مدخل:ألم يَحن الوَقت... لنكف التكلم
علىّ عَظمَه ألأسلام ... ونصبح عُظماء بأنفسنا
السلام وعليكم أعضاء المنتدى ,شلونكم ان شاء الله بخير وسلامه ؟
تقبل الله أعمالنا وصيامنا و جعلنا من عتقاء رمضان .. قولوا آميـن
ممكن تستغربوا أسم الموضوع... لكن ومع الاسف صار اسلامنا بس اسم
يعني ايقلك واحد شنو دينك ؟؟ترد عليه مسلم
بس وين أخلاق المسلمين وين ؟؟ .. وين...
وبعد غياب طويل أتيتالى هنا J ...يعني شسوي مشاغل الحياه ورمضان << ومنو سألكِ .. كف
فكره الموضوع جتني من كتيـر برامج أُشاهدها , وحركت شي فيه
لهيك قلت لازمأكتب شي<< اندفعت
ها صح وكمان العيد قرررب ..شو مستعدينللعيديه ^^
وصيه للأهل:تره العيديه مو بس للصغار للكبار كمان*~*
ندخل بالموضوع؟ احسن من الثرثره تبعي ^^
تعرفوا انا فيّ احيان كثيره .. افكــربيني وبين نفسي << شو دخلكم بيني وبين نفسي ليش تحشروا أنوفكم
لا لا جد يعني أقوللوكنت انولدت بزمن الرسول مو أحسن من هذا الزمن الغدّار
بعدين ارجع وأقول الحمدللهعلى كال حال
وبعدين افكر وأتذكرالخطبه الأخيره للرسول (صلى الله عليه وسلّم) : ] بكى الرسول اثناء رجوعه مع بعض
الصحابه , قالوا مايبكيك يا رسول الله؟ قال : اشتقت الي أخواني
قالوا : أولسنا إخوانك يا رسول الله ؟ قال : لا
أنتم أصحابي ، أماإخواني فقوم يأتون من بعدي يؤمنون بي ولم يروني .
شوفوا بيتكلم عنّا ,الرسول ايسمينا أخوانه ونحن ضيعّنا رسالته, وصاياه , اخلاق الاسلام
كل شيء تقريباً .. ياأخواني بل يا أخوان رسول الله , هل يعجبكم حاله العرب والاأسلام هآي
الأيام .. الأطفال بيموتوا.. النساء بتبكي .. والرجال قاعدين وما يعملوا شي .. والشباب صار همه الوحيد
الفيس بوك , يعني صار حالنا بين الاكل والشرب والنومومنسوي اي شيءأطلاقاً
أهذه الحياه التي نريدها ..بل أهذه الحياه التي وصانا بها الرسول محمد ( صلى الله عليه وسلّم)
بعد كل اليد نشوفه بسوريا, العراق , اليمن , فلسطين ... اتوقع معظم الدول العربيه
حالتها حال .. اطفال بريئين مالهم اي ذنب ايموتون
تسأل حالك ليش ؟ لان الشباب والرجال قاعدين ومنسوي
شي حته لو شي بسيط
ابسط شي احنا برمضان وبالعشر الأواخر.. الي بيها ليله خير من الف شهر
فدعوه من القلب قد تكون كافيه .. مساعده الفقراء الي بلدك حته تنهض بلادنا العربيه
بلد وره بلد ... تخيلوا معايه يا طيبين .. راح اجيب المثل على كره قدم
مثلاً مثلاً .. انت وأخوك دا ئما تتنافسوا مع بعض ... فديوم أجه جيراكم ولعب ضدكم
شوفوا هسه وركزوا معاي .. هسه شصار ..؟؟ سألتوا حالكم ؟؟
انت وأخوك مو توحدتو ضد ولد الجيران .. ونفس الشي ... بعدين ولد الحي
وبعدين المنطقه,وبعدين المحافظه, وبعدين البلد كله ضد بلد , وبعدين الدول العربيه ضد ما أعرف منو ^^
نفس الشي الحياه.. واحد لو يفكر بس شوي .. لحد الأن أكو كم دوله عربيه تتنافس مع دوله اخرى
عمود شنو ؟؟ عمود الشيالي ايسموه مصالح ...
هههههـ شي بيضحك ـهههههه اسفه بس عن جد حالتنا بتضحك
تشبه اخ دينصب ويحتال على أخوه وعايف الأعداء يتفرحون علينا ...وفرحانين ومحد قدهم
يعني لو بس انفكر ونشغل عقولنا شوي << احنا بعطله حرام عليج ^^
لعرفنا منو , عدونا ومنو ,دمرنا ومنو خله هآي الفتنه بين الدول العربيه , لا بين البلد الواحد
والله حرام انفرحهم بينا ..احنا العرب, المسلمون , الي كنا بيوم من الايام دوله ينشاللها الف حساب
اليوم صار هيك حالنا الأخوه الي بلد واحد ناس تكره ناس , وناس مطايقه ناس
نسوا أن هم عايشين على أرض وحده ..وربهم واحد
ياللأسف على حالنا أطفال بالملاين بيموتوا بطرائق وحشيه .. وأتمنى تذكروا الأيه
الي نزلت علينا أحنا العرب , وبلغتنا العربيه .. و الله شرفنا بالغه العربيه
حته نعرف قيمتنا.. بسم الله الرحمن الرحيم : (( كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ
وَتَنْهَوْنَ عَنِ الْمُنكَرِ ))
أحب أقول أحنا أمه عظيمه .. ولو حطينا ايد بأيد نقدر انسوي شي بعون الله
بس لو الواحد يطهر قلبه منالكره والحقد .. ويغار شوي على حالنا يا أهل الغيره اتحلركوا
فكروا شوي وسوّا اي شي حته يصحى الناس ..
من نومهم طولوا كتير يا للأسف .. اتمنى كل واحد يبكي على حالنا وعلى الاطفال الي
بيموتوا .. وما ينسه الدعاء.. وشوفوا أحنا أخوه الرسول .. ولو كنا عايشين بزمنه
كان صار اسمنا أصحابه ..و ألأخ اقرب شي .. يعني احنا أقرب شي للرسول ( صلى الله عليه وسلّم)
لهيك لازم انكون اقرب شي لأخلاقه .. ووصاياه .. مو مثل حالتنا هسه فنحن ابعد شي عن هذ ا
هذا ما خطر ببالي فأن أصبت فمن الله... و أناخطأت فمن نفسي
وأحب اشكر zeez10119 على تصميمه الطقم الأكثر من رائع ...
والسلام وعليكم ورحمه الله وبركاته
