السلام عليكم ..~



فلم وثائقي رعب انتاج 2018

مش كتير متابعه للكصص الوثائقيه تبعت كلشي ما وراء الطبيعه بس المنتج اللي هو نفسه الكاتب والمخرج (زاك) , وطيفته هي بتابع كصص ما وراء الطبيعه وبعمل برامج عنها واغلب الناس ما بتحبه , بعيد عن شو اغلب الناس بتحكي , بالنسبه الي كان فلم منيح مش سيء , ومش تضيع وكت زي اغلب افلام الرعب حتى لو كلها هبل وتمثيل ..~

|



الفلم بحكي عن بيت مسكون , وكل حد بيدخله بتصيبه مصايب بحياته كأن البيت ملعون , زاك بيحاول يعرف اد عنجد البيت مسكون . وبحاول يقابل الناس اللي كانت ساكنه بالبيت , او الناس اللي اتعاملت مع اصحاب البيت , ويسمع كصص ويجمّع معلومات , وبحاول لابعد حد انه يعرف شو سبب اللعنه بالبيت ومين السبب ..~


|



على قولته انه حلم بالشيطان اللي راسه غنمه , قبل ما يشتري البيت بيوم ..~

|



اغلب الكصص بتصير بالطابق الارضي وخاصه تحت الدرج , بسمعوا صوت نبح كلاب , وبتغيروا من نفسياتهم بانهم بيصيروا عدوانين ..~

|





حسب كلام الشُهاد انو الاولاد الصغار هم اكتر من اتأثروا باللعنه وشافوا بعيونهم ..~

|



بعد ما حد من الطاقم اللي بيشتغل مع زاك انه اتغيرت نفسيته , وهدا هو الاشي اللي خلى زاك انه يغامر ويحشر حاله بالبيت المسكون , حتى انه يسجن حاله فيه بالليل , وعلى قولته كمان انه خسر عيونه بانهم مرضوا ولازم يلبس نظارات سمرا ..~
|




مفش كتير صور من مره عن الفلم , بس عن حالي كان فلم ممتع مش بشع , فلم وثائقي مرتب بالنسبه لصنفه , انهم بشدوا الواحد باللقطات وبالكلام حتى لو انه كدب وهبل , بس ما عجبتني شخصيه زاك , وعجني نهايته , ومع هيك ما وصلوا لسبب لعنه البيت .~

بعطيه 7 .