؛

السلام عليكم ...~

اول ما شوفت بنر الموضوع بملفي حكيت بعئلي " وبعدين مع مزعجين المواضيع " بس لما قرأت العنوان على البنر وهو نقاش الاسبوع حكيت بعئلي " مستحيل يكون في قسم النقاش " وانكسفت وطلع الموضوع جد جد بقسم النقاش ؛ فا عنجد شكرا إلكم لهيك موضوع ؛ ويعطيكم العافية ..~

؛

نيجي للموضوع :~

مدخل .~

لما يموت الضمير في بعض الامور بكون السبب ليمحي الغباش عن العيون ويخلي العقل اللي يتحكم مش المشاعر والاحاسيس والقرابة ..~

؛

واهلن والف اهلن فيكي وفي كل اللي شاركوا بطرح هدا الموضوع .
صح الضمير هو صوت ربنا جوانا .. بس النفس آماره بالسوء !
صح اصحاب القلوب البيضة هما انقرضوا زمان .. يمكن ضل كم واحد اللي لما اصدفهم بحياتي احكي " لسا الدنيا بخير يا حبيبي "
انسان بلا ضمير هو انا ببعض الاوقات ..

؛

بعدين تعالوا شوي .. هلأ لما تكون بموقف وتفكر تعمل الصح ولا الغلط ؟ انت هان بتفكر مش بتخلي ضميرك يفكر ؟؟ لان لو بدك تخلي ضميرك راح يتعاطف مع الموقف .. واتخيل ان الموقف قاسي وان الموقف صعب وانك مع اعداء .. بدك تخليلي ضميرك اللي يقرر ؟ عن حالي لأ .


؛

✓ - هل تعرف ماهية ضمير الانسسان !؟

الضمير عندي ببعض المواقف هو احساس .. هو بخليك تضعف .. وهو بخليك تقرر تحفر الحفرة التانية اللي راح توقع فيها ... وبعدين عندي الضمير ما بيمنعني من ارتكاب الغلط هو بس بخليني ما استمتع بالغلط اللي انا برتكبه .. انت لما تكون بترتكب بالغلط وضميرك بحكي " لأ بينفعش" ما منعك ؛ هو بس بنكد عليك ؛ فا عالجهتين لا استمتعت بالغلط ولا وقفت الغلط ..~
تحكيلي لازم الواحد يستمعتع بالغلط ؟ مهو يا بتعمله يا بتعملهوش

غير انه كمان الضمير هو الندم ؛ فا ايش بنستفيد من الندم ؟ برجّع اللي صار ؟ بخترع آلة الزمن ؟ بفجر الدنيا ؟ لأ ! ما عليك الا الرضى بالغلط اللي اغلطته .. خلص اغلطت وانتهينا ...

وغير انه الندم بمرّض فا هون صار الضمير غلط وجوده ..~

؛


✓ - وهل الضمير شيء مخلوق ام مكتسسب !؟

مخلوق ؛ كلنا انخلقنا باحسن تقويم .. ومكتسب من الظروف ... وممكن بكون اعمى ولما نكبر بفتح بس بفتح على قسوة ..~


؛

✓ - وهل الضمير يقتصر على الانسسان وحسسب !!؟

معمريش شوفت حيوان اكل فريسته وئعد يعيط عليها ! بس مرات الهرر لما كانوا يخرمشوني وتكون قوية اطلّع عليهم يعرفوا انهم عملوا اشي غلط ... بس هدا اشي ما منعهم من انهم يعلموه كمان مره .. يمكن لانهم حيوانات بتفهمش ..~

فا اظن ان الضمير يقتصر على الانسان وقلة من الناس كمان .

؛

✓ - أتخلى عن ضميري ! هل يمكنكَ فعلُ هذاآ حقاً ! لمآذا ؟

أجل أجل .. نعم نعم .. بديش اتوجع كمان مره .. بدي احس باللذة من انتقامي .. بدي استمتعت فيهم زي ما استمتعوا مني .. فضول ..~


؛

✓ - هل تعلم ما هي النتائج المترتبة على ذلك !؟

المترتبة على شو ؟ على فش ضمير ؟ ولا على وجوده للضمير؟

على فش ضمير .. بصراحة عن حالي اترتبت عوامل قسوة ئلبي .. الدنيا ما بتهمني ومحدش بهمني .. الامبالاة والبروده .. المتعة بس من شغلات بعدم وجوده للضمير اللي بتحكوا عنه ! فش سعادة عا ئد ما ببحث عليها .. واهم اشي انا مطفية يعني لو ما اشوف لو شو ما يكون معي لو شو ما صار .. بأثرش على احاسيسي ومن جوا بقصد ..~


على وحوده .. يمكن الامل " ببكرا احلى " طب ما هدا هو اكبر غلط وهو بدهم بكرا احلى عاساس مخلدّين بالدنيا ..~

؛

✓ - ماذا يحدث حين يموت الضمير !؟

حكيت عن حالي بسؤالي اللي قبل قبله .. بعرفش عن الناس لما يموت ضميرهم ايش بصير ؟ هلا بنعرف لما يموت الوحد بصير زومبي وبعدها روح .. بس موت الضمير بعرفش ... ما اخترعوا اشي في الافلام ..~


؛

مين حكى ما بواجها بحياتي .. يعني بعمل الغلط وبحكي محدش شايف .. طب الله شايف ! وهو اد بعمله بكون لان الناس هي اللي بلشت في الاول مش من حالي ..~

جوابت بكل صراحة لدرجة اني لما قرأت اضحكت على اجوبتي انه لهدرجة اكون صريحة ؟

بالزبط بالزبط بدناش انيتم الموضوع وبعدها انحوله لزومبي .. وعندها لروح تنتقم منك واطاردك .. دير بالك ..

؛

مخرج ..~

بحبش الحمام الابيض بحسه رومنسي وبكره الرومنسية .. اكيد بعشق الغراب وعندي كم صاحب بالحارة بحب اطعميهم .. اعترف انا وحش بس وحش حلو .. انسانية مين يا بنت الحلال هو لسا بنحكي عن الانسانية وانا بناكل وبنام وغيرنا الله يكون بعونهم ..~

مات مات ضميري ..


؛

كتير كتير كانت خطوة حلوة من كل العاملين على هدا الموضوع .. جد هدا موضوع رهيب .. وفكرته حلوه . واول نقاش رائع .. الموضوع فش عليه ولا اي ذرة غلط .. من التصميم والوان التصميم .. لا الكلام وخاصة المدخل والمخرج .. وحتى مش طويل .. فا يعني برافوا عليكم كلكم

وجزاكم الله كل خير ويعطيكم الف الف عافية .. وشكراً ..~