نعم الكنز برافتل , واللحية لو قبل بالعرض كان حصل الكنز ولقب بالملك بعد موت روجر , ولكن اللحية رفض بحجة إن حلمه هو تكوين عائلة وما يهتم بأي شيء غير العائلة , واللحية قالها بصريح العبارة إنه مو مهتم بالكنز أو باللقب وبنفس الوقت روجر كان يضحك ويقول " سموني ملك القراصنة " وكأنه مستغرب من اللقب اللي أطلق عليه ,

اللبس اللي عند الغالبية يحسب إنه لقب ملك القراصنة يدل على إنه يطلق على أقوى شخص أو الشخص اللي يهزم اليونكو والأدميرال , طيب نمشي حبة حبة ونمسك أول إفتراض إن لقب ملك القراصنة يطلق على أقوى شخص موجود , لو نرجع بالزمن ورا شوي إلى ما قبل السنتين أقوى شخص بالعالم كان إيدورد ( اللحية البيضاء ) وما كان لقبه ملك القراصنة على إنه أودا صرح بإنه أقوى شخص بالعالم على لسان سينجوكو ومع ذلك لقب ملك القراصنة ما زال لروجر , طيب نرجع للوقت الحالي بالمانجا بعد السنتين أودا صرح على لسان لاو في بانك هازارد إن كايدو أقوى مخلوق بالعالم وصرح مره ثانية بنفسه بلحظة ظهورة إن كايدو أقوى مخلوق بالعالم فمن باب أولى بأن يطلق لقب ملك القراصنة على كايدو ومع ذلك ما لُقب بملك القراصنة واللقب مازال لروجر , فبكذا الإحتمال الأول تم إنفاؤه وإبطالة أي إن لقب ملك القراصنة ما يعطى لأقوى شخص فقط ,

الحين نجي للنقطة الثانية لقب ملك القراصنة يطلق على الشخص اللي قدر يهزم اليونكو والأدميرالات أي بمعنى آخر شخص يفوق بقوته جميع اليونكو والأدميرالات أي شخص ما عنده منافس نهائيًا , روجر ما قدر يفوز على جارب و اللحية و شاكي يعني روجر مساوي لقوتهم بحكم إن قتالاتهم كلها ما إنتهت بهزيمة أي طرف فيهم يعني روجر ما كان الرجل القوي اللي ما فيه أحد بمستواه ومع ذلك لُقب بملك القراصنة يعني النقطة الثانية تم نفيها أيضًا ,

نجي للنقطة الثالث بأرك سكايبيا طلع لنا شخصية نورلاند للي ما لاحظ ودقق بكلام أودا لما تكلم عن الشخصية قال إن نورلاند لف الجراند لاين كامل يعني لف الريد لاين والعالم الجديد ثلاث مرات ! ومع ذلك ما لُقب بملك القراصنة على إن روجر لفه مرة وحدة بس ولُقب بملك القراصنة فكيف كذا ؟
وزيرف الساف الحمراء لف الجراند لاين كامل برضوا ومع ذلك ما لُقب بملك القراصنة !

الحين نجي ونشوف النقاط الثلاث اللي قبل ونشوف وش الأحجية المفقودة فيها , القوة لا بد تكون قوي ومو شرط تكون الأقوى أو تهزم اليونكو والأدميرالات وبرضوا مو شرط تلف الجراند لاين وتطلع منه علشان تلقب بملك القراصنة , بس الشيء الوحيد اللي سواه روجر وما سواه نورلاند ولا زيرف هو الوصول إلى جزيرة رافتل , كل القراصنة اللي عبروا الجراند لاين وطلعوا ما قدروا يوصلون لجزيرة رافتل وهنا تكتمل الأحجية , أي لقب ملك القراصنة يُعطى للقرصان اللي لف الجراند لاين بشكل كامل ووصل إلى جزيرة النهاية أو جزيرة الحقيقة وهي جزيرة رافتل