راح ارجع اشوف الموضوع الرائع هذا+ يثبت


.

.

.

.
و عليكم السلام و رحمة الله و بركاته

الحمد لله بخير و طيبين و أنتي أحوالك؟

أول موضوع بسم الله ما شاء الله لو تشوفي أول موضوع ليه يخرع

كل زاوية و ركن الله أحب الي دايماً يشتغلوا فردي

تشبهيني من كل زاويه

المانجا باين من أسمها كيوت بس لا ما ينفع أنا حساسه مره مني ناويه الصراحه أقعد أقرأو أبكي

تصنيفها "مأساة" ليش كذا طيب يكفي حياتنا نجي نقرأ مانجا مأساة الله يعين

إسم المانجاكا "إيتشيجو" بليتش و حتى "تاكانو" سمعته في أنمي الله يستر عليه

فكرة المانجا جميلة و مثيره للإهتمام شكلي راح أقرئها و أجهز علبة مناديل جمبي الله يعين

أنا نفسي أتسآئل ناهو المستقبليه أيش تبغى تغير من الماضي هذا زاد اهتمامي في قرآئة القصة..

رسم المانجاكا حسيته عادي جداً و مافيه شيء مبتكر بس يعتبر جميل مع أنه نوعية رسمه موجوده و أكثر من مانجاكا يستخدموها.."



نآهو أحسها شخص جميل رسمها عادي ما حسيت شيء مميز إلا شعرها كيوت مره



كاكيرو عادي جداً شفت رمسه نفسه بالزبط في مانجا من قبل ما حسيت أنه شخصية مناسبة لقصة يعني مهو مرسوم بإبتكار أو تميُز عشان لمن أحد يشوفه على طول يتذكر مانجا آورانج..



سوا شخصيه كيوت ما فيها شيء



أزوسا شخصيتها شفتها في مانجات كثيراً و تقريباً الرسم نفسه بس الحواجب مختلفه



تاكاكو شكلها عادي بس باين من شكلها أنها شخص قوي بس رسمها شفته قبل كذا..



ساكو كيوووت حتى نظارته عجبتني حسيته شخصيه مميزه أحلى من الولد الشخصيه الرئيسيه

تعليقي عن رسم المانجاكا / أحسها جابت مجموعه متنوعه من الأشخاص يعني من جميع الشرائح مثل ما نقول : الخجوله-الهادي-المشهور-المضحكه-القويه-المُغفل .. مجموعه جميله مع أنه القصه حلوه بس الرسم حسيته مكرر بس جيد مافيه اي عيب

الآيكونز و الصور جمييييييله أكثر ما أعجبني و أن شاء الله أستخدمها




.

.


اللإقتباسات قشعرني هذا لأني توقعته...

حسيت أبغا أبكي يا جماعه لسع ما بدأتها المانجا = ="

بس و أنا أقرأ التقرير قعدت أقول هل ممكن كان كاكيرو راح يموت و قدرت تنقذه بسبب رساله مستقبليه؟! ذكيه صح

أنا شيرلوكة العصر الحالي لا أحد تفوق علي < ترى إستهبال = ="

أشوف رأيك و راح أرد عليه بس مدري كيف راح أتجواب معاه لأني ما قرات المانجا

كئيب و حماس ما يركبوا بس بما أنك قلتيها أتوقع عشتيهم = ="



شكلوا صداقتهم قويه و جميله حسيت من الصوره الي فوق هذي ^

أنا كمان ما أحب الشوجو, بما أنها استدرجتك لا شكلها راح تعجبني أنا الشوجو يجيب لي المرض أحسه كله ألوان و فرح و حُب بزياده بس بما أنك قلتي كذا يبغالي أشوفها

كل شخص و رأيه بس مدري كم راح أعطيها لو قراتها

خلصت الموضوع حبيت أقول الطقم جمييل بمعنى الكلمة رايق و هادي و في نفس الوقت جميل و جذاب عجبني جداً جداً حتى البنر جميل

أنتظر اعمالك القادمة بإذن الله و متحمستلها أكيد و ما فرحني إلا أنك جيتي قسمنا أول شيء و حطيتي قنبله إبداعيه

إن شاء الله يكون ردي على قد مجهودك الرائع و الإبداعي و ما أكون قصرت في حقك ولا ظلمتك في شيء

في أمان الله

لونا~