وقت ولادتي هههههه
أنمي جميل ويحمل في طياته العديد من الأحداث المفرحة والمحزنة لكن للاسف
محد مترجم الآنمي كامل فقط الأوفات تترجمت 11 أوفا والباقي حلقات كثيرة
وفكرت أمسكها أترجمها لكن ما أدري لو بعتمد هذه الفكرة ولا لاء
توني خلصت الآوفات ا0 للأنمي اما ال 11 شفتها منفصلة من فترة من الزمن
وأتمنى بصراحة أني أرجع للترجمة وأترجم هالانمي الرائع اللي يستحق
وغير هاي ~.~ قسم الدعم الفني محتاج إلى مشاكل تهل عليه ولا تأتي المشاكل
نبي نشتغل يا جماعة الخير هاتو لنا مشاكلكم وان شاء الله نحلها ونساعدكم

في شئ بعد أني أقدر أكتب قصص لكن من فترة ما كتبت وأحب القصص الخيالية اللي
يميل نمطها لنمط الأنميات ~.~ وانا صغيرة عمري 15 كتبت حوالي 3 قصص بس
الثالثة للأسف ما كلمتها بس انجزت فيها وانا أنقل القصة الثانية للword كنت أوقف
وأقول لنفسي أنا كيف كتبت هالقصة ~.~ اللي مش مترابطة أبد .. كتبت القصة عن بطل
كنت احبه وايد وما زلت اللي هو الكاتبن فالكون احتمال كبير أنه محد يعرف
الأنمي وناسة اني لقيته بالياباني على يوتيوب وأتمنى اشوفه كامل بالرغم من انه قديم
اللي تابع الكلام اللي قبل بالردود السابقة بيعرف أنه ذوقي غريب نوعاً ما وما وأحب أشياء
غريبة مب , ما يدخل بمزاجي أي أنمي بسهولة ..

بالنسب للي ما يعرف فالكون هو في انمي اسمه سباقات f-zero كان ينعرض على
mbc3 في السنوات الماضية وهاي هو فالكون شخصية محترمة ذكي قوي سريع البديهة






أكيد الأغلبية راح يستغرب كيف تحب جية بس بالنسبة لي الرسم ايي بالرتبة الثانية
أهم شئ الشخصية بعدين الرسم حتى لو كان البطل في ال40 اما يكون أقل من عمري
ما أحب صراحة نادر ما أحب أبطال مراهقين , وأحب الأنمي اللي أشوفه يكون محترم
وما فيه حركات بايخة والرومنسية ~.~ أحاول أبعد عنها الا لو كانت خفيفة آمنا بالله ..

ننتقل الآن إلى حال المنتدى ما ادري عن نظام المنتدى الكثير لكن بالنسبة لي
أحد المقومات اللي تخليني أتعلق بالمنتدى هو تشجيع الإدارة بالاضافة إلى الاستايل
انا قرات انه الاستايل راح يتغير لكن ما شفت شئ لحد الآن وودي بصراحة أنه يتغير لانه
هاي الاستايل كئيب نوعاً ما ~.~ والأفضل يكون فيه صور أنمي او شئ أكشن شوي
مب بس شعار المنتدى وخلاص , علشان نتشجع أكثر احنا كأعضاء
نبدع وتنفتح نفسيتنا أكثر للمنتدى لازم يتغير استايله بصراحة , وغير تنظيم الفرق
اهني ما أدري كل فريق له نمطه الخاص بس القوانين أحيانا ما ينعمل فيها ويبي لها
تعديل من الواقع اللي أمر فيه بصراحة ومن خبرتي كقائدة في مجال الترجمة لازم القائد
يكون نتفق ويا فريقه ويحاول يفهم شنو محتاج الفريق ويطبق لكن انه القائد يكون
عليه مسؤوليات مسكين وما يقدر يلحق ~.~ انا اشوف لو يتعين له نائب يكون أفضل
ويتعدل الفريق ولا هاي كله مشكلة الفريق لما ما يتفق أعضاءه وكل واحد يرد على
الثاني وما عاجبه الرد .

نطلع من جو المنتدى وأجي لكم لشئ ودي افضفض فيه بصراحة وحدة من صديقاتي
حابة اني أكلمها وهالشكل لكن للاسف ما أستطيع بسبب انها مشغولة وأخاف لو كلمتها
أزعجها ~.~ وهاي شئ ما أحبه بصراحة ودي أكلمها وأناقشها بموضوع أبي أعرف حله
وأخلص وأريح بالي لآنه هالموضوع مهم ومتعلق عليه ناس ثانين غيري ~.~ أتمنى أتكلم
باللي في قلبي وأقوله لها بصراحة وأرتاح ..
ان شاء الله خير يارب

هذه كانت الأشياء ببالي هذه المرة أشوفكم على خير

مع السلامة