وعليكم السلام ورحمه الله وبركاته.
-
-
ويااخر ايام رمضان الله يجعل كل ايامه خير يارب ويعيده علينا بكل خير وﻻنفقد عزيز
ويارب تتحقق كل امنيات من طلب وتمنى بالليالي القدر بعد صلاة وتلاوة القران
-
اجاوب علاسئلة .
-بصراحه جان احلى من رمضان هاي السنه . خاصه بايام اﻻخيرة احس بضيج والله يفرجها يارب.
-شهر عباده والتزام بصلاة والصوم والصوم موبس نوكف اكل وشرب ﻻ بس صوم عن كلشي مثل اللسان.
-ينظفون كلوبهم من الحقد والكره والحسد كبل كلشي ثاني.
-ايه حيل .
-ايه هواية من عاداتي اغيرها واغير عن الروتين الي اناعايشه بيه طول السنه.
اصلا حياتي كلها روتين
وشهر رمضان فرصه لالي للتغيير للاحسن باذن الله.
-
-تفاصيل يومي هاي .
اممممم صحيت الساعه 1 الظهر ^^" تغسلت وصليت وقريت قران . بعدها كمت وساويت اشياء بسيطه بالبيت.
مثلا ابوي موصيني اسقي الزرع الخارجي واكوي ملابس شغله.
وعلى الساعه اربع العصر فتحت التلفزيون شفت مسلسل احبه ^^"
وعلى الخمسه العصر نزلت للمطبخ ويازوجه ابوي واختي زينب وساوينا الفطور .وعلى ال 7 اجى ابوي من الشغل رحت له وعطيته
هدوم يغير وشغلنا التلفزيون على القران .
وعلى الساعه 7
5 دقيقه ضرب مدفع اﻻفطار واﻻذان شربنا ماي واكلت تمرة وحدة
وكعدنا على السفرة واكلنا الحمدلله . بعدها رحت المطبخ على الجاي اسويه
شربنا وغسلت المواعين ونظفت المطبخ
صليت وغسلت وكملت كلشي .
وعلى التسعه فتحت النت على المنتدى .
وخلص لهنا
والباقي روتين بين سبح وصلاة وانام شويات قبل السحور وعلى الساعه ال 2 اسوي
سحور واصحي البيت عالسحور نتسحر وصلاة وننام .
وبس
-
-اتابع عفاريت عدلي علام. ورامز. وحلاوة الدنيا .
-ﻻابد بالعكس اصير ابرد من الايام العاديه ^^.
-اي بلايام العاديه انااسمع اغاني بس بشهر رمضان بطلت هاي العادة ^^
-اكثر شي عباده وصلاة ونتجمع على السفرة الرمضانيه ونتعاون بالبيت على الفطور والسحور وشغل البيت .
-اتمنى كل سنه يكون رمضان احلى من القبله. وتنتهي كل المشاكل والله يفرجها على كل مهموم ومكروب يارب