02-23-2014, 01:52 PM
|
 |
|
|
رقـم العضويــة: 306682
تاريخ التسجيل: Feb 2014
الجنس:
 العـــــــــــمــر: 27
المشـــاركـات: 89
نقـــاط الخبـرة: 11
|
|
تقرير عن اول 3 مانجا صنع تونسي
نبداو بأول مانجا تونسية خرجت Jasmine Rebirth و سوف اتحدث خاصة على الـTome 2 :
تعريف :
Jasmine Rebirth هي مانجا تحكي على الثورة التونسية أما بطريقة و خيالية. بطل القصة هو Hozen شاب تونسي إكتسب قدرة قدرة خارقة (في الـTome 1 ). الرسّام هو Malek Alleni و كاتب السناريو هو Houssem Ben Romdhane
مميزاتها بصفة عامة :
أكثر حاجة تجذبك للمانجا هي الموضوع خاصة و أن يحكي على "اثورة التونسية" إلي عشناها أحنا و تتسمى حدث تاريخي في تونس فعادي جدا أن التونسي إلي يحب الأنمي و المانجا يارا حاجة عاشها و خاصة في بلادو على شكل المانجا كمل غلاف المجلد الأول بالعلم التونسي و فيه شخصيات تشبه شخصيات نعرفوها ( المخلوع و راشد الغنوشي ههههه)
الجديد في المجلد الثاني :
هالمرة المجلد الثاني أكبر من المجلد الأول و تحسن في كثير من الاشياء منها أحداث القصة إلي بدات تاخذ منحى جدي و كشفت على جزء من الغموض في الجزء السابق و مهدت لأحداث جديدة مع برشا إثارة و برشا شخصيات جديدة أعداء و إلا اصحاب
النقد :
احسست الجزء هذا مليء بالشخصيات كثيرا لدرجة أن ليس الكل اخذو حظهم و يوجد تسارع صغير في الأحداث
في الأخير المانجا جميلة و أنا متشوق لقراءة الـTome3
ملاحظة هامة : لا تسألوني من ين اشتريها عبر النت لانها غير موجودة و ممنوع قانونيا
ثاني مانجا خرجت هي The Nox و سوف اتحدث خاصة على الـTome 2 :
تعريف :
The Nox هي مانجا تتحدث على مدرسة خاصة فيها ناس عندها الـNox و تتم مهاجمتهم من قبل منظمة من المرتزقة إسمهم "The Scars" يبحثو على بطل القصة Syrus Hellz المانجا من تأليف Jawher Dridi
مميزاتها بصفة عامة :
القصة و الرسوم حلوين بشكل ممتاز فيها الكوميدي و الأكشن و برشا غموض خاصة البلادة هههه إلي لاحضو في المجلد الأول و في المجلد الثاني خاصة كي تشوف الـMemes في مانجا هههههههه
الجديد في المجلد الثاني :
أخيرا بدات أحداث القصة تاخو مجراها.... نجمنا نتعرفو أكثر على الشخصيات و الـNox متاعها و نجمنا نشوفو عركات و Action قوية و برشا Epic moments و برشا فازات إيضحكو و النهاية تخليك تستنى في Tome3 على الأخر
النقد :
النقد فيه شوية Spoil (لذا إذا مقريتهاش متكملش) أكثر حاجة كنت نتستنى فيها هي أكثر معلومات على Syrus و الـNox متاعو أما مإكتشفتش حاجة جديدة أعليه و خذات الشخصيات الأخرى حظها أكثر منو ممكن الشي يتبدل في المجلد الجاي
في الأخير The Nox مانجا ممتازة و عجبتني برشا و نحس إلي المجدل إلي مبعدو فيه برشا إثارة أكثر من هذا
ملاحظة هامة : متسألونيش على منين تنجمو تقراوها من الأنترنات خاطر موش موجودة و قانونيا ممنوع
المانجا الثالثة هي Utopia خرجت جديدة هذه السنة
تعريف :
المانجا تحكي على ولدين Shedly Makeinhaif (نسبة للرسّام متاع المانجا Chedly Makhlouf) و Elias Manrios (نسبة للي كتب السناريو Elyes Manai) إنظمو للـTroll Corp و شاركو في Tournoi ليكونو من الـTop 5.
مميزاتها بصفة عامة :
المانجا هاذي كوميدية بامتياز....و بإمتياز زداة برشا فازات تونسية و كوميديا المعهودة في الأنمي مع برشا Anime References. و خاصة الشخصيات عجبوني برشا. القصة مازلت في بدايتها أما الرسوم ممتازة ياسر أعملت برشا جو و أنا نقرى فيها و حكايتها تمهد لأحداث قوية.
النقد : حسيت إلي في المجلد هذا القصة ناقصة شوية من ناحية "هدف الشخصيات الرئيسية" يعني متمش ذكر هدف الأبطال في الأول حسيت الأحداث تمشي و هوما معاها و برة أما تو نكتشفو أكثر في المجلد الجاي
المانجا ممتازة ياسر خاصة من الناحية الفنية ومن ناحية الكوميديا إلي فيها
ملاحظة هامة : متسألونيش على منين تنجمو تقراوها من الأنترنات خاطر موش موجودة و قانونيا ممنوع
|