أسمحلي أرد عليك وأقول


ياأخي لاتدور للذي اصبح حطام
الندم صعبه يفيدك,, والذي قد فات فات

الحسايف ماتفيد ورجعة الماضي حرام
والعوض ممكن يصير بالف واجمل ذكريات

انسى شي صار ماضي,,قول عالماضي سلام
يخلق الخالق مثلها ياأخــي بالمئات

ادري انك من بعدها عاجز ٍ حتى تنام
تفتكر يصعب تلاقي غيرها بعد الشتات

لاوربي ..ياأخــي غيرها بين الانام
لو تفكر في غلاها ,,,ناقص ٍ فيها صفات

ناقصه والكامل الله,,والوفاء ماهو كلام
لايغرك هرجها ,,حسنها هو والسمات

قد تخونك لو بغت ولو بغت قالت :حرام
ولو بغت تتركك وحدك . نكرت اجمل معطيات

ماهي اول من يروح ولا انت آخر شخص هام
ماهي اول من يخون في ليالي مظلمات

ياأخي ليه تحزن ,,تحسب الدنيا ظلام
ليه ترجع والوسع موجود في كل الجهات

بانصحك تنسى هواهاوامسح دموع الغرام
وابتدي صفحه يديده في الليالي المقبلات

عسى تلاقي بنت توفي بالفعل , لا بالكلام
عارفه معنى المحبه , قايمه بالواجبات

طايعه للي خلقها ماتحدك عالخصام
خاضعه لامرك وشورك,,غير عن كل البنات